影片
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
相關文章
餐廳裝修簡潔、光猛及乾淨，好多二人及四人卡檯，坐得舒服。餐廳午市可食3個鐘，星期一至五價錢$288，入到餐廳唔使急住去撈海鮮，可以先揀好火鍋湯底及火鍋肉類再慢慢出去撈選心水海鮮。📱QR Code落單餐廳嘅湯底、肉類、炸物、燒物及精選推介都係以QR Code落單，非常方便。🫕湯底有成9款可以揀，款款都好有特色，例如有龍蝦頭鍋、野菌魚湯、蟹黃海鮮鍋等，我哋就揀咗椰子雞鍋，湯底真係好香椰子味。🥩火鍋肉類有美國豬梅肉、澳洲羊肉、美國牛肩胛及澳洲M5和牛，款款都唔錯，但係我哋覺得最正嘅係澳洲M5和牛，牛味濃郁又腍甜，添食之選👍。🍢以免減低戰鬥力，炸物及燒物方面只係試咗燒乳鴿及鹽燒牛舌，兩款都幾好味。🧑🍳精選推介方面我哋點咗個海燕窩椰汁燉木瓜，食落暖笠笠，海燕窩感覺好滋補，椰汁又夠香，作為甜品一流😋。🚶自助區🦀自助區方面相當精彩，見到個自撈海鮮區已經相當興奮，有蜆、羅氏蝦、九節蝦、三點蟹、花蟹、藍花蟹、鮑魚及花螺，好新鮮，工作人員會不停補貨，我哋就可以無限量任撈任食，另外，好欣賞佢哋會幫忙清洗海鮮以及將活蟹斬開一半，方便食用，比起大陸更勝一籌，各種海鮮都非常新鮮，個人最鍾意九節蝦、花蟹及鮑魚，鮮甜好味👍。🐠另外仲有其他海鮮，包括有生蠔、鯇魚片、帶子、海螺片等。🥟當然有不同款式嘅丸類及餃類，當中有好特別嘅海苔丸、花枝丸、燕餃及蛋餃。💥更特別嘅火鍋配料有黃喉、雞子、牛鞭花及鵝腸。🥬有不同款式嘅蔬菜及菇菌類，澱粉質方面仲有烏冬、薯粉及公仔麵，火鍋配Q彈薯粉超夾👍。🥣熟食區有酸辣湯、粟米羹、糖水、小龍蝦、炸饅頭、炸魚皮、炸腐皮卷連蝦餃、燒賣、牛肉球都有，我哋覺得超正嘅係燒榴槤，榴槤味濃郁，甜香軟綿😋。🥗涼菜區嘅小食種類都唔少，例如有中華沙律、螺頭、麻辣魚皮、鳳爪等。🧂調料區款式非常多，整個自家混醬配搭食材好重要，呢度連原粒酸桔仔都有，好正👍。🥤飲品區有一大列凍櫃擺放住不同嘅飲品，諗得到嘅都有，冷泡茶、有氣飲品、水果酒等，基本嘅茶啡，以至日本清酒、白酒連生啤都有呀，啱哂酒鬼嘅我哋😆。🍉生果區有原隻嘅蜜柑、貢梨、西瓜、蜜瓜及菠蘿，食完熱辣辣嘅火鍋，以生果清一清口確係涼快😃。🍦甜品區有成廿十幾款甜品，雪糕雪條亦有好多知名品牌，例如有movenpick、häagen-dazs、阿波羅及bulla，食埋雪糕超完美💯。可以自由攞圍裙，唔怕整 污糟件衫，啱哂論盡鬼嘅我哋😙。收碟非常快，冇漏單👍。無論自撈海鮮定係餐點肉類質素都超高，輕易回本，坐得舒服，3個鐘時間非常充足👍。
繼續閱讀
間中都會黎呢間千海食，食物係好食，選擇夠，不過部份職員既態度好需要改善，入座有禮貌問一問可唔可以坐近出面少少，恤衫男同女黑衫已經好決絕話唔可以揀位同埋講一堆咩8點理論。講真，係合理情況（如圖片裏面及近門口係非常多空位），有老人或小朋友提出一下該要求，我覺得係合理囉。做服務業話個客揀位，應有既說話技巧無，態度又無，所以點解香港餐廳摺埋，真係要問下自己！
