Yamm

營業中

休息中

Dinner buffet 見到fb有人話有鵝肝同生蠔，所以揀左呢間點知原來有鵝肝，小小失望但生蠔比預期中大隻同好味，係日本兵庫縣生蠔，亦唔洗排好耐隊有飲品吧，咖啡奶茶檸茶全飲見之前d食評話食物冇咩選擇但我反而覺得都幾多野食海鮮有龍蝦，青口，蝦，面包蟹，長腳蟹，燒蠔，燒蝦刺身竟然有拖羅，但麻麻地，仲有生文魚，油甘魚，八爪魚，帶子，蝦，另外仲有海膽杯壽司有赤貝，炸蝦卷，腐皮壽司，鰻魚天婦蘿有蝦，茄子，蟹柳，仲有即整既花膠天婦羅同長腳蟹天婦羅即整既野食仲有，即炸乳鴿，蝦多士，牛肉沙律，石鍋海鮮粥，片皮鴨，雲吞面拎野食既空間比較窄，但會有廚師主動問你需要咩幫你夾扒方面仲有牛扒同羊架但甜品方面個人覺得真係好唔吸引，有豆腐花同抹茶朱古力噴泉，其他cake都唔吸引雪糕方面就即整既斑蘭窩夫同六款movenpick雪糕，包括朱古力，士多啤梨，雲呢拿，焦糖燉蛋，藍莓芝士蛋糕，提子霖酒其實食物種類都多，味道都ok，但唔會覺得係勁好食果隻座位方面枱與枱之間比較近，如果鬆d會坐得比較舒服最後原來visa卡同恒生白金卡都有85折，但訂枱時冇提，令我感覺蝕左😣

之前聽朋友說美麗華酒店staycation很吸引，就心思思想住。最後訂了一晚酒店住宿，還有包自助早餐！早餐時間是7:00 - 10:30，享用地點是在地下大堂的Yamm。可能是入住的人不多？吃早餐時只有寥寥可數的幾枱，也能自己選位置坐。有各款的麵包、鬆餅或者酥皮類。牛角包很柔軟，推薦這個。想健康點!?會有水果可以作餐前果，有些已經切好粒狀，亦有杯裝的乳酪。另外也有椰子奇亞籽布丁和麥果泥都是很適合早餐吃。當然如果想自行配搭都可以。沙律有數款，試了亞洲風味牛肉沙律那款，蘋果會有點澀。個人來說覺得無骨鳳爪那款酸酸的幾開胃。同樣有沙律菜、醬汁和配料讓客人自行整沙律，還可以加冷盤的火腿、煙三文魚。熱食方面有不少炸物，但看起來沒有很吸引，特別是煙肉硬崩崩的。會有一堆的鍋，部份蓋上了鍋蓋。雖然很保溫，但很重耶。會有中式點心、燒賣不會乾乾的；糯米卷口感綿軟，如果外層吃落是甜的更好。炒伊麵的調味比我想像中淡味一點，不會油油的都不錯。另外中式除了白粥﹐還有皮蛋瘦肉粥！自助早餐都有職員即場製作的料理，像是十分滑嫩又很香的黑松露炒蛋。不喜歡炒蛋也有奄列，或者弄成三文治也可以喔！完全不用擔心不夠飽﹐因為都有粉麵

今天為了慶祝太太生日，預訂了這家餐廳試試。之前聽朋友講這間餐廳的食物質素不是非常突出，而且食物選擇不多。今次來到這家餐廳品嚐一下，這間餐廳服務尚算一流，酒店已為客人預備香檳慶祝，這裏的食物款式不多，但勝在味道非不錯，最的是他的海鮮，非常新鮮鮮甜可口，可惜生蠔一般，因食物的種類不多，略嫌不夠盡興。這裏環境舒適，座位寬敞，而且燈光氣氛非常適中，坐在這裏和家人進餐感覺非常享受。整體評分尚可，只會間中光顧 。

The Mira 酒店自助早餐，食物選擇都算幾多，仲有啲幾新奇既野，例如菠菜蒸蛋，葡撻，乳酪特飲等。不過質素一般，有樣野更加扣晒分！！沙律本身喜歡泰式鳳爪沙律，但隻鳳爪冇汁冇味，我都唔知自己𡁻緊乜。不過個牛蒡沙律唔錯，薯仔沙律有大蝦都有幾好。見到仲有沙律吧，麥片，水果等。包點賣相唔錯，我試左個朱古力丹麥包幾好，唔會太甜，少少酥軟。冷盤煙三文魚同火腿都係基本，見到有幾款醃物，皮蛋酸薑隻皮蛋好乾身，味道怪怪地，我未試過食完一碟仔就會無意欲encore皮蛋！炸物有炸餃子，油條，咖喱角同薯餅，我淨係試左件餃子，都明知係伏架啦，放響熱燈下保溫，但完全唔脆口。蛋類除了煎蛋同奄列，呢度有溫泉蛋，仲加埋木魚同日本醬油調味，呢個唔錯。麵食比較特別是除了一般魚蛋粉之外，還有茶餐廳系列的沙嗲牛肉或雪菜肉絲等選擇，我點了一個沙嗲牛肉魚腐通粉，個沙嗲牛肉真的不敢恭維，睇賣相都知伏啦。熱食有菜有肉，蒸三文魚，蕃茄煮雞胸，牛皮腸，牛油煙火腿，牛油炒雜菇等等，我覺得最好食就係蝦餃燒賣～不過呢度重點已經唔係食物，係其中有個煲蓋燙手架喎！！然後職員話之前食客投訴食物唔夠熱，咁但係宜家係個蓋好熱，而餐廳無提供布或者工具比個

