影片
更多
2021-03-10
102 瀏覽
行完donki喺海之戀食埋嘢先返屋企，之前見網上有介紹過，門口又有幾個人等緊位，所以就揀咗呢間。等位等咗十分鐘左右，但見入面有三分一嘅枱都係無人坐，直到我哋食完都係無人坐。我哋無用安心出行選擇填表，佢一頁可以寫好多個名同電話，而且填寫期間無員工會喺側邊，所以有好多時間俾你慢慢睇其他人嘅個人資料，就算影相留念都無人知㗎！講返嘢食先，除咗主菜正常少少，其他嘢都好伏！首先嚟到喺餐湯，個龍蝦湯腥到飲唔到，同埋請問片餐包發生咩事？兩塊包個size明顯差異會唔會太大左少少？細塊嗰塊得益力多樽底嘅size，勁寒酸，我寧願你cut咗佢。再嚟係凍檸茶，兩杯嘢飲share一小杯糖漿，仲要得半杯，我又唔係嗌少甜😞做咩嘢事呀？不過飲落我知道點解，因為杯凍檸茶完全無茶味，佢只係一杯有色冰水，所以落唔落糖漿都無所謂。最後上嘅主菜都有得意嘅地方，薯菜跟嘅茄汁只係夠點三條，都係嗰句啦，咁寒酸，我寧願你cut咗佢。埋單都無令我失望吖，我俾現金，要找錢嘅，但我俾錢嗰吓個侍應已經問我係咪唔駛找。利申:唔係幾蚊，不過就算係幾蚊，我都無試過有餐廳咁厚面皮問我係咪唔使找錢我中咗伏，希望大家睇完個食評之後唔好中伏。真心唔明白點解有
之前見網上有介紹過，
門口又有幾個人等緊位，
所以就揀咗呢間。
等位等咗十分鐘左右，
但見入面有三分一嘅枱都係無人坐，
直到我哋食完都係無人坐。
我哋無用安心出行選擇填表，
佢一頁可以寫好多個名同電話，
而且填寫期間無員工會喺側邊，
所以有好多時間俾你慢慢睇其他人嘅個人資料，
就算影相留念都無人知㗎！
講返嘢食先，
除咗主菜正常少少，
其他嘢都好伏！
首先嚟到喺餐湯，
個龍蝦湯腥到飲唔到，
同埋請問片餐包發生咩事？
兩塊包個size明顯差異會唔會太大左少少？
細塊嗰塊得益力多樽底嘅size，
勁寒酸，
我寧願你cut咗佢。
再嚟係凍檸茶，
兩杯嘢飲share一小杯糖漿，
仲要得半杯，
我又唔係嗌少甜😞
做咩嘢事呀？
不過飲落我知道點解，
因為杯凍檸茶完全無茶味，
佢只係一杯有色冰水，
所以落唔落糖漿都無所謂。
最後上嘅主菜都有得意嘅地方，
薯菜跟嘅茄汁只係夠點三條，
都係嗰句啦，
咁寒酸，
我寧願你cut咗佢。
埋單都無令我失望吖，
我俾現金，
要找錢嘅，
但我俾錢嗰吓個侍應已經問我係咪唔駛找。
利申:唔係幾蚊，不過就算係幾蚊，我都無試過有餐廳咁厚面皮問我係咪唔使找錢
我中咗伏，
希望大家睇完個食評之後唔好中伏。
真心唔明白點解有咁多好評。
張貼
