影片
港鐵長沙灣站 C2 出口, 步行約7分鐘
繼續閱讀
電話號碼
28661188
開飯介紹
主打壽司的日式餐廳，從日本直運新鮮食材到港，如時令鮮魚，炮製各式料理。裝潢以木為設計主軸，簡潔舒適，而吧檯座位讓你可近距離與師傅交流。
繼續閱讀
營業時間
今日營業
12:00 - 15:30
18:00 - 22:00
星期一至日
12:00 - 15:30
18:00 - 22:00
以上資料只供參考, 請與餐廳確認詳情
有關獎賞計劃
相關文章
又到星期五晚，喺完咗一個星期工作而最輕鬆嘅晚上，所以，兩公婆就懶煮出街食，亦想食餐好嘅慰勞吓自己。今次近近哋過嚟長沙灣尾食吓日本嘢，呢間「Yuyu Sushi」喺住晌附近嘅親友推介，讚其性價比高，其實之前晌樓上嘅酒家同一班親戚食做節飯時已留意過呢間餐廳。走進餐廳，一室燈光柔和，傳統日式淺木色系裝修，左右兩排喺4人座，中間兩行喺卡位，最鍾意喺啲間板加咗啲小屏風，同前前後後及隔離位都遮一遮，私隱度都高啲。我哋被安排坐晌卡位，感覺寧舍闊落，晌呢區嚟講，絕對喺頗舒適嘅居酒屋之一。餐廳尾喺壽司吧枱，如果單純嚟食壽司，又想跟師傅交流吓，喺理想位置。而事後想搵廁所時，發現壽司吧傍有條通道，可以通去另一邊用餐區，猶如一個半開放嘅私人廂房。雖然，餐廳嘅名字用上壽司，但翻一翻餐牌你就知點會得壽司咁簡單，如居酒屋般，種類包羅萬有，選擇非常之多，更喺圖文並茂，包括：晚市定食、刺身、壽司、卷物、手卷、前菜、沙律、湯品、串燒、天婦羅、揚物、鍋物、一品料理、食事、冰淇淋……等等一應俱全，定價亦好親民，所以，老婆話今餐食得豐富啲！用上二維碼下單，清清楚楚，減少錯誤或爭拗，呢個都喺飲食業嘅趨勢，加上介面易用，點餐方便。之不過，壽司都喺其主打，依家仲有啲推廣，任揀每4款手握壽司就有8折，可謂食得更抵。此外，晌唔同時段，店家仲提供多種優惠，例如午市唔收加一，學生午市定食減$10，歡樂時光啤酒、清酒半價，外賣自助9折……等等。食日本嘢，除欣賞食物之外，啲餐具都比較靚，值得多欣賞一下。講咗咁多，依家就去片，睇吓今晚我哋食咗乜，先嚟串燒，再試試啲定食！雞軟骨串 $26/兩串、活鰻白燒 $48雞軟骨純粹過過口癮，咬落咯咯聲，軟中帶韌，配啤酒就最過癮；而活鰻白燒喺店長推介，活鰻比起一啲冰鮮貨自然更優質，而且，雖然簡單燒香，唔加任何醬汁，但正正咁樣先突出活鰻嘅原味道，，味道油潤，口感更彈牙，外皮更脆口。牛舌 $48話時話，小弟確喺幾鍾意食燒牛舌，晌小弟嘅日本菜食評中，不時見其蹤影。啲牛舌燒到有啲焦香，咬落有韌勁，極具咬口，加上牛舌獨特嘅味道，再沾上少少芥辣，更具風味。田園沙律、味噌湯、茶碗蒸所有晚市定食都列明會奉送前菜、味噌湯、茶碗蒸，先講講啲沙律，都喺簡簡單單嘅沙律菜、日本青瓜、車厘茄伴胡麻醬，用料新鮮，清爽好食，叫人開開胃先；味噌湯除咗麵豉味好香濃之外，湯底更有唔少昆布，味道豐富，食完個沙律再嚟暖和一下腸胃，喺好好嘅配搭。而茶碗蒸好有誠意，唔單止蒸得滑溜，又好有蛋香，裡面仲有好多料，包括冬菇、雞肉、銀杏、蟹柳。銀鱈魚西京燒定食 $158老婆食日本嘢，壽司、剌身唔啱佢，佢最心水就喺銀雪魚西京燒，近乎遇到餐廳有供應呢道菜式，佢都會點，今次也不例外，而佢食過好幾間日本餐廳嘅銀鱈魚，呢間可以講最抵食，因為呢個價俾到足兩大件，坊喺少有。