YAKINIKU KAKURA (新城市廣場一期)

營業中

休息中

燒肉真係食極都唔厭，又去左Yakiniku Kakura食日式燒肉，可以食到不同部位高水準既牛肉，每次食完都大滿足～🔥大判燒! 黑毛和牛西冷 $178大大塊和牛西冷，油花分布均勻，放上鐵板燒時火光紅紅好惹火，肉質細嫩而且入口即溶，整個口腔充滿油脂香氣，沾上附上的蛋漿仲會令口感更嫩滑🔥黑毛和牛腹柳小排 $148油花分佈均勻，肉味濃郁而且咬落又有口感，非常滋味🔥蔥塩味牛舌 $98牛舌厚薄適中，爽口唔會韌，加上蔥花同洋蔥一樣燒食更添香氣🔥黑毛豚脛肉 $88豬頸肉肉質爽脆又有彈性，燒到帶焦香更好食🔥若鶏雞腿 $78雞腿肉質鮮嫩多汁，連皮一齊燒到脆脆地，啖啖肉好正🔥昆布玉子湯 $48足夠2-3人分享，入面有好多昆布同蛋花，熱辣夠晒暖胃🔥凱撒沙律 $58沙律菜新鮮爽脆，好多麵包粒同蕃茄仔，清爽又解膩🔥野菜拼盤 $68有粟米、洋蔥、南瓜、雞脾菇同冬菇，款式都算多，燒肉時又燒下蔬菜可以減輕油膩感最後每位贈送甜品杏仁奶凍同雪米糍作結

💜一向都係和牛fans嘅，當然唔可以錯過！和牛油多種款式可以揀除咗之前講過嘅～我今次同朋友食嘅就係另外一款！🩷首先食咗比較口感豐富嘅嫩肩里肉，係油脂比較多入口即溶嘅個種和牛！🩵因為食太多油脂比較多嘅和牛會滯，所以我另外一款揀咗橫膈膜肉！❤️呢個牛味比較重，少油脂不過帶有咬口！咁就會中和返另外一款油脂比較豐富嘅！當然招牌大盤燒都係一個好唔錯嘅選擇！除咗牛一向都鍾意食海鮮！😋鰻魚都係其中一個唔可以錯過嘅！係好有彈牙嘅鰻魚肉，唔係平時喺超市會買到嘅好腍嘅嗰種～係新鮮有咬口嘅！🥰當然燒蠔都好唔錯啦！性價比高$38有三隻啦，仲要係日本蠔！

之前食過呢間餐廳，覺得好好味，食完成日都想再去食食，今日工作唔係好忙，lunch再嚟encore.呢間餐廳既午市定食$88起，價錢合理，但我哋就諗住食得豐富啲，所以叫咗個貴啲嘅餐，但係個人食完覺得真係物超所值.黑毛和牛大判燒拼US牛板腱肉：個餐已包沙律，餐湯，甜品，小食，飲品，呢個餐十分推介，塊和牛大判燒，雖然薄薄．， 但入口即溶， 牛味濃,食完好滿足黑毛和牛刺身盛海膽：海膽份量都唔少，鮮甜，夾埋牛刺身一齊食，必食冷麵：個麵夠凍，咬落爽口彈牙

沙田呢間日式燒肉有來自鹿兒島嘅黑毛和牛門外仲見到和牛嘅証書🐮店內每枱都有獨立卡位．環境寬敞舒適打開Menu 燒肉種類好多選擇✨黑毛和牛大判燒係一定要點嘅招牌菜式雪花均勻．油膩滿溢放上網燒滲出油脂加入蛋漿令口感更嫩滑✨海鮮盛合大大隻新鮮虎蝦．魷魚．牛油帶子鍾意食海鮮一定不能錯過✨牛肉壽喜燒烏東香甜嘅壽喜燒烏東．放入石鍋之中熱辣辣充滿溫度套餐附上沙律．味噌湯．牛舌粒．甜品同餐飲朋友都大讚有質數．服務貼心

無論睇食評定係自己親身經歷都係呢度嘅服務態度欠佳 員工長期唔耐煩狀態😅😅只係問簡單嘅嘢，例如加茶同埋紙巾 Menu同之前差唔多，不過佢多咗一張係$100有找嘅 嗰個肉嘅份量就少好多朋友嗰度見到有$3大嘅 然後加咗$48雞腿肉同埋$58牛上腹 味呢度嘅牛係最好味其他其實都麻麻，海鮮 🦞雞肝怪怪地，好粉金錢嘅蝦都係霉嘅 個頭自己會甩咗🤣呢兩個湯嘅材料都非常之少….甜品就出色 。下次冇乜嘢可能都係唔揀呢間，質素好似越嚟越麻麻 服務又唔好

