影片
港鐵北角站 A4 出口, 步行約1分鐘
繼續閱讀
電話號碼
94621151
營業時間
今日營業
12:00 - 15:00
17:30 - 23:00
星期一至五
12:00 - 15:00
17:30 - 23:00
星期六至日
12:00 - 15:30
17:30 - 23:00
以上資料只供參考, 請與餐廳確認詳情
有關獎賞計劃
最近同朋友一齊去北角食鐵板燒，朋友話呢間餐廳高質又抵食，佢真係冇講錯👍。餐廳喺北角嘅鬧市區，但係入到餐廳之後，就好似同外界隔絕咗咁🌆。裝修好高雅✨，成個用餐體驗都好似沉浸喺呢個環境入面，淨係睇住廚師整鐵板燒都已經好賞心悦目👨🍳🔥。.‼️ 現時午市鐵板套餐$168起，follow IG仲可以再有午市和晚市套餐八五折優惠，六點半前及八點後入座更有八折優惠😱.—————————————————.⭐️ 北海道南瓜馬糞海膽多士 $100/客海膽多士上面舖咗金箔，睇落去華麗高貴。海膽同南瓜蓉同埋海苔完美配搭，每一啖都係滿足同充實。而多士外脆內軟，而上面的綠色葉子又帶嚟一份清新感覺。～永～鐵板燒套餐 $868/人🥗 先付-日向温野菜沙律麻醬同黑醋配搭得啱啱好，一啲都唔酸唔膩。加上紅、黃、青三色茄，顏色靚仔，味道清新，真係好開胃。.🥚 熱-水野茶碗蒸用咗雞蛋同高湯，加上海鮮、蘑菇同葱花等配料，口感幼滑，味道清淡。面頭撒了一些紫菜碎，加添咗層次感。🦪 荀-鮮の二品半熟帆立貝唔黐牙又有口感，配上枝豆同貝柱醬汁，鮮美又清新。伴碟嘅乾花仲好靚添。清酒煮蜆上面有日本辣椒絲，但係唔辣，加咗意大利香草，湯頭甜到入心。好推介！🐟 温-鰆魚柑桔柚子味噌炙鰆魚上面有三文魚子，加埋basil油同青檸柚子汁，味道好清新。魚肉外脆內嫩滑，每一啖都係享受。🦪 貝-板炙鮑魚配菜花mousse鮑魚又軟熟又彈牙，仲有玫瑰花碎伴碟，好香好靚。菜花mousse鹹香十足，獨特嘅菜味同鮑魚好夾。海藻有咬勁，帶住大海嘅味道，同mousse同鮑魚一齊食，味道真係一流。🍎 味-創味煎鮟鱇魚肝配焦糖蘋果魚肝鮮味十足但係一啲都唔腥，外脆內軟，好正。配埋青檸檬皮，添咗啲清新嘅感覺。焦糖蘋果甜中帶脆，再加上橙酒醬油一齊食，味道豐富，有驚喜。🍷 紅酒浸紅蕎頭紅蕎頭色澤深紅，表面光滑又有少少閃亮，睇得出係經過精心炮製，食落清新爽口🥩 主-蒜味噌薄燒和牛和牛軟腍，配蒜味噌同岩鹽炸蒜，香味十足。藤椒醬加咗啲麻辣，成個菜式更加好味。好正！🥬 京-野菜三品好清新，三款時令蔬菜，健康又好味。🍚 祥-菊志炒飯炒飯粒粒分明，配料豐富，有蛋碎、蔬菜同櫻花蝦，色彩吸引，營養均衡。🍄🟫 吸物-高野吸物味噌湯好暖胃，加咗蘑菇之後，成個湯嘅味道更加豐富同埋香濃，超級滿足。🍨 甘味-洋果子豆乳雪糕幼滑又香濃，配上香芋脆脆同杜拜開心果脆脆，口感同味道都好豐富。💰 總計: $1743, 2位用餐(已包含10%服務費)
