每次嚟TMK 都覺得個氛圍好正，餐廳裝修、牆身畫都好有特色，亦都係點解咁多外國人中意嚟Chill，最鍾意餐廳有花心思位係細節度，例如有啲舊式唱片磁帶、音響同噴畫，真心夠 relaxed TMK Brunch Set 都算豐富，有得揀齊Starters, Signature Dishes, Temakis Rolls, Desserts and Drinks，兩個人食真係好full Starters 係Sharing Plates，有 Karaage 日式炸雞塊, Cabbage Salad 高麗菜沙律 & Salmon Tataki 三文魚他他。Brunch 嚟講個前菜都好足料，完全冇揸流攤！份量啱啱好，基本上比我哋清晒 Signatures 揀咗TMK 嘅招牌菜「Crispy Tofu 酥脆豆腐」 ，口感好特別，豆腐天婦羅外層酥脆，加埋牛油果同蕃茄仔，微辣醬好惹味、相對濃郁，搭住啲蔬果就帶返少少清新感 手卷就必點系列，叫Staff推薦一兩款比我哋，兩個人揀咗4款手卷：（1）Hamachi Tomato 油甘魚番茄手卷、（2）Avocado & Quinoa 牛油果和藜麥手卷、（3）Wagyu Beef和牛牛肉手卷、（4） 每日限定手卷（天婦羅🍤） 每個手卷都帶有少少微辣醬，新鮮油甘魚搭配紅洋蔥，口感清新口感，唔會太油膩；牛油果手卷就更加出色，有少少柚子醬，多咗份層次感；加埋啖啖肉和牛牛肉同天婦羅，真係好滿足，試晒咁多款 刺身拼盤都好正😋 三文魚、油甘魚同扇貝，每一塊刺身都係厚切，食完手卷食呢個，滿足感Max！ 最後當然要試埋甜品，爆谷雪糕同炸香蕉雪糕，好match嘅配搭。個人比較鍾意炸香蕉，有少少外脆內軟嘅口感 我哋叫咗比較清爽嘅Iced Tea，當日都有唔少食客會叫返杯 House Wine / Beer，加埋輕快嘅音樂，無論係自己一個嚟、定係成班朋友嚟都感覺好正🤣 👍🏻

朋友俾咗兩間餐廳我揀，一間西餐廳、一間秘魯菜，以前都未試過秘魯菜，好似幾有新鮮感，膽粗粗決定試吓秘魯菜😆 第一次試秘魯菜，本身都怕食唔慣，但好彩日式Fusion都幾特別！每一道菜都有獨特嘅香料同炮製方法，餐廳裝修環境偏典雅，但氣氛相對輕鬆，當日有唔少人係慶祝生日🎂 揀左Starter — Tuna Tartare，配搭係幾新鮮，可能響秘魯常見，不過香港比較少食到。有新鮮西瓜片搭配吞拿魚，配少少微甜醬汁，係一個比較開胃嘅前菜 👍🏻 招牌H&M Hamachi and Maguro都必定要試，刺身薄切，鮮嫩新鮮，有種入口即溶嘅感覺 La Causa係有少少帶辣嘅菜式，炸天婦羅再混合以紅菜頭為主嘅沙律，staff 建議我地可以先攪拌均勻再食，醬汁有少少Creamy但有沙律又中和返，最重要係份量啱啱好 Eryngii Maki 相對日式，所以第一次試秘魯菜係完全唔洗擔心食唔慣🤣🤣🤣 卷物牛油果和菇為主，最主要係個秘製醬汁提升到個口感 Ceviche Aromatico 係比較鍾意嘅菜式，酸中帶甜，食材好豐富，有鵪鶉蛋、番茄、菜和火箭菜，再配上南瓜🎃 Cod Package 絕對係功夫十足嘅菜式，最主要係個火侯控制要得宜。荷葉製法鎖住鱈魚嘅鮮味，肉質鮮嫩，有入口即化嘅感覺。搭配微辣醬更加增添到個層次 Picanha 烤牛肉串 同 Yaki Nasu 釀茄子都值得一試，秘魯菜特別在於醬汁，即使係差唔多嘅食材，都有唔同嘅演繹方法 甜品係蛋糕配雪糕，畫上完美句號。全晚叫左兩杯野飲 — Blue Mary & Always Summer，都係屬於比較清新、果味重嘅選擇👍🏻👍🏻 如果你從來冇試過秘魯菜，不妨試下由Fusion菜式入手，品嚐下唔同嘅菜式同文化 😃😃

