影片
營業時間
今日營業
12:00 - 21:30
星期一至日
12:00 - 21:30
以上資料只供參考, 請與餐廳確認詳情
有關獎賞計劃
影片
相片
和牛忌廉牛肉餅二味牛御膳朝
蕃茄相撲味噌蠔鍋御膳
+934
+79
食家推介
相關文章
同朋友喺airside 揾嘢食，見到呢間餐廳都多人幫襯，就入咗嚟食。🥩 四品牛魔御膳 $398呢個御膳包括四種不同部位的吉列牛，包括：穀飼西冷、菲力牛、翼板牛和醬味薄牛，每款都各有特色。牛肉嫩滑，特別係西冷，肉質最腍。如果想食熟啲，餐廳仲會提供煎pan俾你自己再煎熟。呢個御膳配有白飯、沙律菜同湯，唔夠仲可以再添，係任添嘅！🥓 熟成厚切豚肉鍋膳 $158呢個厚切豚肉鍋膳份量十足，豬扒炸得香脆，底層嘅蛋汁滑嫩，非常好味！呢個餐同樣配有任添嘅白飯、沙律菜和湯。🍰 特濃抹茶小豆流心蛋糕 $52抹茶蛋糕有少許嘅流心效果，味道香濃，再搭配一球雲呢拿雪糕，冰涼嘅雪糕同溫暖嘅蛋糕口感對比下，有冰火交融嘅口感。🍓 草莓小豆雪糕三文治 $58三文治外層炸得酥脆，裡面包住一球雲呢拿雪糕，軟滑嘅雪糕同酥脆的三文治形成特別嘅口感對比，旁邊仲有士多啤梨味雪糕球做伴碟。🍵 紅豆宇治冰抹茶 $36呢杯紅豆抹茶好有驚喜！本來驚會好甜，點知完全唔洗怕，抹茶無落糖，散發住天然甘香味道！無糖嘅抹茶中和咗底層嘅紅豆甜味，絕對適合所有抹茶愛好者！
繼續閱讀
夜晚有Tasting menu, 可以係御膳，鍋膳，甜品，飲品和選兩款。🐂 四品牛魔御膳一盤四重奏，酥脆吉列炸衣包裹穀飼西冷、醬味薄牛、翼板牛、菲力牛，入面仲係粉紅色，如果覺得太生可以自己係鐵板上燒到中意既熟度。一 Set 可試晒四款部位，肉質層次豐富，各有特色。配有咖哩汁，燒汁，鹽，味增等醬汁調味送飯唔錯，中意椰菜絲有得 refill , 加埋芝麻醬好 refreshing又開胃。🥩 和牛肩關西壽喜丼 (季節限定)壽喜燒風味濃郁，和牛肩煮得剛剛好，肉質軟嫩，蛋黃液包裹飯粒，鹹甜平衡一流，推介。💜 熱情果蝶豆花汽水 – 顏值超高，蝶豆花夢幻漸層與熱情果酸甜融合，清新解膩。🍓 山楂荔枝乳酸 – 微酸微甜，非常開胃，仲可以全走冰俾我，冇咁凍養生啲。🍓 草莓小豆雪糕三文治 – 外層炸皮酥脆，內裡是雲呢拿雪糕，旁邊有草莓雪糕與甜甜小豆，口感豐富。🍵 特濃抹茶小豆流芯蛋糕– 抹茶香濃帶少少苦澀，正是這份甘香中和甜度。
繼續閱讀
好耐冇食吉列牛，於是同朋友嚟咗Airside呢間京都勝牛。我哋平日晚市嚟都係全場滿座，一入去已經聞到好香吉列牛嘅味道。四品牛魔御膳 $328我哋叫咗餐廳最受歡迎嘅呢款四品牛魔御膳，有齊4種唔同部位嘅吉列牛，包括穀飼西冷、菲力牛、翼板牛同醬味薄牛。牛肉經過60秒快炸去到3至5成熟左右，肉嘅中心仲係非常粉嫩，但係完全唔會有血水流出嚟。如果想食熟d，餐廳仲會提供煎pan可以自己再煎熟少少d牛肉。西冷肉質最腍身，菲力同翼板肉味較濃。至於薄牛有少少免治嘅口感，醬汁非常入味。吉列牛食嘅時候可以點咖喱汁、味噌醬、牛扒汁、山椒鹽又或者醋汁食，每款都有唔同特色。御膳除咗吉列牛，仲有溫泉蛋同任添嘅白飯、京椰菜同味噌湯。勝牛壽喜燒鍋膳 $188我哋另外仲叫咗個壽喜燒鍋，除咗有牛肉，仲有金菇粉絲，椰菜、豆腐，冬菇等配料。