龍泉私房菜

一早訂咗房，揀咗個$708豪華海鮮餐，早一日confirm人數，回覆快。食飯當晚去到，環境就一般，一定唔係啲大商場嗰種裝修，但啲錢就係用咗喺食物度。去到上菜： 象拔蚌刺身，一兜花膠翅，龍蝦伊面，椒鹽瀨尿蝦，一盤鮑魚花膠海參冬菇，一條檸檬汁煮魚，蛋白蒸奄仔蟹，瑤柱汁時蔬，炒飯，同甜品木瓜鮮奶燉燕窩（唔記得有無打漏）。唔續樣菜寫了，因為每一樣都煮得好有水準，係個炒飯可以乾身少少啫。量方面亦好足，幾本上食到奄仔蟹嗰時已經有啲飽，最後仲要打包少少。可以咁講，去招呼親友同事，有啲乜嘢升職，聚舊，咁嘅菜色一定唔失禮。佢喺觀塘工業區租個舖位而唔係喺啲大商場，慳咗啲錢就係喺食物度。值得推薦！…查看更多

味道十分好 食得出無味精 食完唔會覺得好口渴 食咗8道餸 1碗翅 超級飽 有魚蝦蟹 鮑魚 元貝 山珍海味 雞 非常抵食 鍾意食海鮮既話十分推薦 而且上菜速度剛好 食完一兩道再上 值得一試花雕蛋白蒸蟹 好特別 好食 同蟹好夾 底下既蛋白好嫩 仲食到少少酒味 好有特色 蒸元貝非常大粒新鮮 炸芝麻雞同黃金蝦球拼芋蓉多士都好好食 啱曬鐘意食香口嘢既人🤤仲有房 非常有私人空間 適合家庭聚餐或者朋友聚餐😋👍🏻…查看更多

今年公司開年飯局選擇中菜，相聚龍泉私房菜，按人頭收費，份量好足兼太份，海鮮新鮮，捧肚而歸，氣氛非常熱鬧，全場好多客．重點菜色，芝麻雞皮脆肉滑，雞味香濃，特色之一，元貝新鮮好太隻，芋蓉多士香味可口，蝦非常惹味，原隻鮑魚扣山珍海味份量好足，味道好濃，花雕蛋白蒸蟹加錢提升了長腳蟹，非常鮮味，清蒸海斑好大條，火喉把握得剛剛好，肉質鮮滑，整體效果非常出色，每人只須$ 348可以食到如此豐盛的菜，下次相聚一定再來幫襯，記得提早預約…查看更多

海鮮不夠新鮮，鮑魚及聖子有沙。所謂升級的瀨尿蝦是凍食，味道一般。龍蝦伊麵似急凍龍蝦肉。鮮奶燕窩有如壽星公煉奶開水的味道。不值這個價錢。如要嘗試，必須問清楚烹調方式，以免與期望有落差。…查看更多

國慶放假，相聚龍泉私房菜慶生，提早預訂了廂房，近觀塘地鐵站不足5分鐘可到，地點方便，食物大份，海鮮新鮮兼好味，師傅用心制作，侍應服務態度好，環境乾淨企理，值得再黎。花旗參燉竹絲雞：湯料好足，無味精，湯甘香可口金銀蒜粉絲蒸蝦：蝦好大隻爽口新鮮，蒜蓉好香，時間蒸得啱啱好，好味😋彩椒炒聖子皇：肉好厚，炒得爽，彩椒洋蔥都食晒炒蟹升級了清蒸松葉蟹，大大一隻蟹，肉質好實，鮮客家黃酒炆鴨我哋加$換了招牌芝麻雞，雞肉好滑，皮脆，好味秘制蒙古骨：特色每人一塊，椒鹽好香口。清蒸海斑：新鮮大條，肉質好滑瑤柱扒時蔬：菜芯嫩得來好甜，好多瑤柱，滿足的一餐…查看更多