燒肉嘅首選梗係 Yakiniku KAKURA 啦，每個月最少都要朝聖一次！😋🥩 首先一定要試嘅就係大盤燒黑毛和牛西冷，油脂豐富得嚟唔會膩，而且有店員幫你燒，火喉控制得啱啱好！燒完點蛋漿食，滑到不得了～仲有淡淡牛肉香加少少奶香味，真係完美✨🍽️ 之後我又叫咗黑毛和牛腹前小排，雪花分布勁靚，一咬入口成個口都係油脂香，非常惹味！如果用生菜包住再加啲辣醬，層次即刻提升！🌶️🥬🐄 仲有黑毛和牛上嫩肩里肉同埋牛腹柳小排，雖然冇咁多油脂，但係肉味超香，食完啲油膩部位再嚟呢啲，啱哂平衡返口感！🍲 呢次仲試咗牛上肋骨中肉，入味又嫩滑，可能因為壺漬過，肉味超濃郁，意外驚喜！🍜 最後叫咗唔辣嘅冷麵，入面有啲泡菜，清新又開胃～甜品方面，杏仁奶凍同糯米糍都係完美收尾，滿足感爆燈！🎉

兩個人食晚餐，諗唔到食咩好，最後決定去燒肉！😂🔥 上次係散叫，今次發現有個超抵嘅二人餐！💕自助燒肉，真係可以食哂！🥩🐖🐔🐟🥕🍄 仲有沙律、泡菜送！肉飯真心唔錯呀！😋有時食太多牛會膩，所以夾雜啲雞、魚、豬食，味道好正！👌套餐內容：- 和牛二人燒肉套餐 皇盛 $896- 野菜沙律 🥗- 前菜盛- 六款燒肉（豬、牛、雞、魚、南瓜、菇）🍖- 招牌菜：大判燒！黑毛和牛西冷 x 2- 佐賀米飯 🍚 x 2- 壺漬 KAKURA牛胸腹肉 $138甜品：同黃埔一樣，有杏仁布甸同埋雲呢拿雪米糍！🍮🍧

去年在銅鑼灣一刷這家烤肉店，覺得非常不錯，這次就約了朋友在沙田另一家分店再吃一次以下根據油脂量由上至下介紹⭐大判燒 一片薄薄的燒好裹蛋液，超香⭐黑毛和牛腹柳小排油脂巨豐富，一口咬下去爆汁爆油，很香⭐黑毛和牛內橫膈膜油潤之餘帶點口感，介於澳洲牛肉和牛之間⭐特上牛胸腹肉好吃!我很喜歡這個，油花沒有和牛高，但牛味道很香，也不是不油的那種⭐牛板腱肉喜歡瘦肉的請點，有嚼勁⭐KAKURA沙律沙拉菜新鮮，裡面有吞拿魚和泡菜，沙拉醬混在一起，非常清新，烤肉吃多了吃兩口沙拉超舒服⭐冷麵(小)酸酸甜甜的，也很開胃⭐泡菜三點盛分量很大，喜歡泡菜的點📌總結一下，每人400-500能吃到和牛真的很不錯了，牛肉品質值這個價按這個組合點，因為第一次吃我們也是吃差不多的品類，點和牛的話建議走汁，吃牛肉原味想吃好點的牛肉的話來這家不會踩雷

今日趁放假同屋企人黎沙田食日式燒烤，呢間係沙田新城市嘅「YAKINIKU KAKURA」之前食過晚餐覺得好好味，食次決定又黎食，因為有lunch set仲更加抵食！一場黎到當然要食個和牛，必點嘅「黑毛和牛大判燒」都有包括係set menu入面，加$48仲有多個牛舌，好高CP值。和牛份量同晚餐嘅一樣，大大一塊，油脂分布均勻，燒完配上特別為佢而設嘅日本蛋，超美味！套餐仲包左牛板腱肉，好豪華。肉質鮮嫩，唔會因為係套餐就俾啲頹野你。另加嘅牛舌都係厚切版，已經經過特別醃製烤完就食得，值得encore!因為屋企人唔食牛，仲特別叫左「吉列豬扒咖哩飯」同「石燒肉泡菜鍋飯」，估唔到烤肉之多其他野食物都好高質，特別係個韓式石鍋飯，好足料之餘仲食到正宗韓國味道，超驚喜！份吉列豬扒係mega size，媽咪話咖哩唔太濃味好岩佢食。套餐仲包餐飲，沙律同甜品，每人有份杏仁布甸同雪糕檽米糍。甜品份量不大，但都精緻好味，食完好滿足。🥢YAKINIKU KAKURA (新城市廣場一期) 🌏沙田沙田正街18-19號新城市廣場一期7樓701號舖

今次去咗間高質燒肉店，試咗佢哋嘅黑毛和牛大判燒盛合，真係正！ 盛合包括鹿兒島A4和牛西冷、和牛裏腹小排同背末脊肉，每款都油脂分布好靚！西冷肉質軟嫩，入口即溶；裏腹小排油香十足，燒到微焦最正；背末脊肉肉味濃郁。加錢追加嘅牛舌爽口，簡單灑鹽已經好夠味😍朋友叫咗九州若鶏盛合，有齊雞腿肉、若鷄雞胸柳同雞稀少部位。雞腿肉燒到皮脆肉嫩，好juicy；雞胸柳出奇地嫩滑，完全唔鞋口；最驚喜係雞稀少部位，爽口有咬勁，雞味超濃！加配嘅US牛腹柳小排肉味濃厚，性價比高😋套餐跟埋沙律、餐湯、小食、甜品及餐飲。沙律新鮮解膩，餐湯暖胃，小食有牛舌粒。甜品有杏仁奶凍及糯米糍 ，超豐富！

