Y Pasta

沙田天橋位置全層翻身成唔同食店新開意粉店面積好大2個大人叫2個午餐 共$279午市套餐- 香濃野菌湯x2口感厚實，唔使成日飲南瓜湯野菌湯巧濃郁，野菌芳香充滿成碗湯，整體香味濃郁迷人千島夏威夷薄餅 $98-火腿鹹香味配合甜甜的菠蘿，甜鹹的對比增加口感層次。加上千島醬的酸甜風味又平衡火腿菠蘿味道，整個pizza口感更加豐富-Pizza厚度適中，唔會太薄太厚建議材料可以多少少，例如菠蘿同火腿建議啲菠蘿再燒燶啲都好好食牛油蒜香蜆肉扁意粉 $118-擺盤都唔錯，有藏紅花，顏色更鮮艷精神-蜆肉沒有沙，乾身，都鮮甜-扁意粉軟滑的口感，吸住蒜香牛油香草各種調味料，整體味道更加醇厚建議可以擺多少少汁，意粉有啲乾-蔥式香草雞翼（兩隻）$18雞翼皮脆肉嫩，不過得兩隻唔夠喉自家製甜品 焙茶栗子巴斯克芝士蛋糕$20-濃郁綿密的口感-焙茶清香微苦的風味為整個蛋糕帶來一種清新的基調，不用過於濃郁甜膩-栗子蓉再多啲就正-可口可樂- 檸檬水

Y Pasta @沙田🪡沙田橫壆街1-15號好運中心3樓3080號舖💰$120-$150難得去一次沙田，發現沙田開咗超多餐廳，之前做research已經bookmark咗Y pasta，本身開係銅鑼灣最近搬咗嚟沙田，終於有機會try try手工意大利粉🍝餐廳星期六日都有brunch set，選擇都幾多，餐廳裝修以田園式風格，幾啱一班frd嚟食lunch影下相，記得嚟之前要book位先❤️🍝意式豬面肉卡邦尼蛋汁意粉 $148豬面肉煮得啱啱好，嫩滑又唔會太肥膩，配埋濃郁嘅蛋汁，口感豐富。仲可以自選意粉，有手製絲帶麵，手製寛帶麵，手製介指粉，手製薯糰，超少見餐廳有咁多選擇麵類，迎合返唔同客人既需求。我就選擇咗手製絲帶麵+25，麵條爽口彈牙，非常正！🍲紅酒燴美國牛肋肉配香滑薯蓉 $208牛肋肉炆得好軟腍，入口即溶，而且好香紅酒既香氣，份量又多，足足有五大舊，薯蓉非常香滑，搭配埋牛肋肉一齊食，可以中和返肋肉濃郁既味道，所以係絕配既！❤️🫖酥皮忌廉黑松露野菌湯 +$25跟brunch set淨係加$10就有黑松露野菌湯，加多$15就有酥皮，記得要吹下先飲超級熱😹酥皮非常鬆脆，配埋濃郁黑松露湯，味道好m

餐廳裝修充滿小清新感覺，以簡約白色為主，配上綠色植物，感覺舒適。餐廳主打每日新鮮製作的意粉，全部採用意大利進口蛋黃、麵粉、小麥粉製成。而且有多款意粉選擇，包括：天使麵、意粉、扁意粉、長通粉、手工絲帶麵、手工寬帶麵、手製戒指粉、手製薯團，各有特色。.🍽️假日早午餐 Brunch.🧅法式芝士浮台洋蔥湯 +$20外面較少機會飲到的洋蔥湯，味道咸香，富洋蔥香氣。.🍄香濃野菌湯（酥皮+$15）用了不少菇菌煮成，味道濃郁，加上酥皮更加美味。.🍝QB明太子帆立貝意粉 $168意粉煮得剛剛好，口感彈牙，每條都沾滿太子醬汁。帆立貝雪白厚生，味道鮮嫩，還有不少魚籽，口感和味道層次豐富。.🐖燒烤醬慢烤美國豬肋骨 $248豬肋骨份量不少，肉質嫩滑，配上燒烤醬更美味。伴碟香脆粗炸薯條和新鮮沙律菜。.🫖雜錦水果茶 +$14一壺上份量不少，有助去油解膩。.☕️莫卡咖啡 +$10咖啡與朱古力完美融合，口感圓潤柔和，而且拉花很美。.🍰自家製甜品 +$25是日甜品是焙茶巴斯克芝士蛋糕，焙茶味濃，口感順滑，上面還有粟子蓉點綴，配搭不錯。

