WM Café & Bar (海之戀商場)

營業中

休息中

今日同朋友去海之戀Donki買野，之後搵地方醫肚，見到呢間好似幾正。食物質素還好，晚餐做緊優惠，性價比中等。​​今次點左個二人套餐 ＋ 單點扁意粉​​套餐包括：餐湯＋沙律＋餐包＋兩個主菜＋甜品＋飲品​主菜​（1）美國珍寶帶子墨魚汁意大利飯 ​意大利飯幾好味，唔會太多水，感覺又唔肥膩​​（2）美國德州牛仔骨拼柚子海鹽燒雞（半隻） ​牛仔骨好Juicy，口感唔錯，不過燒雞略嫌有少少乾，但有埋柚子幾fresh​​另外點左個芝士蘑菇扁意粉，呈上黎已經聞到好香，味道都唔錯。整體黎講，餐廳既意粉係好味D，推薦大家試下。同埋有戶外用餐區，夜晚黎講都幾有feel，不過店舖位置比較難搵，如果約左朋友聚餐，建議提早少少去。

來到荃灣海之戀.......有間新開的cafe.....有室內和室外....好有風味！餐牌的選擇有很多很多.......選了lunch set試一試......忌廉龍蝦湯....👍🏻👍🏻👍🏻👍🏻👍🏻👍🏻十分醒神的焦糖咖啡.......不錯👍🏻👍🏻👍🏻追加了意式炸雞翼...十分香口！主菜來了......安格斯牛肉芝士漢堡....份量足夠..肉汁多👍🏻👍🏻👍🏻All day breakfast 配牛角酥👍🏻👍🏻好fresh的芒果百香果青檸特飲！再加配藍莓芝士蛋糕👍🏻👍🏻very good

行完donki喺海之戀食埋嘢先返屋企，之前見網上有介紹過，門口又有幾個人等緊位，所以就揀咗呢間。等位等咗十分鐘左右，但見入面有三分一嘅枱都係無人坐，直到我哋食完都係無人坐。我哋無用安心出行選擇填表，佢一頁可以寫好多個名同電話，而且填寫期間無員工會喺側邊，所以有好多時間俾你慢慢睇其他人嘅個人資料，就算影相留念都無人知㗎！講返嘢食先，除咗主菜正常少少，其他嘢都好伏！首先嚟到喺餐湯，個龍蝦湯腥到飲唔到，同埋請問片餐包發生咩事？兩塊包個size明顯差異會唔會太大左少少？細塊嗰塊得益力多樽底嘅size，勁寒酸，我寧願你cut咗佢。再嚟係凍檸茶，兩杯嘢飲share一小杯糖漿，仲要得半杯，我又唔係嗌少甜😞做咩嘢事呀？不過飲落我知道點解，因為杯凍檸茶完全無茶味，佢只係一杯有色冰水，所以落唔落糖漿都無所謂。最後上嘅主菜都有得意嘅地方，薯菜跟嘅茄汁只係夠點三條，都係嗰句啦，咁寒酸，我寧願你cut咗佢。埋單都無令我失望吖，我俾現金，要找錢嘅，但我俾錢嗰吓個侍應已經問我係咪唔駛找。利申:唔係幾蚊，不過就算係幾蚊，我都無試過有餐廳咁厚面皮問我係咪唔使找錢我中咗伏，希望大家睇完個食評之後唔好中伏。真心唔明白點解有

行donki, 順便黎搵食見餐廳空間都好大，而且又有卡位坐晚餐都有幾多選擇下我地叫左一個pizza, 一個意粉， 加左$35 轉set可以揀沙律或者炸蠔沙律水準正常炸蠔炸得好脆，味道唔錯羅宋湯味道偏酸d, 好多配料餐包有少少黑糖味，外脆內軟龍蝦汁大蝦意粉，估唔到都有幾多龍蝦肉碎而且龍蝦汁個味都幾濃下意粉夠掛汁，口感岩岩好估唔到意粉有驚喜pizza 都幾大份，切左有六大塊，係薄批芒果睇落甘黃以為會好酸，點知焗完食落都唔酸薄底都幾脆口～只係雞胸肉有少少鞋見到$38 有cider, 叫左支酒味比起另一牌子比較重，蘋果味淡d整體依間餐廳坐得好舒服，侍應都好快手～食物質素都幾好

