WM Café & Bar (雅濤居購物商場)

營業中

休息中

餐廳只要叫一個main course 就可以加$33加做一個套餐，包4樣野：（1）龍蝦湯/蕃茄湯、（2）沙律/吉列炸蠔、（4）咖啡/茶。或者都有set menu，而假期禮拜五都有假日special menu，餐廳衛生情況良好，幾有氣氛🫔吉列炸蠔：非常鬆脆，粉少蠔大，食落好重蠔味🍔雙層安格斯牛肉芝士漢堡配🍟薯條：牛肉勁厚，咬落去多肉汁，burger芝士味濃🫕意式肉醬千層麵薯蓉：超多肉醬，千層麵好有口感

屋企附近呢間西餐真係乾淨企理同埋好抵食，今日同媽味落街食飯，簡簡單單食餐晚餐，黎Wm cafe 叫兩個dinner set 平均都係$100蚊左右個餐，已經包左湯、麵包同飲品。。🥢WM 香煎牛柳配薯條及雜菜$118醬汁擇左紅酒燒汁，汁另上，牛扒7成熟 ，熟成度岩岩好，切開有少少紅，牛味濃郁，配菜係薯條同雜菜，份量充足。。餐湯可以擇忌廉龍蝦湯，個人覺得性價比好高，呢個價錢有唔錯既龍蝦湯飲👍🏼。🍴炭燒美國黑毛豬柳$98 燒豬柳兩大件，配雜菜，豬柳煮得岩岩好，軟淋爽口，豬味香。。加配小食「炸墨魚餅$28」呢個最好食！用吉烈炸粒粒墨魚粒，好鬼好食！加配「炸雞翼$16」3大件，落左醋一齊炸，口感特别。

【馬鞍山•WM Café & Bar】————————————————————————今次係度發掘下餐廳外賣🥰環境舒服乾淨餐廳內外都有座位 外面係商場景🍯｜墨西哥式牛柳薄餅捲｜HKD88Beef Tenderloin Taco套餐加HKD33 餐湯。沙律。飲品餅捲有4件 每件都好juicy 醬汁甜甜地的 餡料都夠另外有個牛油果🥑醬配埋 份量唔算多 但夠一個人做晚餐😋😋餐湯方面有龍蝦🦞同番茄🍅揀 番茄🍅湯相當濃 有啲想加個通粉去食🤣。餐廳環境：📸📸📸📸📸服務質素：😊😊😊😊😊食物味道：👅👅👅👅性價比：💰💰💰💰消費 HKD121✨✨✨✨✨✨✨✨✨✨✨✨✨#nkiki馬鞍山 #nkiki西式🏠 WM Café & Bar📮 馬鞍山鞍駿街15號雅濤居購物商場地下G01B號舖

今晚係馬鞍山食飯，去左雅濤居的WM café，因為個度環境的確幾好幾幽雅，所以再一次去食。今次就叫左個巴馬臣芝士卡邦尼溫泉蛋意粉、同埋雙層安格斯牛肉芝士漢堡配薯條來食。前菜仲係煙鴨胸沙律，正。而個餐湯係龍蝦湯，配埋個餐包，開胃之選。先講個意粉，味道真係幾濃，而且佢加埋洋蔥，食落去好有層次同埋口感，cream得來又清新，加埋隻溫泉蛋，當蛋汁打散後來撈落意粉度，真係唔錯唔錯。至於個雙層安格斯牛肉芝士漢堡，食落去肉汁咇哂出來，正到爆，加埋個香口薯條，簡直一流！最後梗係唔少得飲返杯凍齋啡，清一清個味蕾，然後慢慢享受呢個咁好環境，唔經唔覺都食左成個半鐘，爽呀。

