影片
更多
2025-03-07
374 瀏覽
今日嚟美麗華嘅時候見到呢間Cafe都感覺幾靚幾舒適，有啲藤椅可以坐喺度打吓卡，而且佢有啲開心果嘅甜品。作為開心果控嘅小編就即刻入去試吓。 晚餐佢會有餐湯或者沙律，沙律係甜甜酸酸嘅味道，蔬菜非常清爽，都幾開胃。餐湯係南瓜忌廉湯，質地非常濃稠，味道香甜。香煎阿根廷肉眼配粗薯條、燒肉汁 ＄218唔知咁多位有冇試過嗌牛扒，五成變七成七成變全熟。呢間嘅牛扒熟到就控制得好好，五成真係五成，中間仲·有啲紅紅地嘅位置。口感軟腍，唔會韌，味道以肉香為主，表面有少少焦香，而且份量十足，啱晒食肉獸們。旁邊亦都有沙律同薯條，可以解膩，又可以填肚，作為Cafe嘅牛扒非常高質。味道：8.2/10臘肉臘腸卡邦尼新鮮手造扁意粉 $138新鮮意粉亦都係佢哋主打之一，呢個卡邦尼同一般唔同，冇用煙肉或者意式豬面頰肉，而係用咗份量滿滿嘅中式嘅臘肉同臘腸。咬落去油香非常豐富，而且帶少少嘅酒味。呢啲油香同酒香搭配埋卡邦尼嘅忌廉汁，產生咗種有啲新奇但又好夾嘅味道。而意粉係蛋麵，口感硬中帶彈牙嘅感覺，口感一流味道：8.1/10開心果Tiramisu $58嚟到重頭戲試開心果甜品，開心果嘅Tiramisu出面比較少見。佢其實仍然係以T
今日嚟美麗華嘅時候見到呢間Cafe都感覺幾靚幾舒適，有啲藤椅可以坐喺度打吓卡，而且佢有啲開心果嘅甜品。作為開心果控嘅小編就即刻入去試吓。
晚餐佢會有餐湯或者沙律，沙律係甜甜酸酸嘅味道，蔬菜非常清爽，都幾開胃。餐湯係南瓜忌廉湯，質地非常濃稠，味道香甜。
香煎阿根廷肉眼配粗薯條、燒肉汁 ＄218
唔知咁多位有冇試過嗌牛扒，五成變七成七成變全熟。呢間嘅牛扒熟到就控制得好好，五成真係五成，中間仲·有啲紅紅地嘅位置。口感軟腍，唔會韌，味道以肉香為主，表面有少少焦香，而且份量十足，啱晒食肉獸們。旁邊亦都有沙律同薯條，可以解膩，又可以填肚，作為Cafe嘅牛扒非常高質。
味道：8.2/10
臘肉臘腸卡邦尼新鮮手造扁意粉 $138
新鮮意粉亦都係佢哋主打之一，呢個卡邦尼同一般唔同，冇用煙肉或者意式豬面頰肉，而係用咗份量滿滿嘅中式嘅臘肉同臘腸。咬落去油香非常豐富，而且帶少少嘅酒味。呢啲油香同酒香搭配埋卡邦尼嘅忌廉汁，產生咗種有啲新奇但又好夾嘅味道。而意粉係蛋麵，口感硬中帶彈牙嘅感覺，口感一流
味道：8.1/10
開心果Tiramisu $58
嚟到重頭戲試開心果甜品，開心果嘅Tiramisu出面比較少見。佢其實仍然係以Tiramisu做底，不過上面加咗一層開心果嘅忌廉。食落去層次好豐富，而且非常濕潤。不過仍然係咖啡味為主，開心果味比較輕描淡寫，係最後先會食到少少開心果嘅鹹香。
味道：7.8/10
開心果巴斯克 $58
作為開心果同巴斯克蛋糕嘅粉絲，只要見到呢樣嘢小編就有衝動去叫。佢嘅開心果味同出面有少少唔同，佢感覺係嗰種用鹽焗過嘅開心果，所以係帶少少嘅鹹香味。巴斯克嘅質感非常之好，外面焦香，入面軟心軟心，質感好軟滑，配杯咖啡相信都唔錯。
味道：8.2/10
抹茶柚子清酒梳打 $58
小編見到呢杯特飲咁特別就叫嚟試吓，飲落去嘅味道係偏甘苦同清爽，抹茶同清酒味嘅味道比較突出。小編覺得佢勝在幾乎冇乜甜味。有種大人嘅味道。
味道：7.7/10
荔枝石榴梳打水 $38
石榴味同荔枝味好夾，香甜香甜，加埋梳打水好清爽。
味道：8/10
環境：8.2/10
服務：7.9/10
抵食：7.8/10
Turning Point By Coffee Art (尖沙咀)
尖沙咀彌敦道132號美麗華廣場1期1樓113A&113B號舖
張貼
