影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
今日出開嚟睇戲，喺附近見到一間食米線嘅用具幾特別，所以過嚟試吓。我叫咗個自選銅鍋米線，我揀咗佢哋招牌嘅螺旋藻腩肉另外再加新鮮蠔仔。佢呢個蠔仔真係落足本，叫咗酸辣湯小辣，但係成個湯都好有蠔仔嘅鮮甜味，因為呢度真係煮米線俾你食，所以個湯真係不得。另外佢啲米線都啱啱好，唔會太硬都唔會太腍，好爽口。呢間米線真係絕對超值得encore。不過就略嫌佢啲腩肉唔夠腍，如果可以再淋啲再入味啲，咁就完美啦。因為我同朋友都唔係好食碳水，所以我哋選擇咗嗌一個米線兩份分，然後再嗌其他小食。我哋試咗佢個香煎墨魚餅。呢個墨魚餅應該係自家製因為同出邊食到嘅味道唔同，彈牙得來唔會太過死實，係有清甜嘅墨魚味，又係好出色。然後豆卜釀蝦膠，佢個豆卜真係炸到超級鬆脆。之後你會見到滿滿嘅蝦餃，真係料到童叟無欺，朋友話好好食，佢形容為好似臭豆腐出邊嗰層皮，但係再鬆脆啲。然之後叫咗個秘汁雞翼，我以為佢係普通嘅滷水雞翼，但係食落甜甜地應該係加咗可樂去煮，所以個味道都幾特別，係媽媽嘅味道。最重要嘅係佢啲雞肉仲係好嫩得來實淨唔會好似煲湯雞咁散晒。然之後仲叫咗個口水雞，佢個口水雞個汁應該係自己調教，香香辣辣好開胃，啲雞都煮到啱啱好，夠晒滑。另外佢呢度有個好特別嘅叫荷葉包，其實佢個包皮就係大陸嗰隻刈包，好鬆軟甜甜地我係超鍾意食。不過中間個餡就係用咗我哋充滿香港特色嘅三文治餡。我哋自己揀咗鹹牛肉炒蛋，成件事都好夾㗎。成餐飯唯一唔係咁滿意嘅就係個魚皮，佢個魚皮唔夠入味，因為魚皮比較難索汁，如果本身醬汁唔夠嘅話其實都真係冇乜味。兩個人食咗咁多嘢，超級飽，啲職員態度又勁好，而且我最鍾意啲餐廳啲小食可以嗌半份，啱晒我呢啲眼闊肚窄乜都想試嘅人，我諗我會成為呢度嘅常客。
繼續閱讀
😌懷孕後 間中都會戚起酸辣湯底條筋今日鎖定左開業未夠一年既 @tong_guo_mi_xian 感覺到隔離枱阿姐經常有意無意咁望過黎好似睇死我會食唔晒無錯 表面睇係一人前 實際上 難道你睇唔出係二人份量咩🤰🏼😂⍥ 豬扒酸酸辣辣銅鍋米線 ❙ $64為左保溫 餐廳用上銅鍋果然 食到尾都仲係出晒煙 好厲害🥹豬扒另上😋半煎炸得外脆肉嫩 一啲都唔乾湯底清澈唔油膩 我選擇左BB辣度點到即止 我呢個初級食辣員都覺得容易入口另外可以免費轉米粉或薯粉 我揀左前者配菜都相當豐富 有肉碎 芽菜 木耳絲 芫荽不得不提酸菜！！👍🏻酸度好岩我 夠晒開胃！真心覺得好唔錯 酸酸辣辣岩晒炎炎夏日！⍥ 秘制酸菜腩肉荷葉包 ❙ $40呢個荷葉包有啲似刈包腩肉肥瘦適中 又夠稔又夠入味芫荽酸菜唔孤寒 而且有勁脆既腐皮炸到極致香口😋完全豐富左口感個包仲有啲類似千島醬但帶有少少辣既整個荷葉包濕潤 香脆 軟稔 表現唔錯🫶🏻⍥ 豆漿 ❙ $12支裝豆腐 甜度低更突顯到豆香而且職員好細心😚幫我助暖左
繼續閱讀