繼續閱讀
-晚市火鍋放題 $298/人-要食新鮮海鮮火鍋，當然要搵間夠料又夠霸氣嘅放題，「千海水產海鮮火鍋放題」就啱晒！晚市火鍋放題$298一位，無限量供應各種新鮮海鮮，簡直係食海鮮控嘅天堂。 講到海鮮，呢度有齊生猛鮮蝦、肥美帶子、鮑魚、花蟹等等，全部鮮甜爽口。湯底選擇多樣化，由清甜昆布湯到濃郁麻辣湯，完全可以按照自己口味搭配最完美嘅海鮮組合。除此之外，仲有各式肉類、丸類、蔬菜同埋手打餃子，食材新鮮，選擇夠多，最啱一家大細或者朋友聚餐。最正係任食模式，想食幾多都唔使計，盡情享受大快朵頤嘅滋味！ 如果你係海鮮迷，「千海水產」絕對係必試之選！
繼續閱讀
早前九龍灣開咗千海水產已經想試好耐， 今日同朋友一早訂定位去試下， 一開門已經好多人喺門口排隊入座， 店員好快已經安排客人逐一入坐，入到店舖環境好大， 大部分都係卡位舒適寬敞。自助區選擇嘢食超多款， 仲有好大個魚缸， 有十多款生猛海鮮即撈即煮， 有大頭蝦、基圍蝦、 沙白、花甲、 鮑魚、花蟹、 三點蟹、 花螺等等， 大頭蝦勁多膏， 鮑魚肉質彈牙， 每款都鮮甜美味。 店員仲好細心，當你揀選完海鮮仲會幫你洗乾淨先畀你， 淨係食海鮮已經值門票價。另外 仲可以qr code落單 火鍋肉類及小食， 澳洲 M5和牛美國肩胛肉、羊肉、豚肉, 熟食有燒、鰻魚、鵝肝多士、青魚等等。 燒蠔蒜調味上枱熱辣辣脹卜卜超正。甜品雪糕種類都好多，每樣都想食，最大驚喜就係 有日本版häagen-dazs雪糕可選擇，我都忍唔住食咗兩杯超滿足。
繼續閱讀
「唔怕撈唔到，只怕你食唔到」，簡單一句就可總結主打即撈活海鮮火鍋放題店「千海水產」😎晚市2小時無限任撈海鮮，另有多款火鍋配料無限配送，啱晒一眾大胃王🤪.🌟2小時晚市火鍋放題💰$338.🔥即撈活海鮮超大水池放滿各式各樣海鮮，唔講以為去咗街市🤣海鮮全部都好生猛，撈完後職員仲會幫你清洗好貼心🫶🏻當日蟹就咁都有三款（花蟹、三點蟹、松葉蟹），松葉蟹超多膏🦀九節蝦大大隻好彈牙，大頭蝦爆膏鮮甜🦐鮑魚好爽彈，白蜆、花甲肉粒飽滿😚平時就咁買海鮮都唔平，喺呢一度食多幾隻蟹幾隻蝦都即刻回本🤓.🔥任食火鍋🔸湯底金湯花膠雞鍋：滿滿骨膠原，內有大大嚿花膠，好滋潤🥰蕃茄豬骨鍋：蕃茄味好出，味道酸酸零舍醒胃😛.🔸肉類豬牛羊齊哂💕必食澳洲M5和牛，油花滿佈，入口滿口油香🤤鍾意肉味濃啲可以揀美國牛肩胛片🥩.🔸配料自助區提供超多火鍋配料❣️基本蔬菜及丸餃類都齊哂😙甚至連生蠔、海蜇花、鵝腸、帆立貝、田雞腿、脆鯇魚片都有✨.🔥熟食必食鐵板鵝肝多士‼️鵝肝大大嚿外脆內軟，一啖咬落去鵝肝即溶，油香爆發😍乳鴿勁多肉汁💦燒蠔好惹味😋自助區仲可以拎燒賣蝦餃中式點心，甚至烤榴槤都有😝.🔥甜品最後當然唔少得食返個甜品🤓雪糕有任食movenpick & haagen dazs🍨糕點推薦布朗尼及巴洛克芝士蛋糕🧁當然唔少得楊枝甘露
繼續閱讀