WM Café & Bar (海之戀商場)

營業中

休息中

荃灣西最近開咗好多嘅西餐廳，行完Donki經過，見到Menu又唔貴就決定試吓佢！-❣️ Lunch set D 西柚巴馬火腿煙三文魚沙律因為唔想食咁飽，就嗌咗呢個輕盈嘅午餐！parma火腿鹹香唔騷，沙律菜好新鮮配上酸酸甜甜嘅醬汁，非常開胃！另外煙三文魚亦都好厚身，油脂豐富！沙律面鋪上咗芝士粉，唔會淡口！-❣️lunch set T all day breakfast 呢個all day breakfast 非常豐富! 上碟嘅時候所有嘢都係熱嘅！（當然除咗啲菜😹）非常值得稱讚！ 特別嘅係煙肉！平時一般嘅煙肉都係薄身而脆口，呢個係厚身有咬口！-❣️另外我地揀左龍蝦湯，龍蝦湯忌廉味重，又有淡淡的龍蝦海鮮香味，仲有原粒蝦😚！-❣️黑牛x葡萄柚蜂蜜茶特飲估唔到西餐廳都有黑牛飲😎朱古力味非常香濃，食咗幾啖雪糕就等雪糕慢慢溶化，令到杯朱古力 creamy😚葡萄柚有少少苦澀，配蜂蜜中和下，開胃又唔heavy😎