170
17
18
| 餐廳: | 湊湊火鍋‧茶憩 (K11購物藝術館) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
湊湊火鍋•茶憩突破傳統，破天荒融合“臺式有料火鍋”和“臺式現搖茶”，為食客帶來前所未有的正宗臺式餐飲體驗，令湊湊成為親朋好友聚首一堂，相聚舉杯的熱門地點。
繼續閱讀
營業時間
今日營業
11:00 - 23:30
星期一至日
11:00 - 23:30
*最後下單時間: 23:00
以上資料只供參考, 請與餐廳確認詳情
有關獎賞計劃
優惠
| 餐廳: | 湊湊火鍋‧茶憩 (K11購物藝術館) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
想約朋友打邊爐好耐啦！今次就決定黎湊湊打邊爐，試吓佢哋最近推出嘅「鮮活海鮮巡禮」，依家做緊50%OFF象拔蚌$178！抵呀！鴛鴦鍋（昆布鰹魚湯 ＄138拼 台式招牌＄138）昆布鰹魚湯味道十足！用咗昆布鰹魚熬製4小時而成！依家+$28仲可以有鮮活文蛤一份！招牌台式麻辣鍋，麻辣惹味，湯底有鴨血同豆腐，仲可以任添。華麗海鮮拼盤 擺盤好靚，有鮑魚、扇貝、蝦、鱔、文蛤，品質新鮮，尤其系鮑魚，口感彈牙又高質。美國牛肩胛肉 牛肉質地唔錯，油花分布均勻，肉質鮮嫩多汁，食落牛味濃郁。毛肚毛肚勁爽口！淥十五秒就食得，而且掛汁入味。貓爪蝦滑超可愛的貓爪造型真係打卡一流，食落彈牙，搭配火鍋湯底，口感有層次。新鮮白鱔片 白鱔片已經經過去骨，而且好新鮮，大大一盆，砌到好靚仔。皇帝菜 夠新鮮，食落嫩口冇渣，仲可以解油膩。雙柚愛玉茉莉（冰沙）雙柚愛玉茉香茶 嘢飲充滿台式特式，柚子味突出，爽口解膩。自助食物 ＄19/位多款醬料可以混醬，仲有任食生果、前菜、滷肉飯…
繼續閱讀
湊湊呢個名聽咗好耐喇，成日聽朋友講好高質🤩今次就去到尖沙咀K11分店，環境都好有台式風味好有氣氛，lunch都食得咁豐富好正🤤✿ 臺式麻辣鍋/ 昆布鰹魚鍋（鴛鴦鍋）麻辣鍋有鴨血同豆腐，朋友表示好鍾意食❤️🤍辣到未至於好高，適合想食辣但係又唔太食得太辣嘅朋友🔥昆布鴛鴦鍋就清新，適合搭配各種食材。✿ 毛肚即牛柏葉🐮依家都好多川菜有毛肚，口感爽口，個人認為擺麻辣鍋湯底嗰邊幾match。✿ 美國特選級牛肩胛 打邊爐食牛肉最中意食牛肩胛，油脂分佈均勻🐮又不失牛肉味。✿ 新鮮白鱔片平時食日式串燒就食得多🍢打邊爐少食白鱔呢，白鱔新鮮吾腥，每一片亦新鮮🐟✿ 華麗海鮮拼盤（小）華麗海鮮拼盤到底有幾華麗✨有大蝦🦐帶子 蜆肉 鮑魚 白鱔，大蝦同鮑魚爽口彈牙，帶子鮮味十足，蜆肉肥美多汁🐚 ✿ 貓爪蝦滑蝦滑系貓爪外型好QQ🐱蝦滑蝦膠打得結實🦐✿ 雙柚愛玉茉香茶/ 雙柚愛玉茉莉冰沙餐廳新品，柚子比人感覺清新💛愛玉Q彈，一路飲野一路食好正😊茉莉茶清醇解膩。✿ 寶寶童樂餐最近餐廳推出寶寶童樂餐，小朋友都可以喺火鍋店佔一席位😁材料喺小朋友用餐黎講頗豐富，用上奶油水耕蔬菜🥬深海昆布柴魚🐟日本A4和牛🐮西班牙伊比利亞豬🐷基圍蝦🦐帶子 鱸魚片，和牛油脂多口感肥美，基圍蝦新鮮爽口，鱸魚片滑溜。
繼續閱讀
臺式麻辣鍋麻辣鍋唔會好辣, 更突顯濃郁嘅香料味, 涮肉一流。 鴨血滑嫩, 豆腐索哂汁好入味。 🥥清涼椰子雞鍋鍋底好清甜, 煮菜同海鮮食都一流, 雞肉留到最後先食都仲滑!🦐花好月圓海鮮拚盤 海鮮拚盤有蝦, 扇貝, 鮑魚, 蜆肉同鱔片。 海鮮質素都唔錯, 蜆肉鮮甜, 鮑魚爽口, 扇貝食落啖啖肉。🐧企鵝賞月 🌕提前訂座送嘅, 企鵝賞月造型得意又應節,企鵝仔係用墨魚漿整,食落爽口仲帶有墨魚嘅鮮甜味, 好好食。 月球都唔錯, 佢係飛魚籽墨魚滑嚟, 飛魚籽一粒粒咁令到佢更有層次感。 🐟新鮮白鱔片個人好鐘意呢道! 白鱔片幾新鮮, 肉質肥美又彈牙! 🐮美國特選級牛肩胛牛肩胛油脂分佈均勻, 口感幾嫩。🌟爽口牛黃喉幾爽脆, 鐘意呢個質感!🥬油麥菜油麥菜落椰子雞鍋煮嚟食好清甜。🥤雙柚愛玉茉香茶一飲就啖啖柚子, 愛玉幾Q, 配合埋茉莉茶整體感覺幾fresh❄️雙柚愛玉茉莉冰沙同上面嗰杯大致相同, 係茶同冰沙嘅分別。 呢度嘅冰沙好細緻, 飲落口感順滑。紅豆布甸布甸淡淡地配上紅豆啱啱好, 幾balance餐廳自助區除咗醬料, 仲有生果 (有芭樂, 西瓜同菠蘿) 、台式肉燥飯，另外仲有菠蘿桃沙冰refresh 返, 大滿足。