件銀鱈魚唔單止燒得外皮焦香，肉質細緻嫩滑，極富油香，絕對喺高質素嘅貨色，沾上少少沙律醬，風味更佳，而飯粒黏糯有米香，一口白飯，一口銀鱈魚，佢話絕對喺大滿足。事後店長問吓我哋對食物滿唔滿意，先知店家嘅銀鱈魚喺醃足兩日先再嚟燒，誠意十足。特上壽司定食 $205既然呢度明顯主打壽司，小弟就揀番款壽司定食，餐牌中共有兩款：精選壽司定食和特上壽司定食，相中後者，標明有吞拿魚中腩、帆立貝、海膽、鰻魚、鯛魚、甘蝦、油甘魚、三文魚、魷魚同青瓜卷共10款，喺一份非常豐富嘅壽司定食。啲魚生睇落好有光澤，雖然有話最好嘅次序喺由味淡食到味濃，不過，放鬆心情食，隨意盲選個次序，一樣好有特別嘅豋體驗。整體嚟講，食落的確好新鮮，唔同嘅魚生，有唔同嘅味道同口感，可謂各有亮點，如果要我揀最好食嘅，真喺好難落手，因為好幾款魚生都好高質；此外，幾鍾意飯粒細細，一啖過放晒入口，而飯粒捏得鬆軟，唔死實，師傅手勢好。冧酒提子雪糕、抹茶雪糕 @$18甜品一環就唔多選擇，就只有共4款口味嘅冰淇淋，有啲售罄，但剛好剩番嘅冧酒提子雪糕、抹茶雪糕都啱我哋口味，尤其老婆都算得上喺抹茶控。冧酒提子雪糕入口滲出陣陣冧酒香，卻唔太嗆喉，加上提子可以增加口感，而抹茶雪糕嘅抹茶味好突出，又富奶香，口感軟滑，唔會有冰感，老婆大讚超好食。今餐食得好豐富，加上各樣菜色都表現出色，讓我哋都感到大滿足。再者，環境舒服，侍應有禮貌，亦會主動幫忙、收拾用餐後嘅碗碟，令整晚用餐嘅體驗都好暢快，值得翻兜再幫襯嘅小店。
繼續閱讀
🔹️今日到長沙灣 "Yuyu Sushi" 午餐🥢 店內環境舒適衛生🌿 食物新鮮💫 店員細心友善🧑💼👩🏻💼 價錢超親民💰💫我們點了兩款壽司烏冬定食 🍱每Set 除了烏冬或蕎麥麵外🍜 還有5件壽司🍣 沙律菜和麵豉湯🥣 更可以優惠價追加小食🍤🍢🧆🔸️安格斯牛肉烏冬定食🥩🍜牛肉肉質軟腍多汁、肉汁豐盈、脂肪甘香可口, 烏冬幼滑😋🔸️日本黑豚肉蕎麥麵🐖🍜豚肉軟嫩鮮香, 蕎麥麵淡淡的清香、口感彈牙👍🔸️壽司🍣選了D1和D2D1: 帆立貝、 白魚、魷魚、 油甘魚、 三文魚D2: 赤蝦 、鰻魚、 北寄貝 、油甘魚、 三文魚壽司鮮甜美味、舌尖留香🥢🔸️雞軟骨串🐔🍢雞軟骨色澤金黃, 口感爽脆, 啖啖索索聲😋🔸️大蝦天婦羅🍤天婦羅蝦金黃酥脆, 口感外脆和蝦肉彈牙, 配上天婦羅醬汁的鹹甜滋味Perfect 👍🔸️廣島炸蠔🦪炸蠔外酥內嫩的口感, 味道呈現鹹香, 還有蠔肉的鮮甜和海水味Yummy🤤🔸️巨峯梳打🍇🍹提子的酸甜味和碳酸飲料的氣泡感滿滿, 紫色迷人☺️🔸️蜜桃梳打🍑🍹水蜜桃的濃郁芳香、味道鮮甜美味, 橙色吸引😍🔸️冧酒提子雪糕🍨濃郁冧酒的酒香和提子乾的甜美與濕潤的口感, 口感層次豐富 ~ 香甜醉人🥄🔸️綠茶雪糕🍧帶有清新的綠茶香氣, 口感柔滑細膩👍
繼續閱讀
最近喺長沙灣整完指甲後，就發現咗呢間位於喜薈既日式餐廳。餐廳都幾闊落，坐得舒服。食物質素亦對得住價錢，加上午市有免加一，媽咪話呢度可以成為佢嘅新食堂啦！🌟銀鱈魚西京燒跟餐有齊味噌湯、沙律、白飯。。西京燒銀鱈魚有兩件，事先用味噌西京燒醬汁醃製，所以魚肉有淡淡既麵豉香同甜甜地。魚皮燒得香脆，魚肉結實，富有魚油，夠曬香滑。伴菜估佢唔到有小棠菜、茄子、翠玉瓜，份量都唔少。🌟茶碗蒸跟餐可加購茶碗蒸，蛋味十分濃郁，質感滑嫩。🌟日式咖哩吉列黑豚豬扒吉列黑豚豬扒並非浪得虛名，黑豚豬扒外脆，內裏肉質肥瘦均勻，瘦肉部分有咬口，仲有少少脂肪更增添油香，質素幾高。至於咖哩醬汁則係經典較甜同唔辣既咖哩醬🍛，仲有煮到好腍既薯仔同紅蘿蔔🥕。🌟巨峰乳酸梳打絕對係穩陣好飲既選擇，唔會太甜。
