Yuyu Sushi

𝕆𝕓𝕤𝕖𝕣𝕧𝕒𝕓𝕝𝕖 𝕁ℙ-𝕤𝕥𝕪𝕝𝕖 𝕕𝕖𝕥𝕒𝕚𝕝𝕤🍥比較少出沒長沙灣🤓，咁啱工作緣故去呢區，當然要搵下有咩好餐廳🥢。踏入偽冬季，似乎入商場會暖少少🔅，去左個私人屋苑既商場「喜薈」，揀左間日式餐廳🫦。要暖笠笠緊係嗌個安格斯牛肉壽喜鍋☄️，材料豐富，牛肉嫩多汁🐃，蔬菜完美吸收曬湯底既清甜🥕，再加個烏冬不得了😏。套餐有跟沙律🥗、味噌湯🥄，再加個茶碗蒸🥚，非常滿足。🍲Angus Beef Sukiyaki | $118Udon · Salad · Miso Soup · Steamed EggWawawa 原來自選壽司四客有八折🤩，估唔到晚市會有咁正既優惠💫，揀左晶瑩剔透既油甘魚腩、厚切炙燒珍寶帆立貝、油脂滿滿既炙燒三文魚腩、香噴噴既鰻魚，新鮮最緊要👄。🍣Sushi | $130 (20% off)Fatty Yellow Tail · Grilled Scallop · Grilled Fatty Salmon · Grilled Eel小食就揀左銀鱈魚西京燒🌊，香氣撲鼻，兩大片銀鱈魚非常入味，醬汁稍微鹹😛；仲有燒味醂魚干，配啤酒真係無得輸🤌🏽，沾少少沙律醬就夠～🐠Silver Cod Fish in Bean Paste | $148🍥Grilled Mirin Uffer Boshi | $68一支麒麟啤酒夠唔夠兩個分🥸？今次絕對夠呀，因為我地黎係食好東西多過暢飲🤿，加上要飲茶消濟呢🍵。甜品緊係唔放過提子冧酒雪糕🍇，味道濃郁，份量啱啱好，係爽既❄️！🍺Kirin Beer | $36🍨Grape in Rum Ice Cream | $18整間餐廳我最欣賞既係裝飾既細節🌈，木系和諧，加上唔少日式裝飾🎌，highlight 絕對係 cashier 位既兩個燈泡💡，細心睇原來餐廳名呀🤫。…查看更多

今日試咗一間超高質嘅日式餐廳YUYU SUSHI， 位於長沙灣喜薈商場，裝修好高雅，同區嚟講絕對係數一數二靚👍 原來老闆係設計師嚟㗎， 果然有心機，餐廳經理李生服務好好，而且對餐廳嘅食材同埋出品都瞭如指掌，整餐飯食得非常愉快🥰 🌟鱈魚西京燒定食 $148我最鍾意出去食呢個因為屋企整好麻煩🤭 甜麵豉醬醃製嘅銀鱈魚，燒完嘅皮特別香脆，魚肉帶有味噌甘甜，口感相當軟嫩😍 有兩大片，份量好足夠，定食會配一個沙律、湯同一個飯或者烏冬， 加少少錢可以轉蕎麥麵，不過我覺得銀鱈魚襯白飯最好食，因為魚油嘅油脂好香😌 🌟安格斯牛肉壽喜鍋定食 $98估唔到啲牛肉咁靚，絕對唔係質素麻麻嘅火鍋肥牛片🤭 而且生熟程度好好，壽喜鍋裏面有豆腐，大蔥冬菇同埋粉絲等等， 連埋個蛋黃一齊食好好味， 壽喜燒汁味道調配得好好，我覺得呢個配烏冬會好正👍🌟壽司四客（有八折）$138壽司包羅萬有， 質素勁靚😎 壽司飯都做得好出色！ 而且仲有折，冇理由唔點嘅！🌟帆立貝壽司帆立貝新鮮，視覺都睇得出🤩🌟油甘魚腩壽司好美味，油甘魚有光澤🫶🏻🌟火炙三文魚壽司火炙完逼曬啲魚油出嚟好香🫶🏻🌟甜蝦壽司呢隻甜蝦係我最鍾意食，鮮甜美味，食得出係靚嘢，size 好大，兩隻已經遮蓋咗舊壽司飯😎🌟大蝦天婦羅五隻 $95炸粉嘅厚度啱啱好， 熱辣辣脆卜卜非常好味，絕對係高級日式餐廳嘅味道🤩 下次我會叫餐廳畀少少鹽我，因為天婦羅點鹽食係幾好食！🌟特濃咖啡配日本鮮奶雪糕AFFOGATO嘅做法， 特濃咖啡令到牛奶雪糕更香濃，李生仲教咗我一樣嘢，原來特濃咖啡上面個泡先係好味嘅關鍵， 果然令到個雪糕更加滑🤩 🌟原漿啤酒 （980ml) $88好少餐廳有提供，咁梗係要試吓啦😎 呢隻品牌仲係第一隻香港出嘅原漿啤酒，麥味好香，呢個價錢絕對超值😎 非常值得二訪cp值極高嘅日式餐廳，YUYU SUSHI 雖然位於長沙灣，但佢哋嘅服務質素同埋食物質素絕對值得過嚟試下， 真心推介👍👍👍…查看更多