好運中心翻新左之後第一次黎, 發現多左好多食店進駐, 今次試左呢間手工意粉, 餐廳環境闊落有情調, 同友人各叫左一個湯,再另外叫小食,意粉主食同心太軟甜品share 食$86 忌廉龍蝦湯$68 加酥皮再加$18 湯份量大同埋好熱, 有少量龍蝦肉, 無乜忌廉味, $78 鼠尾草雞軟骨肉丸, 總共有八粒肉丸, 肉丸內啖啖雞軟骨, 口感同味道都好出色肉丸底下配有肉醬茄汁及沙律菜, 加D意粉已經可以成為下一個主菜$188 加拿大海膽忌廉意粉加掌大海膽有兩大塊仲幾鮮甜, 再配上大量三文魚籽撈意粉一絕, 意粉同個湯同樣無乜忌廉味, $98 朱古力心太軟配雪糕,朋友生日可以係甜點碟上寫名及點蠟燭,心太軟流心效果100分, 再加上雲尼拿籽滿滿既雪糕, 滿足下次會再食雞軟骨肉丸同埋手工意粉Gnocchi

沙田嘅好運商場早排完成裝修，多咗好多嘢食，今日就試吓呢間係香港每日製造嘅手工意粉💁🏻‍♀️⭐️黑松露野菌醬薄餅 $108餅底香脆，而且厚薄適中，黑松露味道濃郁，配合芝士同松子，多重口感👍🏻⭐️意式豬面肉卡邦尼蛋汁意粉 $118豬面肉炸到勁香脆，配合埋好香濃嘅卡邦尼蛋汁，每一條意粉都可以索哂汁，喜愛卡邦尼嘅你唔可以錯過！⭐️純牛肉醬長通粉 $98越簡單嘅嘢，越難做得好食，呢度嘅牛肉醬味道唔錯，醬汁牛味濃郁，配上煙煙韌韌嘅長通粉，夏天食就啱晒胃口！以上嘅午餐都可以配餐湯，而且有多款選擇，仲可以加配酥皮變酥皮湯添😋

沙田好運中心多咗好多新餐廳，【Y Pasta】呢間西餐廳越來越多人食，食品質素亦非常好。😍❤️香濃野菌湯香氣撲鼻，湯底濃郁，菌菇的天然香氣與調味完美融合，非常順口🧡忌廉龍蝦湯加酥皮忌廉龍蝦湯湯汁非常濃郁，飽滿的粒粒龍蝦肉配上酥皮的香脆，層次豐富💛意式豬面肉卡邦尼蛋汁意粉肉質嫩滑，蛋汁與帕米森芝士交織成濃郁爽口的醬汁，令人回味無窮，呢度嘅pasta仲特別多選擇， 所有都可以自選💚燒烤醬慢烤美國豬肋骨豬肋骨肉質軟嫩多汁，醬汁香甜可口，肉香四溢，超級滋味💙雜莓乳酪沙冰清新怡人，酸甜適中，爽口不膩， 炎炎夏日嘅解渴之選💜熱菊花杞子蜜熱菊花杞子蜜散發著淡雅清香，溫潤香醇，回味悠長，仲可以明目滋潤🤎栗子蛋糕栗子蛋糕濃郁細緻，入口即化，非常美味

第一次食呢間餐廳，環境係幾好，好舒服。但食得唔盡興嘅飯，未必會食第二次了。7點入座後，我們好快點完餐，點左份沙律同意粉，諗住食完先再叫甜品慶祝生日。但等左半個鐘先上菜。仲係要係上意粉先，食左2啖，服務員就過來話用餐時間仲有半個幾鐘，而且要last order 了。當刻 ，呆左，吓，岩岩先開始食，你話夠鐘？我地問可唔可以一直間先叫？服務員話要盡快，因差不多last order了。隔咗5分鐘上埋個沙律，服務員就嚟催我哋，要落甜品了，急急腳落咗甜品，但要求咗要遲少少上，大佬，意粉又未食完，沙律又未食完，真係唔希望咁快上甜品。八點未到，服務員過嚟要求我哋要上甜品啦，因為用餐時間最後只有15分鐘。8點15分，服務員又過嚟同我哋講夠鐘啦，好多客喺出邊等緊。急急腳，我哋就離開咗餐廳。出到門口，都冇客等，而且餐廳又有好幾張吉枱冇人坐，真係唔明，點解成餐飯，不停催我哋，而且上菜又慢。本應慶祝生日好開心的，但係咁樣俾人催法，咩心情都冇晒。真係未必會有第二次啦。

