獅房菜

金秋正是食蟹的好季節。今年大閘蟹迎來豐收，包括安娜在內的一眾蟹迷就更加期待。今年的第一餐蟹宴，是到帝京酒店，品嚐「帝京軒」與「獅房菜」聯手呈獻期間限定的「秋風蟹宴」，鮮美豐盛的蟹宴，令人覺得幸福。揭開盛宴序幕的【藝粹】有三道小品 ——「醬香大麴溏心鮑」軟糯鹹香；「生拆蟹粉小籠包」香氣四溢、濃郁味美；「蟹油元貝千絲酥」酥脆又層次豐富。【清蒸江蘇大閘蟹】原隻大閘蟹，是秋日最矜貴的儀式。選用六兩公蟹，膏豐油潤。以清蒸手法鎖住原味，蟹黃醇厚、蟹肉清甜。【鮮姬松茸蟹皇虎蝦球】虎蝦球彈牙飽滿，附以金黃色的蟹粉提鮮，令人食指大動。再佐以煎香的姬松茸，山海之鮮在舌尖交融。【菊花五蛇燴花膠】不時不食，秋天也是食蛇進補的季節。這道五蛇燴花膠，湯底醇厚，蛇肉與花膠綿滑滋補，暖意沁人。配上清熱明目的當造秋菊，不但美味，也是補身妙品。不吃蛇的話，也可以選擇【蟹肉花膠燴燕窩】。【蝦籽魚唇軟骨伴鮮鹿茸菌】魚唇軟骨以慢火烹製，保留豐富膠質，外酥內嫩。鮑汁菌香與蝦籽鹹鮮交織，口感豐盈。【龍蝦湯蟹餅五穀苗】以萵筍粒、炸米及蟹肉混合製成的蟹餅非常脆香。龍蝦湯溫潤中帶辣韻，尾韻悠長。再配上非常搭調的肥美帶子，整道菜的味道層次豐富又平衡。最後的甜品，是【金粉流星可可脆脆】配上一杯【薑茶金薯芋圓小丸子】，驅寒暖胃。一席蟹宴，滿口秋意，正是季節最豐美的饋贈。這頓「秋風蟹宴」不僅是味覺的享受，更是對秋天的詩意詮釋。很開心品嚐到一趟美味難忘的秋日回憶。每名食客還會獲贈一罐蟹皇溏心鮑，將美味帶回家。…さらに見る

每次去獅房菜吃下午茶總是有驚喜, 今次我是被青花瓷騙到, haha~ 「青花瓷．雅聚下午茶」以中式木架盛載各款咸甜美點, 整個擺盤充滿古風, 瓷藝、樂器及庭院設計, 總之成件事是很美. 說真, 第一眼看到這個青花瓷, 我真的以為是個花瓶, 再看細, 才知是甜品之一, 像真度很高呀!!!! 外層以馬達加斯加雲呢拿製成慕絲, 再配繪畫技法, 簡直是件藝術品! 由於要雪得夠凍, 口感有點像吃雪糕蛋糕, 藍莓慕絲、雲呢拿慕絲及海綿蛋糕, 份量十分多. 葫蘆形狀的是豆腐芝士蛋糕, 驚喜之處是切開有豆漿流心, 豆味香濃, 幾軟滑. 這個迷你魚池好吸睛, 無論是打卡抑或味道也好好.  抹茶布甸伴櫻桃酒果凍, 底層是宇治抹茶布甸, 透明層是櫻桃酒果凍, 兩者混起來吃, 超!好!味! 是甘澀中帶酒香及甜. 幾口之中吃到黑朱古力(石頭), 層次提昇. 是四款甜品之中最最最推介. 琵琶則是紅桑子牛奶朱古力慕絲蛋糕, 將這件放在甜點最後才吃, 甜度適中, 而紅桑子的甜酸能解膩. 甜點出眾, 咸點也一樣高水準! 以甜酸大蝦釀雞蛋為例, 主要是蛋黃沙律醬, 肉質彈牙的香煎大蝦放在炸蛋及沙律蛋上, 可以的話把食材一起咬下, 味道最佳; 但分開吃也好了不起~ 要吃起香口些, 非你莫屬! 汁燒豚肉卷伴生薑醬, 聽起來豬腩肉很油膩? 非也! 有紫薑、日式豉油及糖調成的獨特醬汁, 令整件咸點好開胃呀~ 麻香雜錦雞丁盞, 特別之處是以炸燒賣皮做脆盞, 與麻辣雞肉粒碰起來好特別, 而且顏色悅目. 最後, 酥炸帶子伴香芒醬, 初時以為帶子下是爽甜的蘋果粒, 原來是綿密的薯仔沙律, 在芒果與醋調製的醬汁之下, 炸帶子也不錯. 下午茶包括兩杯特飲. 我必選香橙陳皮蜜(熱), 很養生, 橙香陳皮香, 健脾理氣又滋陰, 以中式茶具盛著, 好配合古風主題~ 另一杯限定特飲是以香檳杯盛著的桂花綠茶梳打, 入口清香, 梳打的氣泡, 讓桂花香更突出. 青花瓷。雅聚下午茶 由即日起供應至2026年1月2日, 3PM-5PM.  HK$568/兩位用(包兩杯特飲)，HK$288/一位用(包一杯特飲).  …さらに見る