Lunch 食左幾次,今日特登試晚餐果然性價比一樣高🤤👍同朋友每人叫左個晚市套餐，套餐有黑糖麵包,龍蝦湯,主菜同餐飲！平時午市餐包係蒜蓉包 ，晚市就黑糖麵包😋上枱暖笠笠又鬆軟 幾好食 龍蝦湯一貫出色水平! 我朋友都話好好飲😍主菜我揀咗 香煎牛柳配墨西哥辣莎莎汁 我叫咗五成熟 ，口感好軟熟 ！無筋架！肉質亦唔乾身 不過辣汁竟然唔辣 淨係得椒味😆朋友叫咗黑毛豬柳配燒汁 , 望落厚切 驚會好嚡， 但食落有驚喜！好軟熟！ 火喉處理得好👍 套餐可以加錢配小食 ，特別推介吉列芝士南瓜餅！ 係流心芝士㗎🤤 芝士控必叫 ！餐飲可配凍西柚綠茶， 西柚味唔會太酸太搶，我覺得呢個都算係特色飲品但係免費加配, 我覺得好抵😆呢間餐廳真係回頭幾次 !皆因性價比高!食物質素亦維持中上水平👍坐位舒適 環境乾淨衛生👍今晚兩個人食左咁多野都只係$300埋單真心抵食夾大件😋繼續支持！

今天中午去了朋友推介在馬鞍山雅濤居購物商場的WM Cafe & Bar 食午餐， 那裏的 lunch set非常抵食，我們三人點了三個lunch set， 每個 lunch set都有餐湯，餐包，同埋餐飲， 所以非常抵食。香煎魚柳配西西里茄蓉汁配忌廉龍蝦餐湯$53魚柳用了蛋漿來煎，很有蛋香味， 意大利粉煙韌彈牙， 加埋酸酸甜甜的茄蓉汁， 好味又醒胃。美國西冷牛排配紅酒燒汁薯菜配忌廉龍蝦餐湯$55牛扒鮮嫩不韌， 一口咬下有淡淡清香紅酒味的牛扒， 真是齒頰留香。檸檬香煎原隻鴨胸配蕃茄餐湯$55原隻鴨胸用檸檬香煎 ，不但沒有鴨騷味，而且肉質很嫩滑。

乾淨， 整齊， 有裝修，有技巧菜威靈慣牛柳嘅性價比之選，WM Cafe & Bar位於馬鞍山雅濤居，在美食沙漠算是一間非常唔錯嘅餐廳! 今日就畀佢的一陣香氣和小清新裝潢吸引住! 就係果陣煎牛扒嘅香味， 真係令人哋流曬口水。想讚下，入到去覺得幾企理同衛生。食牛扒當然要七成熟! 剛剛好見到牛肉的血紅蛋白的粉紅色咁就啱曬啦。 鮮嫩嘅牛扒， 入口鬆軟， 聞起香噴噴， 真係冇得頂。再來一個帶子蟹肉卡邦尼飯， 香滑好味，配以碎洋蔥的香甜咬口，錦上添花。平時食西餐的必點小食就是雞翼，都炸得好香脆, 幾入味仲有炸生蠔食，外脆內軟又多汁，好味!埋單竟然300蚊都唔洗!!抵!!仲包埋濃香龍蝦湯同水果茶，兩者都甚有水準。

點餐後，等了二十分鐘都沒有湯和麵包，眼看比我遲來的人都有餐湯和麵包了，追問下才知漏單，又再下單一次，龍蝦湯ok，配一塊小小的麵包， 但意粉十分鹹，也很酸，醬汁太稠，吃了一半真的吃不下去。

