影片
開飯介紹
供應不同配套的任食火鍋、精緻點心及中式小菜，並以港式及四川口味為主，其中酸菜魚是招牌菜之一。而蒲公英造型的燈飾，使環境時尚有格調。
繼續閱讀
特色
適合大夥人
家庭親子
營業時間
今日營業
10:00 - 16:00
17:30 - 23:00
星期一至日
10:00 - 16:00
17:30 - 23:00
以上資料只供參考, 請與餐廳確認詳情
有關獎賞計劃
朋友仔講咗好幾次要嚟 #淥鼎記 試吓佢哋個「爵爺套餐」，呢晚終於成事。餐廳以暗黑風做主調，加埋啲裝飾本來都幾特別😉 本身佢哋嘅食物質素同款式都唔錯，不過座位安排太窄，我哋五個人竟然被安排迫埋喺一張仲細過張麻雀枱嘅餐枱，擺埋啲餐具，中間就只係夠位擺抵個爐😅 而阿姐每次上菜，都唔理三七廿一就成盤食物隊埋嚟，如果照佢嘅安排，除咗單手捧住嚟食，我都諗唔到其他方法😅 不過最得意嘅係個女服務員，每次都喺無預示底下幫我哋加湯，試過想叫停佢… 但就被回一句「咩呀？咪加緊湯囉！」😅 真係少啲EQ都頂佢唔住！講返啲食物，我哋揀咗 #醬香烤魚 做主食（酸菜魚、蘿蔔牛腩、羊腩煲、椰子雞、雞煲…六選一），魚身啖啖肉，醬汁調味都幾香濃，唯一美中不足係欠缺香辣味道，爭咁啲啦😅 之後再嚟嘅係 #魚生拼盤 🐟，#刺身 都算幾新鮮，加埋巨型嘅 #海鮮拼盤 同 #肥牛併盤，造型非常吸睛👀 啱晒鍾意 #相機食先 嘅我🤤 最後上嘅當然係 #火鍋，#花膠湯底 味道還可以，不過 #火鍋料 都算係幾多選擇，除咗系統上，出邊嘅大雪櫃都好多唔同嘅丸類同小食選擇🤤 埋單前每人仲會有杯 #HäagenDazs #雪糕 做 #甜品，啱晒啲大胃王嚟幫襯😎📍 淥鼎記 (旺角)彌敦 道601號創興廣場5樓
繼續閱讀
第一次黎呢間酒樓飲下午茶🫖，下午茶時段仲有九折優惠❗️❗️❗️淨係嗌咗蟹籽龍王燒賣、黃金鮮蝦餃皇同埋鳳凰鮮蝦腸粉，佢同其他酒樓唔同嘅地方就係，佢係用茶包，茶味好濃👍🏻👍🏻最令我覺得驚訝嘅係蟹籽龍王燒賣，因為佢嘅蟹籽比平時食嘅仲要多🤤，味道唔錯😌，黃金鮮蝦餃皇嘅餡料好多，雖然係得兩件，但係食完好想再食🤣佢入邊嘅餡料係其他酒樓出面食嘅兩倍👍🏻👍🏻👍🏻如果鍾意食蝦嘅話，蝦餃係特別推薦，一定要試🥳
繼續閱讀
想食雞煲又想打邊爐，搵下搵下就黎到淥鼎記😄今次我哋選擇咗小寶套餐($238/位)，享受任飲任食120分鐘嘅無限暢快先送上小食開下胃呢個套餐先喺六款主食當中揀一款，我地當然揀左最想食嘅重慶雞煲😉重慶雞煲：一啖辣椒、一啖麻香，重慶雞煲嘅辣味正宗得嚟又唔會過火，雞肉煮得入味，每一口都令人嘴唇微麻，心頭火熱🌶️食完主食雞煲開始有少少飽，然後再揀湯底接住落黎打邊爐😎今次我地揀左美人花膠鍋，等候期間就去自助區拎配料先出面自助區都有幾十款配料可以夾，基本火鍋配料都有有調味醬料區可以混醬😄飲品區除左罐裝/紙包飲品之外，仲有自家製茶類一壺壺可以拎😉仲有生果區美人花膠鍋：湯底清甜，花膠質地彈牙，每一啖都飲得到鮮甜味，美人花膠鍋真係既滋補又健康🥰安格斯牛板翼、安格斯極佳级精修肥牛：肉質鮮嫩，脂肪分佈均勻，輕輕一涮，就可以品嚐到肉嘅原始風味🤤伊比利亞黑毛豬、丹麥網豬：豚肉肥瘦相間，口感豐富，伊比利亞黑毛豬嘅油花香氣濃郁，而丹麥網豬則更加細嫩多汁😋潮汕墨魚丸、潮汕蝦丸：充滿住潮汕特色風味，墨魚丸彈牙，蝦丸鮮甜，唔錯嘅配料😋又食雞煲又打邊爐，一份價錢兩份享受，食物水準唔錯，夠晒飽😉補MENU
