YAKINIKU KAKURA (元點)

營業中

休息中

📍 Yakiniku Kakura（元朗）食到飽，飲到飽，有戀愛感覺既燒肉店🥰下午望住藍天白雲既天空🌌心情即刻勁舒暢❤️一入到去已經係日本餐廳嘅感覺～寧靜既環境，仲可以自己燒肉！真係贏哂😋 食到個肚滿載而歸😍✨ 黑毛和牛大判燒盛合配雞腿和牛西冷油脂分怖均勻，生熟度剛好，煎至內部仍然保持粉嫩和牛口感嫩滑，脂香肉嫩，牛肉油脂香濃。入口即溶，價錢親民，大過我隻手的和牛大判燒，睇圖唔使講嘢！真係好似去咗日本咁，每道牛都好正啊！✨火炙黑毛和牛壽司非一般嘅壽司🍣自己火灸和牛再放上日本壽司米飯上面嘩，食到和牛既油脂🐮滲岀黎個下，真心滿足❤️✨ 凍神戶茶房綠茶去除油膩感🍵最後✨日本糯米糍同日本豆腐布甸做結尾❤️

放工返到元朗，今日女友話想食燒肉，醒起樓下有間新開冇耐嘅燒肉就諗住去試吓～門口睇到個餐牌有個$498既Omakase 套餐都好似幾多嘢食，急急腳就入咗去lu~坐低睇真啲個Menu，原來佢都有好多唔同嘅和牛，不過諗住試吓食晒佢其他款式嘅嘢就照舊叫咗嗰個omakase 套餐～一開始即刻嚟咗玩泡菜，咬落都幾爽嘅～之後就陸陸續續啲戲肉就嚟啦～入面有啲赤牛、海老、牛舌、雞肉、野菜、沙律同埋冷麵，仲有就係不可不提嘅黑毛和牛西冷～睇落成個餐應該呢一塊真係重頭戲～用舊肥膏揸一揸個鑊即刻放塊黑毛和牛西冷落去燒前後唔使20秒拎返上嚟撈埋佢嘅溫泉蛋即時放入口，嗰種滿足感真係不得了～個餐整體嚟講都抵食，都真係乜都有啲，不過就唔係好滿足到我呢啲牛魔王，下次要試埋佢另外嗰啲全和牛餐先得🤣

主打日本直送九州產極上A5等級黑毛和牛，更有不少罕有牛肉部位，包括腹柳小排、內橫格膜及牛背末脊肉等。除了和牛外，也提供其他菜式超過20款，包括黑毛豚肉、雞肉、海鮮、和牛壽司、KAKURA辣冷麵等特色菜。大判燒！黑毛和牛西冷 薄切西冷牛味超濃，沾上溫泉蛋食用一流。黑毛和牛裏腹牛柳（120g）厚切牛柳先煎後煎，肉汁完美鎖住。黑毛和牛腹前小排油脂分怖完美，肉質細緻。壺漬 KAKURA牛胸腹肉肉質粗硬，比較多牛筋。若鷅雞脛柳雞味超濃郁，入口爽脆。海鮮拼盤有牛油帶子、海老和魷魚，味道不過不失。辣冷麵（大）二人前微辣冷麵爽韌彈牙，中和燒肉的油膩。甜品杏仁奶凍和雪米糍。餐廳設置強力抽氣系統，確保顧客身上不會沾上油煙味。座位寬闊舒適，更設有包廂及派對房。

🩵大判燒！黑毛和牛西冷薄身大塊既和牛，好似去左日本咁，牛油既香味加埋日本雞蛋，再撈一啖飯，超超超滿足，好值得一試！🩵黑毛和牛上嫩肩里肉上嫩肩里肉肉質比較軟嫩，油脂感豐富，但唔油膩😛🩵黑毛和牛腹柳小排牛咪比較濃，但唔鞋口，點醬汁食好夾～ 特別係燒肉汁同辣汁😆🩵黑毛和牛上肋骨中肉近骨部分既肉極重油份，一大條兩個人分，食完飽足感會急升🫢🩵KAKURA牛肉飯牛肉質素唔差，洋蔥煮得好淋，牛肉汁超多送飯一流～ 溫泉蛋係精粹，令到牛肉味更香🩵甜品糯米糍雪糕&杏仁凍，食完燒肉食返少少甜野，先係完整既一餐，每人都會有一份，幾有誠意🥰🥰