有日想近近地食個晚飯就去咗馬鞍山區內嘅小店幫襯餐廳環境、座位闊落食物種類選擇多閒時嚟輕鬆吓 唔錯架💛🔸西班牙海鮮焗飯（$178）有好多海鮮，例如：青口、蝦、蜆、帶子…，仲有邪惡嘅芝士，充滿濃郁番茄味，幾好食！份量夠2位至3位用，抵食。🔸龍蝦湯（+$33轉餐）🔸吉列炸蠔🔸凍檸檬紅茶（+$4）龍蝦湯濃郁，口感幾滑。炸蠔好香脆、唔會好油。🔸脆炸雞翼（$58）我哋揀咗檸檬海鹽蜜糖味，味道酸甜中帶有檸檬嘅清香，海鹽令味道更提升，雞翼外皮無脆，值得一試。🔸Orion Draught beer pint （$58）

🔸墨西哥辣沙沙燴意粉配西冷牛扒 $108🔸日本刺身帶子忌廉蟹肉卡邦尼燴飯$118🔸炸雞翼 +$28🔸吉列炸蠔 +$28🔸吉列芝士南瓜餅 +$28-今日收工入馬鞍山探朋友，朋友推介食又大又企理嘅WM Cafe外賣返朋友屋企食，因為係去睇BB😍我地叫左兩個set 3個女仔Share。燴意粉係蕃茄汁底再加少少辣，開胃惹味，加埋去西冷好大塊啖啖肉👍🏻；帶子忌廉蟹肉卡邦燴飯非常creamy，汁既份量恰到好處。至於餐湯我地叫左忌廉龍蝦湯，另外個個係蕃茄湯，兩個湯都非常濃郁 飲得出好足料。我地本來想叫甜品，但驚天氣熱會溶，於是追加左三樣小食 全部都好脆卜卜，個人特別喜歡食蠔，吉列炸蠔個蠔味好出 正😋跟餐仲有杯野飲，我地叫左凍西柚綠茶，依家夏天最岩飲。

放工唔想煮飯，但最近疫情咁嚴重，又唔想出街食，所以搵咗呢間喺雅濤居嘅西餐廳麥外賣，食物質素唔錯之餘，餐廳環境又乾淨衛生，絕對可以食得放心🥩美國極佳級安格斯大草原自然牛西冷配燒汁-medium 5成熟 ($176)平時食開7成熟，不過預計埋外賣會係個盒入面焗一陣，所以特登叫左5成熟，焗完返去果然係我想要果重生熟程度，夠肉味夠juicy！西冷都幾大塊下，肥瘦適中，仲有少量筋位，配上燒汁好jeng～🍖烤豬西冷配檸檬帶子青蘋果絲($106)豬西冷厚度好夠，連埋啲青蘋果絲一齊食，酸酸甜甜感覺好fresh，令成個口感層次都豐富左，呢個青蘋果絲絕對係呢道菜嘅亮點！帶子雖然得一粒，不過都幾大粒下，食得好滿足👍🏻兩份扒餐都會有薯蓉墊底，薯蓉食得出係真材實料，好香，而且絕對夠飽🤣🫕忌廉龍蝦湯每個餐都跟一碗龍蝦湯或者西湯，我就揀咗龍蝦湯，龍蝦湯香濃油滑，龍蝦味好足，屋企人讚不絕口☕️熱即磨咖啡 coffee🍟追加 薯菜+$8薯條係粗身薯條，雖然係外賣，但拎到返去嘅時候依然好脆， 而且薯仔味好足，100分等外賣嘅時候見到佢啲甜品都好似好吸引咁，不過因為點餐果時已經點左唔少，所以決定留返下次再試！餐廳環境幾好，衛

今晚要孤獨咁食自己..行經雅濤居見到裝修得幾靚，望入去乾淨企理幾有feel既Cafe..望望個晚餐menu又好似幾岩食一於買返個set返屋企chill下餐廳坐位都幾寬躺..枱面乾淨整齊搵日同屋企人黎堂食先點左個SET G再加配左小食忌廉龍蝦湯最愛飲既西湯濃濃既龍蝦味，味道剛好唔會太咸墨西哥莎莎燴意粉配香煎西冷牛扒大大塊西冷扒,肉汁豐富..咬落唔韌。意粉食落蕃茄味濃..酸酸甜甜好開胃而且份量都好多加配小食 - 水牛城雞鎚帶有辣味..味道剛好..唔會太重味精雖然炸得有小小乾左..凍西柚綠茶好fresh既果茶..唔會太甜好解渴👍成set 有湯有小食主菜飲品加埋$140大滿足👍

