影片
港鐵柯士甸站 A 出口, 步行約5分鐘
繼續閱讀
電話號碼
56280268
營業時間
今日營業
18:00 - 01:00
星期一至日
18:00 - 01:00
*不定時休息，敬請致電查詢
以上資料只供參考, 請與餐廳確認詳情
有關獎賞計劃
如果想試下創新嘅fusion味道，JA Kitchen絕對值得一試！間舖雖然唔算好大，但一入到去已經感受到個高級feel，裝修簡約時尚，仲要配埋個mood lighting，影相一流！今次試左佢地嘅testing menu $580前菜嘅日本白子蒓菜柚子酸汁已經好吸引，白子香濃滑嫩，配埋清新嘅柚子香，開胃感爆燈！個海產冷盤嘅花雕大頭蝦真係好正，蝦肉爽彈有嚼頭，花雕香氣入口即散發，連埋隻南非活鮑魚，鮮味十足！最搶鏡一定係個煙燻香箱蟹肉確無骨阿波尾雞翼，上菜嗰陣係用個木盒裝住，打開嗰下煙霧四散，好有格調！雞翼外皮脆卜卜，蟹肉鮮甜多汁，香氣撲鼻！北海道帶子係我心水推介，帶子新鮮甜美，個蟹粉牛乳汁香濃惹味，配埋爆彈口感嘅海葡萄，層次感十足！蟹黃蟹肉春卷天婦羅酥脆無油膩，蟹黃香濃得嚟又唔會太漏。主菜方面，我試過牛柳同黑豚，兩樣都好出色！牛柳嫩滑多汁，黑豚肉質軟腍有蓉蓉口感，配埋山葵提香提味，好開胃！蒲燒鰻魚木棉豆腐手卷。個鰻魚燒得啱啱好，外皮香脆，入面嘅肉質軟嫩多汁，蒲燒醬甜中帶鹹，配埋軟綿綿嘅木棉豆腐，包埋手卷食落去層次感十足！月本高菜白飯魚炒飯真係出乎意料咁好食！粒粒飯粒晶瑩飽滿，個高菜香氣陣陣，啲白飯魚炒到香脆，成碟飯香氣四溢，食落唔會覺得漏，反而有種清新嘅感覺。赤焰湯新竹米粉都係一絕，啲湯底香辣惹味，米粉嘅質地勁柔滑，一啖接一啖停唔到口！最後嘅焦糖奶凍都做得好出色，滑溜香甜，唔會太膩！錦上添花嘅係而家訂枱仲有送南非活鮑魚優惠，以呢個價位嚟講真係超值！想去一定要提早預約。
繼續閱讀
渡船街一帶真係一個寶藏，好多年前會特登過嚟食越南嘢同埋港式串燒，早排又特登過嚟買麵包，今次就特登過嚟食日本嘢，唔係位於主流餐廳區域，但係非常有驚喜，性價比好高。基本上嚟到都唔使點諗，大家都會點$580嘅套餐，前前後後有成9個courses。咁多個courses裏面，每一個都好滿意，我最鍾意真係個海鮮冷盤，佢用花雕浸嘅花螺已經好好食，仲要加埋嗰隻大頭蝦，我人生第一次食過最多蝦膏嘅蝦，仲要浸完酒好鮮味！秋刀魚都好新鮮！煙燻蟹肉釀雞翼都係非一般咁好食，用蘋果木燻出嚟嘅香口同普通燒雞翼絕對唔同。鰻魚木棉豆腐手卷係成個餐裏面最有驚喜嘅，估唔到個鰻魚啲皮可以分開燒，成件事好有層次。想講連佢個高菜白飯魚炒飯都好特色，啲白飯魚係香脆嘅加埋有味道嘅高菜，口感好好，好圓滿。全部嘅菜式都顯示到師傅嘅心機，每一款都係手工菜，店主店員都親切有善，根本就係食緊Fine Dining。呢度嘅環境同食物質數如果放喺銅鑼灣應該多收一倍價錢，呢一類型嘅小店真係要支持多啲。
繼續閱讀
蟹肉蟹膏豆腐茶碗蒸，蟹膏顏色鮮艷，入口濃郁既蟹膏味停留係口腔中，豆腐味淡與蟹膏一齊食有互相中和作用，蛋亦好滑身。花鵰酒花螺、大頭蝦、花甲，花鵰酒味道好濃好香，花螺一隻一口好方便，大頭蝦爆多膏，蝦肉肥大厚身，啖啖肉既質感好滿足。大溝貝，肉質軟林，亦帶有少少有咬口既口感，醬汁係白酒和海膽而製成。來自日本關西地蜆，size唔算好大隻，但肉質唔韌而且清甜，配燒蒜蓉，蒜蓉味香濃。如早一日訂座即送南非鮑魚，口感爽口彈牙，而且切成一件件方便食用。煙燻阿波美雞翼，慢慢抽出頂蓋，聞到強烈煙燻和木既味道，雞翼釀入左蟹肉絲和雞軟骨，食落有粒粒口感。底層京都豆腐外脆內軟，中層係鰻魚皮，同樣炸得好鬆脆，頂層係鰻魚肉，塗上店家自家製醬汁，紫菜來自大板，會較為更脆口，用黎包住食，超脆口感加上軟綿綿鰻魚肉，層次豐富。美國牛柳邊，肉質軟林，建議不需加調味，直接食牛既原汁原味係最好。西班牙豬，煮至8成熟係佳食用，配搭山葵漬和乾蒜片一齊食效果較佳。白飯魚炒飯和辣味米粉，米粉幼細，入口順滑，底湯帶辣好惹味。牛乳奶凍焦糖乾，奶有濃郁羶味，質感好滑，焦糖乾非常脆口。