想同大家介紹前排中秋節🌝係帝京酒店嘅獅房菜食左餐好好食嘅中菜🤪佢有個獅房發辦嘅course menu，每位$988但有限時買一送一優惠，所以除番開都幾抵🫢呢個係中式嘅omakase, 有8道菜，主題就係「非遺雅宴·傳味承真」大廚將香港唔同嘅非遺製作技藝加左落菜式度，每一道菜都食得出係用心設計，好有驚喜🤭另外餐廳嘅服務都好好😌未齊人嘅時候會準備啲小食比客人食住先🤪🔻▪️滷醃三品分別有潮式藤椒墨魚、子薑尖椒皮蛋同埋蝦醬蔥燒刺參，三款入面最中意尖椒皮蛋，好開胃；另外藤椒墨魚好彈牙，有少少辣辣地👍🏼🔻▪️煙燻二品賣相好靚，打開嘅時候仲有啲煙飄出黎🤭入面有蒸籠鴨肉餃子同埋米通腐乳叉燒😆兩樣都好食，叉燒特別出色，好juicy, 同埋厚切好正😊🔻▪️翠膽明珠即係砂鍋菜膽花膠廣東雲吞，雲吞好大粒，入面仲有花膠真係好足料，個湯都好好飲😆🔻另外仲有呢幾款我就唔逐一介紹🤗▪️陳滷菌珍 - 陳皮滷水牛肝菌農場雞▪️漁澳風光 - 大澳蝦乾魚肚杞子菜心苗▪️金炊玉饌 - 脆芋絲臘味蟹肉炒飯🔻但想講下佢嘅甜品，兩樣都好出色，有分別有茶啡雙凝，即係港式鴛鴦茶凍☺️賣相好吸引，布甸口感，茶味同咖啡味都好濃😛隔離果個熊貓頭🐼雖然食落好甜，但個樣真係好cute, 打卡一流！仲有傳統小點，見到個飛行棋賣相真係好驚喜，同埋覺得好有心思！入面有一件麻雀千層馬拉糕同埋懷舊合桃酥🤭好出色…さらに見る

我喜歡的餐廳最近推出了全新下午茶！而且用上富中國風元素全新設計，剛看賣相已經非常有韻味，這天就跟美女好友來享片刻寧靜的滋味。這天來到將古風展現得絕美的獅房菜Lion Rock，臨近中秋門口已掛上滿滿的大紅燈籠，地下還有栩栩如生的魚躍投影，成件事都非常有設計美絕耶。新Tea取名為青花瓷．雅聚下午茶！以木製的下午茶架放置賣相精緻的茶點，配搭兩款特色飲品賣相清麗優雅。桂花綠茶梳打！綠茶梳打起泡祝賀為桂花注入生氣，甘香的綠茶加入梳打後口感更見清爽，配搭幽香的桂花及不過甜的味道非常好喝。香橙陳皮蜜！絕對是健康之選皆因有健脾開胃的陳皮，加上蜜糖的甜及橙的香味道好優雅，喝罷暖笠笠相信很多女士會喜歡。先來品嚐四款非常有誠意的鹹點！食材包含了海鮮、豬肉及雞肉全部都非常合我口味。酥炸帶子伴香芒醬！鮮嫩的帶子裹上麵包糠炸香，先帶香脆口感然後就是軟滑的後調，中間還夾著薯仔沙律配搭果香十足的芒果醬層次感非常豐富。汁燒豚肉卷伴生薑醬！肥美的豬腩肉包裹著蘿蔔及紅蘿蔔條，配搭充滿生薑香氣的醬汁吃下口感十足肉汁豐富好鮮香。麻香雜錦雞丁盞！雞肉質地嫩滑配搭惹味的麻辣實在太合我口味了，連同炸香的燒賣皮一起吃口感更出色。甜酸大蝦釀雞蛋！我覺得像魔鬼蛋的可愛版，雞蛋經過油炸外皮變得金黃香口，蛋黃沙律香甜誘人加上炙燒過香噴噴的爽口大蝦叫人回味不已。來到甜品環節這件雲呢拿藍莓慕絲蛋糕活像青花瓷般！配搭輕煙仙氣出場實在太過吸睛了吧。蛋糕外層用上馬達加斯加雲呢拿製成的雲呢拿慕絲來炮製，內裏則是口感軟滑的藍莓慕絲及綿密海綿蛋糕，味道香甜可口而且份量十足吃罷超飽肚啊。然後還有三款甜點包括以中國樂器、庭園及小擺設來設計真的好養眼。抹茶布甸伴櫻桃酒果凍！美不勝收的迷你魚池實在太迷人了，於抹茶布甸上放上以朱古力製成的石頭，還有瑞士甜菜苗作為水草勁可愛，最吸引我絕對是以朱古力製成的金魚，浮游於櫻桃酒果凍中栩栩如生真妙絕的甜品。不止於貌美連味道也非常出色，有爽滑的果凍也有綿滑的布甸，最重要整體味道非常相夾旦不會過甜，是質素相當高的甜點。豆腐芝士蛋糕！玉葫蘆造型的賣相很有高級感，選用了有機豆漿來炮製帶出陣陣清幽豆香。紅桑子牛奶朱古力慕絲蛋糕！一看見這個造型就想起昭君出塞，醇厚的紅桑子朱古力慕絲帶上濃郁的果香，吃下非常可口喜歡朱古力的朋友一定不要錯過。青花瓷．雅聚下午茶收費為$568/兩位、$288/一位(另加一服務費) ，由即日起至2026年1月2日下午3時至5時供應。…さらに見る

