千海水產海鮮火鍋放題

同老公成日心思思間中都會嚟呢度打邊爐！每次未夠12點已經排長龍，果然係人氣之選😆 平日午市$298/位任食3個鐘，海鮮多款無限量供應，真係啱晒海鮮控～✨✨自助撈海鮮區✨✨啲海鮮好新鮮生猛，有蜆、鮑魚、基圍蝦、大頭蝦、蟹、青口…仲有生蠔🦪任你拎！我同老公每次必搶： 🔶大頭蝦：蝦膏爆滿，蝦肉爽彈🔶基圍蝦：新鮮蝦肉質真係好爽彈🔶沙白/美國蜆：大隻又鮮甜又冇沙🔶鮑魚：好彈牙今次湯底揀咗✨冬瓜瑤柱豬骨湯✨，好清甜。肉類同熟食用手機落單，上菜速度都快，肉類質素唔錯，比較鍾意牛肩胛肉，入口好嫩滑。其他必點推介：💟川味燒鮮蠔：蠔肉肥美爆汁💟芝麻雞翼：熱辣辣脆卜卜💟鐵板鵝肝多士：好香，入口即化💟蒲燒鰻魚💟海燕窩椰汁燉木瓜：好滋潤✨✨自助區✨✨有多款小食前菜、冷盤、水果、蒸點心，推介「烤榴槤」好香甜，飲品選擇多，啤酒淸酒梅酒都有，仲有最後記得食埋甜品、雪糕雪條，要食DIY仙草冰粉+Häagen-Dazs新口味，大滿足！…查看更多

一直都好想食「千海水產海鮮火鍋放題」，難得有朋友由外國黎香港，所以今次有藉口一齊食😚仲可以坐足三小時🥰 lunch 價錢只需$298 加一，抵食到🙈🙈 清清地先揀左個椰子雞湯底，入面真材實料，好多雞件同椰子，湯底非常濃郁🥰 然後我地出去拎海鮮喇，非常多選擇，有生蠔、鮑魚、美國蜆沙白、花甲、基圍蝦、大頭蝦三點蟹、藍花蟹等等。我地每樣要少少，試左中意先再encore! 樣樣都好新鮮架，淥既時候啲蝦仲郁緊😂😂 Encore 最多係🌟蟹肉 - 鮮甜而且蟹膏爆多🌟鮑魚 - 彈牙🌟基圍蝦 - 爽彈鮮美肉類 點咗🌟澳洲M5和牛🌟同🌟美國牛肩胛片🌟，肉味濃郁，必食！另外仲點左燒鮮蠔，芝麻雞翼熟食😚😚出面仲可以拎火鍋配料，咩都有Ｄ～eg. 菇菌、菜、蛋、芋絲、牛柏葉、水魷魚、丸類、餃子類、田雞、珍寶蟹棒🌟想講lunch 食係最抵, 可以食成3小時, 而且性價比高!! 餐廳自助撈海鮮區域仲會不停補貨，無限量任撈任煮，下次可以帶埋老人家去，相信佢地都會好開心🥰…查看更多

上次食過返尋味，今次屋企人生日，一於請大家再食餐勁😎 屋企人最鍾意食海鮮，小朋友仲可以一齊撈海鮮，拎番枱時蝦蟹仲識彈跳🦐🦀 有得玩有得食!! 個人推薦千海水產海鮮火鍋放題，絕對係高性價比火鍋放題。相比其他同類型高檔火鍋放題，千海水產價格相對親民，卻提供高品質食材，性價比極高，特別適合朋友或家庭聚餐。最大嘅賣點係大型海鮮池，提供即撈即煮活海產，包括不同種類嘅大蝦、花甲、鮑魚、肉蟹、花蟹，深受海鮮愛好者歡迎。職員亦都好勤力地撈走啊唔新鮮嘅蝦蟹，確保食材新鮮度👍🍲多種湯底選擇🌶️秘製麻辣鍋🐔金湯花膠雞鍋: 今次終於試咗，覺得好滋補，好啱女仔補身🍅蕃茄豬骨鍋🦞龍蝦頭鍋🥥清甜椰子雞鍋🐔人蔘雞鍋🦀蟹皇海鮮鍋等等湯底，花多眼亂，想兩樣都試仲可以自由搭配雙拼鍋除咗海鮮，還包括多種牛肉，例如澳洲M5和牛，鮮豚肉、雞肉，丸類、豆腐、菇菌、蔬菜等，就可以喺自助區裏面任你拎。食到飽出去行吓拎下嘢食，消化下就可以食咁多😆🧑🏻‍🍳無限encore必點星級菜單 皇牌燒乳鴿王，鐵板鵝肝多士，鹽燒牛舌，川味燒鮮蠔，燒香草羊鞍，西京燒比目魚，原個木瓜雪耳燉糖水⬅️呢個真係超級推薦， 最後當然要介紹仼食不同口味嘅Häagen-Dazs杯裝雪糕同雪條，食多幾杯都可以回本了😆…查看更多

