47
0
0
| 餐廳: | 香香宮煮 (金巴利中心) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
走中國宮廷風的特色主題火鍋店，仿宮廷裝潢外，更提供男女宮廷服讓食客拍照留念，或穿著用膳。其火鍋湯底口味多樣，如花膠雞湯鍋、辣酒花螺鍋等，配料亦相當豐富，包括來自不同產地的肉類及各種海鮮。
繼續閱讀
附加資料
最後落單時間: 23:45
營業時間
今日營業
16:00 - 02:00
星期一至日
16:00 - 02:00
以上資料只供參考, 請與餐廳確認詳情
有關獎賞計劃
優惠
| 餐廳: | 香香宮煮 (金巴利中心) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
這間宮廷式主題火鍋店，其裝潢充滿古代宮廷氣息，而且以喜慶紅色為主調，前來聚會慶祝特別日子都幾有氣氛。菜式名字大都以公主命名（晉陵公主、建寧公主...)都幾有趣。昭陽公主椰子雞湯鍋 $308平時已經常常食麻辣湯底，所以今次清清地揀椰子雞湯鍋。椰絲份量好多，三黃雞的雞件亦有半隻以上，湯底滾起以後椰子味超香，雞肉好滑溜，還有番薯蜆都好大隻，湯底超好飲超甜。艾莎公主牛肉寶盒 $498果然是寶盒，一打開就冒出仙氣，打卡必影！每款牛肉都好高質，頂級安格斯牛肉油花豐富質感軟稔，頂級雪花肥牛鮮嫩不油膩，牛舌花彈牙爽口，手切本地牛肉、牛肉粒及新鮮牛展亦不錯，不過最有驚喜是牛黃喉，在別的店食過覺得好韌，但呢間的牛黃喉卻入口爽彈。伊比利亞橡果豬 $188除牛肉外，豬肉都好正，切得幾薄身好快就熟，肉質嫩滑，肥瘦比例均勻，肉味亦濃郁。紫菜櫻花蝦豬肉丸(四粒) $72豬肉丸食得多，但加入紫菜和櫻花蝦就第一次食，咬落見到好多細細隻櫻花蝦米仔，令豬肉丸的味道更香口。香宮煮響鈴拼盤 $98有齊原味及黃金響鈴兩種，論好食當然是鋪滿一層鹹蛋黃的黃金響鈴啦，好惹味！公主油炸鬼 $68油炸鬼包住蝦滑及魚子，輕輕淥一淥就食得，鍾意食索滿湯汁軟綿綿的話可以再浸耐一點。生啤不管是Hoegaarden或是Stella，500ML只需$88，冰涷美味，爽！
繼續閱讀
香香宮煮🌟港鐵尖沙咀/尖東站B1出口 5分鐘路程🌟#火鍋 #火鍋晚市 #尖沙咀火鍋 #尖沙咀邊爐今晚同朋友黎到呢間新店打邊爐由門口開始已經係打卡位 金色龍椅 仲有全店ge古代宮廷風設計 📸📸有九宮格調味盤 靚呀！首先 揀先湯底 已經眼花撩亂🧡#建寧公主特色卜卜蜆鍋- 成鍋都係沙白蜆 應該都有成40隻- 唐芹 芽菜 仲有少少辣椒 提升到鮮味- 鮮甜清爽👍🏻🧡#艾莎公主牛肉寶盒- 頂級安格斯牛肉 手切本地牛肉 新鮮牛展 頂級雪花肥牛 牛黃喉 牛舌花- 牛肉味濃 每個部位都可以試下！🧡#伊比利亞橡果豬- 相比起牛肉 呢個橡果豬絕不輸蝕 - 橡果豬唔煙韌 仲幾濃味🧡#手打蟹籽墨魚丸- 食得出墨魚味嘅份量好多 好彈牙🧡#響鈴拼盤- 有兩種響鈴 分別係原味 同埋 黃金響鈴😆- 響鈴都係即炸嘅 - 黃金響鈴更加鋪咗一層鹹蛋黃 勁惹味🧡#自家製即炸魚皮- 可以就咁食 又可以放落火鍋食- 放落火鍋食嘅話 又可以食到魚皮嘅鬆脆 又可以食到湯底嘅味道👍🏻👍🏻🧡#竹蔗茅根- 用紫砂壺形式裝上 又幾特別- 解膩 但唔會太甜
繼續閱讀