餐廳有分單點同限時放題，我哋揀左單點。原本諗住重質不重量，結果重質又多量，叫到一枱都係😂 湯底揀咗金湯花膠雞鍋，呢道菜比較濃郁，加入咗花膠同埋嫩滑嘅雞肉，仲有鮑魚。湯頭滋補豐富，幾足料 安格斯手切牛肉絕對係必點之一。份量好十足，牛肉質地鮮嫩 為左想試下唔同丸，所以叫左個手工丸拼盤。呢個拼盤包好多6款唔同口感嘅手工丸，夠晒豐富 另外亦叫左份西班牙黑毛豬，豚肉味道不過不失，最主要都係個湯底提升左肉嘅鮮味 最後，雜菜拼盤係比較合適嘅蔬菜選擇，令火鍋增添咗豐富嘅色彩同埋口感，亦令整餐體驗更加完美 同場仲叫左其他火鍋配料，包括水魷、蟹棒響鈴、魚皮等等，三個人份量嚟講真係叫到超額，食得好滿足 菜式多樣豐富，滋補又美味。見佢哋放題價錢好似比較抵，不過未試過，下次可以試下

同屋企人食飯揀咗莆田，最主要想食佢哋嘅黃花魚同啲小菜，三個人揀咗5道菜式，包括1）農家海蠣湯、2）福建特色海蠣煎 、3）鹽焗黃花魚、4）興化炒米粉 同5）鮮貝燴絲瓜，味道唔會太油膩，好啱我哋口味 我哋揀咗兩種食法嘅蠔仔。第一種係農家海蠣湯，絕對係開胃首選，湯入面嘅蠔仔鮮嫩多汁，湯汁濃郁，有淡淡海鮮味，而且份量十足 第二種係蠔仔煎。呢個都係佢哋其中一種招牌菜。新鮮蠔仔煎味道不過不失，惟一係略嫌蔥有點多 另外揀左最新推出嘅菜式 — 鹽焗黃花魚，呢個真係賣相幾特別，係鹽焗而成。入口好順滑，感覺似蒸嘅魚肉一樣咁鮮嫩，又冇咩骨。份量唔算多，但口感的確好味，值得推介 興化炒米粉就相對平凡，唔算好惹味，而且材料同米粉好似分開炒一樣，唔算好融合 鮮貝燴絲瓜口感幾好，絲瓜爽脆，鮮嫩多汁，又有瑤柱嘅鮮甜，燴煮得恰到好處，呢道係比較清甜嘅選擇 總括而言，莆田都係值得一試嘅，當晚嘅服務員態度都好友善。食材算新鮮，如果係中意食中菜嘅朋友，都不失為一個幾合適嘅選擇

睇到餐廳的相片覺得好吸引，除咗可以看到維港景色，仲有Live Music 現場音樂表演，本來以為好貴，但原來餐廳特別推出咗Tasting Menu，千幾蚊就可以試到7道精緻菜式，所以特別預訂慶祝朋友生日

