影片
港鐵觀塘站 B2 出口, 步行約4分鐘
繼續閱讀
電話號碼
98399061
營業時間
今日營業
18:00 - 23:00
星期一至日
18:00 - 23:00
以上資料只供參考, 請與餐廳確認詳情
有關獎賞計劃
食家推介
男朋友最喜歡食牛，今次仲食得好嘴刁，搵到間可食牛不同部位的小店，佢真有研究。環境整齊企理，有九至十張四人枱，每枱都有火鍋用具，原來呢度主打一人火鍋。除了一人火鍋外，還有小食和飲品。另外見人買一包包的火鍋料回家。我地各要一人火鍋($88)，每份包有主食、麵底、湯底、五寶丸和時令菜籃。男朋友揀咗吊龍、蟹黃麵和芫荽皮蛋湯底。芫荽皮蛋湯底有好香芫荽味，仲有些皮蛋，又好飲又下火。五寶丸有石斑魚丸、牛丸、豬肉丸、蝦餅和魚皮餃，每款都好彈牙和多汁。最喜歡是蝦餅，好特別和鮮味，真材實料。時令菜籃有唐生菜、娃娃菜、粟米、蓮藕和蕃茄，全部都好新鮮，粟米仲好甜美多汁。男朋友揀了吊龍，潮叔教：它係牛肉眼，肥瘦均勻，肉味最濃，鮮美有嚼口。果然牛味香濃，色澤紅潤，涮一涮，好有嚼口，正!我的一人火鍋 ($88)就要三花趾、烏冬和芫荽皮蛋湯底。潮叔教：五花趾係牛後腿肌腱，筋肉分明，口感嫩脆，嚼勁十足。唔知五花趾和三花趾同唔同，但食落都好有牛香，口感嫩而嚼勁，好岩我。男朋友要手作金橘檸檬百果 ($18/跟餐)，而我要了手作酸梅湯($12/跟餐)，兩樣都係手作，用心! 仲用咗好得意的樽仔和貼上“Have a nice day”，見到都開心。手作金橘檸檬百果和手作酸梅湯都酸酸甜甜，前者好清新，後者濃郁，真材實料，都好飲。
繼續閱讀
潮叔所有的告別裡 最喜歡明天見一入餐廳，就俾牆上面slogan吸引左: 所有的告別裡 最喜歡明天見 好正🙌一向鍾意食牛嘅我，星期五放工就約咗mammy去觀塘食有得揀牛部位食嘅火鍋🐄睇menu發現好多唔識嘅牛部位，好彩有圖睇😂好奇心咁重嘅我就緊係揀啲唔識嘅野食啦😆今晚我地各自點左個一人火鍋🍲 $108個餐就配左有一碗蔬菜，5粒丸同埋半份牛 (+$40可以要一份完整)湯底- 粟米蘿蔔- 芫荽皮蛋牛部位方面就揀左- 匙仁 (跟餐嘅半份)- 吊龍 (+$40 全份)跟餐嘅5粒丸分別係- Juicy牛丸- 墨魚丸- 魚皮餃- 豬肉丸- 大魚蛋麵- 岀前一丁- 蟹黃麵我同mammy都認為個一人份量真係啱啱好，食完夠晒飽，又唔會太over! 每款肉都好新鮮，就因為新鮮，每片肉淥10秒就好，好嫩好Juicy🐄餐廳嘅服務都好好，雖然地方唔係話好大，每枱都坐得好舒服，中間仲有調味吧，服務員一個對幾枱都好用心，完全冇燥底過👍🏼連mammy想將凍飲轉熱，店員都好樂意，唔會嫌麻煩🙈😋值得一提嘅係，由於店面唔係話好大，所以好快就有人排隊，但係店員絕對唔會藉啲意趕客，所以客人係唔會有壓力㗎！🫡
繼續閱讀
