極尚大喜屋

營業中

休息中

最近同朋友去咗極尚大喜屋旺角分店食放題，發現佢哋多咗好多新款海鮮熟食，海鮮控真係要bookmark定！刺身方面，極品大赤蝦爽甜大隻，啖啖鮮味，三文魚、帶子都新鮮。壽司推介厚切鵝肝壽司，油香滿滿，仲有海膽魚籽拖羅蓉中餅，creamy之餘拖羅勁肥美😍重點推介新出嗰堆海鮮熟食🌟籠仔桑拿大頭蝦蒸得啱啱好，蝦肉彈牙；辣酒煮海螺香辣夠味，啖啖螺肉唔韌；避風塘大頭蝦炸得脆卜卜，蒜香濃郁；海鹽焗海螺就清淡啲，食到海螺原味；仲有海鹽燒大眼雞，魚皮微焦，魚肉滑溜，鹽香突出，成個海鮮控夢想😝另外試咗酥皮焗周打魚湯，香滑creamy，魚香突出，燒福岡芝心漢堡有溶溶芝士心，幾邪惡，韓式慢煮牛肋骨冧冧肉滑，川燒茄子超多炸蒜好香口！甜品方面，自助區有多款糕點，仲有椰汁燉木瓜，滑溜唔太甜，椰皇燉燕窩蛋白清甜滋潤，日本Häagen-Dazs雪糕任食😋飲品選擇超多，汽水、果汁、茶、啤酒、清酒、紅白酒樣樣齊，無論想飲返杯chill下定同朋友開心share都無問題。今次極尚大喜屋旺角分店新加海鮮熟食真係加分，刺身質素穩定，甜品飲品夠多，價錢合理，坐得舒服，放題迷可以約埋去試！

極尚大喜屋最近多咗好多海鮮菜式‼️原條鹽燒大眼雞、薑蔥生蠔、避風塘大頭蝦、籠仔大頭蝦、鹽焗海螺等，海鮮控見到勁開心唔少得刺身｜串燒｜料理｜甜品｜飲品，無限量任食任飲食物種類真心多人人都揀到自己鍾意嘅嘢食，適合朋友、家庭聚會，最緊要食物質素唔錯，仲有燒榴蓮都好啱我🤤🎈刺身｜壽司種類齊全又新鮮🍣推介長腳蟹、池魚、帶子、赤蝦同三文魚味道鮮甜色澤又靚，三文魚腩係厚切㗎灸燒醬汁左口魚都好正唔會因為任食而降低質素，賣相又靚又好食🎈料理多咗好多海鮮選擇，海鮮迷超愛😍燒乳鴿、燒生蠔、大頭蝦、鯖魚、煮蜆最推介金不換香蔥蠔皇煲，調味甜甜哋帶點香料味，啱晒送酒金湯慢煮鮑魚花膠嘅花膠煮得軟腍，大大片食得滿足🎈燒物必食嘅有芝麻雞翼 燒菠蘿 羊架等香草羊架好多人點，肉質粉嫩多汁真係幾正比目魚厚身肥美，係我頭號最愛唔少得燒榴連🎈自助吧自助吧嘅熱食有點心 西蘭花 燉木瓜等最驚喜係有熱辣辣台灣腸超正冷盤款式有口水雞、蝦同貝類🦐款式多到試唔晒🎈甜品終極目標當然係食甜品必食嘅Haagen Dazs雪糕選擇豐富🍨仲有自家製甜品🍰無限量供應食得盡興啤酒、清酒、梅酒任飲🍶不妨小酌一杯

放題真係吃貨+懶人必選🤭選擇多，仲可以用QR CODE落單，勁方便除左自助掃碼落單外，餐廳仲有自助吧台仼揀熱湯、飲品🍸、甜品🍧任君選擇🫶🏻～海鮮類～籠仔桑拿大頭蝦: 新鮮大頭蝦，肉質鮮嫩。鮮蟹粥: 香濃蟹肉與粥的完美結合。川味燒鮮蠔: 辣味十足，鮮蠔味道濃郁。避風塘大頭蝦: 酥脆的外皮與鮮甜的蝦肉。松葉蟹腳: 肉質豐腴，口感極佳。～肉類～雪花牛肉鍋: 肥瘦相間的牛肉，煮後風味絕佳。燒香草羊鞍: 香草的獨特香氣提升肉質味道。皇牌燒乳鴿王: 外脆內嫩，肉汁豐富。～壽司與刺身～鵝肝醬薄牛壽司: 鵝肝的奢華與牛肉的搭配。海膽魚籽拖羅蓉中餅: 海膽控必食，海膽勁肥美油甘魚刺身: 新鮮的油甘魚，清爽可口。

