影片
營業時間
今日營業
08:30 - 21:30
星期一至日
08:30 - 21:30
以上資料只供參考, 請與餐廳確認詳情
九爺牛腩係尖沙咀漢口道，鄰近Isquare都容易搵，午市繁忙時間好多人食！🔆崩沙牛腩粗麵崩沙腩肥瘦均勻，入口即化，筋膜連帶少少肉，口感軟腍牛味香濃，每一啖都充滿牛肉醇厚香氣，面底可以揀幼麵、粗麵、米粉、米線，另外可以加錢要魚麵，幾特別🔆沙薑手撕雞河粉呢度居然有得食手撕雞，手撕雞肉質嫩滑，沙薑味濃，湯底清清地，可以撈埋芫荽蔥、炸蒜，食得辣可以加埋辣椒油，辣辣地更惹味🔆炸魚片頭外皮炸得金黃酥脆，內裏鮮嫩多汁，爽口彈牙，5粒唔夠食啊！
繼續閱讀
其中一樣香港最出名嘅嘢食就係牛腩，今日趁住有朋友喺外地過嚟，又見佢話想食牛腩，於是就揀咗呢間喺尖沙咀嘅分店，朋友一嚟到已經好驚訝話覺得呢度嘅環境好有香港特色，另外成間店都聞到濃濃嘅牛腩味，超級香。因為今日一次過要食好多嘢，所以我哋都係決定唔好食得太多，兩個人share左兩樣嘢，剛剛好！第一樣就係要咗原汁牛腩，話晒都係特登嚟食呢樣嘢，梗係要食得夠滿足啦，佢整得好入味，亦都好腍，超正！另外就係發現呢度嘅面可以轉完面，於是就叫埋黃金片頭魚面，魚面爽口，魚片頭都好彈牙，朋友好開心，一次過可以食晒兩樣地道香港美食！
繼續閱讀
今日過嚟尖沙咀食晚餐，想食牛腩河就過咗嚟呢間九爺牛腩，餐廳座無虛席😌崩沙腩墨魚丸魚麵： 魚麵好有驚喜，係非常之彈牙，好似食緊條狀魚蛋咁，加$14一定要加！ 崩沙腩非常重牛味，而且份量十足，係佢哋餐廳招牌菜😻墨魚丸係高質既，好彈牙而且非常重墨魚味🤤另外加左個腐乳通菜，師傅整到勁整齊🤣通菜食得出好新鮮，加埋腐乳係絕配😌麻辣墨魚鬚：呢個小食好惹味，麻辣味好香，配埋墨魚鬚，好爽脆美味😻總括嚟講，係尖沙咀一間好高質既粉麵店，值得一試😌
繼續閱讀
王牌牛四寶魚麵 🐮王牌牛四寶分別係牛腩、牛筋、牛舌、金錢肚，非常足料豐富！牛四寶嘅每一款都做得好出色，同行朋友讚不絕口！但凡見到有魚麵我都一定會加，好似食緊成碗魚蛋咁勁滿足！呢度嘅魚麵加$14就有交，非常爽口彈牙又唔會太鹹，一樣好推介俾大家！原汁牛腩魚麵🐂佢哋嘅牛腩煮得好腍，入口嘅牛肉味屬於濃郁，算係比較少有嘅高質牛腩！🙌🏻🙌🏻炸魚片頭🍢魚片頭外皮炸到有少少香脆嘅感覺，爽口彈牙幾好食㗎！腐乳通菜🥬食得呢啲粉麵，當然要配返個油菜，感覺上健康好多，佢哋嘅腐乳通菜份量好多，兩個人share絕對足夠！總括嚟講，想平平哋食一餐，又要好食嘅，九爺牛腩真係唔錯嘅選擇啊！
繼續閱讀
最近親戚嚟咗香港，帶佢去咗尖沙咀嘅九爺牛腩試吓香港嘅地道美食。九爺牛腩真係唔錯，首先試咗崩沙牛腩河，牛腩燉得好腍，入口即化，河粉真係滑溜。仲有牛魔王飯配咖喱汁，牛肉夠晒腍滑，咖喱汁濃郁但唔會太辣，配上白飯真係一流。最後嚟個牛魔王河，一次過試唔同款嘅牛部位，好滿足！親戚都話好滿意，覺得九爺牛腩嘅食物質素高，價格合理。整體環境都幾舒服，服務態度亦唔錯。如果大家有朋友或者親戚嚟香港，九爺牛腩真係值得一試。
繼續閱讀