WM Café & Bar (海之戀商場)

營業中

休息中

呢期放 Annual leave 陪謙謙好開心可以陪下佢上暑期班，今日接完佢就去左海之戀的 WM Cafe & Bar食午餐 ，1點來到都差唔多爆哂場，人氣幾旺喎。我地叫左兩個 lunch set 🔽🔽🔽💟 忌廉龍蝦湯 ～ 味道香濃，入口creamy 的龍蝦湯。💟 WM 安格斯牛肉芝士漢堡配薯條 ～ 大件到一口咬唔哂， 漢堡好 juice 仲加左芝士番茄蘑菇好滿足，拌碟的粗薯條香脆可口。💟 烤燒紐西蘭肉眼扒配紅酒燒汁薯菜 ～ 點了7成熟，一切肉眼爆肉汁， 口感鮮嫩。💟 追加炸雞翼3隻 ～ 炸得外皮香脆，內裡雞肉嫩夠滋味。💟 追加心太軟 ～ 呢到的心太軟係自家制，一切下去朱古力醬係好慢咁流出，外層蛋糕焗得好香內層朱古力醬好香濃，我怕甜但食小小都好滋味。🍹 芝士奶蓋牛油果沙冰 ～ 太耐冇飲過芝士奶蓋， 見呢到有仲要配牛油果即叫，牛油果打成沙冰入口順喉解渴，芝士奶蓋打得豐厚香滑。🍹 芒果百香果青檸特飲 ～ 謙謙喜歡百香果的果肉一粒粒，味道清新香甜又有氣。

今日收工諗住過donki 買定啲酒同小食放喺屋企，順便食埋晚餐先返去，見到有間新開西餐廳—WM café都幾多人，應該有品質保證！墨西哥手撕豬肉薄餅（$98）幾特別同少見嘅薄餅，係蕃茄醬薄批底上面鋪滿手撕豬肉、菠蘿、青紅椒同芝士，偏甜嘅口味，如果多啲辣味就更好啦！芝士香煎珍寶帶子卡邦尼扁意粉（$98）一上枱香濃芝士味，有煙肉、珍寶帶子、沙律菜，份量都唔少，雖然意粉唔係超彈牙，但都有咬口。龍蝦湯、吉列炸蠔（+$35）我哋加錢升級左一個套餐，龍蝦湯唔算太濃稠但幾香，跟餐仲有半個香軟黑糖餐包。吉列炸蠔新鮮炸起，外脆內軟，唔會腥。宇宙洛神（$38）打卡用特飲，係蝶豆花茶加上青檸，唔太酸比較偏，面頭有粒藍色蝶豆花冰，幾得意！

係海之戀以為食咩都好貴？咁你或者錯過左呢間平價西餐廳🤣.呢間餐廳比較入，唔係好多人留意到。個場好大，果日夜晚去食，場內都容納到多張大檯，檯同檯之間隔得夠疏，傾起計上黎都唔會太嘈。仲有好多卡位同室外位，呢間餐廳坐得非常舒服！.野食都唔貴，我地嗌左個卡邦忍尼意粉同啖啖肉pizza，加$35就有龍蝦湯、沙律/蠔同埋熱飲，凍飲就加多$4。蠔即叫即炸，好味！.卡邦尼意粉味道偏甜，食到蛋黃醬既味道，煙肉份量多，仲有一粒好大粒既帶子係面，都只係$98。.啖啖肉pizza即叫即焗，上檯熱辣辣，啲芝士仲可以拉絲添！.多人聚會推薦呢間！

時段-星期五夜晚8點先食 餐廳都幾多人 不過餐廳好大所以唔full😂入到去見食客主要係大枱(4人以上)或者一家大細_▫️WM啖啖肉薄餅 $92pizza批底薄脆 上面有肉丸同好多芝 $90幾蚊來講幾抵 唔錯👍🏻_▫️水牛芝士牛油果三文魚焗意大利飯 $108牛油果唔係一片片🥑而係已blend落意大利飯度 幾特別 連埋芝士 伴三文魚粒 整體偏濃味_▫️套餐 +$35跟餐湯(蕃茄羅宋湯😋) 麵包 沙律 同飲品 _🍽環境餐廳好大 有大枱有卡位 多人聚會或2個人食都適合裝修用左紅磚牆同復古既牆燈 暗暗地 配合綠化植物元素 係一間舒適既cafe

