影片
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
有關獎賞計劃
係尖沙咀美麗華行街街😙 係1 樓發現咗依家靚裝cafe🥰 門口嘅騰滕籃座椅真係好有feel😍 加埋大量美侖美奐嘅乾花佈置飾品，啱曬鐘意打卡嘅朋友🫶 🐧 例牌俾甜品menu 吸引住🤭 首先㨂咗個好有特色嘅焦糖香蕉荷蘭班戟配雲呢拿雪糕❤️ 班戟即點即製勁有誠意，與熱烘烘嘅鐵pan 一齊送上枱，香噴噴嘅蛋香真係令人流曬口水🤤 班戟質感都幾特別，外層酥脆，內餡軟熟中又帶點空氣感，脹卜卜嘅造型好吸睛😆 食落每一啖都充滿迷人嘅蛋香😙 加埋冰涼香滑嘅雪糕一齊食，冰火交融嘅滋味令人欲罷不能😆 之後再㨂咗件朱古力榛子果仁蛋糕🍫 蛋糕軟滑順口，每一口都充滿朱古力嘅醇香，夾埋卜卜脆嘅榛子果仁一齊食，整體不會太甜太膩，配合得好出色👍 最後點少得飲返杯啡😋 今次㨂咗杯幾有特色嘅香橙蜜糖拿鐵☕️ 餐廳特地分開香橙蜜糖另上，客人可按自己喜好加添所需嘅份量，好貼心👍 咖啡飲落帶有清新嘅香橙果香🌟 蜜糖嘅甘甜正好中和咖啡嘅苦澀感，飲落好順口❤️ 超級高質推薦👍
繼續閱讀
行完美麗華去咗間cafe食，俾佢嘅環境吸引咗，靜靜地又唔會太開放，而且裝潢設計幾打卡able，適合約姊妹過嚟chill～ 食物價格都幾親民，呢個地方好難搵到，而且份量都唔少！前菜有蕃茄湯同煙三文魚牛油果他他多士，蕃茄味道濃郁，多士酥脆可口，令人胃口大開。輕食有ART OF BOWL，包含鮮果、牛油果、提子乾、果仁、三色藜麥、酸種麵包、羽衣甘藍同雜菜沙律。五顏六色，健康又好味道。個人推Dill Greek Yogurt Smoked Salmon Tartare Croffle，份量啱啱好可以share。牛角包窩夫軟硬程度適中，上面嘅配料先係重點，香草乳酪搭配三文魚他他，集合酸甜鹹口味，味道豐富。Carbonara都唔錯，麵條軟身同時又帶點煙靭感，夠掛汁，配上煙肉、白菌同蛋黃，肚餓嘅可以叫呢個。甜點有Triple Cheese Dutch Baby Pancakes，製作時間需要15分鐘，呢款真係必點，鹹香惹味，好值得一試。
繼續閱讀
週末下雨🌧️真係好掃興😩只好係商場內行吓經過留意到間開陽 Cafe☕️北歐風擺放藤籃椅子，門外一個個既大花瓶圍住插住🌾蘆葦及🍁扇葉，大地色帶點粉望落雅致舒適！Order咗一份小食同沙律拼埋色彩繽紛，打卡賞心，而且健康又好味🥗TURNING POINT BOWL牛油果🥑控B一見到有牛油果就瘋狂話要叫呢個沙律，仲做要超級豐富，有翠綠沙律菜圍繞着吞拿魚、雞絲、溫泉蛋、紫薯及酸種麵包 ；雞絲係烚的 🐟厚切吞拿魚沾上黑白芝麻輕煎外圍半生熟，清淡無油 靠青檸柚子汁 製作精緻，二個人食都覺飽肚🥖Fresh Fig $138種麵包塗上希臘乳酪放滿大大粒既鮮水果🫐啲色配搭得非常美，充滿無花果🍓士多啤梨香氣🤩酸酸甜甜，愛美及素食者啱唒～☕️Sea salt Caramel Latte｜海鹽焦糖拿鐵☕️Pistachio Cappuccino｜開心果泡沫咖啡慢活嘆杯咖啡，飲品種類繁多
繼續閱讀