難得慶祝20周年結婚紀念梗係要食好西啦！網上搵到響元點嘅餐廳佢哋啲燒肉午餐都好抵食。餐廳地方都算大，而且座位距離都ok夠晒私隱，呢度有12款唔同嘅午餐選擇可以揀不同類型嘅牛或者豬、雞、牛舌等等。見到呢個A 4和牛大判燒好吸引梗要試吓啦！於是叫咗黑毛和牛大判燒$368 同埋黑毛和牛大判燒拼牛板腱肉$258套餐包括咗麵豉湯、泡菜、飯飲品同埋甜品，仲有隻溫泉蛋俾你撈勻大判燒一齊食。A4和牛果然入口即熔好軟身加埋隻溫泉疍直滑入喉嚨好正，牛板腱相對較有咬口但富有牛味都唔錯！飯後仲有甜品-杏仁口腐同雪米糍解油膩非常滿足😋

今日嚟到元朗，發現到元點呢個新商場，於是搵食搵到呢間門面精美嘅日式燒肉🥰座位好闊落好舒服，室內抽風不錯唔怕食到成身都係燒肉味！店員安排咗個望窗卡位比我哋，睇住風景幾好feel❤️餐牌上有多款和牛選擇，唔想諗就可以直接叫套餐都十分抵食！我就喜歡自己配搭～～但重點係要必叫海外限定 - 大判燒 ！黑毛和牛西冷大大片和牛、配溫泉蛋，又香又滑😚😚😚而且仲可以叫店員幫手燒、就唔怕燒得唔好影響味道😎😎另外一定要叫係我最愛嘅牛舌！揀咗最簡單嘅鹽味😆牛舌好軟好香好滑！食得出唔係平價部位！和牛方面仲有揀咗 黑毛和牛上肋骨中肉、黑毛和牛內橫隔膜，牛肉質素當然係無得彈，和牛嘅油香加上醬油調味係天衣無縫🥹🥹❤️想叫款普通牛對比下，就揀咗份 腹前小排，估唔到質素一樣咁好，當然係無和牛咁香，但都唔會係差！除咗牛肉仲叫咗份 黑毛豚無骨小排，油脂豐富又夠豬香，燒到脆脆地超好味😛最後就係一份雞肉拼盤，有雞肝岩晒鍾意食內臟嘅人！雞肉有彈性好嫩滑，雞肝好香濃～😉😉紫菜飯都係燒肉必備！入面仲有隻溫泉蛋，撈埋一齊超正～～最後係會有甜品送，包括有杏仁豆腐加雪米糍，杏仁豆腐好出色超香滑😍😍雪米糍皮薄凍冰冰好正！呢間嘅燒肉汁唔會好濃，同燒

Yakiniku KaKura（元朗)一間高質日式燒烤餐廳Yakiniku Kakura,餐廳位於元朗朗樂路1號YOHO Mix元點一樓,餐廳裝修簡約時尚,枱與枱之間寬闊,座位寬敞坐得舒適,餐廳時常播放輕鬆日語歌曲,餐廳主打日式燒烤日本菜,還有其他日式飯麵和定食供客人選擇,服務員招呼熱誠有禮。黑毛和牛大判燒拼US牛板腱肉燒肉定食套餐配有白飯,燒烤醬汁,麵豉湯,沙律,泡蘿蔔泡青瓜,熱檸水,大大塊粉紅色黑毛和牛大判燒,肥瘦雪花均勻,食物上桌服務員替客人燒黑毛和牛大判燒,大判燒食落嫩滑油香,深紅色牛板腱肉,燒起食落有肉香有牛味,配料豐富十分滿足。牛舌盛燒肉定食套餐牛舌有11件,色澤粉嫩,燒起點酱汁食落爽口彈牙有口感,追加雞腿有4件,無骨雞腿色澤新鮮,食落鮮嫩。黑毛豬頸肉黑毛豬頸肉有5件,配有檸檬,色澤粉紅光滑,食落爽滑彈牙帶有油香。甜品有杞子杏仁布丁,微甜,入口有香濃杏仁味,雲呢拿雪米糍,微甜,入口軟糯。