Yamm尖沙咀彌敦道118-130號Mira Place, The Mira Hong Kong 地下大堂最近生日朋友請左我黎<Yamm>食自助晚餐，第一次黎試估唔到咁有驚喜，首先餐廳地點方面已經無得輸，係正尖沙咀最中心位置，係邊區過黎都咁方面，而食物方面都好高質，雖然選擇就唔算話好多，但大部份食物都好岩胃口，無得頂呀對於我黎講，食自助餐最緊要有3大要求1.波士頓龍蝦2.即開生蠔3.香煎鵝肝今晚就滿足晒我呢3個願望啦，多謝朋友專登搵到呢間係美麗華酒店既<Yamm>,可以一次過食晒幾款最鐘意既食物，極力推介大家可以約埋三五知己黎呢到聚會

今晚同另一半拍拖，專登去食個晚餐晚餐6:30開始我哋6:20到，已經有十幾廿人排隊等入座餐廳職員好有效率亦好有禮貌雖然酒店有一定歷史，但裝修有時代感所以比人感覺好潮，一啲都唔老土餐廳位置好闊落，枱同枱有好多空間完全有私隱度講返自助餐，今個月主題係和牛刺身🍤無咩期望，亦確實水準一般壽司🍣有驚喜，壽司飯好味過上面片刺身沙律🥗選擇唔多，款式普通熟食🍲種類多，但味道未見驚喜估唔到佢嘅片皮鴨做得幾好生蠔🦪係即開嘅，每人每次可以攞三隻，。。。有好濃烈嘅海水味，比較細隻，但師傅好快手，等候時間唔耐，以任食嘅質素黎講，算好好👍龍蝦🦞係開邊嘅，師傅夾比你，因為反轉晒，你都唔會知有無膏，但質地算彈牙甜品🍮款式多，但味道普通最特別係有抹茶朱古力噴泉⛲️雪糕係Movenpick，有topping可以自己加今晚有椰子🥥味，好好食焦糖燉蛋味都唔錯

Came for lunch buffet with mom in the last day of September. We like the wide range of food selection. The food was great and delicious. I like the Peking duck a lot, it’s crispy and hot. The abalone & lobster soup rice taste really good. The staff was caring,prepare a small birthday dessert for my mom. But the tables are bit too packed, too close to each other. I was assigned a table next to the dessert bar and the chef sprayed the oil to the waffle machine right behind my back. Overall, I enjo

去食自助晚餐，野食一般，叫做難得有生蠔食 ，但食物選擇其實唔多，比較好食既有片皮鴨，刺身就紅蝦比較好食，比較好既有橙汁包埋任飲，其他既都係一般野 有花膠有鮑魚仔，甜品就有waffle 雪糕 但係蛋糕款式唔多， 有豆腐花 比較中式既甜品，但去到尾就比人攪到碎晒 見到都無咩心機食，最離譜既係 凍龍蝦每次派半隻 ，要人不斷出去先可食多幾隻 ，咁縮骨 , 咪鬼做啦， 錢就收足人地 ，又要分兩輪又限時 ，又轉登設計d野阻人食野，以後bad list唔會再去 ，早d執啦。

由於疫情的關係，好耐冇食過buffet。由於屋企人生日就試下，這裏環境舒服，空間感大👍這個價錢有蠔食，覺得很抵！雖然𧐢不是很大隻，但是蠔味重! 我覺得最好味的竟然是扁皮鴨❤️甜品也有很多選擇💕

有飲品Corner, 值得讚, 但系, 收得咁價錢, 可以用好一點的茶,  另外,  涷龍解涷做得好, 肉質吾會柴； 蠔太細隻, 但新鮮,  可以食一打.  沙律都吾錯, 煙三文魚做得好味,  全場的醬料系最有誠意,  片皮鴨吾錯,  粉皮系即造的,  吾會厚,； 牛扒可以, 但無肉味,  羊扒夠淋, 但無乜肉味； 花膠有渣, 而且魚醒,  吞吾落口, 鮑魚系超級未發育..   和牛三文治系垃圾,  細件, 件要用粉炸,  如果比吾起錢, 就吾好出品； 另外, 日式海胆魚子飯,  都系垃圾,  只系食式舊海胆,  其它都食吾落口,  魚生都系垃圾,  吞拿我只叫一件試,  無吞到,  系無味的刷子膠,  一定系印尼貨,  差過爭鮮..... 點搞呀.....   要食水深, 一系只提供三文魚, 比好少少質素,  可以做到漢和咁,   都吾錯,   吾使整咁多款式,  又吾好食.... 其實收得咁價錢, 做好少少啦.... 無下次, 中左伏.  打折都要700一位,  死吾死呀.....

