影片
電話號碼
63139286
開飯介紹
藏身於村屋內的cafe，以白色作主調及貓貓主題畫作裝飾，讓你在休閒的氣氛下，享用足料的西日美食。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
優惠
自從搬咗入將軍澳後，又多咗藉口起呢區周圍搵野食之前同區朋友介紹過坑口村有間CAFE小店都唔錯, BOOK咗平日晚上來試試最初行咗入村中間見唔對路先開地圖睇, 原來佢正正起呢個牌坊嘅右手邊, 對住小學的牌坊行前小小有個好光嘅招牌就係啦地舖嘅FIKA, 裝修好COSY, 唔知點解好有家的感覺自己特別喜愛對住門口的吧位 影相都好有feel架其實當晚係星期三, 都估唔到咁FULL HOUSE朋友推介一定要點佢嘅松露PIZZA其餘的, 我請店員向我地推介, 笑容可加的她推介咗幾款, 我地就點咗:蜜糖芥末雞翼牛油果蟹肉脆餅雞翼1碟5隻, 全部都大大隻, 端上檯時好香, 係熱氣的味道, 但又係我最喜愛的, 邪惡食落就知係生炸, 皮香邊脆, 入面好juicy牛油果蟹肉脆餅, 前菜凍食的, 有4件, 件件都多餡多醬, 好似壽司咁高, 差D拎唔起唔好睇佢好簡單, 除咗牛油果同蟹肉外, 入面食到有少少甜洋蔥做調味面頭仲加咗鮮魚籽, nice最後主角出場啦, 又係即叫即做黑松露野菌pizza好驚喜 (因為嚟之前我無特別睇食評, 全部都係由朋友口中形容)勁香, 勁多料, d芝士好似就嚟起餅邊漏出嚟咁用咗芝士味淡d嘅Mozzarella拉絲芝士, 彈性而柔順, 食多少少都唔會覺得好膩見到可以拉到好長嘅芝士好開心, 好有療癒感廚師落手真係一d都唔輕, 除咗芝士外, 大量野菌和松露茸都非常多, 勁香濃下次想試下坐起同一位置享用佢地嘅lunch, 有陽光應該又另一番味道 (打卡)
繼續閱讀
今晚吃了質素高的晚餐，開心分享😬❤️牛油果蟹肉多士🥪🦐🥑脆脆嘅多士，上面鋪滿咗鮮甜嘅蟹肉同軟滑嘅牛油果，口感好正，因融合了蟹肉的鹹味和牛油果的甜美，再加上蟹肉又夠鮮美，上面的魚子也增添了鹹香，提升了整體風味，正😍❤️炸白菌配意大利藍莓芝士醬🍄🧀🫐外脆內嫩嘅炸白菌，配上清新嘅藍莓芝士醬，味道層次豐富，美味難忘！❤️日本噌配新鮮青口蟹肉意粉🍝🦀🍲擺盤精緻，但重點係好味到爆燈，意粉夾雜著濃郁嘅味噌醬，充滿咗獨特嘅和風香味，意粉煮得恰到好處，口感滑嫩，蟹肉都足料，呢道菜真係值得一試！😋🍽️❤️香濃朱古力心太軟配意大利雪糕🍫🍦心太軟外皮香脆，內裏係濃郁嘅朱古力漿，入口即化，搭配意大利雪糕，冰冷嘅口感同濃郁嘅朱古力形成絕妙嘅對比，食得好滿足😋🍽️
繼續閱讀
琴日喺Whatsapp book位，準備今日lunch同一班同事慶祝生日，餐廳confirm咗話冇問題。今朝仲特登send埋我哋揀好嘅menu俾佢哋，完全冇異樣。我地仲好有禮貌咁提前半個鐘remind佢哋我哋隨時可以到，點知去到現場，竟然同我哋講full house，要等多半個鐘，最快14:00先有位？😊真係搞笑！😳🫣我哋話接受唔到，佢哋仲提議分開坐，咁樣都要等多廿分鐘？一班人慶祝生日要分開嚟食，你玩我呀？浪費我哋時間，成件事又尷尬到爆，大好心情真係完全畀破壞🙂↔️呢間餐廳嘅座位安排亂七八糟，冇誠信又唔尊重客人，連基本book位都handle唔掂！希望大家千祈唔好再去呢間餐廳中伏啦！😠😡
繼續閱讀
位於將軍澳坑口村既隱世意大利菜小店，大概20幾個座位，但係坐得舒服唔會迫牛油果蟹肉多士 $88Crabmeat Cracknel ,Acocado一份有四塊，細細塊脆多士上面舖咗滿滿嘅材料，蟹肉都好足料一啖食落去實在太滿足喇醃豬頰肉蕃茄意大利飯 $168Risotto Allo Itmatriciana有別於以前食過嘅豬頰肉，佢哋呢度將佢煎到好似煙肉咁樣，脆脆地，迫晒啲油香出嚟，意大利飯軟硬適中，有咬口XO醬香蒜大蝦蝦干扁意粉 $178Tiger Prawn, DriedShimp, Linguini Aglio e Olio, XO上面有五隻好新鮮嘅蝦，好彈牙，意粉煮法好似fusion菜式，好多XO醬同蝦干，好香口好濃味，推介比重口味人士招牌Fika焦糖蘋果金寶配意大利雪糕 $88Fika's Caramel Apple Crumble with Italy Ice-cream一嚟到，濃濃嘅玉桂味已經撲向我個鼻，size比想像中大，係有雲呢拿籽既雪糕，又香又滑，crumble好香牛油味又好脆，加埋雪糕同埋焦糖蘋果一啖食落去又凍又熱嘅感覺真係好正，好推介！Fika (將軍澳)將軍澳坑口坑口村24號地舖
繼續閱讀
朋友介紹一家在村屋中的西餐廳，餐廳面積很小，只能容納十多人，要來吃飯必須要訂位。難得小店的西餐做得很好吃，而且很受歡迎。羊架很有蘇味，廚師處理很好，味道也不錯。雖然羊架有点肥，口感卻不太膩。我想下回可以試試牛扒，牛扒肉質材料不錯，份量十足，配搭薯條和蔬菜，足夠令你營養十分平衡。蘑菇湯材料新鮮且香味十足。咖啡、茶則水準可以，就是檸蜜茶太沒有茶味。這餐廳位置算是偏，但村的一層都是茶餐廳，相信這兒都有穩定客戶。
繼續閱讀