商場一樓的一間日式餐廳，招牌不算太明顯，但整體給人的感覺挺不錯的，而且性價比挺不錯，環境舒服，能靜靜地享用美食YUYU 什錦角切魚生丼（１２８元）這個我叫了多飯，所以比另一碗看起來更大碗。角切魚生比平常的切得更大粒，吃起來口感更好，而且用的魚生質素都不錯，非常鮮甜，部份帶有油香。魚生分別有三文魚，油甘魚，吞拿魚赤身，甜蝦，帆立貝和八爪魚，比想像中的豐富。飯口感軟糯煙韌，配刺身挺搭。三色丼（１０８元）大大片的刺身，分別是油甘魚和三文魚，前者的油脂感更足一點，後者滑嫩有魚香。飯跟吞拿魚蓉拌勻，鮮味更足，又有吞拿魚的油香。雪糕（跟餐＋１０元）性價比不錯，而且雪糕挺香滑的。壽司４客（８折）油甘魚腩壽司肉眼看到油脂非常高，吃起來非常香滑，味道鮮甜，魚味濃香。三文魚壽司質素也挺不錯，油花不錯，而且很大片，性價比高。炙鰈魚邊壽司入口即化，火炙香味更足，滿滿都是魚油的香。蟹籽軍艦蟹籽的份量很足，口感爽脆，鮮味十足。芝士玉子燒（７８元）賣相挺不錯，還火炙了迫出芝士香味，再加上蟹籽增加鮮味，玉子燒口感嫩滑，味道香甜。炸墨魚咀（４８元）大大隻墨魚咀炸得外脆內爽滑，配上酸甜沙律醬吃。炸日本芝士年糕（２８元）中間流心芝士，外層香脆帶點軟糯口感。…查看更多

前排去咗長沙灣呢間性價比高，而且超親民嘅日式居酒屋---🌟Yuyu Sushi🌟，有成2000尺，坐位舒適，餐牌選擇非常豐富，無論係串燒丼飯炒物一應俱全。當然唔少得刺身、壽司同下酒小菜。._.🐟| 三文魚蟹籽丼（早鳥）|🐟茶碗蒸、味噌湯、沙律本月限定七點前落單都可以點選呢個早鳥優惠定食可以免加一，單雙日都各有唔同選擇。三文魚大塊肥厚，勁有有誠意，丼飯嘅飯量有得選擇，跟餐包埋味噌湯同沙律抵食！跟餐+＄10仲有茶碗蒸。.🐂| 安格斯牛肉寿喜鍋 |🐂+＄10湯蕎麥麵、味噌湯、沙律 熱食嘅主食我點咗鍋物，鍋物選擇都有幾款，安格斯牛肉份量同配料都唔算少，寿喜燒湯底味道濃，所以我加咗個湯蕎麥麵配黎食，味道好夾。.🐙| 炸墨魚咀 |🐙墨魚咀大大粒，炸到香脆可口，點埋沙律醬更惹味。.🦐| 芝士炸蝦卷 |🦐卷物嘅炸蝦大隻，加埋芝士口感味道好夾。.🐥| 明太子雞翼 |🐥雞翼饟咗明太子餡料，啖啖雞翼肉同明太子，方便食，吱埋新鮮檸檬汁，酸酸地更開胃。.💛| 芝士玉子燒 |💛王子燒一碟有成八舊，面頭舖咗塊灸燒芝士，仲有蟹籽粒，一口一舊好滋味。.🤍| 荔枝梳打 |🤍有荔枝果肉粒，增加荔枝香味，仲有果肉口感。.🍇| 巨峰乳酸梳打 |🍇香濃嘅巨峰提子味，配埋酸酸甜甜嘅乳酸，非常解渴。._.…查看更多