繼續閱讀
嘢食評論於後續，因為店員行為覆蓋品嚐美好嘢食！一餐飯，隨咗我地被騙，都聽到幾位食客book左位都被騙😡😠😡😠😡😠同2位朋友一同3人於18:35左右到達餐廳，scan QR code線上攞飛，當時寫住仲有3枱客人先到我地，有位會打電話通知，我地就係商場行下先•18:56收到店員電話話有位，到達餐廳後，聽到有食客(3個男人)話book咗位，但因為搵餐廳搵咗好耐而遲左，但店員話因為過咗15分鐘，所以取消咗booking，食客隨即再解釋真係餐廳太偏僻搵唔到而遲，店員就話唸一唸辦法。隨即就同我地講，因為本身4人枱客人埋咗單，都過左用餐時間，但唔肯走，所以而家比唔到枱我地，問我地2人枱逼啲得唔得，我地最後就選擇等4人枱食客走，先再用餐。係出面等咗10分鐘左右，問店員仲有幾耐，佢話「仲有一碟菜，應該好快得」 ，當時都冇唸到，明明話食哂野，埋咗單，點解又突然會仲有碟菜🤔 不過我地就話不如我地再行陣，有枱再打比我地啦，同埋有問係咪入座先計2個鐘，佢話係！•到19:29店員再次打嚟話有位，我地19:40左右被安排坐係門口嘅4人枱，並非原本話安排比我地嘅4人枱，後來朋友去攞醬汁個時見到原本張4人枱，係遲到個3個男食客坐左😅😅😅 不過有枱坐唔理咁多😂·21:15左右，隔離入座左一陣嘅食客無啦啦同我地講「唔好意思呀，因為我地10個人，又有小朋友，你地可唔可以食快啲，比另外4位都入埋嚟坐？」我地解釋「我地21:40左右先夠鐘喎～」食客：「唔係喎，我地book 左2100，店員話你地係夠鐘，但唔肯走」之後佢地再去同店員理論，店員就走嚟同我地講「其實你地已經夠鐘㗎啦」Me: 你話入座計2個鐘喎店員：1930打電話話有位開始計㗎Me: 緊係唔係啦，我地問清楚你，先走去行街再等㗎，同埋行番嚟都要時間㗎店員：咁一係我地安排入面座位比你地繼續坐Me: 唔洗啦，我地食完走啦！•呢個receiption女店員time management差之外，仲要推卸責任落去食客到，唸住用呢招去令人唔會難為佢，亦都唔會覺得啲客會走去同其他食客溝通，想瞞天過海，呃完一次又一次，呃完一個又一個！！！！！幾好食嘅野都被破壞了！•講翻起湯底係叫左胡椒豬肚雞湯&麻辣鍋，鴨血同豆腐可以任加👍🏼2個湯底都好香，鴨血爽口，但係豆腐比例係鴨血嘅1/3牛肉好嫰，企鵝丸本身為咗造型叫嘅，冇諗到都幾爽口同新鮮，海鮮都唔差不過真係比店員搞到冇哂mood…..🥲
繼續閱讀
今年已經嚟咗第三次了，服務好，食材非常之新鮮。每次入到呢個餐廳分店都好似入咗園林仙境咁，好養眼，好relaxing。 我自己成日返嚟嘅原因有幾個：1. 正宗滷肉飯 (可任添)2. 湯底真材實料3. 食材夠新鮮 呢幾次encore花膠鮑魚湯作為湯底，非常之足料：有花膠件，冬菇，雞粒，鮑魚仔，幾塊雞髀菇片。 呢個湯底上枱時好濃郁，建議一開始連湯料飲幾碗，然後職員會幫手加入雞湯做火鍋湯底。 今日叫鴛鴦鍋，另外揀多一種湯底試。台式麻辣燙：有鴨血片，豆腐，少許藥材味，不算太辣的湯底。超級鐘意湯底的硬豆腐 （serve時已經煲咗好耐，表面係深啡色，吸晒D汁）。我一開始會食返一細碗正宗台灣滷肉飯（可以任添），我自己鍾意加D香蔥配滷肉飯。今次點了個細海鮮拼盤，魚柳斑塊，同牛肉片。 材料新鮮，牛肉甘香。食到咁上下，又再添多一碗滷肉飯。不得不提，大紅袍奶茶好好飲，尤其係如果你本身唔飲得奶/ lactose intolerant，呢個必試！今日有凍豆腐布丁，好食，可惜唔記得影相。
繼續閱讀