同朋友係附近商場行完街，唔想行出去熱，就係海之戀內搵到呢間餐廳，環境闊落又小清新，仲有露天位置好有氣氛。呢到點左主菜，可以加錢配成套餐，有湯，沙律或炸蠔，以及餐飲。要左個龍蝦湯同沙律，用個木盤送上幾精美，沙律雖小但高質，有三文魚又有羽衣甘藍，龍蝦湯夠濃郁又香，好好飲。跟湯仲有個小餐包都好軟身濕潤，睇顏色可能係黑糖包，就咁食都好味。主菜點左啖啖肉pizza，非常好食，超多芝士，中間夾有惹味肉絲，表面仲放上肉丸，口感豐富。個pizza都大個，批邊批底有咬口，yummy!再單點左安格斯牛肉芝士漢堡配洋蔥圈及薯條，同朋友食飯難免想邪惡一返，單係個漢堡飽已經覺得係誠意之作，怖滿黑白芝麻，patty好厚，肉汁同牛肉味都豐富，夾埋芝士，新鮮番茄同菜，滋味醬汁，真係好食到停唔到。再加埋脆脆洋蔥圈同曲薯條，大滿足，伴碟仲有個小沙律，感覺好似平衡返d。餐廳員工好有禮貌，服務周到，令餐飯滿意程度大增。

呢日帶呀女來到海之戀上playgroup ，上堂前呀媽要醫下肚，經過見到呢間set lunch幾抵就入去食啦！.🥩烤燒紐西蘭肉眼扒配紅酒燒汁 $96🥩米蘭黑豚蕃茄焗飯 $64☕️cappuccino +$12🍰心太軟 +$20.喺商場入邊來講相當抵食，坐得又舒服有梳化位環境唔錯，有highchair比阿B👍🏻.點了兩個lunch set，焗豬扒飯係我嘅最愛，濃厚蕃茄汁加上芝士拉絲，又好多豬扒夠淋身，港式味道my favourite 😋另一款肉眼扒滿驚喜，呢個價錢真係要求唔高，竟然牛味濃厚😍大大塊啖啖肉真係超出預期👍🏻.cappuccino ☕️質素幾好，我呀媽好鐘意仲叫多左一杯🤣最後加多個甜品心太軟，靚靚擺盤滿滿朱古力開心🥳充滿energy 去湊女啦🤣

💁🏻‍♀️ 好大雨呀！！⠀⠀ 大雨都要食野架～走入商場去試一試🍽 香煎魚柳西西里茄蓉汁配薯菜 //⠀⠀香草芝士菠菜焗美國雞腿扒配薯菜 // ⠀⠀龍蝦湯// 蕃茄湯👌🏻 大量西西里茄汁⠀⠀個魚柳好大件夠晒飽⠀⠀魚質彈牙無腥味感覺煮耐左少少過火⠀⠀沙律配返沙律醬就Perfect🤌🏻⠀⠀不過整體好味份量足夠👍🏻 芝士菠菜有驚喜⠀⠀ 諗住芝士菠菜配飯無得頂⠀⠀點知口快快叫左個薯菜🫠⠀⠀不過件雞扒好厚好大件⠀⠀一刀切落去好腍再加埋一齊食⠀⠀真係好正雞肉唔鞋⠀⠀配埋芝士菠菜無得輸🤤👌🏻 龍蝦湯正正常常⠀⠀有少量蝦肉 味道唔腥 👌🏻 蕃茄湯有好多配菜⠀⠀外貌似蘿宋湯啲friend⠀⠀飲落就唔係 有濃濃嘅蕃茄味⠀⠀(以上食評 只屬個人意見)