今日同兩個friend諗住去旺角上海街買嘢，點知佢哋太醒，帶我落錯車，跟住就熱死辣辣行到成隻嘢咁，喺行嘅途中，見到有間米線好多人，喺門口見到佢有個銅鍋裝住啲米線，好得意呀！所以我哋決定買完嘢要返返去食😂。我哋去到啱啱仲有1張枱，Lucky😆!我哋叫咗2個主食+2個小食一齊share，我見店舖外keep住都有人等位同入座，我哋食完都仲係座無虛席，要讚吓自己，識揀👍。蟲草花椰子雞米線 （+$8 轉雞髀）$68好香椰香味，新鮮嘅蟲草花配木耳、紅棗同雞，好夾呀！雞好滑，米線軟硬度適中，仲要好大碗呀！湯底唔漏，食完一碗仲想食，推介👍，我覺得轉埋雞髀都只係$68，值得轉嘅，但係我呢個米線係用碗上，如果用埋銅鍋會更開心🤣。豬扒雞翼酸菜飯 $62豬扒鬆化，雞翼好入味，仲好滑添，酸菜有少少酸辣好開胃。日式炸雞荷葉包 $40我好鍾意食刈包架，可惜唔係度度都有得食，呢度加埋炸雞都只係$40，仲要有2件，我覺得好抵。炸雞好脆，肉嫩又多汁，配搭芫茜同秘制醬，食落好夾好香，芫荽控必食推介，秘制醬會有啲辣，唔食得辣嘅朋友要注意喇！anyway 我好鍾意呢個刈包。炸脆脆蝦膠豆卜（5件）$32呢個無得輸，我覺得一個人應該最少食5件🤣，超級無敵勁脆嘅豆卜包住超彈牙仲有原隻蝦嘅蝦膠，點泰式辣醬，超好食，簡直食到停唔到口。必點👍。凍咸檸七喜 （跟餐+$12）食咗咁多熱氣野，緊係要飲杯咸檸檬七喜，解吓熱。熱檸蜜 （跟餐+$3）朋友話好鍾意，仲可以自己選擇要1片定2片檸檸。店鋪資料 🏢: 春城銅鍋米線 地址: 旺角砵蘭街175號地舖
繼續閱讀
🍳咸牛肉炒蛋荷葉包$46熱辣辣，係即叫即整荷葉包😍賣相我已經流晒口水🤤超厚蛋‼️‼️仲要咸牛肉每啖都咬到😋荷葉包超軟綿綿🤩🤩佢早餐都有提供架，食完真心想講早餐食既話超正又滿足仲要好飽拉😍早餐食厭左三文治既話可以黎外賣試下荷葉包！🍜招牌三鮮銅鍋米線$61有咩唸到甘大碗🤣🤣🤣平啲米線都食唔飽我，呢個真係超大份量😍叫左BB辣，三鮮係指豬潤、螺旋藻、腩肉🐷一定要食佢個腩肉🐷🐷大大塊又厚身，層次分明又肥肉位又唔會太肥🐷🐷超正😍😍豬潤都大塊又好多 食極都仲有😆🤣佢係好爽好新鮮，好似生滾豬膶既質感正😍👍湯底唔錯 飲落又唔會過咸幾好 又唔會好口渴👍配菜有酸菜、腐皮、木耳絲、肉碎，呢啲配菜都多，所以整體份量多好滿足好飽🤰細食人士真心同人𝐒𝐡𝐚𝐫𝐞一碗抵食！👍🐥蟲草花椰子雞米線 $60除左銅鍋出名，呢個都好多人叫黎食，無唸到湯底真係好正又濃😍😍😍飲晒成碗湯都得，中意飲湯人士麻煩叫呢個！😆重點個雞都係好滑❣️❣️好得😍😍好高質❣️❣️支裝豆🆗$12凍菜蜜 🆗$6
繼續閱讀
呢間米線店新開左一段時間，都聽過唔少好評，對佢都有期望，不過我都未得閒去試，今次終於黎左食lunch啦😄餐枱櫃桶放滿餐具同調味料等，餐牌既有一張張既，可以叫店員落單，同時都有QR code比客人慢慢電話睇完先落單📱秘製雞翼（3隻）（$21）秘製雞翼即係頭抽雞翼，雞翼整得夠入味得黎唔會太咸🐥炸脆脆蝦膠豆卜（$35）呢個小食係呢間米線店既名物，佢真係名乎其實好脆脆，裡面粒蝦膠又大粒又彈牙，乾點佢既泰式辣醬食又得，放湯好似響鈴索d湯黎食都一樣好味🤩番茄泡椒肥牛金菇銅鍋米線（$66）見到呢個餐牌有手指公，梗係揀呢個食，有品質保證，用銅鍋裝出黎既米線可以保持熱度，湯底揀左少辣所以食落會番茄味比較濃，肥牛金菇分量都多同好食😋招牌三鮮銅鍋米線（$67）另一碗我地都揀左有手指公推介既米線，呢個湯底可以揀辣或者唔辣，呢碗我地就試下清湯底，三鮮既餸分別係腩肉，豬潤，螺旋藻，其中螺絲藻我覺得幾特別，就係海苔咁樣，用黎做米線配菜都唔錯👍🏻呢間米線店既米線都係好食，最出色就真係佢地既招牌小食脆脆蝦膠，呢個小食係必食之選😍
繼續閱讀