成日幫襯嘅下午茶傾偈之選荃灣海之戀三樓「WM Café & Bar 」里度有室內同戶外位揀，里個天氣最鍾意坐戶外食物方面，佢價錢平過茶餐廳😂我由四點零食到七點幾都無催催貢不過坐出面係要有少少耐性等侍應見到你下午茶餐叫左黑松露雜菌pizza - 6吋pizza $38無錯，係$38。味道唔錯係薄脆餅底迷你漢堡（烤雞+手撕豬）配薯條 - $48以價錢衡量真係唔差，當然唔可以同百幾蚊嘅漢堡比較雞膇炒蛋多士 - $42炒蛋好滑，里個次次黎都叫炸魚薯條 - $43 口痕必叫，魚比較細，但魚肉滑嘅坐坐下意猶未盡再叫happy hour兩款小食+兩支啤酒/酒精飲品 唔記得實際幾錢，百零蚊我哋揀咗香辣單骨雞翼同埋炸魷魚加兩支Apple曬打兩款小食都炸得好香，送酒一流配一個日落美景，真係超值搵地方傾偈又唔怕比人趕我一定揀里度

放假當然係周圍逛下今日諗住買電器就去咗荃灣shopping🛍行到攰攰地搵嘢食🍽去咗一間餐廳入去覺得冇環境冇乜嘢嘅，原來內有乾坤，出邊環境背山面海，環境真係好舒服好浪漫喎👩‍❤️‍👨叫咗個兩個午餐🥣安格斯牛肉芝士漢堡🍔配薯條🍟牛肝菌汁牛柳焗意粉🍝老公讚不絕口、嘩😁佢食得好開心🥳連我焗意粉都食左一半添🤣🤣當然例湯梗係飲我最鍾意嘅龍蝦🦞湯、傻佬冇變一定係羅宋湯（但俾佢笑死問又冇再添，例湯梗係冇得添加啦😅😅）環境、食物、服務一流、價錢一啲都唔貴👍🏻👍🏻👍🏻👍🏻下次再嚟過👏👏

性價比極高西餐廳今日你都海之戀，原來商場幾大，餐廳有很多選擇，你到這間西餐廳，發覺室內及室外的位置很多，選擇坐在室外，空氣風景非常好。叫了兩款主食及兩杯特飲。明太子蟹柳意粉🍝🐥🐥🐥🐥🥚非常creamy，味道濃郁，意粉完全吸收了味道，所以簡簡單單配合明太子及蟹柳已經常好吃。香煎豚西冷扒拼北海道檸檬鹽烤雞配意粉🐥🐥🐥🐥🥚豚西冷肉味非常濃厚，有一定厚度，感覺好像鋸扒一樣，雞扒不油膩，保持juicy芝士奶蓋焦糖爆谷拿鐵，款色新穎，可飲可吃總結，有咁寬敞室內外環境，價錢比一般平，性價比極高

今日與友人相約係荃灣睇戲，我地先係荃灣西站樓上海之戀商場食左晏先😊。依間餐廳環境相當優美，睇MENU都幾抵食，我地決定入去試一試😁。餐廳座位分室外同室內，店員好好安排我地坐室內卡位😇。餐廳位置闊落，而且有拱形長窗，夠哂光猛，坐落都好舒服，而且仲有D外國餐廳嘅感覺😄。我地叫左2個午餐SET，跟餐有餐湯同飲品，加少許錢亦可轉特色飲品🤤。龍蝦湯好CREMY，味道唔會太咸，仲左D龍蝦仔，蟹肉，配上餐包一齊食幾好🥰。烤燒紐西蘭肉眼扒配紅酒燒汁意份肉眼扒我地簡左7成熟，燒得剛好，肉眼扒質素不錯，紅酒燒汁更突出個肉味😍。另外，意份調味同份量都適中，值得一讚😙。米蘭黑豚蕃茄焗飯豚肉食落充滿肉汁，好味。焗飯本身有炒過，配上芝士同惹味嘅茄蓉，口感都好好🤗。葡萄柚蜂蜜茶酸酸甜甜，飲到好新鮮嘅柚子味，都幾開胃🤤。芝士奶蓋焦糖爆谷拿鐵賣相美美的，建議爆谷要盡快食，如果唔係淋左就會影響口感😎。拿鐵飲落甜甜的，帶有淡淡焦糖味，層次豐富😉。