以古代宮廷為主題嘅火鍋店越開越多間，要講真係裝修到食物器皿都完全突顯到主題嘅，非«香香宮煮»莫屬。門口已經有龍椅打卡位，入到去所有裝修枱櫈同擺設都充滿着古代宮廷風情，食物器皿上枱嘅時候都係好靚可以打卡！📸🍲昭陽公主椰子雞湯鍋 $308✰打邊爐最緊要係個湯底，呢度嘅湯底選擇好多，椰子雞鍋用椰青水配合三黃雞，加咗番薯蜆提鮮，個湯底超好飲超甜！打邊爐之前要先飲兩碗😂 雞件好厚肉好嫩滑～ 烚啲乜嘢都覺得甜咗好好味😂🐮艾莎公主牛肉寶盒 $498✰寶盒一打開就冒出仙氣🌫️😶🌫️ 打卡必食！📸✰可以試勻七種牛肉：頂級安格斯牛肉、手切本地牛肉、新鮮牛展、頂級雪花肥牛、牛黃喉、牛肉粒、牛舌花。油花好靚！🐷伊比利亞橡果豬 $188✰器皿加擺盤都係打卡必食推薦😆 估唔到豬都可以咁軟嫩，肥瘦比例均勻，絕對唔輸俾啲牛肉！🌯香香宮煮響鈴拼盤 $98✰有鹹蛋黃響鈴同埋普通即炸響鈴，鹹蛋黃響鈴熱辣辣就咁食，香脆鹹香，勁邪惡😆✰普通響鈴就用嚟打邊爐。🍡手打鮮牛丸（4粒） $72✰充滿肉汁嘅鮮牛丸，烚熟咗之後咬落去肉汁咇出嚟🤤✰手打丸可以揀四粒或者八粒。🥬豆苗 $58✰非常新鮮同埋鮮甜，而且份量好大兜好多。🍺Stella Artois 500ML $88🍺Hoegaarden Tumbler 500ML $88✰呢度有生啤供應🤩🤩 打邊爐最鍾意就係啤一啤！🍻 ✰除咗啤酒仲有其他清酒、紅白酒。💵2人食👩🏻🤝👨🏼人均約HKD$770
繼續閱讀
打邊爐引又起，一向喜歡「香香宮煮」既雞湯湯底好足料，最鍾意先飲幾碗，然後再打邊爐，最近佢哋喺金巴利道開咗新分店，裝潢跟老店一樣充滿宮廷風味，而且地方更大更寬敞，即刻去朝聖一下先👍🏻👍🏻▪️平陽公主消暑冬瓜瑤柱鍋本來一心諗住點雞湯鍋，但去到又突然間改變主意，想試吓未食過嘅，就點咗呢個冬瓜瑤柱鍋，大冬瓜配上瑤柱，雞肉，蟹柳，素翅等食材，湯底原來係用清雞湯去熬製，湯頭一樣係超級鮮甜，真係要飲多幾碗先再打邊爐👍🏻👍🏻▪️艾莎公主牛肉寶盒 出場時用一個寶盒，放上八款高質牛肉，而且有特別冒煙效果，賣相極佳，牛肉分別有頂級安格斯牛肉、手切本地牛肉、新鮮牛展、頂級雪花肥牛、牛黃喉、牛肉粒、牛舌花，每款有着不同嘅口感，非常高質，一次過能夠食晒八款牛嘅不同部位，真心推薦牛魔王必食▪️伊比利亞橡果豬橡果豬脂肪滲透肉內，肉質清晰呈現大理石紋般嘅油花，入口充滿油香，其脂肪主要是不飽和脂肪酸，肉味芳香濃郁▪️陳年花雕醉雞鮮雞帶啖啖酒香 ，用雞湯滾熟之後，雞味濃郁，肉質幾嫩滑，好味▪️手打蟹子墨魚丸（四粒）墨魚丸口感爽口又彈牙，竟然食到粒粒墨魚肉，加上蟹籽更加鮮味▪️自家製即炸魚皮炸魚皮即點即炸，炸得香脆好香口，好厚身，所以口感非常好，無論就咁食或者放湯一樣咁正▪️自家製足料竹蔗茅根用一個古代宮廷嘅茶壺裝住，竹蔗茅根自家製非常足料，清甜解渴又可以清熱氣 ，打邊爐飲一流
繼續閱讀
出外用膳，除咗講求味道之外環境都好重要，有時候尋浪漫，有時候追潮流，今日我想沉浸一吓、當一晚公主！尖沙咀的「香香宮煮」火鍋店，悉心佈置，于人有置身宮廷之感，食物方面亦以公主為名，非常適合剛好公主病發作的我！幸好另一半配合，全晚坐着等吃！美人鴛鴦鍋：昭陽公主椰子雞湯鍋、特色卜卜蜆鍋 $326正好各取所需，我喜歡飲椰子雞湯，老公想食蜆。椰子雞湯果然清甜，充滿椰子香，被椰子油浸浴過的雞肉亦特別滑。蜆肉新鮮，飲兩碗湯，食晒啲湯料，已經飽咗三份一！艾莎公主牛肉寶盒 $498乾冰營造效果，仙氣逼人，感覺牛肉份外新鮮。牛肉補盒有七款：頂級安格斯牛肉、手切本地牛肉、新鮮牛展、雪花肥牛、牛皇喉、牛肉粒、牛舌花，口感各異，牛肉是火鍋的亮點，牛魔王大滿足！伊比利亞橡果豬 $188這個豬的肉質有意外驚喜，相當有質素，柔軟無筋，豐腴有咬口。香香宮煮響鈴拼盤 $98熱辣辣，廚房剛炸，其實無需點鴛鴦，因為大家爭著吃鹹蛋黃響鈴，灼兩秒即吃，亦脆亦帶汁。紫菜櫻花蝦豬肉丸 $72我說得對了，在一衆手打丸中我揀了紫菜櫻花蝦豬肉丸，此丸味道豐富，口感有層次。美濃水蓮 $88台灣高雄美濃生產的水蓮正是時令，特有品種，爽口翠綠，與別不同。自家製足料竹蔗茅根 $78清甜解熱，個壼也與別不同！
繼續閱讀