係飯團訂座 歧視1個去食野訂座訂左8點 之後系統只可以選擇2位以上 講明大人1人上到去可以話最少要2位先入得咁備註黎都冇用唔明一張枱坐2個，都唔比我入？希望可以改善系統

假日（星期六/日/紅假及前夕）午市時段，任飲任食三小時，由12點食到3點，每位 $288 及加一服務費。刺身、壽司：三文魚、油甘魚、池魚，厚切口感不錯；赤蝦有時會有啲腥；帶子爽甜，其他貝類（馬刀貝、赤貝、北寄貝、榮螺、鮑片）都爽口彈牙。海膽魚籽拖羅蓉中餅，賣相唔錯，味道亦可以，海膽無腥臭，魚籽大粒飽滿，拖羅蓉無咩味。第一次落單有嚟，之後落單無再出現過。醬油漬左口魚邊壽司，夠肥美。鵝肝壽司，一般，有啲筋。海膽軍艦，海膽無腥臭，可以。熱食、料理：薑蔥爆鱔球，好細舊，多骨，偏腥，唔好食。金湯慢煮鮑魚花膠盛，賣相唔錯，有鮑魚、花膠、冬菇、小唐菜，小小酒樓水準。燒乳鴿，前後食咗三次，夠熱，皮微脆，肉軟嫩，調味合適，必食。香煎海虎蝦，蝦好大隻，亦算彈牙，白汁調味不錯，同隻蝦幾夾。燒蠔、燒扇貝，應該係一燒好就出貨，好熱，味道普普通通。燒羊鞍，無咩肥膏，少少羊騷味，肉質偏腍，欠缺口感，調味可以。蒲燒鰻魚，味道可以，勝在夠大塊亦夠厚身。串燒、炸物：牛舌串燒，唔韌，有𡁻頭，調味可以，黑椒粒唔好咁重手更好。雞翼串燒，燒得唔錯，皮少少脆，雖然無肉汁但肉唔乾身。雞軟骨串燒，第一/二轉夠熱，脆口，但之後第三/四轉

只有大喜屋能超越大喜屋最近食極尚大喜屋比想像中好食😮多款中式菜餚，乳鴿都係任食仲有金湯鮑魚慢煮花膠～無漏單情況，上菜都快手✨香煎Black Tiger Prawn 蝦肉啖啖肉，有燒烤既香氣靈魂係黑松露忌廉汁調味好好食🤤一人一隻大蝦，Encore左幾轉壽司推薦以下呢幾款🤤✨鵝肝醬薄牛壽司鵝肝配牛肉係不敗嘅組合香口惹味，壽司飯調味亦唔錯✨海膽魚籽拖羅蓉中餅一定好食嘅組合🤣三文魚籽喺口腔爆開，鹹香滿溢我個人就唔鍾意連塊餅仔食XD✨秘製醬油漬左口魚邊左口魚油香豐富～炸物同串燒都唔錯熱辣辣，最愛紫心香芋丸💜燒香草羊鞍肉質香軟，香草味濃西京燒比目魚係香甜味噌口味最後Häagen-DazsMovenpick雪糕作結🍦

💕大喜屋放題💕呢間整體嚟講任食嘅食材質素都好滿意👍做佢會員仲可以消費回贈分數一蚊一分今晚二人消費七百零蚊埋單 扣左分先比500感覺上好抵😂未食過大家都可以試試#########################💙三文魚 深海池魚 油甘魚 馬刀貝 帶子 甜蝦 海蜇頭 虎蝦💙每款刺身都好鮮甜 好鐘意食刺身嘅我 好爽好新鮮好鮮甜💙芝麻雞翼💙每次去都必點 新鮮炸起 熱辣辣 外脆內嫩 10個like 今次仲食兩隻💙蒜蓉燒生蠔 扇貝💙生蠔 扇貝都好厚肉 加上蒜蓉完全好惹味😋💙鹽燒牛舌💙出奇地好食 完全吾硬 好軟 好香💙燒比目魚💙好滑 燒得好香 好肥美💙葡式煮蜆💙初初俾佢個名呃左😂覺得吾夾 想食蜆 膽粗粗叫一份試下 結果好好食 佢係用蒜蓉牛油 加咗好少嘅葡式汁結果叫左6份黎食😋😋💙酥皮車打蜆湯💙酥皮有咬口 估唔到個蜆湯都幾濃郁不過兩個人一適試吓就好啦 因為飲完會好飽😜最尾點小得甜品 有movenpick & Haagen-Dazs雪糕任食仲有好多其他精緻嘅甜品今次仲吾食到捧住個肚走😍😍