荃灣西最近開咗好多嘅西餐廳，行完Donki經過，見到Menu又唔貴就決定試吓佢！-❣️ Lunch set D 西柚巴馬火腿煙三文魚沙律因為唔想食咁飽，就嗌咗呢個輕盈嘅午餐！parma火腿鹹香唔騷，沙律菜好新鮮配上酸酸甜甜嘅醬汁，非常開胃！另外煙三文魚亦都好厚身，油脂豐富！沙律面鋪上咗芝士粉，唔會淡口！-❣️lunch set T all day breakfast 呢個all day breakfast 非常豐富! 上碟嘅時候所有嘢都係熱嘅！（當然除咗啲菜😹）非常值得稱讚！ 特別嘅係煙肉！平時一般嘅煙肉都係薄身而脆口，呢個係厚身有咬口！-❣️另外我地揀左龍蝦湯，龍蝦湯忌廉味重，又有淡淡的龍蝦海鮮香味，仲有原粒蝦😚！-❣️黑牛x葡萄柚蜂蜜茶特飲估唔到西餐廳都有黑牛飲😎朱古力味非常香濃，食咗幾啖雪糕就等雪糕慢慢溶化，令到杯朱古力 creamy😚葡萄柚有少少苦澀，配蜂蜜中和下，開胃又唔heavy😎

WM餐廳環境好，空間感非常足夠，食物質素中上，唯一最大缺點係客服務，如果有心做catering連鎖店，點解唔好好train下侍應質素？最基本有乜野餐湯選擇要諗，問佢轉餐會有啲乜野額外選擇，反問你要乜野，叫極落單成日話轉頭，轉咗至少10次個頭（係我再搵侍應），有男侍應扮傻，女侍應極度無禮貌，究竟想唔想做好盤生意？

海之戀近期有好多新餐廳都陸續開張，之前食過呢間餐廳嘅其他分店，見到呢度Menu好多嘢揀就入去都試吓😊比較特別嘅係呢度有分戶外座位，可以望住海吹住海風咁樣食嘢都幾正㗎🏜🏖北海道檸檬黑豚豬柳太陽蛋漢堡配薯條（ $68 ）漢堡包好巨型，睇吓佢塊黑豚豬柳，係厚切，都見到啲肉汁油脂標出嚟，咬落去就食得出真係日本黑豚肉，豬肉味道好香，先得都好好，燶邊但係中間嘅肉係嫩口的😋😋😋香煎牛柳配紅酒燒汁（ $78 ）牛柳叫咗七成熟，本身諗住佢價錢咁平應該都係普通質素，點知食落都幾有牛味，而且真係煎到啱啱好七成，讚👍🏻

依排鍾意去荃灣海之戀商場，最主要其實都係要行Donki😂但Shopping之前點都要為飽自己先，所以今日就去咗Cafe食lunch我哋見天氣唔熱所以揀咗室外，有微微嘅風吹住真係好舒服，佢哋嘅set lunch都唔貴，亦都有唔少選擇添烤燒紐西蘭肉眼扒配紅酒燒汁 每個set都話有龍蝦湯同埋脆脆麵包，朋友因為唔太鍾意食生，所以叫咗七成熟，睇賣相唔錯喎，牛扒都大大件，雖然七成熟但係肉質都仲好嫩唔會變韌，幾好食W M全天候早餐配牛角酥All day breakfast來講佢都算豐富，最重要係牛角包仲係熱辣辣，脆口非常好食，其他例如煙肉香腸同埋燶邊蛋都做得幾好現在Menu上邊有士多啤梨雪葩，二話不說就order左杯，有氣水再加埋士多啤梨唔會太甜亦都絕對唔會似藥水味，飲落去爽！我哋揀坐室外嘅原因係貪佢可以睇到海景，環境清靜舒服，坐喺度發呆下都真係幾爽😂