形點新開既既YAKINIKU KAKURA 燒肉超好高質，除左牛之外，都有豬，雞，海鮮等多種食物選擇，餐廳有兩邊間隔，採光度極高既靠窗雅座 ，另一邊係日式靠石牆設計，不同枱之間分隔很遠，係偈既好地方，而餐廳既通風設備完善，冇抽油煙機都好，行入餐廳同食完身上唔會有油煙味，職員服務總在附近定期幫助更換燒烤網 真係超加分🥰🥩黑毛和牛大判燒拼US牛板腱肉 $258超超滿足 西冷大大塊來自鹿兒島 油脂雪花分佈都好靚 侍應會燒埋 可以揀要幾熟揀咗嘅7成熟 都好鮮嫩入口即溶☺️軟熟嘅牛肉配搭溫泉蛋 好新奇既配搭令和牛更加濃郁嫩滑👅牛舌盛合$148質地柔嫩、肉質緊實、又爽口🦐海鮮泡菜烏冬$138連基本菜都好掂酸酸辣辣 加上新鮮彈牙的海蝦 好好味🥬生菜$28食燒肉係必點食完最後仲有甜品既杏仁豆腐同糯米糍雪糕送，賣相靚得黎都好食🍨

YAKINIKU KAKURA有好幾間分店今次去左元朗元點分店喺元朗站行過去大概2分鐘就到 超級就腳方便食左兩個lunch set 好有驚喜🍂黑毛和牛大判燒拼US牛板腱肉($258)- 包括大判燒！鹿兒島 A4和牛西冷/牛板腱肉/飯SET- 牛西冷有專人幫忙燒 燒到好靚 又軟熟又重牛味 -牛板腱肉都相當好食 唔會好肥又夠香 啲醬汁配得恰到好處 唔會太鹹 但又好餸飯🍂牛舌盛盒($148)- 鹽味上牛舌 蔥鹽味牛舌 配上飯set 有餐湯/白飯/ 沙律/小食/餐飲/甜品🍂追加牛舌($48)🍂甜品有雪米糍同杏仁豆腐

我今日約同好友去位於元朗朗樂路1號元點1樓B155號舖的 YAKINIKU KAKURA 食特色大判燒，環境舒適，坐得舒服。我和好友點左個 Omakase Course 每位$498（2人起），有 Omakase 沙律，泡菜三點盛，鹽味盛：鹽味上牛舌，葱鹽味若雞精選2種，海老（2尾）；燒肉汁盛：野菜，黑毛和牛精選2款（腹柳小排和裏腹小排），大判燒！黑毛和牛西冷；KAKURA 冷麵（小），甜品。材料新鮮及豐富，大判燒原來需要技巧來燒，因此，店員幫手操作，其純熟手藝，一定要拍作留念，好像藝術之作！

日本九州過江龍Yakiniku Kakura 喺香港已經有4間分店🇯🇵喺元朗新商場yoho mix都有分店 裝修簡約有格調 都幾舒服下午嘅燒肉定食 有12種套餐選擇🥩仲會包埋沙律/餐湯/小食/飯/甜品同飲品ꕥ 黑毛和牛大判燒盛合有3款和牛🐂大判燒•鹿兒島A4和牛西冷係我至鍾意嘅 本身牛味濃郁 再點埋蛋汁一齊食 更加錦上添花🫰🏻鹿兒島和牛裏腹小排質感軟嫩 而鹿兒島和牛背末脊肉就好香好juicy 每咬一啖都有肉汁咇出嚟💦ꕥ 美國穀飼牛盛合呢款盛合就有2款牛 牛板腱肉同腹前小排 兩款都好鮮嫩🐮牛板腱肉質有彈性 腹前小排油脂平均 入口帶有油花香 另外仲用優惠價追加咗一份雞腿肉🐔有驚喜呢 每件都幾大件 質地夠嫩滑 雞皮燒至微脆 食落特別香口 仲保留到雞嘅鮮味食完燒肉之後到甜品 賣相造型有心思 好日式🍱杏仁奶凍味香而滑 另外仲有一件雪米糍

Yoho 新開咗間日式燒肉店，之前已經食過銅鑼灣分店覺得好好味，元朗都有勁開心呀🤩𝚈𝚊𝚔𝚒𝚗𝚒𝚔𝚞 𝙺𝚊𝚔𝚞𝚛𝚊 係來自於日本九州佐賀的過江龍！餐廳主打佐賀產的A5級黑毛和牛🐮，今次我哋試咗牛肉Omakase(二人起）由餐廳精心挑選嘅當季時令部位😋最鍾意就係佢海外店限定嘅大判燒🔥，佢係嚟自鹿兒島嘅黑毛和牛，加配一隻日本嘅溫泉蛋，可以由餐廳店員代勞即席烹煮🥰和牛口感軟滑，有豐富嘅油脂，沾上咗蛋汁更加有風味，入口即溶，油脂分布真係爆滿分啊😌整個omkase嘅餐好豐富，由前菜沙律，醃製得好好味嘅泡菜，結實蝦肉嘅大蝦🦐，加埋主食嘅肉肉～雞同牛︎ ︎♥雞肉軟腍，牛舌厚肉，牛胸腹肉油份重又無筋，仲有勁飽肚冷麵連埋最後嘅甜品，真係大滿足呀🫶🏻𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰomakase Course $498/位 (二人起）𓐎 沙律𓐎泡菜三點盛𓐎塭味上牛舌𓐎蔥鹽味若雞精選2種海老二尾𓐎大判燒！黑毛和牛西冷𓐎黑毛和牛精選2種𓐎野菜𓐎KAKURA冷麵（小）𓐎甜品.YAKINIKU KAKURA (元點) 𖠿 𖤣𖤥元朗朗樂路1號元點1樓B155號舖

