影片
港鐵大圍站 A 出口, 步行約6分鐘
繼續閱讀
電話號碼
91734734
營業時間
今日營業
11:45 - 15:00
17:00 - 01:30
星期一
11:45 - 15:00
17:00 - 01:30
星期二
全日休息
星期三至日
11:45 - 15:00
17:00 - 01:30
公眾假期
11:45 - 15:00
17:00 - 01:30
公眾假期前夕
11:45 - 15:00
17:00 - 01:30
以上資料只供參考, 請與餐廳確認詳情
2024年9月23日 星期一今晚放工之後係大圍附近行咗一陣，順便等老婆收工一齊食飯行經過積福街竟然見到有一間居酒屋應該係開張左冇幾耐，雖然位置唔算太顯眼，但裝修得幾有風格，感覺好似日本嘅傳統居酒屋咁，一於俾個機會佢試吓裏面既食物係點坐低咗再慢慢睇返餐牌，發現同一般嘅居酒屋冇太大分別，反而係價錢比較平，可能因為地區嘅關係，而且食物選擇都幾多，除咗壽司同卷物，仲有串燒同定食，由於花多眼亂唔知揀咩好，最後詢問咗店員嘅意見，揀咗幾個菜式等咗一陣食物就開始陸續送到，首先有秋刀魚刺身，切得好薄，睇得出師傅嘅刀工，食落去有咬口，夾埋蔥同薑蓉一齊食就完全食唔到腥味，反而有少少辣勁，食落幾開胃之後有海膽吞拿魚腩蓉卷，每件卷物上面放咗勁多吞拿魚腩蓉，一啖根本食唔晒，口感好豐富，除咗食到新鮮嘅吞拿魚腩之外，卷物裏面都有包住海膽，充滿海水味，再加上卷物嘅醋飯比較酸，所以食完都唔會覺得太膩，份量兩個人食就啱啱好跟住有小食炸雞，每嚿炸雞嘅份量都幾大，外皮炸得好香脆，裡面既雞肉仍然保持嫩滑，唔會覺得好韌，點埋醬汁一齊食會冇咁油膩最後仲有日式煲仔飯，裏面放成個魚頭同魚肉一齊煲，之前從來未試過呢一款煲仔飯，十分創新，啲飯吸收晒魚汁，唔需要加豉油都已經好夠味，而且魚肉好嫩滑，特別係面珠墩添食完之後真係已經飽晒!!!
繼續閱讀
同大圍朋友聚聚，發現大圍竟然有高質居酒屋❕呢間新開嘅西日料理位於偏僻一角但平日夜晚都勁爆場❤️🔥 食物上得快，好滿足仲有唔少𝚘𝚏𝚏 𝚖𝚎𝚗𝚞靚清酒，嚟嘅朋友可以大膽問𓂅 月桂冠．一扑入魂嚟到真係唔可以唔叫酒啦！好豪氣咁開個月冠桂，享受一扑入魂嘅滋味🪃𓂅 八瓜足 ᴴᴷᴰ 𝟷𝟾𝟾 ( 時價 )超新鮮嘅即日推介，下晝先剛剛飛機到貨 ✈︎八爪魚足嘅兩種處理，吸管十分爽脆另外八爪魚片就十分鮮甜、有帶子口感✨𓂅 吞拿魚蓉卷 ᴴᴷᴰ 𝟾𝟾吞拿魚份量也太多了吧！吞拿魚蓉帶少少吞拿魚粒粒，味道不錯𓂅 牛舌芯 ᴴᴷᴰ 𝟻𝟾超推薦😚 牛肉味好出，彈牙軟熟超𝚓𝚞𝚒𝚌𝚢！𓂅 吞拿魚昆布煮 ᴴᴷᴰ 𝟺𝟾 ( 時價 )這個𝚘𝚏𝚏 𝚖𝚎𝚗𝚞的小食是用上佃煮方式煮吞拿魚粒鹹鹹甜甜的超適合配酒呢🥰𓂅 沖繩苦瓜炒黑豚肉 ᴴᴷᴰ 𝟽𝟾另一道推薦的菜式🌟 黑豚肉夠油香苦瓜一點都不苦，拌埋炒蛋好好食！𓂅 泓．炒飯 ᴴᴷᴰ 𝟿𝟾較正路的炒飯，都炒得幾香唔過油～