食物還可，但服務不達標當晚去到有2間房有食客，係好少人。我地提早訂左D餐，有兩個湯揀嘅，訂果時冇同我confirm就變左食翅。。。果刻O左咀，私房菜要同客人講清楚會食啲咩架嘛，蝦多士又變左龍蝦，話係upgrade, 好彩check番唔駛加錢，野食好食嘅，唔駛收開瓶費。staff到最後有啲黑面想趕收工要我地走，呢個我唔ok. 因為嚟得私房菜，計哂人頭費係唔應該限住啲客係咁暗示要人走，感覺唔好受，而且房入面有小強有啲驚，唔會食第二次…查看更多

想同朋友傾計又想食好嘢，食私房菜就最啱。鄰近觀塘地鐵站樓上中菜，如果吾係同事介紹都吾知呢度有間餐廳，私隱度極高，有多間獨立房位，可以放開懷抱高談闊論，今晚三五知己聚在一起。首次揀咗招牌套餐龍蝦燕窩海鮮餐$ 438/位🥢生拆蟹肉扒金山勾翅或花膠海參燉螺頭湯訂座時預先選擇了螺頭湯，湯料好足，真材實料，食得出無落味精，飲過之後一的都吾覺口乾🥢金銀蒜粉絲蒸元貝，今日元貝吾新鮮買咗聖子皇俾我哋，好大一隻爽口，新鮮兼好味，睇得出老板都係揀最新鮮的實材。🥢芝麻雞，超好味，皮脆好香，肉質好滑，還想再食，留肚下次再食🥢芝士龍蝦伊麵，睇得又食得係澳洲龍蝦，肉質爽口，味道好鮮，芝士味好濃🥢原隻鮑魚扣山珍海味，好似佛跳牆，味道好好，料好足🥢美極蝦拼芋蓉多士，蝦好大隻兼新鮮，芋蓉多士好特別，香脆🥢清蒸游水東星斑，新鮮兼大條，火喉控制得啱啱好，鮮我哋6點半到，吾夠8點已出齊餸，上菜速度好快，食完我哋吹水到10點先走，下次會帶多啲朋友試吓其他餐…查看更多

第一次去食私房菜，必須訂位時揀埋menu，好讓廚師用新鮮的食材為你度身訂造屬於你的menu,睇到衰食評，搞到我三心兩意，後面還是相信朋友的口啤，來了就沒有後悔，值得再嚟我哋選咗E套餐訂座時預先選擇翅或湯二選一，環保吾食翅的我哋選擇花膠海參燉螺頭湯，十足老火湯，湯料好足，湯好鮮味比骨碟還大隻的元貝，肉質好厚，鮮芝士龍蝦，以上係10人份量好大碟，肉質好彈牙，伊麵底拌芝士汁好好味好特別的芋蓉多士，皮脆餡香，可惜每人只得一塊，美極蝦也特大隻好爽口天下第一雞即係芝麻雞，人生還是第一次食到如此好味的雞，皮脆肉滑，雞味好香，無敵贊👍 原隻鮑魚扣山珍海味，份量十足，而且味道扣得好好，食到此個個都九分飽了清蒸東星斑，10人份量有2斤多一條，時間蒸得啱啱好，肉質好滑新鮮，努力乾完瑤柱扒菜心，菜好嫰帶甜炒飯，雖然好飽，但也必須試一啖，少油飯粒分明 總結：第一次食私房菜食後感，份量多兼新鮮，價錢合理，上菜速度還好，我哋安排咗獨立房位，一邊傾偈一邊品嘗，好滿足的一餐，後來聽老板講，如果要趕時間食完早走的客要起餸時提早講…查看更多

上菜慢到 以為你咁慢有幾咁精致 仲要係垃圾 你無廚房就唔好學人開餐廳 話咩自己私房菜 我求其去間熟食中心都好過你 唔識開餐廳就咪學人開啦 你自己蝕錢唔緊要呀 你咪累啲食客呀嘛！！!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!…查看更多