今日同閏蜜去左 ✨極尚大喜屋 ✨食個午餐，中午食足三個鐘，三五知己就可以坐低慢慢食慢慢傾▶️餐廳更新左新餐牌，特別推介海鹽燒大眼雞，籠仔桑拿大頭蝦，避風塘大頭蝦，海鹽焗海螺大眼雞肉嫩JUICY，調味岩岩好，大頭蝦蝦膏鮮甜，肉質爽脆彈牙刺身當然不可缺，三文魚，大赤蝦，帶子，北寄貝，甜蝦，油甘魚，池魚王，赤貝，馬刀貝等等，有不少選擇，而且樣樣新鮮，三文魚夠肥美，大赤蝦爽甜，馬刀貝清脆✅回本推介▶️海膽軍艦，薑蔥爆鱔球，金銀蒜燒生蠔，西京燒比目魚，脆皮炸乳鴿，酥皮焗周打魚湯芝麻雞翼同蒲燒鰻魚就係我個人最愛✅自助區仲有好多食物選擇，飲品種類都係好多，雪糕種類同樣好多，Häagen-Dazs同Movenpick任食

隔咗一段時間都冇食過放題，今日就約埋朋友嚟到位於旺角雅蘭中心極尚大喜屋，喜歡這裏環境寛敞大部份都是卡位所以坐得好舒服，入座後可以用QR落單方便快捷，上菜速度亦都好快，沒有漏單情況出現！我們先到自助區取一些美食，自助區有各式各樣美食，起碼超過三至四十款多到食唔晒。刺身款式多選擇，我們點了三文魚、北寄貝、帶子和牡丹蝦等，樣樣都好新鮮，三文魚亦都好肥美。蒜蓉蒸生蠔-蒜蓉味好香濃，生蠔粒粒悵卜卜，入口多汁非常美味！金湯慢煮鮑魚花膠盛-花膠大大塊，食落膠原豐富，鮑魚煮得好淋好入味，醬汁調味適中。厚切鵝肝-切得細細件容易入口，燒得好香口又多汁，入口即溶！海鹽燒大眼雞-原條大眼雞上枱，魚肉鮮甜，用海鹽做點綴已經好好食。紅燒乳鴿-熱辣辣上枱，外皮香脆，煙煙韌韌。菜乾豬肺湯-材料十足嘅老火靚湯，有益健康。飲品方面有清酒，啤酒，熱茶，果汁，涼茶和汽水，樣樣都好齊全，亦都有一個暖櫃有熱飲👍

呢間野係旺角應該最平放題，keep 住人氣爆燈・刺身必食（推薦三文魚腩+帶子）仲有好多火炙壽司，真係齋食壽司都抵👍・燒物：蒜香燒蠔｜爆汁燒乳鴿🤤比目魚，同朋友一人食左兩條・隱藏吃法：海膽手卷加海量甜蝦🤤・香煎鵝肝係唔限量，配薄脆。又香口又唔會好易飽・冰鎮鵝肝慕斯配藍莓醬🤤入口好似食緊朱古力咁✓ 實用攻略✔ 早鳥時段最平$288✔ 飲品櫃仲有海量啤酒擇✔ 甜品仲有得自己唧雪糕✔ 熟食區記得攞湯、涼菜同熟食記得除左食Häagen-Dazs外仲有得擇Mövenpick🤭