繼續閱讀
今日同朋友去咗長沙灣呢間Yuyu Sushi試吓，聽講佢哋做緊壽司四客有八折，咁抵當然要試吓啦😍🍣壽司四客揀咗：- 三文魚腩壽司：肥嘟嘟好新鮮，入口即化咁滯- 帆立貝壽司：鮮甜到不得了，仲要好厚身- 五目腐皮壽司：甜甜哋幾得意，入面啲料好足- 大蔥吞拿魚軍艦：蔥香同吞拿魚好夾，食落好開胃另外仲叫咗個牛油果炸蝦軟殼蟹卷，真係要讚吓🥑牛油果creamy得嚟又唔會太膩🍤炸蝦同軟殼蟹雙重脆口🦀個口感豐富到呢～朋友食完即刻話要encore！燒牛肋都幾出色🍗燒得啱啱好，肉質好淋，仲有陣炭燒香。牛肉壽喜鍋湯底唔會太甜🐮食得出係靚牛，份量都幾多下，呢個好抵食，不過建議多啲人share🤣刺身方面叫咗個什錦五點盛，最正係啲三文魚同赤身，切得夠厚，食落好滿足。甜品試咗佢哋個提子冧酒雪糕，酒味香濃，提子乾甜甜哋幾好咬，作為ending好完美🥰整體嚟講，Yuyu Sushi嘅性價比真係幾高，尤其係做緊優惠嘅時候～喺而家咁嘅時勢真係算好抵食👍🏻服務都幾好，座位又夠闊落，下次想平平地食餐好嘅日本嘢，一定會再嚟！
繼續閱讀
這間餐廳位於長沙灣一個小商場內，商場內大部份都是食肆餐廳，可能比較少區外人知道，不過這裏就有一間隱世的高質素居酒屋呢！介紹給大家～餐廳用上淺木色的裝潢，配合日系擺設，準備壽司的地方用一些特色圖案堆砌外牆，特別又美觀。座位與座位間空間足夠，座位舒適，是一間感覺很舒適的居酒屋。服務方面職員友善有禮貌，向我們介紹各種食物以及壽司折扣優惠。這個套餐包括有前菜沙律、茶碗蒸和味噌湯。沙律油車厘茄、沙律菜、粟米粒配上麻醬，開胃又清新。茶碗蒸上枱時仍然熱騰騰的，蒸蛋蛋味十分香濃，口感嫩滑，有蟹柳、菇、白果，這個茶碗蒸我們都覺得好好吃啊！♡海膽炙三文魚親子丼$185用上來自日本富美丸的海膽，味道鮮味，肥美的炙三文魚數量不少，把飯都蓋住了，加上三文魚籽的鹹香味和清新的青瓜絲、醃蘿蔔整個丼飯的每一口都十分豐富啊！♡牛肉壽喜燒$148 🥢必點🥢本來以為只是有牛肉的壽喜燒，但鍋裏有冬菇、金針菇、蔬菜、洋蔥、粉絲，紅蘿蔔，非常豐富呢！紅蘿蔔還是櫻花形狀的，很有心思唷～雞蛋顏色鮮艷，蛋味濃郁，蛋香味配上壽喜燒確實十分配搭！牛肉亦令我喜出望外，牛肉肉味濃郁，雖然油脂不太多，但都有牛的香味，而且是有厚度的，肉的質感很實在，好吃！壽喜燒醬汁味道不錯，所以我們另外加了一個烏冬，放下鍋裏可以吸收壽喜燒的醬油味。♡牛油果炸軟殼蟹手卷$38職員貼心提醒我們要盡快吃，因為紫菜會變腍，口感就會不好啦～香脆的紫菜包着香脆的軟殼蟹和清新的牛油果，還有魚子，是我最喜歡吃的手卷！♡油甘魚壽司$36 ♡真鯛壽司$44深色一點的是油甘魚，油脂味豐富，淺色一點的是真鯛魚，肉質有彈性，相比之下我就更喜歡吃油滋味重一點的油甘魚。兩種魚生都很新鮮，壽司飯握得夠實，筷子一夾都沒有散開呢！最後的甜品是提子冧酒雪糕，沒有提子冧酒的苦味，只有提子冧酒的香味，而且有果肉在裏面，真的是少見的雪糕款式，感覺餐廳很有心思，為這頓晚餐加分不少！✔️餐廳設加一服務費
繼續閱讀
您可能會有興趣的...