睇食評有好有衰，但朋友係12/23食過好味，推介我地去食，咁我拉咗家人去試下。當晚我地5:45pm到達，但人地未營業，員工食飯中，我地只好係門口罰企。踏正6pm，我地才衝入去，估5到係叫我地7條入廳房坐。我地叫咗”商務套餐” (每位＄318加一)，有7餸1翅1飯。諗住星期日會多人食，但只得7-8枱客，全部都入廳房坐，所以大廳係吉既～係威係勢先上咗1翅1餸後，我地就開始食法國菜既模式。。。。開始等。。。好。。。耐。。。。才。。。上。。。一。。。碟。。。坦白講，我覺得私房菜係上菜快，等你地快走。可能當晚無乜客，你急佢5急。但要等半粒鐘才上第3道菜，食完又要等20-30分鐘再上第4道菜，直至最後3樣食材才可以10分鐘內連住上菜。真係呆坐到涷和眼瞓。。。睇住不停斷信號既電視節目，由雲岡佛像睇到中年好聲音，大家也由不停吹水變成呆滯。雖然食 buffet都係幾粒鐘，但係可以不停有嘢食，跟我等食既情況真係兩碼子。。。。。我不停倒數仲有幾多道菜未上。。。講返服務態度，係ok。雖然佢地上菜慢，但態度都好，有問有答，語氣溫和。講食物質素，有出色有5掂：1. 雞燉翅(5/10分)：翅係好大梳，仲有一梳侍應阿姐弄跌在枱面，蝕！但雞味無乜，失色。。。2. 蝦多士(2/10分)：5掂！d 油完全鎖係麵包里，所以一咬就油份全部溢出來。。。。3. 花雕蛋白蒸長腳蟹(10/10分)：本來係避風塘炒蟹，但等咗30分鐘，我地出去催過。之後，阿姐拎呢碟蛋白蟹入來，講升級俾我地。哈。。。其實我見到左右廳房遲過我地黎既客，都仍食呢個，我估廚師一齊整，無時間再開鑊炒蟹。不過，係整到幾好食，呢30分鐘等待都值得4. 崩沙腩(10/10分)：好搞笑佢嗰碟底放咗蠟燭，應該係點著保溫，但佢無點火就上枱。5緊要，因為吃完蟹後又等咗20分鐘，大家都餓，所以一上菜就立馬起筷。腩係腍又入味，餸汁好味，正5. 酥炸生蠔(10/10分)：呢個都得，粉漿薄又炸得鬆化。蠔本身大隻又 juicy，讚🤤6. 咕嚕肉(4/10分)：賣相靚，可是沾粉厚咗，又炸得過火，所以有d實:(7. 蒸海斑(8/10分)：本來係雲腿玉樹蒸海斑。。。但上枱，只係得豉油，腿5見、玉樹也5知去咗邊。不過，我地5理。。。有餸上枱已感恩，都係斑，只係5同煮法，算吧。。。條斑係蒸得恰到好處，d肉係滑。不過，佢地用咸豉油，5係用甜豉油，所以扣分😅8. 瑤柱扒時蔬(6/10分)：瑤柱菜芯，賣相失色，調味ok。可是。。。芡汁形成一嚿嚿膠狀，5太掂9. 飄香炒飯(8/10分)：飯粒分明，還可以~飯後甜品係。。。冰涷甜橙😂…查看更多

今年牛一去試咗朋友早推介的呢間私房菜，菜色主打海鮮，新鮮兼低食，剛好遇上冬至，好彩早預訂咗位，當晚好多客，上菜速度好快，第一味蟹肉翅第一次食咁大梳的翅，湯底好鮮，份量好足蒜蓉粉絲蒸元貝，好大一隻兼蒜容味好香花雕蛋白蒸長腳蟹，我哋加$升級的，5斤多一隻，肉質好鮮散發花雕的香味，這種食法值得推介芝麻雞，皮脆香口，肉質好滑回味芋蓉多士，芋容好香多士好脆，美極蝦大隻新鮮原隻鮑魚扣山珍海味，份量好足清蒸東星斑，肉質好滑豉油好好味總結，值得一試還有下次…查看更多