#20240430 🤍📍 潮叔 @chillsuntrade 觀塘開源道60號駱駝漆大廈第三座4樓A1室➖➖➖➖➖➖➖➖➖➖➖➖➖➖➖➖➖#純肉套餐 $288 🥢 #蕃茄薯仔湯 💭 清到不能再清既湯😂原先以為佢係會一早滾起左個湯，點知佢係清湯再加蕃茄薯仔，不過可能係特登要整到咁清，咁樣淥啲牛先食到陣牛味～. 🥢 #菜籃 💭 個餐有兩個菜籃跟，生菜🥬蓮藕、粟米🌽蕃茄🍅萵筍同娃娃菜每樣有一舊，淨係睇舊蓮藕就知係人手切，個厚度分別好大，味道正正常常，不過每碟牛下面都會有好多椰菜墊底，唔使驚無菜食🤪. 🥢 #吊龍 #匙柄 #三花趾 #雪花 💭 如果講份量問抵唔抵食，一定會話唔抵，因為真係樣樣得少少🤏🏼但唔講份量，講肉質素既話係幾好，四款牛各有特色，論脂肪係雪花＞吊龍＞三花趾＞匙柄，官方建議既煮食時間係越多脂肪就越少時間淥🥇雪花最肥所以最少時間，佢唔係平時打邊爐啲劣質肥牛，口感似係啲滑牛彈牙滑滑地，🥈第二肥係吊龍，冇咁滑但最重牛味，食完個口啲牛味仍會殘留一段時間🥉跟住三花趾係牛既腳筋位，由於成日運動所以啲筋肉都幾勁，咬落去超爽口，同前兩者又係另一食法🎖️最瘦同要煮最耐係匙柄，食落似牛扒😅可以一次試晒四種唔同既牛平時好少可～.#蟹黃麵 $13💭 幾特別既日本麵唔係成日都有得食，時間掌握得好就好好味，其實煮45秒就食得，望落幼身似福麵，但比較有彈性煙韌超正，佢本身自帶味道，所以就算個湯清都唔緊要👍🏼.#觀塘美食 #🐷在觀塘 #🐷_食
繼續閱讀
觀塘有很多工廠大廈，隱藏很多美食。今日就同朋友放工嚟試咗下呢一間潮汕牛肉。店面清新簡約，服務員很主動咁向我們介紹食物，又溫馨提醒我們牛肉不要淥太耐。叫了一個「純肉套餐」，包菜籃和4款不同的肉，分別係吊龍（肉味濃）、匙柄（少油脂肉嫩）、三花趾(牛味重啲）和雪花牛（有啲油脂香啲）。肉品非常新鮮👍🏻本身也不諗駛唔駛再散叫啲食品，但食肉食菜飲埋個湯都夠晒飽😄湯底我哋咗蕃茄薯仔湯，加了牛肉和雜菜之後更加甜，朋友讚不絕口，話個湯好飲連啲菜都甜啲😂😋我哋又叫了店家自家製的百香果金橘，檸檬和羅漢果菊花茶，熊仔造型樽固然得意，最鍾意佢無乜添加糖，夠清甜👍🏻其實一個人叫一個「一人套餐」也不錯呀，有肉有菜有麵，一定夠飽～另外，佢都有提供網購服務，如果自己係屋企打邊爐，都可以叫下呢啲新鮮肉品回家加料😄
繼續閱讀
今日同媽咪去左觀塘駱駝漆工業大廈行街行到差唔多食晚飯時間就見到呢間食潮汕牛肉既潮叔🫢我同媽咪都係細食之人見到有一人火鍋就岩曬啦但估唔到最後竟然飽到托住走🤣一人火鍋套餐包括有一份肉類 一份五式丸一份麵 一份菜藍同一罐汽水肉類選擇有吊龍 三花趾 肥牛 匙仁 黃喉 豬板筋和牛柏葉我們選左吊龍和肥牛 我較喜歡吊龍因牛味較重 且肥瘦亦適中💕💕成份餐真係好夠飽🤣有埋份麵原來真係岩岩好😚😚大家如果行到攰要食晚飯真心可諗下🫢
繼續閱讀
您可能會有興趣的...