又到星期五晚，喺完咗一個星期工作而最輕鬆嘅晚上，所以，兩公婆就懶煮出街食，亦想食餐好嘅慰勞吓自己。今次近近哋過嚟長沙灣尾食吓日本嘢，呢間「Yuyu Sushi」喺住晌附近嘅親友推介，讚其性價比高，其實之前晌樓上嘅酒家同一班親戚食做節飯時已留意過呢間餐廳。走進餐廳，一室燈光柔和，傳統日式淺木色系裝修，左右兩排喺4人座，中間兩行喺卡位，最鍾意喺啲間板加咗啲小屏風，同前前後後及隔離位都遮一遮，私隱度都高啲。我哋被安排坐晌卡位，感覺寧舍闊落，晌呢區嚟講，絕對喺頗舒適嘅居酒屋之一。餐廳尾喺壽司吧枱，如果單純嚟食壽司，又想跟師傅交流吓，喺理想位置。而事後想搵廁所時，發現壽司吧傍有條通道，可以通去另一邊用餐區，猶如一個半開放嘅私人廂房。雖然，餐廳嘅名字用上壽司，但翻一翻餐牌你就知點會得壽司咁簡單，如居酒屋般，種類包羅萬有，選擇非常之多，更喺圖文並茂，包括：晚市定食、刺身、壽司、卷物、手卷、前菜、沙律、湯品、串燒、天婦羅、揚物、鍋物、一品料理、食事、冰淇淋……等等一應俱全，定價亦好親民，所以，老婆話今餐食得豐富啲！用上二維碼下單，清清楚楚，減少錯誤或爭拗，呢個都喺飲食業嘅趨勢，加上介面易用，點餐方便。之不過，壽司都喺其主打，依家仲有啲推廣，任揀每4款手握壽司就有8折，可謂食得更抵。此外，晌唔同時段，店家仲提供多種優惠，例如午市唔收加一，學生午市定食減$10，歡樂時光啤酒、清酒半價，外賣自助9折……等等。食日本嘢，除欣賞食物之外，啲餐具都比較靚，值得多欣賞一下。講咗咁多，依家就去片，睇吓今晚我哋食咗乜，先嚟串燒，再試試啲定食！雞軟骨串 $26/兩串、活鰻白燒 $48雞軟骨純粹過過口癮，咬落咯咯聲，軟中帶韌，配啤酒就最過癮；而活鰻白燒喺店長推介，活鰻比起一啲冰鮮貨自然更優質，而且，雖然簡單燒香，唔加任何醬汁，但正正咁樣先突出活鰻嘅原味道，，味道油潤，口感更彈牙，外皮更脆口。牛舌 $48話時話，小弟確喺幾鍾意食燒牛舌，晌小弟嘅日本菜食評中，不時見其蹤影。啲牛舌燒到有啲焦香，咬落有韌勁，極具咬口，加上牛舌獨特嘅味道，再沾上少少芥辣，更具風味。田園沙律、味噌湯、茶碗蒸所有晚市定食都列明會奉送前菜、味噌湯、茶碗蒸，先講講啲沙律，都喺簡簡單單嘅沙律菜、日本青瓜、車厘茄伴胡麻醬，用料新鮮，清爽好食，叫人開開胃先；味噌湯除咗麵豉味好香濃之外，湯底更有唔少昆布，味道豐富，食完個沙律再嚟暖和一下腸胃，喺好好嘅配搭。而茶碗蒸好有誠意，唔單止蒸得滑溜，又好有蛋香，裡面仲有好多料，包括冬菇、雞肉、銀杏、蟹柳。銀鱈魚西京燒定食 $158老婆食日本嘢，壽司、剌身唔啱佢，佢最心水就喺銀雪魚西京燒，近乎遇到餐廳有供應呢道菜式，佢都會點，今次也不例外，而佢食過好幾間日本餐廳嘅銀鱈魚，呢間可以講最抵食，因為呢個價俾到足兩大件，坊喺少有。件銀鱈魚唔單止燒得外皮焦香，肉質細緻嫩滑，極富油香，絕對喺高質素嘅貨色，沾上少少沙律醬，風味更佳，而飯粒黏糯有米香，一口白飯，一口銀鱈魚，佢話絕對喺大滿足。事後店長問吓我哋對食物滿唔滿意，先知店家嘅銀鱈魚喺醃足兩日先再嚟燒，誠意十足。特上壽司定食 $205既然呢度明顯主打壽司，小弟就揀番款壽司定食，餐牌中共有兩款：精選壽司定食和特上壽司定食，相中後者，標明有吞拿魚中腩、帆立貝、海膽、鰻魚、鯛魚、甘蝦、油甘魚、三文魚、魷魚同青瓜卷共10款，喺一份非常豐富嘅壽司定食。啲魚生睇落好有光澤，雖然有話最好嘅次序喺由味淡食到味濃，不過，放鬆心情食，隨意盲選個次序，一樣好有特別嘅豋體驗。整體嚟講，食落的確好新鮮，唔同嘅魚生，有唔同嘅味道同口感，可謂各有亮點，如果要我揀最好食嘅，真喺好難落手，因為好幾款魚生都好高質；此外，幾鍾意飯粒細細，一啖過放晒入口，而飯粒捏得鬆軟，唔死實，師傅手勢好。冧酒提子雪糕、抹茶雪糕 @$18甜品一環就唔多選擇，就只有共4款口味嘅冰淇淋，有啲售罄，但剛好剩番嘅冧酒提子雪糕、抹茶雪糕都啱我哋口味，尤其老婆都算得上喺抹茶控。冧酒提子雪糕入口滲出陣陣冧酒香，卻唔太嗆喉，加上提子可以增加口感，而抹茶雪糕嘅抹茶味好突出，又富奶香，口感軟滑，唔會有冰感，老婆大讚超好食。今餐食得好豐富，加上各樣菜色都表現出色，讓我哋都感到大滿足。再者，環境舒服，侍應有禮貌，亦會主動幫忙、收拾用餐後嘅碗碟，令整晚用餐嘅體驗都好暢快，值得翻兜再幫襯嘅小店。…查看更多