WM Café & Bar (海之戀商場)

營業中

休息中

我哋偶然一次來過這間餐廳食午餐，天氣不算太焗所以選擇坐室外，因為環境好舒服所以我哋由黃昏坐到夜晚，而且五點前可以選擇午餐，午餐選擇都還可以跟住我哋就開咗幾支酒慢慢飲，再叫啲小食，第二次嚟就帶個小朋友一齊嚟食有兒童餐都幾得意，第三次就嚟食晚餐可惜晚餐套餐就冇乜選擇，只有二人套餐我哋再加啲小食又開咗啲酒，因為冇啲單人套餐所以第三餐價錢都偏貴～不過佢冇限時而且服務都唔錯所以喜歡飲酒嘅人可以嚟呢度坐吓！

行咗一日 想搵間舒服啲嘅餐廳食飯WM位置方便 而且坐得好舒服紅磚牆設計👍🏽靚坐得好舒服👍🏽先叫兩杯野飲❤️芒果百香果青檸特飲$36❤️宇宙洛神$32見到已經覺得好靚😀飲落好飲解渴味道唔會好假 唔會太甜👍🏽❤️香草龍蝦汁大蝦扁意粉$108龍蝦汁好香濃，好香，扁意粉煮得岩岩好，係我鍾意嘅口感👍🏽加埋啲菇同蟹籽好味😋❤️意大利辣肉腸水牛芝士薄餅$96呢個pizza好香 係薄脆嘅口感水牛芝士好香，夠晒多😚埋單加一$299滿足☺️☺️☺️

餐廳位於商場一角，要特別找才找到。這裡曾經有供應兩位用層架式下午茶，但今年已沒有下午茶提供了，只有由中午11:30至17:00的午餐。今日下午茶時段走去吃個午餐吧。這時段餐廳人少，自己獨佔一張大長檯的卡座。選了明太子蟹柳海膽意粉，餐跟湯及飲品。忌廉龍蝦湯，湯味濃郁，濃稠合度，龍蝦味道十分突出，熱度足。以前湯會跟片小多士，但現在沒有了。明太子蟹柳海膽意粉，三大條長蟹柳現於眼前，還有細細粒粉嫩色彩的明太子混入意粉上，整碟意粉色彩很柔和。忌廉汁滑滑，伴有一些小菌菇及蕃茜，意粉彈牙爽口，口感很好。不過海膽我就吃不到，可能是海膽醬混和在忌廉汁內。加錢轉特飲，要了一杯青檸幻影蝶豆花茶。一大片藍色由深至淺在杯內浮浮沉沉，確有幻影的意境。杯口放有青檸及薄荷葉，藍調中帶上一點點綠，啜上一口，甜甜中有微酸，在夏天飲夠凍又消暑，份量也充足，喝完也飽肚。平日午市套餐不收加一，不過我轉特飲那杯花茶要收加一的。

想有得坐下outdoor,又可以飲翻杯chill下，路過海之戀，就黎揾下有冇啱食🤭,門口見到佢啲lunch set好抵食下，今餐已經有餐湯同嘢飲，仲要另外有生啤飲，二話不說就揀咗坐響出邊高枱。可惜今日落雨，要選擇喺橋底楚，如果唔係坐響最出邊望住過海應該好靚坐低叫咗兩個lunch set，一個拿破崙三色腸意粉，同埋一個墨魚仔墨汁意粉，再加左$18三隻生炸雞翼 x 2🤣，當然要飲番杯生啤啦，叫咗杯$68 Stella Artois。兩款意粉都相當掛汁，味道唔錯，如果以呢個價錢黎講，性價比相當高呢！至於雞翼就炸得好透，但又未至於冇肉汁，都幾好，唯一不足就係唔夠味。整體餐廳品質不錯。

雨中搵食 昨日中午傍陀大雨， 去了荃灣海之戀商場 ，找了一間WM Cafe & Bar食午餐 ，這間餐廳環境舒適 ， 座位尚算寬敞。我們三人行點了三個 lunch set ，一個烤燒紐西蘭肉眼扒配紅酒燒汁配飯，一個卡邦尼意粉及一個香煎豬柳拼檸檬海鹽雞配薯菜; 兩份忌廉龍蝦餐湯及一份羅宋餐湯 ，餐飲分別是芒果百香果青檸特飲， 青檸幻影蝶豆花茶及 熱忌廉朱古力 烤燒紐西蘭肉眼扒配紅酒燒汁飯 肉眼扒鮮嫩多汁不韌， 有肉味，配上紅酒燒汁， 非常惹味， 我老公一口氣吃了成碟飯卡邦尼意粉 意粉非常煙韌 ，有口感， 配上煙肉和濃稠的芝士醬汁 ，非常好味 ， 這個算是我食過其中之一最好味的卡邦尼意粉香煎豬柳拼檸檬海鹽雞配薯菜海鹽雞軟稔帶有微微的檸檬香味， 非常可口芒果百香果青檸特飲， 帶有濃香的百香果味 ， 很清新青檸幻影蝶豆花茶， 飲品酸酸味味及帶有幻彩顏色 ，很醒神

