影片
港鐵柯士甸站 A 出口, 步行約5分鐘
繼續閱讀
電話號碼
56280268
開飯介紹
以融合日式烹調技術與西日式擺設見稱，打造獨特的混合料理體驗。餐廳由擁有28年Omakase經驗的主廚掌舵，每道菜品均體現創意與卓越品質，精心呈現日本料理味道與質感之和諧統一。
繼續閱讀
營業時間
今日營業
12:00 - 14:00
18:30 - 22:30
星期一至日
12:00 - 14:00
18:30 - 22:30
公眾假期
12:00 - 14:00
18:30 - 22:30
公眾假期前夕
12:00 - 14:00
18:30 - 22:30
*不定時休息，敬請致電查詢
以上資料只供參考, 請與餐廳確認詳情
有關獎賞計劃
影片
相片
大閘蟹粉蟹肉配三輪冷素麵
+879
+28
食家推介
今日發現咗佐敦一間隱世而極具特色嘅日式餐廳，環境設計以精緻有格調為主，搭配柔和嘅燈光，營造出放鬆嘅用餐氛圍，非常適合同朋友聚餐！除了$590 Tasting Menu, 餐廳嘅飲品款式亦相當豐富，特別係佢哋自家調製嘅Cocktail，令人期待！🍹螢光魷魚配麵豉醬經過精心烹調後，內裡卻保持著鮮嫩嘅口感。搭配著麵豉醬濃郁而富有層次，帶有淡淡嘅甜味同咸香，係一道處理得出色嘅前菜❤️醬油漬花甲王配花雕酒漬大頭蝦花甲王嘅肉質食得出製作時間控制得恰到好處，經過醬油漬嘅處理，更加凸顯了鮮味，搭配花雕酒嘅大頭蝦，蝦頭部份十分多蝦膏，蝦肉結實得嚟酒香四溢，每食一口都令我回味無窮！👍🏻新鮮燒生蠔配生椒燒生蠔外焦內嫩，烤至金黃嘅表面散發著誘人嘅香氣，搭配新鮮生椒嘅微辣，令整道菜更加惹味，而且上面放有炸過嘅魚仔，口感就更豐富。煙燻牛舌山椒燒牛舌經過煙燻後帶有獨特嘅香氣，肉質厚實而鮮嫩，搭配山椒嘅微辣同清香，令整道菜口感層次分明，十分驚艷😎旬燒魚配酸菜汁呢道旬燒魚嘅魚肉鮮嫩，表皮經過炸後十分脆口而帶焦香，係用咗立鱗燒嘅處理方法，搭配酸菜汁嘅清新同咸香，成道菜就好似食緊酸菜配搭炸魚嘅感覺，別具創意！欣賞廚師設計嘅用心👍🏻蝦濃湯冬陰功煮北海道帶子濃郁嘅冬陰功湯底充滿了香茅嘅清香、辣椒嘅辛辣同檸檬葉嘅酸香，與新鮮嘅北海道帶子相互融合，帶來特別嘅香氣同口感！呢道都係創作嘅料理之一，幾有特色，而且味道又相當match ✨牛肉壽喜燒牛肉煮得剛剛好，店員講解係稀有部位，肉質柔軟，食落肉味濃郁，搭配新鮮嘅蔬菜提升壽喜燒湯底嘅清甜，係傳統日式味道！❤️
繼續閱讀
小弟同夏總早排大家都患上氣管病，咳到甩肺，好吓又唔好吓咁，到近排總算好番晒，加上都好耐無同佢聚一聚，所以，賀一賀就約出嚟食餐好嘅。知佢最好喺日本嘢，一年總會去一次日本，故此，到訪位處佐敦「食街」文英街嘅「JA Kitchen」，呢條街你嚟過就知短短一條街仔，有成十幾、廿間食肆，咩菜系都有。雖然睇門面帶點東瀛風，但甫入到餐廳感覺好西化，啲裝修摩登、有型，仲設有一小排吧位，不過，嗰度應該唔喺開放用餐，因為都見擺咗唔少裝飾同啲推介餐牌。枱上嘅餐具及之後盛菜嘅器皿，都非常之靚同獨特，加上師傅細心嘅擺盤，令到單喺視覺都喺一種享受。小弟就特別鍾意個筷子托，因為喺富士山嚟，的骰可愛！食套餐向來都喺最划算，而餐廳提供一款「tasting menu」一共9道菜嘅套餐（視乎你當個讚岐烏冬喺咪一道菜），菜式非常豐富，且多元化，定價$590一位，此外更有一種食「廚師發辦」嘅感覺， 因為部分菜式只列明類別，而食材因為時令用上當日靚貨。