成個場九成都係內地人非常嘈吵，更加有人當眾剪指甲，指甲周圍飛極度不衛生。同咗工作人員反映，客人仍然不理會。第一次張枱坐低左1分鐘隻腳即刻好痕有野咬！轉咗張枱之後正常啲。食物正常質素都吾差，對得住大喜屋嘅個brand係個環境差少少。The whole place was mostly filled with mainland Chinese people who were very noisy. Some even cut their nails in public, making the area around them extremely unsanitary. When we reported it to the staff, the customers still ignored us. After sitting at the first table for just one minute, my feet started itching immediately from something biting me! It was a bit better after we cha

自助區提供嘅美食種類繁多，各國料理、海鮮、前菜都包羅萬有。雖然放題提供菜式全部都好高質，但係有幾款食物係不得不試：🚩各類魚生壽司🍣精選嘅新鮮甜蝦、鮮帶子、希靈魚、松葉蟹腳同三文魚等高級食材，呈現高品質嘅生魚片，拼湊出令人垂延嘅魚生軍艦。🚩海鮮🐚結合鮮嫩扇貝同埋香氣四溢嘅蒜蓉，蒸製而成嘅精緻菜品。清淡嘅粉絲搭配濃烈嘅蒜香，帶黎豐富層次嘅口味。🚩肉類🐐經過緩慢燒烤，香草嘅香氣融入羊肉中，賦予肉質獨特風味，口感豐富多層次。🚩川味燒鮮蠔融合川菜風味，新鮮蠔肉搭配川式調味，麻辣鮮香，口感鮮嫩多汁，散發住獨特嘅辣味同香氣，令人回味無窮。

铜锣湾店的常客，去了十多次得是有了，这次换到了旺角店，整体感觉旺角店不如铜锣湾店。环境：旺角店好于铜锣湾店，这边选餐区更集中且宽敞，选餐体验较好。整个店面布局也比铜锣湾店更宽敞合理，候餐区比较宽敞。餐食不如铜锣湾店，多了个选项是螃蟹腿，排在第一位，不过其他的选项感觉没有铜锣湾店多，两人位巨小无比，又位于游客购物区，隔壁的货物已经堆到身边了。价格还比铜锣湾店同期贵，感觉是贵在大环境上了，但餐食是一般，有的选还是首选铜锣湾，奇怪的是，大喜屋和汉和总是成对出现

得閑就會想食下放題放肆下，呢間長時間滿座，好多人排隊！三文魚同油甘魚兩款都鮮甜。蟹脚有一半幾有質素，完全不會咸，好食。鵝肝厚切必叫。鮑魚花膠養生，生蠔都好大隻新鮮。乳鴿大隻好味。甜品就推薦椰子燉蛋白，好滋潤。Häagen-dazs雪糕有4隻口味，好多~自助區仲有甜點､凍海鮮類､生果。飲品各式各類都有，推薦珍珠奶茶｡總括而言，呢個價錢抵食，回到本。🥢極尚大喜屋 🌏旺角彌敦道625 & 639號雅蘭中心4樓

一年一度的日式放題就是為蝦子餅慶祝生日，窩夫與蝦子餅首次光顧旺角雅蘭中心的「極尚大喜屋」，感覺比去年光顧那間好。因為口渴，一入座便去取飲品，有窩夫愛喝的白桃烏龍，也有蝦子餅愛喝的桔仔青檸水，還有酒精飲品和汽水等。自助區有多款海鮮和小食，最吸引窩夫與蝦子餅的是菜乾豬肺湯，真材實料，十分好喝。第一輪的刺身氣勢十足，亦很有水準，三文魚刺身切得厚厚的，非常肥美。必點的海膽軍艦。鹽燒牛舌也是窩夫與蝦子餅必點的，燒得不錯。鹽燒雞翼的火候控制得不錯，雞皮燒得香脆，雞肉不會太乾。「極尚大喜屋」的中式美食很有驚喜，金湯慢煮鮑魚花膠盛做得出色，鮑魚和花膠夠腍夠入味，冬菇超厚，沒有漿糊般的獻汁。金蒜蓉粉絲蒸扇貝比燒蠔更惹味。鐵板蜜椒薯仔牛柳粒拍得住大牌檔的水準。除了中式，還有葡式和韓式美食。葡式煮蜆份量不少，隻隻都脹卜卜的，鮮味十足。甜品方面，點了椰皇燕窩燉蛋白，椰皇味夠香，蛋白嫩滑，不會太甜。壓軸的雪糕取了H牌的夏威夷果仁味、M牌的雲呢拿味和本地品牌的益力多味。