影片
營業時間
今日營業
12:00 - 14:30
17:00 - 23:00
星期一至五
12:00 - 14:30
17:00 - 23:00
星期六至日
12:00 - 15:00
17:00 - 23:00
公眾假期
12:00 - 15:00
17:00 - 23:00
公眾假期前夕
12:00 - 15:00
17:00 - 23:00
以上資料只供參考, 請與餐廳確認詳情
講起食放題，食大喜屋，一定係佼佼者，定時轉新餐單，配合時令食材，選擇好多，好有心思，誠意十足！晚市$298/人，食足120分鐘，相當抵食！ 🍣刺身壽司 回本之選一定係* 金槍魚腩，肥美！入口即融。三文魚刺都好厚身滑溜，蝦刺身夠甜，擺盤都好精緻，認真唔錯。 壽司方面，質素也令人驚喜，包括帶子壽司、花之戀、油甘魚、鵝肝壽司等等應有盡有，每款都各有千秋！ 🦐冷盤海鮮 包括青口、海蝦、海螺🐚等等，全部都好有鮮味！ 🥢中式 包括小籠包、蝦餃等等確實很有心思！ 🍖燒烤 如果你係食肉獸一定不能錯過燒烤類！芝士燒鮮蠔，蠔隻飽滿，好入味！仲有燒菠蘿、牛舌、雞軟骨串等等，毫不比燒烤店遜色。 另外仲有粥品、例如鮮甜的鮑魚皇帝蟹王粥，用料不俗；甜品款式多任君選擇，令人回味無窮。
繼續閱讀
同屋企人每隔一段時間就會想食放題，因為依度選擇極多，大家想食嘅嘢都有，仲越來越多新款式又高質餐廳地方寬敞座位舒適外邊自助區真係包羅萬有，每次都會飲羊肚菌烏雞湯，滋補養顏冷盤海鮮有青口、蝦同翡翠螺，仲有其他小食，例如麻辣魚皮、帶子裙邊，當然唔少得點心，另一邊仲有口水雞，連葡撻都有每次去都好有驚喜，劣福岡芝士漢堡，擺盤好靚，好高級，好多芝士再配合埋溫泉蛋，誠意之作刺身好新鮮，松葉蟹腳、帶子、三文魚、甜蝦厚切又新鮮壽司都好多新款式、乳鴿、西京燒、壽喜燒、蟹粥，仲有蛇羹芝麻雞翼必食，皮脆肉嫩燒物：鵝肝煎得剛剛好，外脆內軟，入口即溶每次都要食燒菠蘿同翠玉瓜川味燒蠔同金蒜蓉粉絲蒸扇貝不停encore香濃蒜蓉味加埋孜然粉，食不停口記得食埋甜品，椰皇燕窩燉蛋白，爽口養顏燒榴槤同Häagen-Dazs Movenpick 雪糕
繼續閱讀
極尚大喜屋(旺角) ．抵食飽到扶牆走！今次同大家分享一間位於旺角嘅放題餐廳——極尚大喜屋，地址喺旺角雅蘭中心4樓。呢間餐廳主打日式同中式放題，中午時段每位$268，可以食足3個鐘，真係抵到爛！而且食物種類包羅萬有，質素仲要相當高，絕對係「食到扶牆走」嘅好選擇！以下就同大家逐樣講吓我試過嘅美食，樣樣都值得推介！1. 經典蛇羹(必食)一開波就試咗佢哋嘅經典蛇羹，真係驚喜十足！蛇羹湯底濃郁，蛇肉絲滑嫩，仲有木耳、冬菇等配料，口感豐富。飲完一碗即刻暖笠笠，好適合秋冬時節食，絕對係「補身之選」！2. 極尚椰皇燕窩燉蛋白(必食)呢個甜品真係不得了！椰皇燉蛋白入口滑溜，椰香味濃，仲有燕窩絲點綴，食落去感覺好滋補。雖然係放題，但呢個甜品嘅質素完全唔輸高級酒樓，食完仲想encore！3. 天婦羅蝦天婦羅蝦炸得金黃酥脆，外皮薄而脆口，蝦肉彈牙鮮甜，完全冇油膩感。點埋天婦羅汁，更加提升鮮味，係我食過最正嘅放題天婦羅之一！4. 脆炸貓山王榴槤控必試！外層炸得香脆，入面係濃郁嘅貓山王榴槤肉，一咬落去，榴槤香味即刻爆發，口感外脆內軟，真係食到停唔到口！5. 鹽燒雞軟骨串鹽燒雞軟骨串燒得剛剛好，外皮微焦，咬落去脆脆哋，帶有少少鹹香，好適合送酒或者就咁食都一樣咁正！6. 鹽燒雞翼(串)雞翼燒得外皮香脆，內裡肉質嫩滑，鹽燒味道恰到好處，唔會過鹹，食落去仲有少少炭燒香氣，好惹味！7. 鹽燒牛舌(串) (必食)牛舌厚切，燒得外焦內嫩，咬落去有嚼勁但唔會韌，鹽燒味道帶出牛舌嘅鮮味，食完一串即刻想再encore！8. 燒福岡芝心漢堡(客)呢個漢堡真係驚喜之作！漢堡扒juicy多汁，中間仲有流心芝士，一咬落去芝士爆漿，口感豐富，絕對係「邪惡之選」！