難得有日本朋友到香港，早幾個月前因為工作關係未能見面，所以今次特意挑選連我都未去過嘅「獅房菜」，位於帝京酒店3樓。食物方面係有質素，由廚師發辦共九道菜式，感覺好似港版嘅omakase。頭盤花蟹茶碗蒸+普洱海參凍+鬈髦豬叉燒，個花蟹茶碗蒸嘅蟹肉夠多，味夠濃，反而叉燒感覺只係普通嘢，同公司大家樂感覺差唔多；第二樣係青花椒·龍蝦球·炒牛乳，呢個可以話有驚喜，將呢三樣嘢融合到一個菜式，我真係想知佢個食譜係點，味道上係冇違和感，反而有種好清爽嘅感覺；第三樣係蘭州蜜瓜·瑤柱·響螺湯，呢個有啲似我曾經煲過嘅爵士湯，但我當時個蜜瓜味冇佢咁出，佢個甜味係有啲誇張，呢個反而係我唔太喜歡嘅地方；第四樣係古越龍山·蔥香·鮑魚，用古越龍山調配出嚟個醬汁好出色，帶出佢酒嘅香味，鮑魚唔係果啲罐頭鮑，真係慢煮出嚟，軟硬度係剛剛好，難怪要比刀叉我切，向來冇table manner 嘅我都唔好意思將隻鮑魚一嘢隊入口；第五樣係好可愛、亦好可憐嘅菜式，韓國泡菜·黑毛和牛酥。冇諗過出嚟真係一隻牛，要用專用嘅鎚敲開佢，入面用荷葉包住黑毛和牛，感覺好新鮮，而且味道非常唔錯，牛肉完全冇比泡菜個味道蓋過咗。食完比左杯酸梅啫喱清下味蕾，但係呢個係唯一可以用極度難食嚟形容嘅嘢；第六樣係鮮姬松茸·花膠·黃湯，一個我覺得稍為普通嘅菜式，佢個黃湯嘅味道係唔錯，但好多酒樓都有類似味道嘅湯，呢一味算係最普通嘅一道菜式；第七樣係金退燕窩·野生竹笙·菜苗，呢個歸「養生」嘅菜式，我一度懷疑佢個燕窩係假，好少會有咁多，加上佢有啲類似紅燒汁果種味道，味道唔會太淡。加上面頭一層金泊，成件事高級咗好多；第八樣係澄海滷鵝·淮山麵，聽落好普通嘅菜式，但味道係唔錯，佢個鵝片係滷得好入味，肉質亦夠淋同滑，唯一美中不足係細碗咗啲，因為家下我肥咗大食咗好多；終於到第九樣嘅甜品，鴛鴦茶·奶凍，我一開始我係唔知隻杯係食得，我淨係食入面啲奶凍，因為佢個味係鴛鴦果種味，又唔太甜，係朋友話個杯係朱古力嚟，我先恍然大悟，但可惜佢個朱古力杯對我嚟講係太甜，我食咗一半就放棄咗。總括嚟講，有喜慶、聚會、招待外地親友的話，呢間係值得一試，因為下一次又唔知會係咩菜式。一餐入面有咁多款式，夠體面，加上酒店嘅質素，700幾蚊位，呢個價我覺得係值。…さらに見る