肉係好食，但服務真係差！成個樓面應該係得3個人，2位年青人一男一女唔知係咪讀緊書出黎炒散，無基本服務態度都算，因為新一代要整頓職場我明既 。但連叫佢地換塊燒烤板都唔會理你，用app㩒左換板同呼叫服務員其實係癈既，見到年青女侍應，呀姐姐叫你等等之後就沒有之後。最後等到個應該係in charge先之換到，佢係全餐廳最正常既服務態度（即係有反個正常對答之餘唔會西你面）去到最後，食完野係會有甜品，但你唔問佢佢地係絕對唔會自動拎出黎架，記住請佢地拎甜品。燒肉黎講，價錢唔係貴，但哩個服務不如去返樓下燒肉like無咁嬲。或者過新城市三期個間燒肉放題都有返同樣質素仲要任食。附上有趣上菜次序，先上白飯然後等左一陣先上主菜。起碼有d野食都係好事黎 哩間野，無下次因為唔值！

朋友聚會約嚟沙田想食燒肉，跟Openrice搵到呢間燒肉店。環境方面衛生企理，基本配置整齊清潔，店員服務效率高亦有禮貌，全程招呼周到亦顯得重視客人，值得讚揚！👍🏻叫咗一份‘’饗‘’ ，味道、肉質同價錢成正比，怕唔夠飽仲有得以$38優惠價加配紫菜飯，相當抵食。正當食飽之際，店員仲主動向我哋加送甜品，滿足埋第二個胃😍最後埋單得出人均消費約$500，以同等質素燒肉算係相當抵食。會加入小本本中，成為心目中燒肉店清單之列。

有日同個friend去左沙田，想搵嘢食，想食下燒肉，又唔想食燒肉Like嗰啲，結果就搵到呢間，去到門口望下，啲staff都幾nice既，有同我哋講可以入去坐低慢慢睇，咁就決定呢間啦，老實講，價錢算中高，不過以食物質素嚟講差唔多啦，服務態度都算ok，起碼叫人都真係有人會應你既，我哋兩個人都食左差唔多600蚊叫左兩個和牛Lunch set ，有埋甜品送，都ok啦係個冷氣凍左少少囉，不過我同侍應姐姐講左之後，佢都即刻幫我整細左個冷氣👍🏻👍🏻整體都ok，可以encore

呢間喺新城市7樓嘅Yakiniku Kakura CP值極高😋 佢哋嘅牛肉質新鮮，款式又多！特別推介大判燒黑毛和牛西冷🌟 肉質鮮嫩到不得了，油脂分佈均勻，燒到啱啱好，點埋蛋漿，簡直係無得輸！🤤 另外，黑毛和牛腹前小排入口嫩滑，肉質豐富，油香十足，正！👍 仲有黑毛和牛上嫩肩里肉，牛味濃郁，口感一流，燒肉控必點！🔥 鹽味牛舌都好好食，爽口彈牙，加少少檸檬汁，更加惹味！🍋而冷盤鹿兒島和牛他他🐮 用生雞蛋、紫菜同香蔥撈埋，口感豐富，味道一流！Kakura沙律入面有火箭菜、泡菜、紅椒，非常開胃同解膩！🌶️最後，甜品奉上滑嘟嘟嘅杏仁豆腐，杏仁味香濃😋雲呢拿雪米糍 🍦 軟糯香甜，為呢餐畫上完美句號！

黑毛和牛大判燒盛盒🐮集齊鹿兒島A4和牛三部位！西冷🐮油脂爆膏，入口即溶；裏腹小排🐮肉味濃郁，燒到微焦最正；背脊肉🐮有咬口得嚟夠juicy！跟足白飯🍚沙律🥗餐湯🥣，食到飽晒肚仲有甜品🍧飲品🧃收尾，超滿足～牛肉壽喜燒烏冬🐮甜甜地嘅壽喜燒湯底煮嫩牛肉🐮，烏冬索晒湯汁超入味！跟半熟蛋🥚撈牛肉🐮食超滑，乍暖還寒天氣食返個鍋物🍲，暖粒粒又飽肚，配埋小食🧆甜品🍧仲抵食！😋白桃乳酸梳打🍑🥤白桃🍑甜香撞乳酸微酸，梳打氣泡勁refresh！啜一啜解晒膩，食完和牛🐮壽喜燒必嗌！杏仁味奶凍🍼🧊 + 糯米糍🍧杏仁奶凍滑嘟嘟，杏仁味香得嚟唔攻鼻！再加煙韌糯米糍咬開流餡，甜點雙拼大滿足！--YAKINIKU KAKURA地址: 香港沙田沙田正街18-19號新城市廣場一期7樓701號舖