由同事變成好朋友係一件開心幸福既事🥰，記得以前係荃灣返工，成日放工都會一齊行荃灣，發掘每一樣新鮮事物。而家一得閒就會約下見下👏🏻今日就約左去行荃灣海之戀商場，一齊行左個圈之後就係Dinner時間啦，見到有間W.M Cafe & Bar好似幾特別就試下啦～意大利風乾火腿火箭菜薄餅🍕 - 綠色既火箭菜為🍕添加了色彩，單食火箭菜苦苦地，連埋Parma ham一齊食Cover左火箭菜d苦味，而🍕薄又脆，好似食餅乾🍪🤩🤩巴馬臣芝士🧀香煎珍寶帶子卡邦尼扁意粉🍝 - 大大粒既帶子，香脆鮮嫩，意粉唔軟唔硬，意粉汁香滑濃郁不膩😋芒果🥭百香果青擰特飲 🍹- 比較突顯出百香果味，酸酸甜甜，好夏天feel呀宇宙落神 - 特別既杯形似月牙彎彎，配上波波冰，漸進式的紫，睇得又飲得， Very Good啦😇朋友仲發現餐廳除左室內仲有露天，好啦，影返張相浪漫下🤭

又到咗月尾🛒掃日用品嘅日子啦🥳。今次我地嘅目標🛍係荃灣Donki。掃貨前梗係要醫飽個肚先啦😉。餐廳可以揀🕯室外露天或者🧱室內食，室外都好好情調嫁👩‍❤️‍💋‍👨。可惜今日天氣🌧唔太穩定，我地都係坐返室內啦😌。🍝 芝士香煎珍寶帶子卡邦尼扁意粉帶子肉厚🦪，外層煎到香脆🤩。卡邦尼意粉🧀芝士味濃，夠哂Creamy🤤。扁意粉份量足夠我地2個女仔食👭🏽。🍕 意大利風乾火腿火箭菜薄餅脆卜卜嘅薄Pizza 😈。每塊Pizza上面🫠都平均擺放住火箭菜。美味又健康！💃微苦嘅火箭菜 + 鹹鹹地嘅Parma Ham + 酸酸嘅茄汁，幾種味道加埋一齊又幾夾😎。💜 宇宙洛神由飲品到大大粒波波冰🧊都係我至愛嘅紫色💟。洛神花+有氣梳打水，好特別！😙🍹 芒果百香果青檸特飲係杯有氣梳打😋，酸酸地嘅百香果為主😍，再有芒果、薄荷葉、青檸調味。🤓味道唔會過酸或者過甜。🤤另外，餐廳🍴仲可以選擇任飲啤酒🍻。都只係每位$120。🤭不過聽朝要一早起身返工。下次放假前夕🤗一定要同朋友再嚟坐室外飲啤酒chill chill佢🥳。

裝修簡單有格調，坐得舒服又唔貴既平民西餐廳～❤️WM啖啖肉Pizza 新鮮焗起既Pepperoni + 肉丸+芝士+蕃茄醬既pizza 批底又薄又脆，真係啖啖肉!!🧡巴馬臣芝士香煎珍寶帶子卡邦尼扁意粉 煎香大大粒珍寶帶子，鮮嫩帶點咬口，醬汁好cremay灑上芝士粉令芝士味更香，意粉軟硬度岩岩好💛前菜 廚師沙律個醬汁酸酸甜甜好開胃，係新鮮水果蔬菜沙津，或者可以揀小食吉列炸蠔 外層炸到好香脆💚餐湯 忌廉龍蝦湯質地濃稠好香濃，蕃茄羅宋湯 微微酸，配甜餐包出奇咁match

同女兒去荃灣海之戀商場shopping,買完嘢係時候搵嘢食，女兒知道3樓有間WM Cafe & Bar ，環境同食物都唔錯，提議去食晚餐！餐廳分室內和室外用餐，裝修以歐陸風情為主，座位闊落舒適！墨西哥手撕豬肉薄餅： 餅底係薄批 ，新鮮烤好的薄餅邊好脆 ，材料有手撕豬肉、芝士、菠蘿、青椒等，配上特製醬汁，真係好惹味！巴馬臣芝士香煎珍寶帶子卡邦尼扁意粉，刺身級帶子蠻厚身 ，煎得剛好食落香口有厚度感更有質感，扁意粉軟硬適中，醬汁有濃郁芝士忌廉香，食落好creamy ！青檸幻影蝶豆花茶：蝶豆花既顏色好靚又有營養價值, 加入青檸更係消暑解熱既最佳飲品！芒果百香果青檸特飲： 百香果氣味清香，配上青檸及芒果，味道酸酸甜甜好解渴！