一上到去🚇九龍灣淘大商場嘅「千海水產海鮮火鍋放題」，即刻俾佢個超闊落嘅環境🤩吸引住，入面空間感十足👍，唔會好似平時打邊爐咁逼狹。佢哋最煞食嘅一定係個「即撈活海鮮區」😍，入面擺滿晒生猛海鮮🦐，好似個小型海鮮市場咁✨。你可以親手揀選心水海鮮即撈即煮，而且呢度真係會不停補貨🥰，無限量任你撈任你煮，保證新鮮到爆💥！簡直係海鮮迷嘅天堂！今次我哋揀咗個「冬瓜瑤柱豬骨鍋」做火鍋湯底🥣，個湯底清甜滋潤，一嚟就聞到陣陣冬瓜同瑤柱嘅清香，用嚟🍲打邊爐真係一流，完全唔會搶走海鮮嘅鮮味，再加埋大量嘅蜆入去真係🤤鮮味爆棚！我個人比較鍾意食蟹🦀，尤其係呢度有肥美嘅藍蟹、花蟹同三點蟹，隻隻都生猛到不得了，蟹肉鮮甜飽滿😋。而且仲有大大隻嘅鮑魚，淥幾下就食得，🥢口感彈牙鮮味濃郁。蝦類選擇都好多🦐，有大頭蝦、九節蝦同基圍蝦，隻隻都跳跳紮，蝦肉結實彈牙💪，蝦味濃郁。另外仲有唔同款嘅蜆同埋螺🐚，全部都吐晒沙，食落啖啖肉，鮮甜無比☺️。除咗海鮮，肉類選擇都唔輸蝕🥩！澳洲M5和牛，雪花分佈均勻❄️，輕輕一淥就入口即溶，牛味香濃。 美國牛肩胛片🐂都好高質，肉質軟嫩，食落有嚼勁，絕對係食肉獸嘅福音🎉！熟食方面都有驚喜🎊，特別係「鐵板鵝肝多士」外脆內軟，鵝肝甘香豐腴，一咬落去油香四溢，真係邪惡又好味😈。「鹽燒牛舌」燒得啱啱好，牛舌爽口彈牙👅，鹽味吊出牛舌嘅鮮味。「川味燒鮮蠔」辣得過癮🔥，蠔肉肥美，配上麻辣醬汁，🦪好開胃。而「皇牌燒乳鴿王」就係必食之選🐦，乳鴿燒到皮脆肉嫩，肉汁豐富💦，好滿足。自助區💪熟食仲有避風塘炒蝦🌶️、麻辣小龍蝦🦞、燒腩仔，同埋幾款中式點心🥟，真係精彩。飲品方面🥤，有齊紙包飲品🧃、罐裝飲品，仲有多款冷泡茶🍵，解渴又健康。🍻鍾意飲酒嘅朋友仲有清酒🍶、白酒同燒酒任你揀，連生啤🍺都有得飲，真係飲到飽！最後甜品櫃🍮有好多唔同款式嘅精美甜品🍰，賣相精緻✨，味道都好好。仲有好多唔同雪糕🍦任你食，包括我最愛嘅🍨Häagen-Dazs添！總括嚟講，呢度無論係環境、🥢食物質素定係服務都非常出色👏，特別係佢哋嘅「即撈活海鮮」同埋多款高質素嘅熟食♨️，絕對係回頭再食嘅好地方🌟！…查看更多

又想去食撈海鮮🎣所以又同朋友去「千海水產海鮮火鍋放題」😬.2小時晚市火鍋放題(2位)🌙套餐$676💰.鴛鴦鍋🍲跟餐$48💰揀咗秘製麻辣鍋同滋補豬筒骨鍋🌶️🐖麻辣鍋有齊麻香辣，夠刺激😬豬筒骨鍋鹹淡適中👍🏻.海鮮🌊套餐包含💰有生蠔🦪鮑魚、美國蜆🇺🇸沙白、花甲、基圍蝦、草蝦、大頭蝦🦐三點蟹、藍花蟹🦀脆鯇魚片、沙鯭魚🐠花膠、帆立貝、海螺片、花螺🐚生蠔肥美大隻😱肉質爽滑💯2款蟹蟹肉質鮮甜緊緻😍而且蟹膏橙黃鮮味🤤鮑魚彈牙😗基圍蝦爽彈鮮美😆.肉類🥩套餐包含💰點咗澳洲M5和牛同美國牛肩胛片🐄2款牛肉都大塊😉肉味濃郁😛.小食🍤套餐包含💰有川味燒鮮蠔🧄醬爆糍粑、芝麻雞翼🍗生蠔燒得勁惹味🔥糍粑同雞翼好香口😙.火鍋配料🥢套餐包含💰有蔬菜區🥬🍅豆製品、菇菌🍄‍🟫鵪鶉蛋、雞蛋🥚山藥粉皮、芋絲、牛柏葉、麵食🍜丸類🦀🍢水魷魚🦑餃子類、田雞腿🐸炸物🐟🐷毛肚、珍寶蟹棒、雞子、鵝腸🪿.冷盤❄️套餐包含💰有水果🍓🍉🍈🍊前菜🥕🐓.熱葷🍽️套餐包含💰有點心🥟西蘭花🥦炸蟹柳、麻辣小龍蝦🦞焗榴槤、蒜蓉多士🥖蝴蝶酥🦋燒肉、燒菠蘿🍍酸辣湯、粟米羹🌽焗榴槤香濃甘香，燒菠蘿酸甜多汁😋.甜品🍮套餐包含💰有唔同雪糕🍨雪條、軟雪糕🍦各種布甸、提拉米蘇、大福、葡撻、卷蛋、蛋糕🍰爆漿麻糬、忌廉泡芙🍩豆腐花、乳酪🥛馬卡龍、楊枝甘露🥭糖果🍬糖水🫘海燕窩椰汁燉木瓜🐣木瓜燉至軟滑😌配上海燕窩，滋潤養顏☺️.飲品🥤套餐包含💰有茶類飲品🍵汽水、豆漿、荳奶🍼涼茶飲品🫖燒酒、白酒🍾清酒🍶梅酒🥃甘蔗汁🎋果汁🍊🍑椰青水🥥運動飲料、咖啡☕️啤酒、生啤🍺乳酸飲品、熱港式奶茶、珍珠奶茶🧋…查看更多