約咗大仔去馬鞍山食午餐，又係撞正落雨天，咁就又嚟番呢間餐廳。主要原因係佢位於商埸內，地方大而座位好寬闊又舒服，而食物價錢不貴，可以說是益街坊價餐廳。午餐選擇超多，由A 至 X 共24款，一定揀到合心水。扒、意粉、飯、薯菜、沙律、焗飯、漢堡 ，仲有全日早餐添。價錢由$5x 至 $7x 不等，可以加錢追加小食、沙律、薯菜及甜品等。飲品亦可以加錢 upgrade ，總計價錢都認真經濟實惠又超值，抵食過唔少茶記。B餐《美國西冷牛扒配紅酒燒汁》（$55）跟飯，牛扒煎得較乾身脆口，紅酒燒汁好味。我哋加$8追加廚師沙律，有一大片煙鴨胸。G餐 《忌廉菠菜煙三文魚菠菜寬條麵（$55），寬條麵偏軟淋，有菠菜、煙三文魚同蟹籽。味道比較清淡，啱曬的喜歡食原味，鍾意較少鹽朋友仔。飲品選擇亦多，有咖啡、梳打特飲，亦有酒精類飲品。想搵個地方舒適，可以朋友傾下計又可以食野，甚至乎飲番兩杯嘅好選擇。

見食評都大致係好評 喺平日既日子本來想簡單慶祝下 就揾咗近屋企既餐廳但可惜整體食物質素都一般 可能以前既質素係好啲啩餐廳環境其實唔錯 服務都好 可惜食物質素麻麻地 但價錢嚟講就大眾化 如果要求唔高 價錢都係平既

話說呢日走到入去呢個成日講，但又好少會去嘅地方到覓食。行吓行吓就遇見呢間食西餐嘅，見到環境唔錯就入咗去。至於有潔癖嘅我，好注重餐廳嘅環境衛生，咁我都覺得唔錯、有水準㗎啵～·黑松露大啡菇牛肝菌意大利飯🍄黑松露同大啡菇都係我最鍾意嘅配搭，連埋牛肝菌獨特嘅香味，成件事係開心嘅～最重要係意大利飯嘅濕度控制得好好，冇話太乾定濕咁～～仲要有足夠嘅芝士，係好邪惡嘅美味～😈😈·香煎鵝肝配多士伴無花果醬🍯平時一向少食鵝肝，不過見個朋友咁想食就叫咗⋯⋯煎香咗鵝肝真係不得了～啲油香好齒頰留香，停留咗喺我個口好耐。同時塊多士都好梗要，因為佢吸咗好多鵝肝油，完美融入咗塊鵝肝之餘，仲要中和咗油膩感，係幾好幾好！！🤭跟住仲有少少甜甜酸酸嘅無花果醬，係食得開胃同有種清新嘅感覺～～～😆·手撕豬菠蘿薄餅🍍🍕將豬肉手撕成豬肉條，加落甜甜酸酸充滿菠蘿🍍嘅薄餅度，方便食又冇話邊樣搶咗邊樣個味，都算係一款清新、食落唔滯嘅鹹食嚟～～🙊🙊·吉列炸蠔🦪& 廚師沙律🥗作為前菜同小食嘅佢哋，其實一冷一熱係配合得好好！👍🏻先有鴨胸芝士沙律，少少冷盤嘅肉同菜入口，再有炸到熱辣辣，外脆內軟嘅吉列炸蠔，保留咗蠔嘅肉汁鮮味，係正嘅！😍😍·最後我哋叫