今天响yamm 吃自助餐晚餐，食物水準都尚可，但待應的招呼就.....唔可以話全部唔好，但有一兩個年青的就很冇禮貌，尖沙咀幾星級酒店自助餐內的待應，連基本收客人枱面的碟的禮貌都沒有，客人碟上仲有食物他沒有問之下就收了，即是話未食完，佢都收下，跟著同佢講了下次收碟係未面問吓，跟著下次如上次一樣唔問，唉…現在這些年青一代唔通只係識响電子上溝通

好耐冇寫自助餐，而家真係唔算多食，咁食到個唔錯嘅，就介紹下啦。Mira的YAMM有個新theme 邁阿密沙灘主題，我覺得都幾值得食，特別係愛海鮮嘅朋友。7月開始到8月31日，就有呢個YAMM海中瑰寶味力饗宴可以俾你狂擦海鮮。有好多新野好似加勒比龍蝦海鮮辣飯、香酥廣島生蠔、墾丁海鮮麵、蠔皇鮑魚花膠扣鵝掌、金沙大蝦、炒龍蝦尾、忌廉汁青口、金不換蜆等等大量嘅新海鮮選擇。當然之前成日都有好出色嘅冷盤海鮮，生蠔唔駛講，仲有波士頓龍蝦，麵包蟹、鮑魚、凍蝦等等，日本刺身壽司強多，有大大隻的帶子刺身，又有鮑魚，仲要有魚生丼飯，真係選擇多到不行，如果你外愛海鮮，絕對不會錯。熟食又有鴨肝，仲有一定要食嘅羊扒，片皮鴨，牛扒仲有好多不能盡錄的美食。如果想貪心唔想諗食乜，一個大細一班朋友鐘意出去攞到傻食到癲，八月前記得訂位。

我是在8月9日的中午去食依個自助餐。入面座位都幾多下，可惜攞食物的地方有限，所以出去拿食物的時候非常擁擠！雖然食物選擇方面不是很多，但我本人係滿意的。當日我去食的主題係台灣和新加坡，所以有我喜歡的蘿蔔糕和牛肉麵。黑椒蟹就好唔新鮮，肉係霉的。全日最受歡迎的是生蠔，每次只可以攞3隻。生蠔的肉非常非常細，不過我覺得好食。見到開生蠔的哥哥好辛苦，因為佢由十二點一直開到兩點半，完全沒有停過，好慘！我是用信用卡優惠價$369來食的。如果要用正價來食，我就不會來了！

因為多個平台都做緊優惠，午餐自助餐連加一都只需$369，所以試試。食足三粒鐘。地方大，枱同枱有好大空間，有足夠社交距離。佈置好時尚，樓底亦好高，感覺好舒服。最有趣的地方係每星期都有唔同主題，每週都有新鮮感。我食時係台灣同東南亞主題。食物大部分都普通。生蠔新鮮，好鮮甜，不過太太太細隻。無乜肉食。去到尾聲再攞邊反而大隻少少，不過都係細隻石鍋好正，有驚喜值得一試蚵仔煎，太厚粉。為咗食片皮鴨而選呢間的，當然要試，鴨皮脆，鴨香。皮薄。第一個服務員切好有心，會切兩片，所以好好食。反而第二個員工切到勁大舊，懶咗啲。凍盤有龍蝦鉗，蝦，蜆，青口，味道正常。熟食有炒蟹，有好多炸物。炸物好食。有好多甜品，不過大部分都唔吸引，所以無攞。有抺茶朱古力噴泉，朱古力稀咗啲，好耐先凝固。Cake 一般，反而木糠布甸同奶凍好食。值得一讚係個窩夫，本以為係綠茶味，但其實係斑蘭味，出面真係好少有。仲等我一路以為係斑蘭戚風蛋糕的香味，原來係呢個窩夫。即整，外脆內軟。配合埋movenpick 的雪糕，根本就係絕配。如果以三百幾蚊來說，又有生蠔食。都可以一試。原價的話，我就會選擇其他了

第一次亦是最後一次，食物質素差，生蠔好腥沒有海水味！海鮮湯飯有怪味完全入唔到口，海鮮唔新鮮！其他的非常一般不值一提！浪費了餐廳職員一流服務彌補不了！廚房真的要好好檢討一下！