/荃灣有一個新開嘅商場海之戀第一次去已經覺得呢個商場好正有好多食肆應有盡有😍所以我哋就揀咗一間好多人排隊嘅WM Cafe呢間餐廳嘅lunch 性價比好高我哋分別叫咗兩個午市套餐第一個係烤燒紐西蘭肉眼扒配紅酒燒汁 ($93)牛肉五成熟 肉質幾粉嫩 牛味都突出配上紅酒燒汁 的確唔錯😋第二個係香煎豚西冷拼北海道鹽烤雞 ($63)呢一個餐可以話試到兩款唔同嘅肉滿足到口腹之慾 豚西冷唔會太油膩而烤雞肉質幾結實同有彈性 推薦🙌🏼以上呢兩個餐都可以揀忌廉龍蝦湯👍🏻我地額外仲追加咗意式炸雞翼($18)同埋自家朱古力心太軟 ($20) 兩款都正常水準如果覺得套餐唔夠飽都可以選擇追加😛加$22仲有特飲添 都好多選擇㗎❗️圖左係黑牛 圖右係薄荷青檸梳打🍹-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

自從日本零售連鎖店進駐海之戀後，整個商場增添了唔少人氣，同時亦新開了唔少商店。趁周末過黎行下，順便食埋個LUNCH！＊－。－。－。－。－。－。－。－。－。－＊所有LUNCH COMBO均配餐湯🔸忌廉龍蝦湯🦞味道香濃，湯面淋上淡忌廉，仲有一舊龍蝦肉！＊－。－。－。－。－。－。－。－。－。－＊🔸WM全天候早餐配牛角酥 🥐 $103話明全天候一定要好豐富！上菜時見到咁大盤有啲嚇親🤣有太陽孖蛋、烤蕃茄、烤肉腸、煙肉、烤大啡菇、茄汁豆、沙律菜、牛角酥。想食豪少少，可以 +10轉黑松露炒蛋/ +$16加煙三文魚。煎燶邊太陽蛋有驚喜，蛋邊帶微脆，唔係到到地方都整得好食。烤肉腸/烤大啡菇夠JUICY，唔會乾，沾蛋汁食一流。牛角酥超巨型，絕對唔係一般MINI SIZE。＊－。－。－。－。－。－。－。－。－。－＊🔸烤燒紐西蘭肉眼扒配紅酒燒汁🥩 $93好大兩片肉眼扒，肉質鬆軟，無太多脂肪。搭配適量紅酒燒汁，味道夾。跟飯/意粉/薯菜，份量十足。＊－。－。－。－。－。－。－。－。－。－＊DRINK MENU包羅萬有，除左一般咖啡、茶。☕️可加錢轉特色

好耐無黎海之戀 約咗朋友 唸住搵間坐得舒服嘅西餐 發現原來又開咗唔少新餐廳而呢間個位置唔算易搵 但比較偏僻小小 不過都好 少啲有排隊嘅可能性叫咗個set dinner 加個大蝦扁意粉 🥰🥰二人套餐就叫咗個海鹽燒雞同德州牛仔骨 不過燒雞肉質偏鞋口 牛仔骨亦比較重口味 但跟set的意大利飯超好食 😍texture 係我中意嘅類型整體價錢算大眾化 選擇都多等侯時間都唔算耐 值得同男朋友/BFF黎 因為有outdoor view 但因為有人食煙所以就下次先 overall 回頭率偏高