影片
營業時間
今日營業
12:00 - 14:30
17:00 - 23:00
星期一至五
12:00 - 14:30
17:00 - 23:00
星期六至日
12:00 - 15:00
17:00 - 23:00
公眾假期
12:00 - 15:00
17:00 - 23:00
公眾假期前夕
12:00 - 15:00
17:00 - 23:00
以上資料只供參考, 請與餐廳確認詳情
假日（星期六/日/紅假及前夕）午市時段，任飲任食三小時，由12點食到3點，每位 $288 及加一服務費。刺身、壽司：三文魚、油甘魚、池魚，厚切口感不錯；赤蝦有時會有啲腥；帶子爽甜，其他貝類（馬刀貝、赤貝、北寄貝、榮螺、鮑片）都爽口彈牙。海膽魚籽拖羅蓉中餅，賣相唔錯，味道亦可以，海膽無腥臭，魚籽大粒飽滿，拖羅蓉無咩味。第一次落單有嚟，之後落單無再出現過。醬油漬左口魚邊壽司，夠肥美。鵝肝壽司，一般，有啲筋。海膽軍艦，海膽無腥臭，可以。熱食、料理：薑蔥爆鱔球，好細舊，多骨，偏腥，唔好食。金湯慢煮鮑魚花膠盛，賣相唔錯，有鮑魚、花膠、冬菇、小唐菜，小小酒樓水準。燒乳鴿，前後食咗三次，夠熱，皮微脆，肉軟嫩，調味合適，必食。香煎海虎蝦，蝦好大隻，亦算彈牙，白汁調味不錯，同隻蝦幾夾。燒蠔、燒扇貝，應該係一燒好就出貨，好熱，味道普普通通。燒羊鞍，無咩肥膏，少少羊騷味，肉質偏腍，欠缺口感，調味可以。蒲燒鰻魚，味道可以，勝在夠大塊亦夠厚身。串燒、炸物：牛舌串燒，唔韌，有𡁻頭，調味可以，黑椒粒唔好咁重手更好。雞翼串燒，燒得唔錯，皮少少脆，雖然無肉汁但肉唔乾身。雞軟骨串燒，第一/二轉夠熱，脆口，但之後第三/四轉就室溫，回油，變硬咗。燒菠蘿，微酸帶甜，不錯。芝麻雞翼，熱辣辣，脆卜卜，夠哂香口。串炸鵪鶉蛋，好少食鵪鶉蛋，貪過癮，味道正常。天婦羅蝦，一般，炸得唔算好脆。南瓜天婦羅，好過天婦羅蝦，炸衣脆啲。其他：酥皮焗周打魚湯，酥皮合格，周打魚湯唔得，味道有啲奇怪。椰皇燕窩燉蛋白，滑溜，不錯。自助區食品：冷盤小食（螺肉、八爪魚、魷魚仔、中華沙律、川椒魚皮、腎片、泰式雞腳）味道正常。中式點心（蝦餃、燒賣）味道可以。飲品：款式十分多，酒類有Asahi、Sapporo、Somersby、Carlsberg、清酒、生啤。甜品：Movenpick、Häagen-Dazs、雀巢Drumstick甜筒、韓國雪條、豆腐花。總結：連加一，$316.8，三小時用餐時間（其實個零鐘已經好飽，其他時間都係吹水為主，好適合朋友歐會），食物及飲品嘅種類和款式都多，質素中上，上菜算快手及齊，坐位尚算鬆動（3-4位坐四人卡位唔錯，但2位坐二人枱就有啲逼），收費公道合理。
繼續閱讀
只有大喜屋能超越大喜屋最近食極尚大喜屋比想像中好食😮多款中式菜餚，乳鴿都係任食仲有金湯鮑魚慢煮花膠～無漏單情況，上菜都快手✨香煎Black Tiger Prawn 蝦肉啖啖肉，有燒烤既香氣靈魂係黑松露忌廉汁調味好好食🤤一人一隻大蝦，Encore左幾轉壽司推薦以下呢幾款🤤✨鵝肝醬薄牛壽司鵝肝配牛肉係不敗嘅組合香口惹味，壽司飯調味亦唔錯✨海膽魚籽拖羅蓉中餅一定好食嘅組合🤣三文魚籽喺口腔爆開，鹹香滿溢我個人就唔鍾意連塊餅仔食XD✨秘製醬油漬左口魚邊左口魚油香豐富～炸物同串燒都唔錯熱辣辣，最愛紫心香芋丸💜燒香草羊鞍肉質香軟，香草味濃西京燒比目魚係香甜味噌口味最後Häagen-DazsMovenpick雪糕作結🍦