繼續閱讀
出旺角見完客，睇返「開飯」個「想去」List, 揀咗呢間飲茶嚟醫肚。都係炸物行先～首選必定係春卷，跟著蝦腸，金錢肚，鳳凰糯米夾，上海粗炒，竟然有好得意嘅熊仔奶茶同冰鎮咖啡，最後叫埋粟茸西米焗布甸埋齋。我唔會講蝦腸啲蝦有蝦味金錢肚有乜味乜味，我淨係想講所有點心係水準以上，係得個金錢肚奇怪哋甜甜哋同上海粗炒欠缺鑊氣同味度差啲～唔夠味，呢間係值得去試或者上去飲茶嘅好地方。值得一讚係埋單時姐姐話，我哋叫咗咖啡同奶茶，所以茶費係扣翻嘅～讚！提外話，去過好多旺角嘅食市，可能由於（流量）大，又多（貴賓），好多洗手間都好污糟，呢間真係好乾淨，呢啲做得好嘅（幕後）功臣真係要讚下👍
繼續閱讀
🥢旺角無限時 烤魚刺身頂級牛肉海鮮火鍋放題🥢旺角有間高水準嘅無限時火鍋放題店，一直都係心目中覺得好高分，餐廳晏晝就係飲茶食精緻點心，夜晚就會提供超高水準火鍋放題套餐，一個價錢就可以食均前菜，烤魚，豪華刺身拼盤，巨型海鮮盤同高質靚牛肉，及火鍋湯底，每次過來都食到捧住個肚走🥢環境裝修有格調，設有大卡座坐得舒適幾有feel ,啱曬同朋友傾計飲嘢打邊爐，而家5月仲有啤酒優惠，星期日至三，成功訂坐享用火鍋放題套餐仲可以暢飲指定啤酒，今個月5 月份就係任飲支裝喜力啤酒，可以同朋友暢飲一下🥢錦銹前菜 木耳及甜酸排骨，今日提供了爽脆木耳同個個都爭住食嘅甜酸排骨，排骨味道味道酸酸甜甜的非常惹味🥢日本直送時令刺身刺身盤超巨型的好打卡，由其鐘意大大家隻刺身甜蝦，鮮甜味道十足，另外仲有厚肉的帆立貝，凍鮑魚，三文魚同北寄貝，全部由日本直送新鮮鮮甜🥢主菜六選一六選一的主菜，包括椰子雞，藤椒烤魚/醬香烤魚，重慶雞煲，老壇酸菜魚，山城毛血旺，清湯蘿蔔牛腩，今日梗係食我哋最鐘意嘅滕椒烤魚 , 藤椒湯底不可選辣度，微微辣帶藤椒香氣，烤魚上原條羅非魚，肉質軟嫩而且啖啖肉，煮滾後魚肉索曬湯汁精華🥢無限時火鍋 火鍋湯底有8款火鍋湯底，今次揀了澳門豬骨鍋，足料用上新鮮大大舊豬筒骨，套餐配上頂级手切牛拼盤，牛肉肥瘦適中，牛肉味香濃，另外仲有個超大的海鮮拼盤，一人一隻新鮮帆立貝，海蝦，海蜆，仲有手打墨魚丸，鮑魚仲有新鮮識郁的，非常鮮甜🥢如果怕仲未飽嘅話，另外QR code仲點其他肉類及火鍋配料，蠔，蝦丸等，外面有個超大個的自助區，提供丸類蔬菜麵食火鍋配料，種類非常多，飲品雪櫃內有平時常見的汽水，仲有竹蔗茅根同洛神花茶可以下火🥢果然係心目中最高CP 值的火鍋放題，無限時之餘食物質素非常之高質，每樣味道都非常之好，食過幾次水準都係一樣咁正，而家環境坐得舒服，同朋友傾計一流可以慢慢食唔洗急趕，而家鐘意服務好好，店員會成日留意到你地嘅需要而且好快手，所以約朋友打邊爐呢到係一個非常好的選擇🥢爵爺套餐 $378 (所有套餐星期五、六、假期及前夕+$10；特別日子及前夕+$20)
繼續閱讀
您可能會有興趣的...