影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
喺MOKO行行吓有啲肚餓，就去芽莊唞一唞。🐂河內生牛肉粉⭐️⭐️⭐️⭐️湯底唔錯，九層塔同洋蔥份量都多，所以成碗湯都幾香。牛肉份量都算多，幾爽口。整體屬於預期水平。（賣相唔特別，又行到太攰，忘了影相🫡）🐖濱海伴慢煮五花腩⭐️⭐️⭐️⭐️⭐️呢碟好有驚喜，大推介。豬腩肉半肥瘦，燒得好香。面頭少少焦脆，中間保留到肉汁，中和肥膏部份。肉質嫩滑，睇返Menu，原來係用純素穀飼豬腩，唔怪得咁好食。雖然有啲邪惡，但我真係會為呢度菜再返嚟。濱海，已經分開了一楷楷，食落幾方便，又唔太油膩，配合埋爆香咗嘅蔥、蒜、蔥油花生，滋味啊！佢越南香葉菜都唔少，夾埋豬腩肉、濱海一齊食，清新得來好滋味，香、脆、爽、綿結合，超正。
繼續閱讀
行完 moko 心血來潮想食越南嘢，嚟咗芽莊食撈檬。⭐️脆皮蝦卷撈檬-越式撈檬要撈得好食，配料份量同質素極為重要。呢度嘅撈檬配料有花生碎，生菜，紅蘿蔔同青瓜絲，份量多到鋪滿碗面，切得幼細之餘極新鮮乾爽，加埋大大支魚露任撈，每一啖檬粉入口都掛滿汁同配菜，口感極佳👍🏻👍🏻👍🏻-主角蝦卷，外皮多層腐皮炸得香脆唔油膩，餡料蝦膠彈牙有蝦肉，極之美味😋😋😋😋⭐️河內魚餅撈檬-兩片大魚餅切開八件，外層炸得爽脆，魚肉厚得嚟扎實彈牙，鯪魚味濃😋😋😋😋$85一碗唔算平，但份量唔細對得起呢個價錢。美中不足係枱排得比較迫同環境較嘈，只宜快食唔適合坐低慢慢食傾計。
繼續閱讀
田園素咖哩，餐牌淨係寫咖哩，菜，九層塔，來到時沒有九層塔香氣，仲有蛋花。不是每個素食者都食蛋的好嗎！結果要帶走俾人人食，成餐飯連飲野加一成200蚊，結果淨係白飯加咖啡。埋單時侍應答有銀聯，我再問淨係得銀聯? 佢都係答有銀聯，明明OpenRice 寫有visa果d,結果焗住俾現金
繼續閱讀
食物質量越來越差！牛油雞翼根本冇熟，入面係生嘅通菜梗係苦嘅生同苦嘅食物都可以俾客人食？！？！？！服務都好差，完全冇因為食物問題道歉。。。。。。勸大家真係唔好去！！！
繼續閱讀
差，春卷有油益味，蔗蝦太多粉，濱海太硬，魚餅太厚，湯粉湯底無味，酸蘿蔔絲只得微酸味，食咗4樣菜，只有伴碟的生菜最啱胃口，食完未出門口，已經口渴，大量改善空間，招呼還可以！
繼續閱讀