去到餐廳真係好驚喜，一入門口就聽到音樂表演，餐廳裝修好用心，走文藝復古路線，非常典雅，還有仿火爐裝飾，真係好有儀式感😍


每道菜中間都有一個Break，真係超鍾意佢哋嘅音樂表演，主要係英文歌，但中間都唱左首甜蜜蜜，仲可以即時點歌，真係一大享受！

最最最令驚喜嘅係，如果慶祝生日或紀念日，主唱會到每一桌唱慶祝歌，氣氛非常好😆😆

整體嚟講，餐廳服務一流，試每道菜式前都會簡單介紹一下，仲可以度身特調雞尾酒🍹如果有特別節日要慶祝，絕對要試一下，紅酒配美景，再加佳餚音樂，是一個難忘的回憶😆

野食都好精緻，真係Fine Dinning 水準

第1️⃣道 — 頭盤「炙燒日式鯖魚」，配搭柑橘果凍及烤鳳梨，在鳳梨的襯托下，非常清新開胃


第2️⃣道 — 頭盤 「法式雜錦珍珠甜湯」，醃製櫻桃蕃茄帶來清新口感，迷迭香蘋果醋提升了湯的風味，有陣喚醒味蕾的感覺


第3️⃣道 — 頭盤 「法式日本夢見鳥雞卷配紅菜頭沙律」，是低溫慢煮的菜式，有鵝肝、煎野菌等，餐廳特別用紅菜頭泥和沙律作為伴碟，增添了色彩和口感的層次


第4️⃣道 — 「西班牙紅蝦配蝦籽麵」，是原隻西班牙紅蝦配70年本地老字號蝦子麵，非常特別，而且這個份量也挺多


第5️⃣道 — 「慢煮黑鱈魚」，魚肉慢煮至嫩滑，搭配牛奶、歐芹、百里香和大蒜的香味，以及牛油醬汁，有濃郁口感


第6️⃣道 — 「炭燒A5級日本宮崎和牛肉眼頂蓋」，點了5成熟，很嫩滑，搭配日式燒汁，配紅酒一流


第7️⃣道 — 「檸檬慕斯蛋糕」，賣相很吸引，蛋白酥皮和蜜餞橙的配搭很平衡，非常清新的口感，真的是完美作結！


完全感受到餐廳精心製作，用餐環境、食物賣相及口感、服務，仲有整體用餐體驗都做得很到位，呢個價錢來說，絕對超值👍🏻👍🏻👍🏻

上次去荃灣廣場已經留意到呢間餐廳，感覺都幾抵食，仲要係列車燒肉放題，成件事幾特別，見到都覺得好可愛 有A—F套餐，我哋揀咗中規中矩C套餐，裡面有黑毛和牛同精選海鮮豚牛雞。特選菜式包括黑毛和牛牛肋肉同和牛里脊肉，仲有特選牛、嚴選牛、日本豚肉同雞肉等。海鮮同一品料理都好出色，而且仲有新鮮嘅野菜，燒起上嚟都幾惹味 Tips ：如果想燒肉燒得靚仔啲，可以靠兩邊燒，受熱速度就冇咁快，唔洗怕燶，入口相對嫩滑 餐廳點餐係用二維碼QR code，有唔同category可以選擇，款式都算多，全部任點，上菜速度算快👍🏻 特別提一提佢嘅自助醬料吧，有好多選擇，例如柚子醬汁、和風沙律醬、芝麻沙律醬、柚子醋、壽司豉油同檸檬鹽汁，可以隨心搭配唔同嘅風味 之後我哋仲自製左一個紫菜牛郎丼，以白飯做基礎，可以加紫菜、特製和牛肉燥同蔥花，配埋燒肉一齊食一流 餐廳環境寬敞舒適，服務態度好友善。而家聖誕節，店內都佈置得好溫馨，果日去店內都幾多人，氣氛唔錯👍🏻 最後，唔可以唔提佢哋嘅任飲+任食甜品，算 係比較高質，可以任飲汽水、涼茶茶飲同咖啡，甜品仲有雪糕杯同雪條，食完燒肉解膩一流😆 總括嚟講，燒肉放題選擇比較多元化，價錢合理，唔止有豐富嘅肉類選擇，仲有其他獨家嘅一品料理可以揀。如果你鍾意燒肉，又想任食唔嬲，值得一試

已經第二次到訪，雖然提早Book位，但都係坐唔到塌塌米位置🥹 今日慶祝朋友生日，揀咗響美麗華入面呢間算好味嘅西日輕食，唔單止嘢食好味，最鍾意都係佢個環境好舒服，特別係我哋因為慶祝生日，朋友都好鍾意 最吸引都係唔少得嘅招牌菜 - 月見雞肉棒串。嫩滑雞肉串搭配蛋黃醬，唔會好肥膩，賣相好好，最啱打卡，因應人數，啱啱好夠分 蟹肉海膽奶油貓耳麵都係好有驚喜嘅菜式，結合咗蟹肉、海膽同奶油嘅濃郁風味，唔會太多汁，又唔會太乾，份量就適中 另外都叫左個燉飯 — 壽喜燒牛肉蛋汁燉飯，雖然賣相唔算好吸引，但估唔到食落又幾夾，會有滿足感 呢間都出咗名要排隊，所以一定要提早訂座，尖沙咀嚟講，性價比都幾好，絕對值得食一次，可以享受輕鬆愉快嘅時光！ 總括嚟講，MUTA 結合咗西日輕食嘅精髓，如果可以有更多款式揀就好，可以試唔同出品😆