繼續閱讀
想食fusion菜唔一定要去港島區，佐敦晚市每人$580就試到佢哋嘅tasting Menu～ 如果有提早一日訂咗嘅話仲有鐵板鮑魚送添😝❥前菜蟹肉蟹粉茶碗蒸茶碗蒸好滑，蟹味濃郁🦀❥本入海產冷盤海產有：大頭蝦、海螺、花甲 蝦同海螺係用花雕酒醃製，口感較爽花甲應該有加香茅，有啲越南風味🥰❥鐵板季節海產鐵板大溝貝，經過黑椒調味配咗白酒海膽汁食落更鮮甜👅❥煙燻香箱蟹肉釀無骨阿波眉雞翼一拉開木箱，就有一縷縷煙霧散發出嚟，有煙熏嘅香氣雞皮燒得幾脆，味道有醬油嘅甜，肉質又滑😍入面釀咗蟹肉，都幾特別❥季節一品料理蒜蓉燒關西蜆蜆肉飽滿，蒜蓉燒得好香～❥蒲燒鰻魚木棉豆腐手卷是日MVP！！！手卷入面有鰻魚、豆腐、魚子醬鰻魚皮肉分開分開燒，所以成塊皮都係脆嘅肉質就相對軟嫩肥美蒲燒鰻魚嘅醬汁由餐廳自己調製，唔會太甜用咗京都豆腐，口感唔錯佢哋嘅大阪紫菜食落好脆❥鐵板prime牛柳裙邊牛味都幾濃，都幾Juicy配山葵醬唔錯😚❥鐵板西班牙黑豚肩用嘅係西班牙利比亞豬佢地食橡果大，冇沙門氏菌，七至八成熟都OK所以肉質會偏軟身❥赤焰湯新竹米粉米粉好索湯汁湯底微辣，有少少韓式辣醬feel❥日本高菜白飯魚炒飯高菜經醃製過，有啲似酸菜加埋白飯魚為炒飯增添幾番風味❥甜品北海道奶凍配焦糖脆脆奶凍甜度適中，奶味香濃，口感順滑配焦糖脆脆，有返個對比就啱啱好🤤
繼續閱讀
上網睇柯士甸站有一間挺隱世的日式料理，於是入嚟試吓前菜：鴨胸鴨胸肉質嫩滑, 不會太肥膩/太多脂肪, 表面放上海葡萄, 有漲爆口感, 作開胃菜一流~本日海產冷盤花雕醉螺有啖啖的酒香味, 螺肉新鮮彈牙~大頭蝦蝦頭有甘甜橙黃色的蝦膏, 蝦肉肉質亦很彈牙~汁煮鮑魚肉質淋甜, 醃得非常入味~鐵板季節海產岩手縣鐵板生蠔🦪肉質非常飽滿及肥美, 保留原有濃厚的蠔味, 亦帶有牛奶般鮮甜的味道, 豐富味道的層次感煙燻香箱蟹肉釀無骨阿波尾雞翼一打開個木箱, 陣陣飄香的煙燻, 煙霧彌漫, 打卡拍片一流雞翼更釀了很多蟹肉+蟹膏, 一啖雞翼+一啖蟹肉, 幸福感滿滿的!季節一品料理白子天婦羅, 即魚類的精巢, 外脆內軟, 食落去一啲都唔腥, 尤其是適合男士補補佢!蒲燒鰻魚（京都）木棉豆腐手卷有鰻魚肉+鰻魚皮+來自京都的豆腐將新鮮的紫菜包裹住所有食材放進口, 都是脆脆的, 口感特別之餘, 層次感亦很豐富~鐵板Prime牛柳裙邊 配 山葵漬大概5成熟的牛柳, 肉質既嫩又淋, 配上山葵漬一起吃, 更加刺激味蕾!當然可以配炸蒜片&岩鹽一起吃, 味道更有另一層次~鐵板西班牙黑豚肩 配 山葵漬黑豚肩呈5成熟左右, 顏色粉嫩, 吃下去很淋配上山葵漬, 更有提鮮作用~日本高菜白飯魚炒飯米飯粒粒分明, 而且炒得幾乾身, 配上白飯魚 & 高菜 (類似芥菜D friend) 一起炒, 口感脆脆的~赤焰湯新竹米粉湯底雖然幾辣, 每條米粉都掛上湯底的辣汁, 味道更加特別~甜品 (焦糖脆脆奶凍）一定要將脆脆&奶凍放進口一起吃, 因為可以中和一下甜度, 否則會太甜太痴牙~更為這慎飯畫上完美句號~
繼續閱讀