9. 燒榴蓮(客) (必食)又係榴槤控嘅最愛！燒過嘅榴槤香味更加濃郁，口感軟滑，帶有微微焦香，食落去真係幸福感爆棚！10. 金蒜蓉粉絲蒸扇貝(隻)扇貝大大隻，肉質鮮甜，配上金蒜蓉同粉絲，蒜香味十足，粉絲吸收晒扇貝嘅精華，食落去好滿足！11. 鐵板蜜椒薯仔牛柳粒(客)牛柳粒嫩滑多汁，薯仔外脆內軟，蜜椒汁甜中帶辣，味道層次豐富，鐵板熱辣辣上枱，香氣撲鼻，真係好惹味！12. 皇牌燒乳鴿王 (必食)乳鴿燒得皮脆肉嫩，肉汁豐富，咬落去仲有少少炭燒香氣，味道唔會過鹹，食落去好有滿足感！13. 金湯慢煮鮑魚花膠盛(必食)呢個真係高級之選！鮑魚彈牙，花膠軟滑，金湯濃郁鮮甜，慢煮嘅烹調方式令食材更加入味，食落去感覺好滋補！14. 上湯翡翠百合螺片(宴會級) (必食)呢個菜式真係宴會級水準！螺片爽脆，百合清甜，上湯味道鮮美，食落去感覺好清新，完全唔似放題嘅質素！15. 海膽軍艦(件) (必食)海膽新鮮，味道甘甜，配上醋飯，口感豐富，完全冇腥味，係我食過最正嘅放題海膽軍艦！16. 香煎Black Tiger Prawn拌黑松露忌廉汁(必食)虎蝦大大隻，煎得香口，肉質彈牙，配上黑松露忌廉汁，香味濃郁，口感creamy，真係高級餐廳水準！極尚大喜屋絕對係旺角區嘅抵食放題之選！$268就可以食到咁多高質食物，仲要係中午時段食足3個鐘，真係「食到扶牆走」！無論係日式定中式食物，質素都相當高，而且款式多樣，絕對適合一大班朋友聚餐或者家庭聚會！餐廳：極尚大喜屋(旺角)地址：旺角彌敦道625 & 639號雅蘭中心4樓
繼續閱讀
之前戒口好耐冇食魚生，終於忍唔住要盡情食放題。呢間放題出名高質性價比高，平日午市$268一位，食足兩個半鐘。一坐低即刻用QR code落單點刺身、壽司。呢度嘅魚生質素幾好，魚生新鮮，款款厚切，三文魚肥美，池魚王鮮味，希靈魚爽脆鮮甜， 赤蝦大隻爽口鮮味。壽司卷物做得好精緻，款式多多，我想食嘅都有齊。我最鍾意海膽魚子拖羅蓉餅，海膽鮮甜味美加上一啲拖羅同埋魚子鮮味好好食。我仲食咗兩件海膽軍艦壽司， 質素都好OK。炙燒左口魚裙邊壽司肥美入口即溶，花之戀都係我必叫嘅，肥美幼滑加上沙律醬＇如以往好食。熟食方面，有兩款新推出食物做得好精緻，我覺得係必點嘅。燒福岡芝心漢堡擺盤直情好似西餐咁，芝心漢堡扒流心效果好正，煎得牛肉好香，配埋溫泉蛋汁一齊食好正。香煎Black Tiger Prawn伴黑松露汁又係完全唔似放題嘢食，好高質，虎蝦大隻肉爽，配上香濃creamy黑松露忌廉汁好好味。燒物方面，我試咗川味燒蠔，蠔大大隻肥美，一啲都唔腥，川味少少辣同埋好多炸蒜好惹味。燒扇貝都幾厚肉，燒得啱啱好，唔會乾噌噌。中式嘢食都有好多選擇，我食咗蔥爆鱔球、金湯慢煮鮑魚花膠、燒乳鴿，全部味道都唔錯，幾有水準，食物整得算好有誠意。出面自助區都有唔少食物款式，我淨係拎咗蝦餃、燒賣，仲有其他小食、前菜我就冇試，留肚食甜品。甜品自助櫃都有好多款，我係專攻雪糕，呢度Häagen-Dazs、Movenpick雪糕都係任食。另外，我仲咗個中式甜品，椰皇燕窩燉蛋白，夠滋潤養顏。
繼續閱讀
最近又同朋友去咗呢度食放題，鍾意佢環境地方大，座位坐得舒服。午市放題$268/ 位任飲任食， 食物種類選擇多，仲有多款中菜都好出色，老少咸宜一家大細都啱食，食物水準高，上菜速度快，食到好飽好滿足。必點推介：🔶刺身： 刺身新鮮厚切，特別鍾意大赤蝦😚🔶魚籽柚子鱆紅魚薄切🔶金湯慢煮鮑魚花膠：鮑魚炆到好腍又彈牙花膠厚厚的又入味。🔶上湯翡翠百合螺片：高級中菜嘅質素，好足料🔶燒乳鴿： 皮脆肉嫩，可以任食超爽🔶酥皮焗周打魚湯：有驚喜，超好飲！🔶燒生蠔：肥美鮮甜🔶海膽吞拿魚蓉最中餅🔶椰皇燕窩燉蛋白：好香滑！自助區好乾淨企理，可以自取：🔹小食前菜、冷盤、水果、蒸點心🔹多款飲品、啤酒、淸酒梅酒🔹各式甜品、雪糕雪條
繼續閱讀