餐廳：Turning Point By Coffee Art (尖沙咀)地址：尖沙咀彌敦道132號美麗華廣場1期1樓113A&113B號舖前排香港連續幾日都狂風暴雨⛈️，無得喺戶外玩，我就鍾意喺呢啲日子搵間cafehea吓做吓嘢📖，美麗華商場呢間Turning Point By Coffee Art我曾經都有同朋友喺度吹水同飲過咖啡☕️，而原來「Turning Point」喺咖啡術語入面有「由高溫轉落嚟再升溫」嘅意思，希望大家可以喺到唞一唞，就算chur到盡都可以hea吓回溫之後先再次出發🛫店舖採用半開放式嘅設計，營造出空間感十足嘅用餐環境，配上寬敞舒適嘅卡位同簡潔嘅風格，令人喺Cafe入面可以放鬆自在😌，餐廳提供各式各樣嘅西餐同輕食，而主打嘅當然喺靚靚拉花同手沖咖啡💯閒日5點幾嚟度諗住食個early dinner，點知仲做緊午市套餐有啲surprise😍，食物相對較平仲包埋頭盤、主食同餐飲，難得嚟度緊喺用套餐價$28(正價減$10)叫杯Latte嚟飲☕️，而是日餐湯喺蕃茄湯，裡面加咗大量番茄碎粒去帶出濃郁酸香，非常開胃🍅✝️ART OF BOWL $98色彩繽紛嘅沙律猶如一幅藝術作品，有接近十款健康食材，沙律用咗生菜同羽衣甘藍，淋上酸甜嘅青檸柚子汁有助剔除草青味🌿，酸種麵包焗到外脆內軟，配搭幼滑嘅牛油果一流🥑，配料仲有提子🍇、藍莓🫐、雜果仁、藜麥同提子乾等，款式都真喺幾多👍🏽✝️香煎澳洲PRIME肉眼牛扒配炒薯片 $148牛扒幾厚，不過面頭就有少少燶，脂肪比例較低而且肉質纖維結實，外層煎到7成熟而中間接近5成熟，呈粉嫩色🥩，肉質幼嫩中帶有咬口，肉汁都算多💦，配埋燒汁令肉香更凸出🤤，伴碟嘅炒薯片喺幾香口惹味，不過個人覺得油咗少少🤏✝️焦糖朱古力芝士蛋糕 $45唔知喺咪因為放咗喺雪櫃太耐，蛋糕嘅外層變得有啲膠質化🥲，不過食到中間就好正常，食得出焦糖朱古力甜而不膩嘅風味同creamy嘅口感🍰
繼續閱讀
來到尖沙咀這邊，於是便去美麗華廣場行下，見到有一間幾精緻的Cafe，朋友話想食，於是便坐下食個Dinner，見到餐牌又幾抵食，又想食健康D，於是便點了兩份健康餐🙌煙三文魚牛油果他他多士香脆鬆化的多士上，有煙三文魚、牛油果等等，一口咬下去，啖啖肉，作為前菜挺不錯✨Turning Point Bowl $148人生不是贏在起跑線，而是贏在轉折點，Turning Point這個名字改得非常好，半個牛油果加上溫泉蛋，呢個配搭簡直係一流，仲有吞拿魚他他，上面的芝麻粒粒分明，咬下去的時候先有一股油香，再加上吞拿魚的鮮味，太棒了😎開心果麻糬西多士配雪糕 +$78西多士配上雲呢拿雪糕，西多士唔算太甜，中間軟糯的感覺實在是第一次，值得比個Like👍All day breakfast $148炒滑蛋、英式豬肉腸、牛油果吞拿魚他他、車厘茄、大啡菇，經典的All day breakfast，見到都覺得有點驚訝，因為實在好大份，性價比高🤗好味指數：9/10 性價比指數：10/10餐廳名稱：Turning Point By Coffee Art 餐廳地址：尖沙咀彌敦道132號美麗華廣場1期1樓113A&113B號舖 電話：54037996
繼續閱讀