繼續閱讀
🔥圍爐式既鐵板燒料理，真係有個炭爐架係中環以外既高質鐵板燒，叫左兩個商務虎蝦set, 合共食左五款海鮮… ☺️☺️😍😍見到啲隔離枱的鮑魚仲郁緊，都幾新鮮！有2個㕑師、2個waiters，都係小鮮肉💝💝而且有禮貌，服務周到！⭐️一開始食左個沙律同松葉蟹蒸蛋，真係有一絲絲同一舊舊既蟹肉🦀同埋滑捋捋嘅蒸蛋⭐️跟住就到稻草烤鏗魚，係呢到既Signature dish鰹魚配黑醋醬，白色係豆乳醬，好清新呀👍⭐️北海道凡立貝，綠色的是枝豆蓉👍😁好特別! ⭐️清酒煮蜆+ 香草醬，仲加左啲木魚碎煮同埋….. 愛 （師傅話㗎）🤣🤣💛⭐️大蝦🍤好大隻 而且煎得好靚 側邊有啲海苔 同埋蝦頭多膏😄😄⭐️鵝肝超大件，真係邪惡感十足又望到舔舔脷上面加左少少檸檬柚子鹽，減咗啲油膩感🍋😌而下面係萍果煎香加焦糖係面，食落口有多重享受🍎⭐️最後既主食係以綠色蕂椒醬食豚肉+ 以白色柚子mousse 食蔬菜，另外有岩盬😃豚肉入味 煎得唔錯而且食完豚肉仲有自家制紅酒蕎頭解油膩⭐️黑松露樱花蝦炒飯+面鼓湯⭐️⭐️另外我哋再嗌多咗個北海道南瓜馬糞海膽多士🍑🧡🧡見到個賣相已經流晒口水😆脆卜卜嘅多士上面有金鉑 海膽 南瓜蓉 😌😌大滿足！🇯🇵呢到係日式食材&🇫🇷法式擺盤，所以每個碟都好靚😃醬汁自已調配，不加奶或cream，清新又健康最後食埋開心果雪糕加開心果脆脆😄😀🌰
繼續閱讀
近排經過北角見到新開左間鐵板燒店，同朋友都不約而同決定入去試試🤪本來想坐吧枱不過當晚都好多人預訂所以坐table，揀左貴少少嘅788set，款式都多而且份量唔細，最後都好飽好滿足🥰鐵板一人前 $788師傅烹調前會比客人睇下今日既食材講到😳✨先付沙律酸酸地好開胃，仲有藍莓添🫐✨菊志の茶碗蒸茶碗蒸滑溜細膩，松露香氣剛剛好，蟹肉絲量都多🦀✨高知炙烤鰹魚稻草燒鰹魚，黑蒜油醋酸酸地好開胃🐟鰹魚肉質好腍，另外豆乳醬汁就好Creamy幾夾🤣✨幸の海洋 二品鐵板燒帆立貝煎得表皮微焦，里面嘅貝肉則半生軟軟質感😋醬汁都有帶出帆立貝嘅鮮味清酒煮蜆湯底酒味頗濃，同時滲透淡淡的蜆香味，蜆肉大大粒非常鮮甜😍蜆鮮味十足✨虎蝦濃郁嘅龍蝦汁完美包裹住虎蝦🦐虎蝦肉質彈牙，汁雖濃香但唔會掩蓋住虎蝦嘅原味👍🏻更有種食緊龍蝦嘅感覺😛✨鐵板香煎鵝肝鵝肝外層質感脆口，裏面軟腍，非常厚身✌🏻油脂感好足，焦糖蘋果，甜甜地可以解膩🥹✨和牛薄燒 & 京の野菜和牛薄燒配茄子蓉，帶有微微焦香，配上蔥蒜嘅香氣蒜，蔥，和牛油脂融合🤩入口軟嫩，肉汁豐富。🍄🟫菇超級juicy，爆哂汁，好香野菌味😌南瓜同翠肉瓜既熟度剛剛好，唔會太硬✨菊志炒飯菊志櫻花蝦炒飯松露，蔥花，蘿蔔碎，櫻花蝦，蛋碎每樣item都食得出佢既味道🤝🏻而且粒粒分明，層次豐富，鹹香適中😎✨湯品麵豉湯✨甜品芝麻雪糕，果仁碎，幾有口感