前菜先登場嘅前菜以晶瑩嘅雞尾酒杯呈上，感覺亮麗，而裡面喺松葉蟹肉，再配以青瓜絲同埋三文魚籽，底下墊上水雲醋物，加埋啲食用花做裝飾，賣相實在精緻。蟹肉勁鮮甜，混埋其他食材，令味道豐富，有份先聲奪人嘅感覺。本日海產冷盤繼而登場喺鮑魚及黑梅貝，同樣用上陳年花雕酒醃製，賣相保持一貫精緻，前者醉鮑魚仲加咗少少花雕啫喱，非常有心思，口感柔韌得嚟富彈力，花雕酒香有強勁嘅餘韻；後者口感彈牙，底部肝臟味濃，微微酒香較為清爽俐落。季節海產日本生蠔嘅品眾實在多，這一款嚟自岩手縣嘅米崎蠔印象就第一次食，燒過之後仍然仲幾大隻，蠔肉屬爽身嘅一種，本身就已經幾濃蠔味，又燒鬼裙邊有焦脆感，再晌面頭加咗啲炸香咗嘅白飯魚仔同蔥花，味道就更有趣。煙燻牛舌山椒燒要選今晚嘅最佳菜式，小弟就一定投俾煙燻牛舌一票。首先，以木盒仍為盛器，一打開蓋，散發出陣陣由蘋果木做出嚟嘅煙燻香，極具視覺效果，而採用上牛舌心，加埋厚切，甚有彈牙感，不單有牛舌本身獨有嘅味道，仲有煙燻香、山椒味，實在色香味全而多層次。旬燒魚配酸菜汁可以講一道菜比一道菜精彩，輪到介紹呢個旬燒魚，賣相比較西式，但將魚皮起出嚟炸香後再插在煎魚之上，猶如揚帆出海，甚為立體，再者，片魚皮脆到不得了。而件煎魚以馬友一夜干入饌，魚味濃，煎得香口，肉質又嫩滑，伴上一小串紫蘇花，襯埋個酸菜汁，真喺中日西大融和，喺一道極具心思嘅菜式。蝦濃湯冬陰功煮北海道帶子煎帶子有咩特別呀？咪又喺心思囉，首先，用上北海道刺身級大大粒嘅帶子已好有睇頭，更將帶子肉、裙邊同內藏3個部位分開，可謂一雞三味，帶子肉爽口彈形，裙邊有份爽脆感，內藏軟腍粉香，配以呢個蝦濃湯冬陰功，勁鮮香蝦味，唔單止啲湯要一飲而盡唔好嘥，就連墊底好似粉絲嘅海藻麵亦唔好錯過。牛肉壽喜燒配讚岐烏冬就算喺日式套餐，近尾都會安排一道食事墊飽客人，關東風嘅牛肉壽喜燒鍋面鋪滿大量牛肉，色澤紅潤有雪花紋，加埋大大隻「月見」，未食先興奮。湯頭頗為清甜，牛肉嫩滑帶少少油香，而下面仲有好多配菜，包括豆腐、本菇、娃娃菜、洋蔥同蘿蔔，確喺豐富。最後，將烏冬放入湯中，吸收湯中精華，加上烏冬滑溜有咬口，讚呀！ 自家製開心果雪糕尾聲，以開心果雪糕作結，叫人實在滿足，因為開心果味濃郁，口感柔滑富奶香，自家製作，夠晒誠意，亦製作用心。今晚食得實在高興又稱心，因為唔單止菜式高水準，配搭出色，更加入好多唔同嘅元素，無論視覺、味覺，都有很多體驗。招呼亦好掂，除咗侍應有禮貌，更對每一道菜式好了解，上菜速度又剛好，不急不緩，令客人用餐舒服寫意。
繼續閱讀
隱藏於佐敦文英街一帶，主打fusion日式料理，晚市$590起食到9道菜omakase😍 餐廳會不時更換menu，菜式擺盤精美，結合創意元素，性價比不錯呢😚✨ Tasting Menu ($590/ person)❀ 前菜 🥢日本螢光魷魚味道鹹香，肉質飽滿帶爽脆口感，配上醋味噌清爽又開胃☺️❀ 本日海產冷盤 🦐用上陳年花雕酒醃製大頭蝦及海螺✨ 大蝦鮮甜彈牙，蝦頭仲有唔少蝦膏👅 海螺口感爽脆，兩款同樣散發濃郁酒香😚❀ 季節海產 🥢燒關西蜆大大隻又鮮甜，食落仲好juicy😍 加入自家製XO醬及蔥花調味，增添鹹鮮味👍🏻❀ 煙燻免治雞肉棒 🐥當日牛舌沒貨改為免治雞肉棒，估唔到都充滿驚喜😍 打開木盒有陣陣煙霧效果，雞肉棒經蘋果木煙燻，質感軟腍且肉汁豐富，搭配蛋白泡沫及蘭王蛋食更滋味❤️❀ 甸燒魚配酸菜汁 🐟馬友一夜干燒至焦香，魚皮脆卜卜，鹹鮮味突出✨ 融入酸菜魚元素，將魚肉搭配酸菜汁及山椒花，酸爽惹味亦帶麻香❀ 蝦濃湯冬陰功煮北海道帶子 🥢北海道帶子鮮嫩肥美，加上蝦膏及冬蔭功濃湯，酸酸辣辣好醒胃，配搭唔錯🥰❀ 牛肉壽喜燒 🐮關東風壽喜燒鍋表面鋪滿牛肉，湯底以牛肉及味醂等製成，鮮甜濃郁✨ 鍋物入面有齊娃娃菜、豆腐、冬菇、京蔥及雞蛋，配埋讚岐烏冬味道更豐富❀ 甜品 🍞焦糖多士配朱古力醬