繼續閱讀
放假約BFF食飯，就腳所以就去咗佢屋企附近一間日本居酒屋食野，小店嘅裝修充滿日本風格，木系嘅家具再加上日式燈籠🏮，恍如置身日本居酒屋一樣🍶同好朋友一邊享受日料一邊傾吓偈，咁又渡過愉快嘅一晚😌深海池魚薄切一黎到梗係要問吓今日有咩新鮮嘅魚生，店員推介剛到貨嘅深海池魚，一於就嗌呢個啦😆薄切令魚肉肉質更有彈性，充滿油脂嘅魚肉再配上柚子醋同蘿蔔蓉更加能帶出魚嘅鮮味，清、爽、甜、肥美集於一身，唔使一陣已經清晒成碟👍🏻甲羅燒呢度嘅甲羅燒個人覺得味道非常出色，店員會送上一個火爐加熱，將蟹膏、蟹籽、蟹肉、鵪鶉蛋同香蔥撈勻，香味撲鼻而來，除咗蟹膏濃郁嘅鮮味外，滿滿嘅蟹肉鮮甜無比，配上脆多士口感味道層次豐富日式豚肉鍋天氣咁凍梗係要買返個熱辣辣嘅豚肉鍋啦🤭半肥瘦嘅肌肉再加上一大碟嘅蔬菜拼盤足夠兩個人分享，蔬菜拼盤種類豐富有豆腐、本菇、冬菇、娃娃菜、粉條、金菇、蘿蔔同紅蘿蔔，加上各種蔬菜令湯底更加鮮甜，豚肉肉質軟滑腍嫩，食完暖笠笠☺️📍泓・西日料理 (大圍)大圍積福街8號地舖人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️回頭率：⭐️⭐️⭐️⭐️⭐️
繼續閱讀
大圍新開日式居酒屋，泓•西日料理，木系裝修，燈光柔和，坐得舒服。黑鯛刺身：日本直送，極度新鮮，用來做刺身，真係perfect，魚片晶瑩剔透，擺盤好靚，沾少許師傅預備既醬汁，鮮甜得非筆墨所能形容。吞拿魚蓉卷：吞拿魚蓉份量非常多，入口即化，油脂充沛，灑上蔥花、芝麻，層次感相當豐富。舞茸天婦羅：舞茸既香氣，炸過之後更加突出，天婦羅既炸漿夠薄，不油膩，酥脆可口。牛舌芯串燒：燒得恰到好處，雖然好厚切，但肉質依然軟腍，嫩滑無筋，真的很滋味。雞翼串燒：兩隻燒雞翼，燒得外皮金黃，係串燒既經典之選。牛肉稻庭烏冬：牛肉上枱時仲係粉紅色，口感柔軟，牛味濃郁，食既時候將牛肉一片片在熱湯上燙熟，稻庭烏冬以細滑聞名，配清甜湯底，每一口都好滿足。總結，餐廳食物有質素，環境舒服，性價比高。
繼續閱讀
同朋友去咗大圍試咗間新開嘅日本小店，叫咗幾款野食share~黑松露鯛魚刺身$188黑豚泡菜鍋$278鹽燒活白鱔$58自家製免治雞肉棒$38炸雞腿肉配自家製醬汁$78黑松露鯛魚刺身，一嚟就聞到陣陣松露香。啲魚片切得薄薄嘅又夠新鮮，配埋黑松露醬油，個鮮味同松露香完美融合。最搶眼一定係黑豚泡菜鍋，啲豚肉好肥美。泡菜湯底微辣夠滋味，配料都幾豐富，有金菇、冬菇、豆腐等。串燒鹽燒活白鱔肉質爽滑有韌性冇。自家製免治雞肉棒點生蛋食。炸雞腿肉炸到金黃香脆，配埋佢自家製嘅醬汁。
繼續閱讀