繼續閱讀
知道我朋友喜歡食日本菜，呢間位於北角馬寶道嘅日本鐵板燒人氣甚高，聽講平日每晚都幾乎滿座，所以今日特意帶她早點來試菜。今晚我哋叫咗兩個鐵板餐，每位$788，另外我朋友重開咗一支sake，呢支酒一啲都唔貴，而且好有米香味，絕對抵飲。➰先付Apetitizer雜菜沙律夠鮮嫰爽脆，配合陳醋和芝麻醬，胃口大開。➰ 茶碗蒸呢碗茶碗蒸夠晒熱辣辣，蛋羹上面鋪滿晒一條條嘅蟹肉絲，蟹肉夠鮮甜而且口感非常滑嫩。➰ 高知炙烤鰹魚用炙烤的方式使到鰹魚增添咗獨特嘅煙薰風味，而魚肉又能保持到細膩，配合埋黑蒜油和醋煮成嘅醬汁，口感夠曬清新。➰ 香煎帶子呢碟香煎帶子有兩款醬汁，一邊係枝豆醬，另一邊係羅勒醬，而帶子煎到外面微焦脆，而內部又能保持嫩滑嘅口感。➰ 虎蝦師傅用牛油把大虎蝦煎到好香口，而蝦肉夠晒鮮甜味美，醬汁方面就用咗牛油和蝦膏煮成，更能突顯蝦嘅鮮味。➰ 鐵板香煎鵝肝師傅把鵝肝煎到外焦里嫩，口感細膩，更用用上蘋果和焦糖做配菜，令到整個口感甜甜哋，更能中和鵝肝嘅膩感。➰ 和牛薄燒師傅把薄片和牛肉卷埋蔥再煎香，令到口感層次更豐富，味道夠香濃。➰清酒煮蜆湯清酒煮制更能凸顯蜆肉嘅鮮甜味，配合埋濃郁清酒嘅酒香，真係好好味。➰ 菊志炒飯呢個炒飯好多配料，包括有櫻花蝦、蔥粒、蛋等等，飯炒到好香口兼且夠乾身。➰ 甜品最後以香滑嘅芝麻雪糕作為呢次晚餐嘅終結。
繼續閱讀
位於北角馬寶道嘅*三分熟.菊志*鐵板燒居酒屋🏮，地點相當方便，港鐵一出步行一分鐘時間已到。店鋪裝修日風簡樸，乾淨俐落。中庭是開放式廚房鐵板燒區，地方乾淨整齊。值得一讚，每道菜式廚師都精心擺盤，賞心悅目。鐵板晚餐一人前$598🥗沙律 - 新鮮沙律菜配搭微酸沙律醋，先打開胃口，為今晚美食打開序幕。🥢茶碗蒸 - 面層鋪滿一絲絲松葉蟹肉，滑蛋非常滑溜，配以蟹肉一併入口，增加鮮度及口感。🥢北海道帆立貝 - 外層燒得蕉香，入邊保持濕潤，肉質肥厚鮮甜，配以枝豆醬汁，清清爽爽，配搭唔錯。🥢南非鮑魚 - 南非鮑魚係珍貴鮑魚品種之一，鮑味濃郁鮮甜，肉質軟嫩腍滑，口感煙韌彈牙，配海苔醬感覺清新。🥢清酒煮蜆湯 - 蜆肉脹卜卜，略帶些小海水味道，非常新鮮鮮甜，蜆湯不但有鮮度，更帶有清酒清香。🥢鐵板燒鵝肝 - 上下面層燒得蕉香，入邊仍保持粉嫩絲滑，入口即蓉，鵝肝面層灑上青檸皮，配合蕉糖蘋果入口減去油膩感。🥢和牛薄燒 - 和牛薄燒作為今晚重頭戲，非常期待 ，3成熟，更能保持原味，入口即蓉嘅快感，油花充斥整個口腔，油花、蔥花、蒜香同時爆發，令味道更上一層😋，🥢櫻花蝦黑松露炒飯 - 炒得非常乾爽，令飯底粒粒分明，入口乾乾爽爽，滿鋪櫻花蝦令整個炒飯充滿鮮香，以炒飯作結尾，充滿飽腹感😋。🍦甜品係芝麻味雪糕，冰冰涼涼，清新番整個口腔，完美結尾。
繼續閱讀