今次踏足咗官塘嗰間人氣私房菜，死黨推介話呢度嘅家常菜色香味俱佳，真係令人心思思。一入門口，懷舊感覺湧上心頭，環境得意，員工服務態度又走晒溫暖路線。頭盤推介鴨舌同雞軟骨配酒真係冇得輸。特別係鴨舌，入口即軟即化，滋味鮮美，啖啖肉感大滿足。雞軟骨則咸香酥脆，一啖接一啖，根本停唔了口。緊接嘅秘製蒙古骨，肉香突出，嚼勁十足，又保留咗豬骨髓嘅鮮味。一嚟黃酒炆鴨，美味得滯，個人非常鍾愛嗰陣甜甜嘅酒香。嚟到我等嘅高潮，蒸海斑！🐟 魚肉滑嫩，每一口都吸收咗海嘅精華，清蒸得啱啱好，真係正！至於嗰碟薑蔥炒蟹🦀，味道唔錯，但蝦就喺個人料想之中有啲韌。咁都算喇，一家人開心咁食一餐，嗰啲小瑕疵又還算啲咩事。最後，花旗參燉竹絲雞🍲 溫暖咗個胃同心凌，湯鮮燉得啱啱好。下次我一定會覆巢再黎試佢嘅招牌套餐，希望下次啲蝦可以再鮮嫩少少啦！…查看更多

冬至酒樓訂唔到枱，朋友介紹呢間私房菜冬至套餐$438+$30附加費餸菜普通，冇特別另加尿蝦皇$100 一只，肉霉冇味牛奶燕窩好像煉奶水加燕窩游水東星班，唔多覺囉美極蝦拼芋蓉蝦多士，天下第一雞和金銀蒜粉絲蒸元貝不過不失，最慘有個冇穿侍應制服的服務員，有時又做吓上菜，有時又企喺我座位後面玩手機，揮手示意想叫佢換隻碗，她可以看不見，服務態度差到一個點😡。結賬以為可以用信用卡，原來要收現金，點知又係嗰位冇穿制服的服務員（可能係太子女或自己人）又擺出一副不耐煩的樣子！真係貼錢買難受😫食過一次都唔駛有下次😡😡…查看更多

驚喜大發現蛇宴本來約家人晚飯，見到有新菜單（秋冬套餐）至愛食蛇🤭🤭太史五蛇羹（足料大滿足）上品羊脯煲（入味夠冧）椒鹽蛇碌（香口多肉）鹽焗奄仔蟹（啖啖蟹糕）紅燒蛇丸（鬆化口感）美極大蝦碌（加$改賴尿蝦）松子魚（外脆內嫩夠惹味）姜汁豆苗（嫩口冇渣）生炒臘味糯米飯（足料粒粒分明）家人都食得好開心😀嚟緊做節都會再Encore。…查看更多

喜歡飲飲食食的我，但係好少寫食評，因為今晚給我留下深刻的印象，真材實料，材料新鮮，出品之作，就連服務也好好，值得宣傳，地標觀塘地鐵站附近工廈10樓，環境乾淨整潔，中式餐館格調，有多間獨立厢房蟹肉扒翅，老火湯底，用筷子夾住來食的翅好大一梳，在外還是第一次食咁大塊的翅芝士龍蝦，啖啖肉，芝士味好香，還有好好食的伊麵底，超👍芝麻雞，皮脆肉滑，就連牙縫都還留余香，聽講係呢間招牌餸，值得一試原隻鮑魚扣山珍海味，重點係鮑魚汁好味，扣的材料好多，食得出鮮和無味精蝦拼芋蓉多士，多士好鬆脆，芋蓉好香，美極蝦好大隻和新鮮，食咗返尋味套餐之外本店推介了今期超抵食的尿蝦皇，筷子咁長，只須加$ 100每隻，好超值而且好新鮮 有好幾款套餐，價錢都好合理，最主要真材實料，材料新鮮而且店家還主打百份百無味精，食得健康…查看更多