前菜以櫻花蝦沙律和泡菜三點盛為開場，令人耳目一新。櫻花蝦的鮮香配上新鮮沙律的脆爽，泡菜的微酸和辛辣則為整體增添了層次感，讓人食慾大開。主菜方面，鹽味盛的上牛舌和蔥鹽味雞兩者都展現了精緻的肉質。牛舌鮮嫩多汁，搭配蔥鹽的調味更加突出肉的香氣，海老的鮮美則令人驚喜，口感滑嫩，讓人一試成主顧。燒肉汁盛的黑毛和牛，無論是西冷還是特選的嫩堅里肉，都帶來了極佳的口感，肉質鮮嫩且油脂分布均勻，搭配新鮮野菜的清香，讓整體味道更加和諧。冷麵則提供了清爽的解膩效果，讓味蕾得到舒緩。甜品部分的雲呢拿雪米糍和杏霜奶凍，口感柔滑，恰到好處地為這頓餐點劃上了完美的句號。

【元朗區】【Yakiniku Kakura】嚟到大西北，就諗起遇星哥，見到遇星哥，就知道一定要食好嘢。喺元點行去加點嗰條路見到呢間日式燒肉，已經想試好耐，今次就係一個好好嘅機會。因為之前喺門口睇餐牌見到有大判燒，食過覺得好正，所以今次就特登嚟呢度試吓佢哋嘅大判燒整成點。所以我哋首先試 $306 嘅「黑毛和牛大判燒拼US牛板腱肉」套餐，有鹿兒島A4黑毛和牛西冷、牛板腱肉，大判燒果然正，一大塊咁燒，牛味、口感都係一流，我哋 share 食都冇影響，而牛板腱肉都好正。加 $48 叫埋「牛舌」，口感順滑，都係值得叫嚟試嘅。另一個套餐就試 $266 嘅「美國穀飼牛盛合」，有牛板腱肉同腹前小排，燒起上嚟都好好味，好易入口。套餐加 $48 試埋「雞腿」，切個份量啱啱好，雞味又香。套餐仲有沙律、餐湯、小食、白飯，由於我哋叫咗兩個套餐，所以我哋一人都各有一份，幾好。味道上都唔錯所以我哋都食晒，餐飲方面遇星哥飲可口可樂，我就加 $20 試青森蘋果乳酸梳打走冰，都幾好飲嘅。原來個餐仲有甜品，有杏仁奶凍同雲呢嗱雪米糍，上菜嘅時候已經覺得好靚，食落就更加係好味。埋單價係 $572，以呢個質素嚟講係並唔貴嘅。。

同buddy 好耐冇見要約去食下嘢傾下計，我哋去咗元點商場呢間日式燒肉店，座位都好闊落舒服，有圓枱也有卡位。午市有多款燒肉套餐/ 定食選擇，午餐包沙律、湯、小食、甜品。我哋叫咗兩份燒肉套餐Share 。每款肉的質素都相當唔錯，調味適中，值得可以再來☺️🔶黑毛和牛大判燒拼US牛板腱肉黑毛和牛大判燒真係必點，鹿兒島A4和牛西冷油脂豐富，店員仲會幫忙燒的，燒肉手法好專業，我哋要5 成熟火候控制得剛好，肉味濃口感軟嫩，配搭蛋汁一齊食牛肉更嫩滑😚🔶美國榖飼牛盛合有牛板腱肉 & 腹前小排，肉質素相當唔錯，牛板腱肉質較結實，腹前小排油脂分布平均，調味亦好適中，燒完唔點醬汁食都好好味。追加：🔶牛舌🔶US牛腹柳小排另外好鍾意佢地個甜品，杏仁豆腐&雪米糍，食埋甜品好滿足😊