某日去左海之戀商場行街,呢個商場都幾好行,去左3樓見到一間叫WM CAFE,呢間餐廳有戶外同室內環境坐,戶外環境好CHILL同好靚可以望到海景同樓景,而且座位闊落舒適,好多梳化位置,我叫左一個墨西哥手撕豬肉PIZZA,PIZZA用左餅乾底脆皮口感好似食緊餅乾咁脆口,手撕豬肉組成既PIZZA咬落口啖啖肉,仲有菠蘿同青椒絲,個墨魚汁秋葵八爪魚扁意粉,好濃厚既墨魚汁味,入面仲有好多八爪魚粒,意粉都幾大碟,WM西柚巴馬火腿煙三文魚沙律,煙三文魚加埋芝士,巴馬臣火腿撈埋一齊食沙律份量都幾多。職員好NICE。呢個地方真係好岩傾計,下次如果再去,一定會坐戶外位置CHILL下RELAX下。

前幾日同朋友去荃灣西行街，去咗呢間西餐廳食嘢，有戶外區亦都有室內，啱晒唔同需要嘅朋友。🍴啖啖肉薄餅 $92呢個Pizza焗得幾好，個皮邊幾脆，中間有啲吞拿魚蓉，仲有肉丸，平時都好少食肉丸Pizza，估唔到都唔差。🍴芝士香煎珍寶帶子卡邦尼扁意粉 $98帶子真係好大粒，呢個卡邦尼唔會非常之膩，個醬汁比起一般稀少少，扁意粉好掛汁，芝士嘅味可以再出啲。🍹宇宙洛神 $32賣相幾特別，有一個圓形嘅紫色冰，味道酸酸甜甜。🍹芒果白香果青檸特飲 $36青檸梳打加百香果好清爽，芒果味可以更多。

生日晚飯諗住普普通通食個晚飯星期日晚人唔多，有户外位坐，但我哋驚有蚊，所以揀咗坐室內職員好熱情，見我哋自拍，自動過嚟幫我哋影相見我哋好拘束，就講笑話引我哋笑瞬間一餐簡單嘅生日飯充滿笑聲現今好食嘅餐廳好多 有禮貌嘅職員都有但好似哩間餐廳嘅員工咁用心對客人 我永遠都會記住特別有個男職員 真係好funny 好識搞氣氛咁嘅價錢喺海之戀真係好抵食二人餐加一個意粉，三杯特飲，預訂蛋糕才$12xx我一定會再幫襯👍👍👍👍

📍 WM Café & Bar 呢間西餐廳位於海之戀商場入邊 地理位置好方便早幾日經過就外賣返屋企食😆迷你墨西哥餅 $89一盒有四塊～ 仲附送兩盒醬汁😆墨西哥餅入面有啲肉粒 食落去鹹鹹地 點醬一齊食更加好味😋香草龍蝦汁大蝦扁意粉 $109意粉都幾重手🤣 一個人絕對夠食👍🏻意粉食落去濕潤 仲有唔少海鮮配料 口感都唔錯芝士香煎珍寶帶子卡邦尼扁意粉 $99呢個款芝士控可以試😋 食落去卡邦尼味香濃仲有一件大大件帶子🥰 意粉入面都有唔少煙肉 正🤓

嚟到荃灣海之戀商場，有間環境幾舒服嘅西餐廳，可以選擇坐室內或室外，食物選擇都算多。🤓🤓「墨西哥手撕豬肉薄餅」$98+$35轉套餐🍽：手撕豬肉薄餅對我嚟講幾新鮮，因為比較少喺其他餐廳見到。😆薄餅係屬於薄脆餅底，唔會太飽同太滯。除咗食到手撕豬肉外，仲有菠蘿、青椒、洋蔥、芝士⋯「巴馬臣芝士香煎珍寶帶子卡邦尼扁意粉」$98+$35轉套餐🍽：意粉份量非常多！！🤪珍寶帶子煎得香又唔會過熟，幾好！套餐可以選擇龍蝦湯/番茄湯，沙律/炸蠔，仲可以有一杯嘢飲，檸茶/咖啡。🍽：沙律底係有幾件紅菜頭，好新鮮。👍🏻炸蠔嘅炸粉唔會太厚，蠔肉亦係新鮮！😊自家制甜品，味道唔會太甜，口感有層次！

荃灣西食好西😍享受有儀式感的西餐廳！有好大的露天空間，浪漫情調享受美食是必須的💕有蟹肉大蝦魷魚蜆肉🍤🐙龍蝦汁超好食，好似飲緊龍蝦湯一樣！味道夠晒濃！非常非常之有誠意嘅龍蝦汁扁意大利麵！WM啖啖肉薄餅🍕🍖薄餅即叫即焗，夠曬脆！最鍾意就係食薄既手工薄餅，有好多粒肉丸同埋辣肉腸，啱晒食肉獸！仲有三層芝士可以拉絲！芒果百香果青檸特飲🥭🌞熱情果酸酸地同芒果好夾！加埋新鮮青檸！好適合夏天飲！消暑一流！宇宙洛神🌸顏色好靚，洛神花🤏加有氣水，洛神花汽水歲第一次飲mix出黎又幾好飲！環境好靚，野食好食，價錢唔貴！性價比高！