影片
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
相關文章
呢間店每大特色就係好似去左街市， 自己任撈海鮮。 有沙白、蟹、蝦同鮑魚任攞。 入座後，店員會提醒你攞枱面個桶出去去攞海鮮。自己撈完，店員仲會幫你係海鮮區即場洗埋。服務態度超好！！ 海鮮肉類質素都算不過不失種類就真係特別多啲嘅 有蠔任攞movenpick同häagen-dazs都比起出面同類餐廳有唔同口味嚟嘅份量都好真材實料 佢啲鵝肝多士唔似一啲放題咁細舊整體雖然冇話特別好好好食，但係服務態度加埋種類繁多。以三百幾價錢嚟講，喺同類型餐廳黎講算係超值得一試！
繼續閱讀
上網見到好多人推介放題界嘅新貴－千海水產海鮮火鍋放題，賣點係有自助撈海鮮區，可以任撈任食生猛活海鮮，睇見都吸引🤩忍唔住要嚟試吓！放題係九龍灣及荃灣均有分店，今次嚟到九龍灣分店，佔地極大，淨係活海鮮區都已經有大量蝦、蟹、蜆、鮑魚等海鮮，而環境都keep住乾淨企理👍🏻全部海鮮都會不停補貨，keep住可以無限量任撈任煮，好玩又好食。除咗海鮮，其他肉類、配料、熟食、酒類都有極多選擇，輕輕鬆鬆就可以食到回本😎2小時晚市火鍋放題 $298起（按時段）🥘湯底叫咗龍蝦頭湯底，出面少見，有成隻龍蝦頭喺入面😹龍蝦湯味幾香，而且越打越濃郁。另外仲有麻辣鍋、花膠雞等選擇。🦀即撈活海鮮一入門口就見到一整排活海鮮魚缸！以為自己去咗鯉魚門／西貢🤣不過當然係乾淨版啦！海鮮有花蟹、大頭蝦、草蝦、美國蜆、沙白、花甲、東風螺、鮑魚、蠔，全部都勁新鮮，啲蝦蟹都係跳跳紮🦐可以自己拎個桶，自己海鮮自己撈，撈完就可以俾店員幫你劏蟹，成個過程都幾好玩😆花蟹大大隻幾鮮甜，貝殼類都好新鮮無沙，特別喜歡花甲，夠甜，鮑魚都好爽彈，蠔亦都係必食，大隻肥美鮮甜😋一定要食多幾round回本。🥩肉類除咗海鮮，呢度都有不少肉類款式照顧食肉獸胃口。澳州M5和牛大塊軟滑，其他如牛肩胛、羊肉等質素都幾靚🥳🦪熟食、炸物、木瓜燉雪燕Scan QR code仲可以落單叫一系列熟食、炸物。熟食諸如川味燒蠔、鵝肝多士、乳鴿等特別款式都有，鵝肝厚身邪惡😈炸物叫咗炸糍粑同炸牛奶，幾推薦😋炸糍粑外脆內軟糯，咬開爆出黑糖汁好正💦炸牛奶則酥脆富奶香。另外記得叫埋木瓜燉雪燕，打完邊爐食呢個夠晒滋潤😽🥓自助區冷盤、熟食自助區一樣有勁多選擇，包括一整列嘅沙律、冷盤🥙熟食有炸雞、麻辣小龍蝦、脆卜卜肥瘦相間嘅燒腩仔、燒菠蘿等，仲有重口味人仕至愛嘅烤榴槤，見到金黃色大大舊榴槤，雖然我唔食都覺得幾高質🤪🥬自助區配料火鍋配料必不可少，呢度就有好多新鮮蔬菜、豆品，丸類都有好多特別選擇。最搞笑係有一大盤雞子，好吸睛😂😂🍶自助區飲品酒類食海鮮緊係要配酒，嚟個痛風套餐😏呢度酒類有紅白酒、熱清酒、清酒、梅酒，全部任斟任飲🤓另外仲有港式奶茶、甘蔗汁、椰青水、珍珠奶茶、冷泡茶、其他茶飲果汁汽水，諗得出都有😛🍨自助區甜品雪糕甜品選擇同樣豐富，有唔少細細杯嘅蛋糕、奶凍。另外仲有movenpick、haagendaz、韓國雪條等👏🏻推介指數（10分為滿分）：8分
繼續閱讀
今日去咗食海鮮火鍋放題，呢個主題好新穎，我都係第一次食，仲要係可以自己揀海鮮撈起。搵工作人員洗乾淨之後（大約等15分鐘），就可以自己煮嚟食。我揀咗花膠雞湯湯底，本身個湯已經好濃郁，煮完啲海鮮肉類都有味，我完全冇加任何醬料已經覺得好好食。熟食都有好多款。譬如肉類，仲有魚同鵝肝。甜品類就更加吸引。有我最鍾意食嘅Häagen-Dazs雪糕。飲品都有幾個雪櫃種類好多。仲有我最鍾意食嘅燒榴槤。lunch 200+食海鮮放題CP值超高。海鮮都好生猛，鮑魚丶蟹同蝦都係游緊水撈起。
繼續閱讀
約埋老朋友去打邊爐，我們六人叫了兩個湯底，一個要自費，推介 椰子雞湯底🍲👍👍👍😍海鮮自己挑 幾好玩，有人即埸為你清洗海鮮，當晚蝦 又大又新鮮，鮑魚也不錯。澳洲和牛 OK ，楊枝甘露一枝枝細細地 好飲，飲品多款酒 有啤酒。清酒好多人喜歡嘅燒榴槤＇相信有好多朋友超鍾意😊任食啊！ 有多個時段任你揀 ，事實上兩小時 太少 只顧食已經不能好好傾偈！食、食、食 忙著菜 生果也多款 。羊架燒蠔也ok，係坐得有點迫😅
繼續閱讀
呢間性價比超高既即撈海鮮任食火鍋終於食到起九龍灣好大間海鮮不停補貨任撈任食自助區既範圍闊落麻辣湯/清甜椰子雞麻辣湯夠麻同辣，香港人選擇bb辣就岩岩如果想挑戰辣度中辣已經好刺激餐廳有油碟提供，解辣就一流椰子雞鍋好鮮甜，用黎煮蔬菜好好味美國牛肩肉油脂感好足落麻辣鍋好滿足點上油碟好濃郁既麻油味再加上有生蒜味牛味濃同牛肉軟熟任撈海鮮蝦都有3款任食，有基圍蝦、大頭蝦同九節蝦我鍾意食有膏既大頭蝦同蝦肉緊致既九節蝦另外蟹有三點蟹同藍花蟹蜆都有幾種，花甲，白蜆同沙白回本一定係任食新鮮鮑肉鮑肉食落啖啖肉，鮮蝦好彈牙涼菜一定要試下佢既花椒魚皮好爽脆惹味無骨雞爪都一樣有得食好彈牙麻香味十足小小辣但夠晒麻甜品有哈根達斯任食好吸引仲有椰汁雪燕燉木瓜真係超高質
繼續閱讀