沙田不嬲都好多好嘢食，宜家唔止新城市廣場，天橋連埋既商場亦都全部翻新哂。今晚就去左好運中心搵食，因為商場裝修完新淨左，都有好多唔同既餐廳進駐。喺商場外圍見到呢間西餐廳裝修靚，d位又闊落，亦都有好多人食，一於就試吓佢。佢個名都幾特別，叫Y pasta。餐廳都幾大，而且座位間距離非常足夠，唔會聽到隔離枱講野，又唔洗驚隔離枱聽到自己講咩🤣坐得都幾舒服👍🏻👍🏻Menu選擇好多，pizza、pasta、main同小食等等都齊。我地叫三樣野，QB 明太子帆立貝意粉，期間限定既Burrata芝士青醬pizza同埋叫左一杯野飲share，薄荷朱古力牛奶。QB 明太子帆立貝意粉我地揀左Angel Hair，意粉份量睇落好多，滿滿一大球意粉上面既明太子醬睇落都好濃郁，一拌勻，果個香味即刻出哂黎。醬汁濃郁但同意粉既比例岩岩好，食落唔會太咸，加埋飛魚籽，口感同香味更上一層帶子既sear做得好好，煎得又香口又唔會好韌期間限定嘅Burrata芝士青醬松子pizza上一次食Burrata已經係喺意大利果陣，好奈冇食，見到就想叫黎回味下pizza係薄批，有芝士做底，青醬份量唔算多，但因為佢個醬好濃，食落都好夠味👍🏻B

一行入去就有一種好清新嘅感覺，裝潢純粹簡約白色系配綠色植物，門口有吧枱位對住商場平台，而我坐個張枱係靠邊位，旁邊會有一道扇形窗，透光環境令人好舒服！公衆假期以及星期六日（ 11：30-16：00 ）有Brunch menu , 主菜包餐湯、飲品， 如果想要其他湯款或者飲品就額外加錢。餐湯係香濃野菌湯，仲有得加錢要酥皮😍而家唔係間間餐廳有酥皮湯架啦！QB明太子帆立貝天使面雖然餐牌寫住意粉，但喺app落單時可以免費轉扁意粉／ 天使麵 ／長通粉👏 另外仲有四款手製要加錢， 真係第一次見到有咁多款選擇， 特別有驚喜！ 最後我擇咗天使面，口感細緻柔軟，明太子味道鹹香加上忌廉夠creamy ，好食！燒烤醬慢烤美國豬肋骨 豬肋骨伴粗薯條、沙律，單睇擺盤已經覺得好豐富 ， 沙律有大量紫椰菜、椰菜絲 、蘿蔔絲 ，健康得嚟仲覺得好有誠意！豬肋骨輕輕一切已經能夠骨肉分離，可以話完全唔洗用力，証明肉質超級腍，加上燒烤醬滲透曬入肉裡面，非常之入味！熱香濃朱古力牛奶 有拉花 入口順滑 朱古力味挺濃！

見openrice咁多好評專登過黎食架～～～叫左兩個brunch set叫左杯凍美式咖啡 垃圾過街邊大佬一間cafe黎講 唔會咁普通既咖啡都難飲掛 完全接受唔到另一個餐就叫凍檸茶茶底濁既 第2個失望.個pizza同意粉不過不失.環境黎講個冷氣開到勁大好快就吹到啲野食凍曬.但整體性價比不高食得都唔開唔建議！！！！

Lunchtime 雖然無book位，但都即入即有位環境好新淨•唔知係唔係lunchtime好多人食做唔切，跟餐既湯竟然唔係最快上，我已經係叫普通既野菌湯竟然上咗d加配小食先野食同野飲一樣係等咗好耐🤔好可見餐廳lunchtime要等咁耐意式豬面肉卡邦蛋汁意粉 ($118)個賣相都幾靚仔，加埋杯咖啡影係打到卡既但撈勻嚟食，完全食唔到個汁有味，個意粉口感都幾硬，麻麻地最後要加野菌湯先有味可以食到豬面肉就咁食會偏鹹，撈埋意粉食好少少，但2樣野又好似各自係個口度夾唔到咁🤔•叫咗杯Latte，唔知點解甜甜地🤣不過佢叫似咖啡，唔係無味🤷🏼‍♀️由於驚佢個甜品後上太耐，我哋到齊野食就話可以上One Bite French Toast ($118)French Toast都係偏淡味，加埋Hazelnut醬同雪糕先至有味d成餐都好疑惑點解意粉係無味朋友叫咗另一款意式茄蓉甜椒烤菜天使麵 ($88)都有dd蕃茄味既，不過真係好淡，好奇怪•應該唔會再返去食🙃