繼續閱讀
由超過28年經驗嘅主廚主理 ——— 主打日式烹調x西式擺盤就連甜品師都喺藍帶畢業omg三位數即可埋單 Omakase （個人覺得似私房菜多啲xd)無論係私房菜定係 omakase 嚟講真喺唔算貴佢哋只做晚市，有齊海鮮冷盤、熱盤、串燒、鐵版燒、甜品擺盤都係十分出色！整體由前菜、主食去到甜品都非常滿意！最深刻印象一定喺勁打卡嘅❰煙燻吞拿魚下巴幽奄燒❱估唔到咬落去油脂大爆發！幽奄燒都係懷石料理常用嘅烹調手法嚟添啊！❰大閘蟹粉蟹肉配三輪冷素麵❱都勁多蟹粉非常矜貴仲有今期先推出嘅 ❰自家製焦糖芝士蛋糕❱實在太好食啦！！每隔一排就會跟季節性食材供應情況轉 Menu 完全可以再去！佢哋嘅 Tasting Menu 都係 $590！！生日/慶祝都可以低成本地奢侈一下🤍▍9- course JA Omakase | 890 pp 🜸 白酒煮黑梅貝🜸 北海道海膽 // 北海道生蠔🜸 鐵板燒活龍蝦🜸 澳洲鮑魚清酒昆布蒸配鮑魚肝醬🜸 煙燻吞拿魚下巴幽奄燒🜸 西班牙鴨肝配北海道牛乳麵包小熊最中餅🜸 鐵板嚴選A5近江黑毛和牛厚燒🜸 大閘蟹粉蟹肉配三輪冷素麵🜸 自家製甜品 ⠂自家製焦糖芝士蛋糕✴︎ 預訂優惠必須於用餐日期前一天9pm前確認及完成落訂金程序
繼續閱讀
見朋友分享依間食晚餐食物好豐富又吸引原來9點後有宵夜時段依家好多餐廳9點後都已經關門想同朋友傾耐啲都唔知去邊好但依到有提供宵夜至凌晨一點自選1款小食+3款串物+包啤酒1杯/日本白桃果汁份量真係好啱我哋兩個朋友目的為咗傾計有個環境舒適唔趕人走又有啲食物得閒咬兩下❤️❤️🔅 醉花螺真心好吃！肉質超嫩，醬汁濃郁，嚼起來還帶點香氣，好想再繼續食多啲！🔅日本三葉浸花甲清新又好味，花甲嘅鮮甜搭配三葉嘅香氣，口感滑滑的🔅燒雞心血管串外焦內嫩，口感彈牙🔅 鹽燒雞頸肉鮮嫩多汁，鹽香撲鼻，肉質滑口🔅 七味燒脆胸軟骨串外焦內嫩，香辣味十足，咬下去脆脆的超過癮，配上那獨特的七味粉，簡直讓人欲罷不能！店員推介唔怕辣嘅朋友仔可以配搭黃七味，辣味令到軟骨味道更昇華🔅 一口炸雞外酥內嫩，金黃酥脆，咬下去好juicy，搭配醬料更是絕配！🔅 蒜蓉燒北海道生蠔一上菜已經香氣撲鼻，蠔肉大隻鮮甜，搭上香濃的蒜蓉，口感滑嫩，必試❣️🔅 蒲燒活鰻魚串外焦內嫩，甜醬香濃，魚肉滑潤，必點❣️🔅 鹽燒大蝦串鮮香四溢，蝦肉彈牙，鹽香恰到好處，建議用口咬剝蝦殼，順便啜埋鹽香🔅 鹽燒牛舌芯肉質鮮嫩，中間呈粉紅色，嚼勁十足，鹽味恰到好處，讓牛舌的香氣充分釋放，特別適合下酒，牛舌心愛好者必食❣️🔅 黑豚青提串肉質鮮嫩，搭配青提的酸甜，口感層次豐富，每一口都讓味蕾驚喜🔅 鹽燒雞皮串外脆鹽香濃郁，簡直是完美的小吃，送酒一流！🔅 燒汁大蔥雞肉串香氣四溢，雞肉鮮嫩多汁，搭配大蔥的清甜，吃起來超級滿足🔅 自家製免治雞肉棒口感滑嫩，香氣濃郁，咬下去充滿肉汁，搭配雞蛋更美味因為太美味而店長都好親切待人閒談再了解一下夜餐有咩食嚟緊聖誕真係會考慮到依間餐廳慶祝氣氛一流❣️🎄
繼續閱讀