影片
港鐵會展站A2出口, 步行約11分鐘; 集成中心旁邊
繼續閱讀
電話號碼
25710913
開飯介紹
曾於2011年獲米芝蓮一星殊榮。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
相關文章
平日下午相約朋友，再訪留家。兩人飲茶，點了二人餐，另加點了招牌的煙熏雞和一個點心（其實二人餐的份量已很足夠，只是嘴饞想多嚐幾道菜）。是日老火湯。生熟地煲豬𦟌喜歡留家的老火湯用燉盅上，熱度非常足夠，還能邊吃飯邊慢慢喝都保持溫度。這次是生熟地湯，湯色深沈，清澈少油，入口帶些少藥材味的回甘，喝起來很順口。好奇之下問了侍應，她說這有清熱作用。蝦餃二人餐的點心可選兩款，每款兩件。蝦餃做成一口大小，皮薄而餡料新鮮。豬膶燒賣好澎湃的豬膶！豬膶燒賣這道傳統點心不常見，留家的絕對能滿足愛好此道之人，皆因豬膶份量十足，完全蓋過了燒賣。難得是蒸的火喉恰到好處，豬膶剛剛熟而粉嫩爽滑（不是黃沙豬膶的質地），帶濃濃的薑汁味，大塊又厚切，一口根本吃不了，過癮又滋味。藍莓骨可看成咕嚕肉的變奏，酥炸的一字排裹上藍莓醬，酸酸甜甜的，香口開胃。一字排有「肉地」，偏肥，油香十足。魚湯浸雜菜每次都會點的菜，熱騰騰原煲上枱。魚湯有冬菇片和瑤柱絲，芥菜膽、西蘭花、菜心和白菜都盡吸了魚湯的精華，腍甜、簡單而鮮美。牛筋 （散叫）看起來像鳳爪，不過味道是傳統的柱侯醬，非常惹味。喜歡牛筋是原條上，不會濕濕碎碎，難得是大大條也炆得入味而軟硬適中，有啫喱的口感之餘又不會全冇咬口。一籠有4大條，份量很慷慨。煙熏雞（半隻）（散叫）每次點這道菜，煙熏的程度都有些不同；今次一上枱時就傳來濃香的煙熏味。雞肉全熟而嫩滑；食這味菜一定要食皮，因煙熏的過程是由外到內，香味主要集中在外皮，肉愈薄的部位也會更入味。特愛它附上的雞雜，比雞皮更入味，雞膶粉粉的質感很好吃，說是為了雞雜而點這道菜也不為過。如果能單點一味煙熏雞雜就好了，店家可不可以考慮一下呢？留家的餸菜、點心和老火湯調味都較輕，空口吃也不會太鹹。蓮子紅豆沙一如其他餸菜，調味輕手而不太甜。紅豆大粒又起沙，蓮子粉嫩（可惜只有一粒），是吃飽喝足之後很不錯的結尾。由訂座時接聽電話的姐姐到樓面的侍應，態度都很好，特別是一位侍應阿姨，總是笑容滿面，親切而不會冷冰冰的，令這次飲茶特別愉快。
繼續閱讀
又話京葱乳鴿係招牌之一，成$200一隻鴿，仲要專登預訂，以為係用心菜式，貴啲都試吓啦，點知佢差到啲肉係霉既，無肉味 又無肉汁流出 ，連鴿脾啲肉又實又鞋，乾柴皮咁，都肯定佢唔係用新鮮乳鴿，但係差到求其喺街市買隻炸乳鴿都好食過佢😖之後點每一款菜式食完亦無咩印象，叫咗8-9款菜式，唯一一碟臘味炒飯好食之外，其餘都係麻麻地🫤啲服務員亦唔叫做好服務，如果想留住香港人留港用餐，請呢啲餐廳先用心做好啲菜式！ 唔好等執粒既時候問點解啲人唔留港消費，失望極至！
繼續閱讀
好多年前曾經幫襯過留園廚房，當時覺得非常出色！時間幾年，發現原來佢嘅中午係有提供套餐的，咁性價比應該幾高！當日就試咗個二人套餐，大約二百幾蚊，係兩個人喎！裏面有點心同埋小菜選擇，嗰個套餐係包例湯，兩款點心兩款小菜，白飯同埋甜品！咁一場嚟到，當然叫返佢啲拿手小菜啦！最後嗌咗灌湯餃、半隻煙燻雞，仲加咗黑芝麻卷添！先講返個套餐，首先嚟係老火湯！個湯都幾濃，甜甜地幾好飲！呢個唔錯！點心方面我就嗌咗蝦餃，同蟲草花鮮竹卷。兩個點心都正正常常，都算唔錯！小菜方面我就嗌咗菠蘿咕嚕肉，同一個野生椒炆冬瓜！兩個都係佢嘅經典小菜，整體都OK，兩個都係平凡嘅菜式，但係都實踐到不平凡之處！我係收貨！講返佢嘅煙燻雞，呢個餸基本上係佢嘅招牌菜，食嘅時候已經充滿期望，到最後亦都覺得唔錯！係嫩滑嘅，而且亦都有濃濃嘅煙燻味！我自己就覺得幾好！另外叫咗個灌湯餃，可以用皮薄餡靚嚟形容！裏面嘅肉汁都好豐富，配埋啲醋更加出色！另外甜品嘅芝麻卷亦都幾好，整體上價錢好合理！佢係樓上舖，但係我午市去到嘅時候都見，基本上所有枱都坐晒！證明佢有一定號召力！如果喺灣仔嚟講，我覺得性價比極高！下次再嚟一定會再幫襯！
繼續閱讀
阿媽生日，專登成家人一齊去食鐵片仔灌湯餃，我地叫咗5隻，一人一隻，但其中一隻個皮邊好硬，明顯係擺最頂嗰隻蒸得唔夠透。灌湯餃都幾大隻，但隻鐵片仔就細咗少少，將隻餃移落碗想唔穿皮都真係有少少難度。豬潤燒賣及蝦餃好食，又其豬潤燒賣，擺涼咗件豬潤都唔會又硬又嚡口，另外好欣賞藍莓骨，酸酸甜甜好開胃。鐵片仔灌湯餃係我童年回憶，所以嚟嘅原因都係為咗想食灌湯餃。而餐廳都坐得舒服嘅，每張枱都唔會好近，所以唔會同其他食客背對背坐。
繼續閱讀
相隔有兩年再次光顧，食物水準依然保持得好好，個蔥油伴竹昇麵外表平平無奇，但好食都震，麵質係我最鍾意既Q 彈感雲吞麵質地，個炸蔥絲完全將味道提升，因為太好食所以問部長，先得知原來個麵係從深水埗坤記拎貨。另外沖繩黑糖咕嚕肉個肉質亦非常鬆軟，調味亦非常到位。幾個朋友好鍾意個慢煮牛肋排，不過因為我係好怕食少過7成熟牛排既人，所以對我來說有點好似食緊生牛肉咁。杏汁菜膽白肺湯好好飲，夠濃味，冇俾杏仁搶晒個味。留家叉燒都係必食。唯一要彈係個冷氣唔夠，朋友係女仔，但都話好熱，唔知係壞左一個冷氣定係專登調到好似得25度，係呢方面要改善下。
繼續閱讀