繼續閱讀
💕大喜屋放題💕呢間整體嚟講任食嘅食材質素都好滿意👍做佢會員仲可以消費回贈分數一蚊一分今晚二人消費七百零蚊埋單 扣左分先比500感覺上好抵😂未食過大家都可以試試#########################💙三文魚 深海池魚 油甘魚 馬刀貝 帶子 甜蝦 海蜇頭 虎蝦💙每款刺身都好鮮甜 好鐘意食刺身嘅我 好爽好新鮮好鮮甜💙芝麻雞翼💙每次去都必點 新鮮炸起 熱辣辣 外脆內嫩 10個like 今次仲食兩隻💙蒜蓉燒生蠔 扇貝💙生蠔 扇貝都好厚肉 加上蒜蓉完全好惹味😋💙鹽燒牛舌💙出奇地好食 完全吾硬 好軟 好香💙燒比目魚💙好滑 燒得好香 好肥美💙葡式煮蜆💙初初俾佢個名呃左😂覺得吾夾 想食蜆 膽粗粗叫一份試下 結果好好食 佢係用蒜蓉牛油 加咗好少嘅葡式汁結果叫左6份黎食😋😋💙酥皮車打蜆湯💙酥皮有咬口 估唔到個蜆湯都幾濃郁不過兩個人一適試吓就好啦 因為飲完會好飽😜最尾點小得甜品 有movenpick & Haagen-Dazs雪糕任食仲有好多其他精緻嘅甜品今次仲吾食到捧住個肚走😍😍
繼續閱讀
今日同閏蜜去左 ✨極尚大喜屋 ✨食個午餐，中午食足三個鐘，三五知己就可以坐低慢慢食慢慢傾▶️餐廳更新左新餐牌，特別推介海鹽燒大眼雞，籠仔桑拿大頭蝦，避風塘大頭蝦，海鹽焗海螺大眼雞肉嫩JUICY，調味岩岩好，大頭蝦蝦膏鮮甜，肉質爽脆彈牙刺身當然不可缺，三文魚，大赤蝦，帶子，北寄貝，甜蝦，油甘魚，池魚王，赤貝，馬刀貝等等，有不少選擇，而且樣樣新鮮，三文魚夠肥美，大赤蝦爽甜，馬刀貝清脆✅回本推介▶️海膽軍艦，薑蔥爆鱔球，金銀蒜燒生蠔，西京燒比目魚，脆皮炸乳鴿，酥皮焗周打魚湯芝麻雞翼同蒲燒鰻魚就係我個人最愛✅自助區仲有好多食物選擇，飲品種類都係好多，雪糕種類同樣好多，Häagen-Dazs同Movenpick任食
繼續閱讀
隔咗一段時間都冇食過放題，今日就約埋朋友嚟到位於旺角雅蘭中心極尚大喜屋，喜歡這裏環境寛敞大部份都是卡位所以坐得好舒服，入座後可以用QR落單方便快捷，上菜速度亦都好快，沒有漏單情況出現！我們先到自助區取一些美食，自助區有各式各樣美食，起碼超過三至四十款多到食唔晒。刺身款式多選擇，我們點了三文魚、北寄貝、帶子和牡丹蝦等，樣樣都好新鮮，三文魚亦都好肥美。蒜蓉蒸生蠔-蒜蓉味好香濃，生蠔粒粒悵卜卜，入口多汁非常美味！金湯慢煮鮑魚花膠盛-花膠大大塊，食落膠原豐富，鮑魚煮得好淋好入味，醬汁調味適中。厚切鵝肝-切得細細件容易入口，燒得好香口又多汁，入口即溶！海鹽燒大眼雞-原條大眼雞上枱，魚肉鮮甜，用海鹽做點綴已經好好食。紅燒乳鴿-熱辣辣上枱，外皮香脆，煙煙韌韌。菜乾豬肺湯-材料十足嘅老火靚湯，有益健康。飲品方面有清酒，啤酒，熱茶，果汁，涼茶和汽水，樣樣都好齊全，亦都有一個暖櫃有熱飲👍
繼續閱讀