牛肉都幾腍嫩，點埋生雞蛋一齊食就更加滑溜，充滿蛋香。鍋膳同樣都有白飯同麵豉湯。特濃抹茶小豆流心蛋糕 $52除咗吉列牛，呢度都有甜品食。呢款抹茶流心蛋糕，蛋糕抹茶味好香濃之餘，入面仲有抹茶軟心，配埋雲呢拿雪糕，味道甘甜。草莓小豆雪糕三文治 $58呢款雪糕三文治，用脆炸外皮包住雪糕，外脆內軟嘅口感，加埋士多啤梨味雪糕，非常滿足。小豆宇治抹茶 $36飲品方面朋友叫咗杯宇治抹茶，香濃抹茶加咗奶，口感更加幼滑，底到仲有紅豆粒。山楂荔枝乳酸 $38我就叫咗杯季節限定嘅山楂荔枝乳酸，味道酸酸甜甜，開胃解渴。。。京都勝牛 (AIRSIDE) (九龍城)九龍城啟德協調道2號AIRSIDE B1樓B129號舖。。
繼續閱讀
近排啟德體育園開幕🫶🏻周邊好多新既商場🤤約埋朋友啟德一日逛逛❣️最後逛到airside❤️原來airside都有好多特色既舖頭&餐廳🫶🏻🫶🏻一見到E一間餐廳即刻想食啦😍😍吉列牛餐廳裝修日風 牆上有和風紙傘🫶🏻同璧畫✐四品牛魔御膳黎到吉列牛專門店🤤梗係叫個吉列牛食下四品牛魔御膳包括左4種牛（穀飼西冷，菲力牛，翼板牛，醬味薄牛）全部牛本身熟度都係medium rare職員上菜即刻問我地要唔要用鐵板再燒熟可以自己燒個熟度❣️ 玩得食得而個套餐仲包左温泉蛋當中既飯，椰菜🥬同湯可以無限添加嫁😍正✐和牛肩關西壽喜丼另外我地叫左個季節限定既丼🤤🤤不得不讚 個和牛勁好食 入口即溶 油脂又香最重要😍和牛既份量係超級多阿而套餐都包左椰菜🥬同湯甜品🍮✐特濃抹茶小豆流心蛋糕個人私心大推E一個甜品首先食左cream先❤️滿滿奶香味第二啖食個雲呢拿雪糕 好香濃最後食個抺菜蛋糕😍😍😍勁好食中間係勁熱🤤軟滑既勁濃抺茶味🍵蛋糕真心高質 必食❣️✐草莓小豆雪糕三文治草莓雪糕勁香甜而雪糕三文治外面係炸皮黎🤤口感外脆內軟 食落凍脆凍脆✐紅豆宇治冰抹茶🍵✐熱情果蝶豆花有汽特飲🫶🏻勁fresh好飲
繼續閱讀
前日收工嚟到Aside呢邊食dinner，之前去京都食牛肉覺得好正，返到香港好回味，咁啱見到呢間專食京都牛肉嘅餐廳，就好想嚟試吓～四品牛魔御膳$328 佢有四款唔同嘅牛肉，包括醬味薄牛，翼板牛，菲力牛同埋穀飼西冷，一個套餐配埋白飯麵豉湯同埋椰菜絲都係任裝，佢有幾款唔同嘅醬料，包括麵豉醬同埋咖喱🍛上碟嘅時候係半熟狀態，職員問我哋需唔需要要一個爐自己燒熟啲，等我哋自己控制到牛肉嘅生熟程度～外皮好酥脆，炸得好香嘅牛肉，入面覺得好新鮮，配埋醬料食好入味勝牛壽喜燒鍋$188 一鍋入面有冬菇，椰菜🥬金針菇等等嘅配料～配埋上等嘅牛肉，淥熟啲牛肉食覺得好入味，仲有配埋雞蛋醬，成個配搭都好豐富，連埋白飯食一流紅豆宇治抹茶$36抹茶味🍵好香～底下仲有甜甜嘅粒粒紅豆🫘成個配搭好正菠蘿奇異果有氣特飲$48 酸酸甜甜嘅菠蘿🍍奇異果特飲～有粒粒奇異果🥝酸酸地，甜甜地幾開胃草莓小豆雪糕三文治$58 炸三文治🥪中間係雲呢拿雪糕🍦好特別嘅配搭～仲有草莓🍓芭菲同埋粒粒紅豆🫘成個配搭好好味😋朱古力慕絲士多啤梨大福$68 呢個係季節限定，朱古力慕絲蛋糕🍰有香濃嘅朱古力味🍫餅底脆脆地，仲有酸酸甜甜嘅士多啤梨🍓外皮係糯米糍皮，幾好👍🏻餐廳職員嘅服務態度超級好👍🏻會介紹每道菜式，仲會幫我哋燒熟啲牛肉，好值得嚟試吓～
繼續閱讀