去銅鑼灣成日貪方便揀商場或者大廈搵嘢食，好少入內街，但而家好多都早收舖，所以特登行入內街睇吓有冇咩好嘢食，結果比我哋搵到呢間感覺幾舒服嘅餐廳 開頭以為呢間餐廳係西餐，但坐低先發現原來係西日Fusion，菜式仲要幾特別！晚市套餐都幾抵食，但我哋唔算肚餓，所以就咁散叫 藜麥雜果沙律🥗 豐富口感又有營養，其實最重點係個sauce 同啲沙律嘅配搭，成件事超級fresh🤣🤣 可惜朋友唔食牛油果，中意食嘅朋友可以加配牛油果 🥑 另外叫左招牌菜明太子三文魚米紙飯卷，賣相拍得住日本餐廳，脆脆地嘅外層，搭配三文魚同明太子醬，真係好有日式風味 餐廳有幾款特色意大利麵，最後揀咗明太子紅蝦櫻花蝦意大利麵，呢個認真心心眼，麵條彈牙，蝦嘅鮮味同明太子結合真係最理想嘅配搭！下次想試埋另一款壽喜燒汁日式叉燒👍🏻👍🏻 除咗野食，當然點埋Signature Drink — Dirty Cat Tiramisu Latte，個名改得好，食起嚟會有少少Dirty，但值得一試🤣 入口濃郁順滑，Tiramisu同咖啡都好夾。 Lychee Black就相對比較清新，唔會太甜，可以解油膩，鍾意苦澀可以揀返咖啡或酒😆 最鍾意餐廳員工態度親切，會主動提供協助，佢哋仲話可以包場同度身訂造餐單，只需要提供要求就可以😍😍 總括嚟講，幾鍾意呢間結合了西日Fusion嘅烹飪風格，亦特別鍾意佢哋啲舖頭captions — 「咖啡苦，不及上班苦」，感覺就係一個好令人relax嘅餐廳，幾適合朋友聚會👍🏻

同朋友打完波，想響附近食日本野，睇門面呢間都幾吸引，裝修充滿日本風，掛住唔少日式燈籠，座位寬敞，坐得舒適 小店嚟講，餐牌都算吸引，有魚生、丼飯、拉麵、烏冬同燒物選擇。難得入上水，梗係試吓佢哋嘅魚生同至愛嘅拉麵。自己叫左個三文魚盛，三文魚刺身厚切，三文魚籽壽司脆卜卜，和風三文魚壽司有配秘製醬汁，酸酸甜甜的，夏天食就比較開胃。份量都幾足料，仲要做緊85折，都幾抵食！ 另外叫左個和風豬軟骨拉麵，個湯底係比較濃郁。幼麵加埋煮到軟綿綿的豬軟骨，連埋香蔥同木耳一齊食，口感幾豐富。最緊要係食完唔會有太油膩嘅感覺。特別值得一讚既係粒溏心蛋，蛋黃接近流出，入口時有香濃蛋黃味 
如果大家想開胃D，都推薦大家揀山葵八爪魚，有八爪魚嘅鮮味，爽口彈牙，係幾好嘅小食選擇 特飲同其他飲品價錢都差唔多，都幾抵飲。叫左兩杯特飲，柚子蜂蜜梳打同和荔枝梳打。兩杯都唔會太甜，啱晒解渴，柚子相對清爽、蜂蜜清甜 下次再嚟，應該會試下佢嘅招牌丼飯，感覺幾吸引

返工本身響海港城，聽同事介紹左呢間新開嘅花圖比我知。佢話間餐廳好靚又有神秘感，所以決定去試試 一嚟到門口，果然feel到個設計勁有心思，要推暗門先入到去。入去有個staff帶住，開始明白點解同事話冇神秘感，因為入面成個迷宮咁，唔怪得叫「花圖」 呢間餐廳真係好講求儀式感，除咗裝修靚，食物賣相都好有心思。 前菜三小碟：桂花荔枝汁漬荷蘭茄、黑松露帶子餃、陳皮香草醬焗伊比亞豚肉 湯品：響螺花膠燉水中花，呢個湯真係不得了，湯底以響螺花膠作為主要材料，花膠滑嫩口感同響螺的鮮甜味道相得益彰，感覺十分足料 主菜有胡椒蟹皇焗海蝦、珍菌紫玉和龍蝦膏海膽炒飯 海蝦肉質鮮嫩，搭配濃郁蟹黃醬汁，帶有胡椒香氣，啖啖肉、口感好正！ 仲有試咗龍蝦膏海膽炒飯，炒飯粒粒鮮明，唔會痴埋一堆，海膽好新鮮，所以食起嚟會好香口。因為食咗太多嘢，呢個份量啱啱好，唔會好難消化👍🏻 最後配埋個甜品：芝麻糊椰汁忌廉桔仔酥，味道還好，唔會太甜，可以解油膩感 總括嚟講，的確係幾有驚喜，可以一試！