雖然呢個商場都開咗一段時間，不過我就無喺度食過飯。今日經過見食物同環境都幾吸引，但始終唔想除口罩喺出邊食嘢，於是買外賣返屋企。前菜：西柚巴馬煙三文魚沙律我先生好少食沙律，因為只要少少唔乾淨，佢就會唔舒服。但佢見到個賣相之後就同我搶住食。而我本身都不太喜歡西柚，因為怕佢又酸又澀，但點知同沙律菜、三文魚、巴馬火腿又出奇地夾。呢個沙律值得一試👍🏻👍🏻👍🏻意粉：香草橄欖油蜆肉扁意粉意粉有少少香辣，蒜味香濃，味道不錯。蜆肉無沙，意粉則軟硬適中，而且唔太油，連我個3歲仔仔都食完一碗又一碗。小食：柚子胡椒蜜糖雞翼👍🏻👍🏻👍🏻我老公最鍾意食呢樣，佢話雞翼非常入味，好味過出邊任何一間餐廳。雖然佢講得有啲誇張，不過我都覺得幾好味，入味得黎又甜甜地。一客得4隻，一人一隻真係唔係好夠，下次要買夠8隻。最後，雖然我叫外賣，但我見室內環境都唔錯非常闊落，同埋餐廳有戶外位，感覺幾Chill。

今日去海之戀行街，唔經唔覺已經行到晚餐時間，因為疫情關係，都好少喺出面堂食，咁啱經過呢間餐廳，見到外賣有折，入面乾淨企理，都幾多人食，應該水準唔錯，所以試吓。墨西哥手撕豬肉薄餅,呢款pizza都幾特別，未試過手撕豬肉，所以試吓，d豬肉一d都唔鞋，好入味，pizza批底係脆卜卜，仲有酸酸甜甜嘅菠蘿，個味道好夾。香草龍蝦汁大蝦扁意粉，非常多海鮮，例如有大蝦，蜆肉，八爪魚，吞拿魚，仲有蟹子，個意粉食落好煙韌，d龍蝦汁掛晒喺d意粉果度，好香龍蝦味，唔錯。雞翼拼盤，有2隻味道，有原味同柚子胡椒蜜糖味，食落有好大陣柚子清香嘅味道，蜜糖又甜甜地，幾好味，原味都好惹味。

WM Cafe & Bar朋友book左荃灣西既餐廳，諗住放工方便食個早飯，原來佢book咗嗰間我之前都試過，係冇揀錯嘅🫰🏻我哋揀咗個牛肝菌雜菌蘆筍長通粉同墨西哥手撕豬肉薄餅share。長通粉醬汁creamy, 濃郁得黎又唔算好膩。仲有大量牛肝菌同蘆筍，好足料。而薄餅個墨西哥醬好惹味，上面鋪滿豬肉絲同芝士，配料仲有菠蘿，越食越開胃。所有Main course都可以加$35有龍蝦湯、沙律/吉列蠔同餐飲，超抵👍🏼最後忍唔住加埋自家製阿華田芝士餅同巴斯克芝士餅，巴斯克個款就再硬身啲，兩款都好重芝士味，好好食😋一個人食一件都唔覺濟，好滿足。

最近放工遲咗所以去到西鐵站就即刻去隔離個海之戀商場食晚飯 揀左間西餐廳試下✨ 餐廳有好多吊燈💡都幾有情調 而且仲有露天座位 雖然最近有啲熱 但夜晚都有風 喺到飲下啤酒都幾寫意 好 講完環境就講下食物 🐻🐻同男朋友叫左:✨WM 啖啖肉薄餅 -$92依個薄餅用咗餐廳個名 唔會差得去邊🤣果真啖啖肉 上面有ikea肉丸 辣肉腸同大量雞絲 而且啖啖芝士 餅底頗脆 不錯👍🏻 🌟Rate: 8.0/10✨水牛芝士牛油果三文魚焗意大利飯 -$108依個飯都重芝士味但唔膩 味道偏淡 但牛油果都幾多 仲有牛油果粒同三文魚粒增加口感 都ok 🌟Rate: 7.5/10✨+$35 有龍蝦湯 包 吉列蠔 飲品湯唔會過咸 有一兩粒龍蝦肉係裏面 多啲會更好 包係提子包🐻🐻覺得好味 吉列蠔正常 ✨+$22轉葡萄柚蜂蜜茶賣相頗吸引 味道都不錯 蜂蜜嘅甜中和返葡萄柚嘅酸 冇苦澀味 清新好味👍🏻 🌟Rate: 8.0/10

