影片
開飯介紹
QUE MOKO是一種獨特的現代居酒屋(Modern Izakaya)體驗，提供來自世界各地的優質海鮮、食材和菜餚。QUE 菜單包括傳統壽司刺身、充滿創意壽司塔可及西式意粉，巧妙地糅合了現代和經典西日菜餚。
繼續閱讀
營業時間
今日營業
11:30 - 22:00
星期一至日
11:30 - 22:00
*最後落單時間: 21:00
以上資料只供參考, 請與餐廳確認詳情
有關獎賞計劃
主打日式西餐, 木系簡約裝修, 感覺潔淨舒適～ 二人晚市套餐有齊湯/沙律、小食、主食、壽司Taco、甜品、飲品, 亦可追加刺身及升級飲品🥗蟹籽沙律有蟹籽、青瓜絲、蟹柳絲, 口感爽脆, 味道清新, 係一個唔錯嘅開胃前菜！🌮壽司塔可 招牌菜之一！融合日本壽司食材同墨西哥Taco, fusion菜式好有創意呢🇯🇵🇲🇽！🔸香蔥拖羅蓉牛油果醬以香脆嘅紫菜天婦羅代替Taco餅皮, 包住壽司飯、綿密嘅拖羅蓉、香滑嘅牛油果醬🥑、蕃茄、生菜, 成個組合好夾, 味道同口感層次豐富！🔸辣味帆立貝帆立貝質感彈牙, 味道鮮美, 加上沙律醬同其他配料, 好滋味！🥢特上刺身盛五點配野菜烏冬有三文魚、吞拿魚、帆立貝、馬刀貝、赤蝦, 每一款都好新鮮, 而且係厚切的！特別鍾意三文魚刺身, 富魚油香, 而且好肥美！烏冬彈牙又滑溜, 好鍾意個鰹魚湯底, 甜甜地～🍦京都宇治抹茶甜筒推介👍🏻 建議食前敲碎甜筒, 再倒上抹茶醬, 抹茶雪糕嘅抹茶味夠濃郁🍵, 搭配抹茶脆片同小蛋糕, 成個造型充滿玩味, 打卡一流！🍹另外, 不妨試吓佢哋啲特飲, 有酸酸甜甜嘅果香, 幾refreshing, 唔錯㗎👍🏻！
繼續閱讀
呢日終於來到已有7間分店的QUE一嚐壽司塔可的滋味!QUE MOKO以獨特現代居酒屋(Modern Izakaya)體驗為招來，裝潢以淺色日式木系為主，店內卡位在日光時打卡更亮麗，環境寬敞舒適，窗邊卡位飽覽旺角東巴士站城景。菜單包括傳統壽司刺身、充滿創意壽司塔可及西式意粉。巧妙地將現代和經典西日菜餚打造新式Fusion菜。二人套餐 $448推介:⭐️⭐️⭐️⭐️⭐️第一次來唔駛諗入門方便級套餐包括有是日餐湯/沙律、小食一份、主食一份，壽司塔可兩份、甜品一份及飲品兩杯。二選有較大碟的沙律，所以叫左兩個南瓜栗子湯。🥘Creamy濃稠，難得將兩樣質感細密的食材MIX得十分平衡，入口好豐富，如果當日餐湯係佢真心必試。🥗黃金凱撒沙律 +$18新鮮翠綠的沙律菜拌以蕃茄粒，脆煙肉、麵包粒及洋蔥片，中間主角你吉烈炸流心蛋，清新開胃。🍝松葉蟹味噌甲和燒燴飯配海膽忌廉汁加$58足料濃郁推薦👍🏼 雙重鮮味豐富口味，西日完美fusion😋🍣軟殼蟹壽司塔可用上酥脆天婦羅紫菜包裹著壽司飯及沙律菜，雙重香脆口感。🍣香蔥拖羅蓉牛油果醬壽司塔可綿軟拖羅蓉夾雜滑溜牛油果蓉，加蕃茄粒及碎蔥，新鮮蔬菜感較強。所有甜品均由得獎日藉師傅Rin Horiuchi主理，🍦京都宇治抹茶甜筒造型玩味感強，兩人share建議可敲碎甜筒，再倒抹茶醬幾吸睛，抹茶味濃郁可口，內有抹茶雪糕球+抹茶脆片及小蛋糕粒，帶點回甘味，甜度剛好。下次會試下佢地招牌炭燒咖啡提拉米蘇盒子。🍹靜岡有機抹茶豆腐紅豆沙冰 +$48幼滑沙冰用上靜岡抹茶粉，口感順滑甜度平均，豆腐口感+軟糯紅豆，係價錢紅豆豆腐朱古力咖啡沙冰 +$48外表同樣層次分明非常美觀。香醇濃郁的鮮奶咖啡，伴隨著濃郁的朱古力，甜而不膩，好有層次。
繼續閱讀