難得老公放假，想同老公食餐好，呢間餐廳喺網上評價唔錯，於是放工再同老公嚟試吓👍🏻餐廳係年輕人開嘅手工意粉專門店，每日於香港嘅手工意粉廠引入鮮制嘅手工意粉，值得一試👍🏻餐廳地方闊落而且是希臘風裝修，白色主調加埋白色拱門同好多綠色植物，令人感覺恍如在外國度假😊意式香草焗雞翼：雞翼烤得好好，夠晒熱，外皮香內裏充滿肉汁，而且香草味濃夠晒入味😬明太子帆立貝扁意粉：帆立貝好大隻，厚肉彈牙而且鮮甜，鮮製意粉軟滑而且有蛋香，配上濃郁嘅明太子忌廉汁好鮮味，加埋蟹籽一齊食好正😊忌廉龍蝦湯：忌廉龍蝦湯好濃郁，充滿龍蝦嘅鮮甜香味，好正👍🏻巴馬火腿火箭菜薄餅：薄餅是傳統的薄脆意大利pizza，巴馬火腿鹹香配上香濃嘅芝士同埋火箭菜一齊食好正，批底薄薄地而且好脆👍🏻

Y Pasta 是一家Cafe，提供多種意粉的選擇，包括天使麵、意粉、扁意粉、長通粉、手掣絲帶面、手掣寬帶面和手掣戒指粉，給各位多種選擇的機會。Brunch Menu中，可以選擇一個主菜、湯品、飲品以及精選甜點。首先是法式芝士浮台洋蔥湯。這道湯的洋蔥味道極其香濃，入口後迴盪著濃厚的洋蔥風味，而芝士的清香則讓整體口感更加豐富。另外亦選了忌廉龍蝦湯（酥皮）。龍蝦的香濃口味搭配著酥皮的脆度，讓人享受到豐富的口感。意式豬面肉卡邦尼蛋汁意粉（手製絲帶麵）是另一個推薦的主菜。豬面肉微焦且香口，配上少許實在的麵質，而卡邦尼汁則完美地掛在麵條上，味道十足。QB明太子帆立貝意粉（手製寬帶麵），它的手製寬帶麵彈牙十足，蟹籽爆脆，帆立貝微焦，配上明太子醬汁風味極佳。在飲品方面，培茶牛奶拿鐵（熱）的泡沫柔軟，口感醇滑，培茶的香濃味道令人陶醉。而焦糖泡沫咖啡（凍）則以漂亮的焦糖面和濃厚的泡沫成為亮點，帶來濃郁的口感。最後，自家製甜點 - 培茶巴斯克芝士蛋糕。這款甜點有粟子蓉點綴在上面，口感香濃順滑，表面creamy，入口即溶，讓人欲罷不能。

-一間唔知點解一定要book位先有得食嘅餐廳整個用餐時段都見有最少3-4成空枱，但好似都唔比人walk in入-服務方面可以話近乎係零，除左帶你入座之外冇任何服務落單要用QR code落單，店員唔會介紹menu，斟水要自己斟最慘係咁都要收番你10%服務費-食物方面算係唔錯，兩個人叫左1個酥皮龍蝦湯,1個熱浪伏特加長通粉（轉薯糰）,1個巴馬火腿火箭菜pizza,1杯mocha，味道幾好整體份量正常，4個item連加一埋單4百幾，價錢都唔算好貴-總括而言係一間不過不失嘅餐廳，可以一試，但如果下下都要book位就真係唔會特別去

自Y Pasta開業以嚟短短幾個月，已經多次回頭翻焯！只因佢真係做爛市哈哈😂用普通Cafe嘅價錢，但食緊嘅係靚靚西餐廚房嘅水準🥹🥹由賣相攞盤嘅心思、到食材嘅選取同質素、到食物嘅配搭同味道嘅層次、味道造得好精細，絕對係有驚喜有心機嘅餐廳🍴好值得一去！今次新試嘅係波士頓龍蝦芝士意粉🍝龍蝦好鮮甜仲好厚肉，肉質好彈牙又有咬口，明顯用心處理過，真係好好食💛味道一啲都唔馬虎，多重刺激所有味蕾都會用到超正！