影片
營業時間
今日營業
08:00 - 21:30
星期一至日
08:00 - 21:30
公眾假期
08:00 - 21:30
公眾假期前夕
08:00 - 21:30
以上資料只供參考, 請與餐廳確認詳情
呢間茶餐廳真係一個好經典既地方，無論係環境定食物，都令人感到滿意。我哋一入到去，就見到餐廳有好多卡座，坐得非常舒服，啱啱曬同朋友傾計，享受一個輕鬆嘅用餐時光！講返食物，呢度嘅菜式正宗經典，真係好食到不得了。我哋叫咗幾樣，其中有鐵板燒羊架套餐同埋鐵板牛仔骨套餐，再加埋黑椒汁，味道濃郁，羊架外脆內嫩，牛仔骨更加Juicy，黑椒汁增添咗香味，食落真係正。仲有咖哩安格斯牛肉飯，牛肉煮得剛剛好，咖喱醬汁同米飯嘅配搭真係一流，令人忍唔住多食幾口。飲品方面，我哋叫咗美祿暴龍，裡面有忌廉，口感滑溜，味道香甜，係夏天飲最啱不過。再加上狂牛，係七喜同士多啤梨雪糕，仲有雜果賓治喺底同埋爆炸糖喺雪糕面！特別係甜品方面，雪糕西多士絕對值得一試，外脆內軟，加埋雪糕嘅滋味，簡直係完美組合。餐湯方面係日式粟米湯，湯底清甜，粟米粒粒分明，飲落去特別舒服，唔會太膩！呢間正宗港式茶餐廳無論係環境定食物都表現得非常好，真係值得一試！
繼續閱讀
下午茶時段Airside地底層貢咗入黎呢間茶記叫咗個$55蚊嘅乾炒牛河+$5爆檸。出品正常發揮。但上餐比我個時碟邊稍為污糟咗🙄但點餐系統唔知係咪低能。禁咗乾牛河加爆檸竟然無咗個爆檸。等咗好耐先叫職員補返。唯一讚係乾炒牛河唔會食到膩同滯。
繼續閱讀
啟德是最發展得最快的區域，因此內裏有很多商場和食肆進駐，今晚來到這裏覓食。由於商場設施配套新穎，吸引很多區外客戶來到這裏，所以便挑選一間比較旺的茶餐廳一試。這裏的裝修比較雅致，大部份都是卡位，無論是二人或四人，一樣坐得舒適。海南雞飯$83另加檸檬百香果$19 。海南雞飯，包括海南雞、例湯和油飯。海南雞皮爽脆可口，雞肉鮮嫩美味，配合唔同三色醬汁，更加惹味。醬汁其中以黑醬油最為濃郁，帶點星加坡的海南雞風味。油飯色澤吸引，香味十足。檸檬百香果，兩種唔同層次的酸味加在一起，令人胃口大開。例湯沒有添加任何味精，一樣鮮甜可口。炸乳鴿$62，乳鴿外皮香脆可口，肉汁豐富，質素比任何一間專門店一點也不遜色。
繼續閱讀
平時叫外賣嘅時候都會叫呢間冰室今次第一次過嚟堂食～ Airside嚟講算幾抵食同屋企人行完街嚟食大概等咗10分鐘先有位，餐廳都算乾淨企理，新裝修光光猛猛嘢食選擇都多，又有唔同嘅款式鰻魚滑蛋炸熱狗鐵板牛仔骨餐海南雞飯鰻魚大大份，加埋滑蛋同埋炸過嘅熱狗一齊食，口感豐富，估唔到炸過嘅熱狗包，脆口得來，又唔會太油膩。三樣嘢嘅配搭夾。港式鐵板餐，牛仔骨淋身，汁就揀咁咗黑椒汁，配菜有大番茄粗身炸薯條～海南雞嫩滑，應該係泰式海南雞，所以有甜辣醬呢個選項，有湯有嘢飲，龍鳳檸樂，咸檸個味幾過癮
繼續閱讀
今日同老公去咗朋友啟德新居打牌🀄️打完佢哋要同屋企人食飯，我同老公就食埋野先返屋企～因為都幾肚餓就隨意揀咗間茶記😅⭐️西冷牛扒餐一嚟到喳喳聲好正🤓西冷偏瘦但肉味濃郁叫咗七成熟但鐵板愈整愈熟似九成😂 好彩食落都唔韌👍❤️黑椒牛柳絲炒意粉呢排唔知點解好鍾意喺茶餐廳食炒意粉😅黑椒味夠重，牛柳絲都嫩滑，意粉彈牙不過偏碎，整體都唔錯
繼續閱讀