今晚同友人來慶祝食飯，我揀左呢間座位舒適又環境靚的餐廳，而且好岩打卡影相，淺色木系裝潢特別有日式感覺，舒服貼心又有善。香蔥拖羅蓉牛油果壽司塔可賣相很可愛的壽司塔可，用脆卜卜的紫菜裝著拖羅壽司，份量都幾多，拖羅蓉食落滿口魚脂香，加上牛油果醬同沙律醬，混合壽司飯同食，非常美味可口的小食，而且加左沙律菜，味道更清爽輕盈。軟殼蟹意粉 配 蟹肉番茄忌廉汁軟殼蟹有一隻，切開一半擺盤，意粉煮得很好，保留口咬微彈，加上超好味的蟹肉番茄忌廉汁，每啖都有蟹肉同濃郁番茄忌廉汁味。軟殼蟹炸得香脆，蟹肉肥厚，味道好，蟹腳更加脆口。月見澳洲 M5 和牛日式蓋飯 (二人前)好豐盛呀，一整煲的和牛蓋飯 ，打開蓋已經傳來陣陣牛肉香，M5 和牛好嫩滑多汁，入口溶化開的牛脂很香，加上用牛肉汁煮成的醬汁 ，味道甜甜地好夾和牛，拌溫泉蛋食 蛋黃又香又滑，配和牛味道一流 ，日本米飯吸哂牛脂同醬汁味，而且仲有少少飯焦，好香好正。已經踏入12月份，餐廳仲有2款 聖誕限定甜品，我即刻點左1款來食。青森縣蘋果班戟配百利甜酒汁班戟夠薄，賣相精緻，花心思包成小袋形狀，我地好似聖誕拆開禮物咁，好有聖誕氣氛。食前倒入百利甜酒汁，班戟同青森縣蘋果餡都沾上醬汁，味道更豐富。青森縣蘋果清甜爽口，帶少少肉桂香，仲有軟滑雲尼拿雪糕，同焦糖脆脆，增加口感，完美的甜品。靜岡有機抹茶豆腐紅豆沙冰滿滿的cream 鋪上抹茶粉，帶薰衣草香，飲到清淡的豆腐，入口滑溜，抹茶味濃郁，也可中和甜度，最底係紅豆粒，香甜軟綿，一杯飲品有多種口感同味道，好似甜品咁好味。草莓香桃沙冰好濃果香，顏色粉紅好少女好吸引，草莓清甜，帶淡淡桃香，夠冰凍爽口，甜度剛好。
繼續閱讀
MOKO商場有不少飲料店及餐廳，見這家西日式餐廳平日晚上都接近滿座就決定一試😁我們算是較晚入座，剛好窗邊有位置可供入座，窗外視野亦相當廣闊，十分舒適。我們點了一份二人套餐($448)，分別選了餐湯及沙律各一份。是日的餐湯是濃郁香甜的南瓜忌廉湯，另外沙律只用柚子胡椒醬調味的芝士沙律，除了沙律菜十分新鮮外，芝士亦不馬虎，分別配搭了三款不同口感的芝士。想不到前菜已為我們帶來了驚喜👍再來小食選了丈夫最愛的雞翼😂單骨雞翼炸過後完全不油膩，簡單地有輕微鹹香的調味，蘸上辛子明太子醬的少許辛辣及沙律醬的酸甜亦不會過鹹，讓人忍不住一口接一口停不下來。二人餐包括自選兩款壽司塔可，絕對是其他餐廳較少見的菜式😋用香脆的紫菜天婦羅包裹住壽司飯及食材，口感層次豐富。香蔥拖羅蓉牛油果壽司塔可（左）醬汁是Wasabi沙律醬、配搭牛油果及吞拿魚蓉，口味清新；而香脆的軟殼蟹壽司塔可（右）則配搭香辣的醬汁﹑配上蟹子及青瓜等，兩款口味各有特色。主食選了宮崎雞扒意大利飯 配 低溫水煮蛋，調味帶有日式風味的味噌忌廉，再與低溫水煮蛋的蛋黃攪拌，加上枝豆，營造多重口感之餘，雞扒亦煎得剛剛好，皮脆肉嫩。二人餐內的甜品選擇了京都宇治抺茶甜筒，抺茶口味的雪糕較貼近抺茶拿鐵帶有奶香的雪糕，如果想抺茶味更濃郁亦可再澆上抺茶醬，增加茶的甘香。另外被聖誕限定甜點吸引了，忍不住也加點了一份青森縣蘋果班戟配百利甜酒汁班戟皮包裹著浸泡過甜酒的蘋果肉及雲呢拿雪糕，雖搭配了雲呢拿Bailey甜酒醬，但酒精的濃度不高，加上焦糖脆脆及青森蘋果乾，是一道非常可口的飯後甜點呢❤️
繼續閱讀
我最近到訪一間位於旺角和洋餐廳，名為「QUE」，餐廳除了提供多款日本菜之外，還有多款滋味甜品菜式！餐廳裝修精美，以日式木系為主調，座位寬敞舒適，店員殷勤有禮。我們惠顧了二人餐 $448 ：脆炸單骨雞翼（8件）這道脆炸單骨雞翼外皮金黃酥脆，內裡的肉質鮮嫩多汁，配上特製的醬汁。特上刺身盛五點 配野菜烏冬 (+$98)這道刺身盛合併了新鮮的魚片，包括厚切三文魚、吞拿魚、帆立貝、馬刀貝及赤蝦，顏色鮮艷，每一口刺身都肉質鮮甜，搭配細膩的野菜烏冬。軟殼蟹壽司塔可這款軟殼蟹壽司塔蟹肉鮮美，外層酥脆，內裡則是香嫩的蟹肉。鰻魚玉子壽司塔可這道壽司塔可將鰻魚的香氣與玉子的柔滑結合，味道層次分明。鰻魚的煙燻風味與玉子的甜味相得益彰。抹茶提拉米蘇盒子 配糖漬紅豆 (+$10)抹茶的苦香與奶香交融，層次分明，糖漬紅豆的加入則帶來了一絲清甜。Que絲滑咖啡 (+$18)這杯咖啡絕對是飲品中的佳作，香氣撲鼻，口感絲滑。香桃富上梳打 (+$38)這款香桃梳打清新可口，桃子的香甜味道恰到好處，氣泡的清涼感更是讓人神清氣爽。
繼續閱讀