海之戀真係越開越多靚靚餐廳🍴呢一間西餐廳嘅價錢真係好抵食🤑上次嗌咗個香草龍蝦汁大蝦扁意粉🍝彈牙嘅意粉索晒鮮甜濃郁嘅香草龍蝦汁🦞超級惹味😋面頭仲有啲大蝦🦐同埋雜菇🍄都幾豐富～

今日星期五Happy Friday，諗住放工後去呢間餐廳晚飯，但係臨時OT，放遲咗，搞到Walk in冇位，好肚餓唔想等枱，於是決定外賣返屋企食，落咗單之後15分鐘便有得拎，好快。凱撒沙律羅馬生菜爽脆配上香口的麵包糠及的煙肉，加上凱撒沙律汁及巴馬臣芝士碎真係好好味。加咗$18雞肉，雞胸肉好稔滑，一點也不會嚡，大大塊有大概6塊 ，幾抵食。蟹皇薄餅有驚喜，原來有原隻炸軟殼蟹鋪在Pizza上邊，大大隻，心心眼。pizza係薄脆批，餡料有好多芝士，蟹柳絲同埋蟹膏，非常香。大大隻嘅軟殼蟹炸得非常酥脆，咬落去啖啖肉，而且爆多蟹膏。香草橄欖油蜆肉扁意粉呢個意粉有好多蜆肉，調味用上橄欖油加上蒜片同埋香草，好香。另外，小小嘅辣味發揮提味效果。扁意粉亦都煮得口感剛好，呢個意粉簡單又好味。總結而言，好滿意今次嘅外賣，分量足夠兩個人，價錢合理而且味道不錯。

海之戀商場越開越多餐廳三樓呢一間有個最特別嘅地方就係有一個半開放式露天既戶外場所食物質素屬於中上水平📝價錢合理.▫️香草龍蝦汁大蝦扁意粉 $108龍蝦汁都落得幾多調味偏鹹咗少少但撈埋意粉一齊食又OK大蝦有三四隻🍤仲有啲日本菇🍄.▫墨西哥手撕豬肉薄餅 $98pizza屬於香脆薄批底超鍾意拉絲嘅芝士仲有好多菠蘿🇭🇰我嗰位每次食薄餅都想有菠蘿嘅朋友會中意手撕豬肉份量不少👍🏻.▫宇宙洛神 $32▫青檸幻影蝶豆花茶 $34咁有誠意改個有詩意嘅名就俾次機會佢飲落係甜甜嘅Soda不過最吸引都係佢好有幻影、宇宙嘅感覺非常IGable 📸

好味指數：😋😋😋😋推薦指數：⭐⭐⭐⭐今日約咗朋友係海之戀附近聚舊，呢間餐廳幾抵食，而且選擇都幾多😆✅Lunch Set明太子蟹柳海膽意粉$66烤燒紐西蘭肉眼扒配紅酒燒汁$96明太子醬汁味道唔錯，估唔到Lunch Set份量咁多😳😳另外肉眼扒有再配薯菜，味道不錯✅追加意式炸雞翼3件+$18阿華田芝士蛋糕+$14自家朱古力心太軟+$20諗住食多啲嘢食，追加咗小食同甜品🍰芝士蛋糕阿華田味又幾好食，心太軟仲有餐廳logo伴碟😍但酒味偏重咗小小🙈✅升級飲品芝士奶蓋焦糖爆谷拿鐵+$28好邪惡嘅焦糖Latte🤣仲要有奶蓋&爆谷係上面‼️📍WM Café & Bar (海之戀商場) (荃灣)地址：荃灣大河道100號海之戀商場3樓3094號舖