三點三冰室

營業中

休息中

呢間茶餐廳真係一個好經典既地方，無論係環境定食物，都令人感到滿意。我哋一入到去，就見到餐廳有好多卡座，坐得非常舒服，啱啱曬同朋友傾計，享受一個輕鬆嘅用餐時光！講返食物，呢度嘅菜式正宗經典，真係好食到不得了。我哋叫咗幾樣，其中有鐵板燒羊架套餐同埋鐵板牛仔骨套餐，再加埋黑椒汁，味道濃郁，羊架外脆內嫩，牛仔骨更加Juicy，黑椒汁增添咗香味，食落真係正。仲有咖哩安格斯牛肉飯，牛肉煮得剛剛好，咖喱醬汁同米飯嘅配搭真係一流，令人忍唔住多食幾口。飲品方面，我哋叫咗美祿暴龍，裡面有忌廉，口感滑溜，味道香甜，係夏天飲最啱不過。再加上狂牛，係七喜同士多啤梨雪糕，仲有雜果賓治喺底同埋爆炸糖喺雪糕面！特別係甜品方面，雪糕西多士絕對值得一試，外脆內軟，加埋雪糕嘅滋味，簡直係完美組合。餐湯方面係日式粟米湯，湯底清甜，粟米粒粒分明，飲落去特別舒服，唔會太膩！呢間正宗港式茶餐廳無論係環境定食物都表現得非常好，真係值得一試！