WM Café & Bar (海之戀商場)

營業中

休息中

🚩 WM Café & Bar 依間之前去科學園行嗰時已經食過啦，質素都唔錯㗎～估唔到去到荃灣都有佢嘅分店，放工就過嚟試下先！〰️〰️〰️〰️〰️〰️〰️〰️〰️〰️〰️〰️〰️〰️〰️🌈墨西哥手撕豬肉薄餅 $98唔知大家鍾意食有菠蘿定冇菠蘿嘅Pizza呢？我超級鍾意食有菠蘿嘅Pizza，酸酸甜甜咁食多幾塊都冇問題🤤呢個薄餅嘅餅底好香脆，而且超級多菠蘿！略厭肉嘅份量較少，大多數都係青椒洋蔥同菠蘿～不過調味的確唔錯🌈巴馬臣芝士香煎珍寶帶子卡邦尼扁意粉 $98唔好睇佢冇咩料咁，其實啲料喺晒入面～帶子兩邊都香煎過，生熟程度啱啱好！醬汁好creamy扁意粉亦都好掛汁，不過可能冇落洋蔥等等配料，令到食到後期有少少濟🌈宇宙洛神 $32係洛神花茶～漸變色真係好好打卡，飲落酸酸甜甜，啱晒夏天飲！🌈芒果百香果青擰特飲 $36男朋友最鍾意嘅組合，全部都係好清新嘅味道

放工去左荃灣西食飯，去左係3/F呢間餐廳餐廳空間好大，好多座位揀，環境都好舒服，有幅牆可以打下卡😝Lunch menu好多選擇，價錢好合理全日早餐加左$16加配煙三文魚，成個早餐賣相超靚，食落去樣樣都好好食，最鍾意係個大啡菇，通常全日早餐都未必有大啡菇，外面甜甜地，正！個牛角包超巨型，超鬆脆，牛油味好香！成個早餐份量超大，食到超飽超滿足牛扒配薯條牛扒要咗七成熟，賣相一流，食落都一流，牛扒好淋身，唔係一般快餐廳果種廉價牛肉。薯條係粗身有波浪紋嗰種，最鍾意食呢本薯條，好有口感！另外套餐仲可以加$14有三隻雞翼，雞翼炸得好好，個味都醃得好好，唔會太鹹，讚食物水準好好，服務員態度都好好，好滿足

感謝fans 繼續睇我的食評今日來到毗鄰荃灣西站的海之戀商埸，發現最少有2個出口連接商場。星期日1400呢個鐘數 都算幾多人下，商場有扶手梯、升降機，升降機感覺要等3-5分鐘，外面無顯示部lift 去到咩樓層餐廳在3樓，門口有個小雪櫃，我預先買左件蛋糕慶祝朋友生日。職員幾有禮貌的，話額外收切餅費$100，想預先放蛋糕的朋友，建議預先度下雪櫃size先餐廳的室內位有冷氣，室外位有遮蓋唔洗淋雨，外國人中意室外。(忘記影內在環境，乾淨的地板)我地2個人入座都2:30pm坐室內，已經坐滿80%人，有位唔洗等，係等職員帶位等左1-2分鐘，3-5個樓面都好忙。坐唔到卡位了，4座卡位只係坐左1對情侶或者2個女仔我叫左lunch menu P 北海檸檬黑豚豬柳太陽漢堡配薯條，薯條炸得好香 有茄汁。漢堡包的包係軟熟熱既，太陽蛋半生熟 合格咁啦。豬柳就一塊仔咁，佢夠熱切得開，但就好煙韌，唔知係咪黑豚豬的特色呢跟住的2塊蕃茄同蔬菜都係新鮮既。Lunch set 包湯叫左龍蝦湯，一小碗係熱既，但唔多覺有龍蝦味。包飲品叫左熱咖啡，落唒另上的奶 同落左黃糖後 都係覺得苦，咁呢個係我的個人口味啦。然後加點左1份3件

間唔中都會嚮荃灣搵食，以前覺得喺大商場入面嘅餐廳都會比較貴，畢竟舖租都貴啲，不過竟然有間CP值咁高嘅cafe❣️有種食到賺到嘅感覺🤣環境好大好舒服，成個裝修同服務都好有高級感，啲staff好好禮貌❣️😋西柚巴馬火腿煙三文魚沙律 $98由於唔太肚餓，所以叫咗份沙律，點知好大份🤣兩個人食都仲得，煙三文魚大大塊，沙律菜都有好多，連埋芝士粉一齊食，都幾開胃😋食食下發現呢度有得食芝士火鍋❣️下次有機會要試下先得☺️

朋友帶咗過嚟呢度坐得舒服又有氣氛嘅餐廳！呢度室外可以望到汀九橋，氣氛一流！✨龍蝦湯味道鮮甜而且creamy !而且附送嘅麵包都係熱嘅，嗰個餐湯都幾有誠意💕✨巴馬臣芝士煎珍寶帶子卡邦尼意粉珍寶帶子真係好大隻，而且好鮮味同埋彈牙！卡邦尼意粉份量好大而且每一條都朔晒啲醬汁！芝士味都幾突出！✨wm 啖啖肉薄餅材料有蕃茄醬手撕豬肉，同埋肉丸！真係滿足到食肉獸嘅願望！因為薄餅嘅調味特別係蕃茄醬做得幾夠濃郁，所以酸酸地感覺好fresh 一啲都唔油膩！✨水牛芝士焗牛油果三文魚意大利飯牛油果味道好濃郁同啲三文魚同埋芝士好夾！呢間餐廳其中一個名物就係佢啲甜品！全部都係自家製造！性價比非常高！✨巴斯克芝士餅巴斯克芝士餅芝士味非常濃郁，而且入面好moist完全滿足到芝士控嘅要求👍👍✨藍莓芝士餅芝士餅底好好味，而且都食到一粒粒嘅藍莓，絕對唔係淨係用果醬咁簡單😍✨朱古力香蕉蛋糕味道都幾夾而且唔算好甜，有高級嘅味道！

見到間餐廳幾有格調 又有室外室內位揀但天氣太熱 如果涼D坐室外應該唔錯😌叫左小小主食 味道都唔錯店員服務非常有禮貌✨墨西哥手撕豬薄餅 $98-薄餅底 pizza邊係脆餅口感👍🏻 岩晒女仔🧍‍♀️ 唔會食一兩下就飽晒-芝士味同豬肉味道唔濃 但面頭青椒味道好香 有墨西哥風味 菠蘿亦都帶比個pizza清新感 整個配搭都幾夾✨芝士香烈珍實帶子卡邦尼扁意粉🍝 $98-意粉口感適中 每一條意粉都被醬汁包裹住-帶子都幾大粒 亦無怪味-煙肉份量唔多但都幾香-整體有水準✨朱古力香蕉慕絲蛋糕 $38/跟餐$20-朱古力味好濃郁-餅底牛油味都幾香-香蕉唔算好突出✨藍莓芝士餅 $28/跟餐$14-芝士味都幾香但唔係非常濃郁嗰種-整體口感偏軟滑✨芒果百香果青檸特飲 $36-味道清新 唔會好濃 同西式主食好夾 解膩一流✨檸檬香茅梳打 $32-唔會過甜 有特色之餘味道亦不錯

有時想食西餐又唔想買洋蔥芝士忌廉自己煮咁麻煩，就會好自然黎買幾個意粉/燴飯返屋企慢慢嘆。Caesar salad生菜同醬汁係分開裝嘅，抵贊。沙律菜好爽脆，麵包粒都烘得好鬆脆，加埋多多芝士粉同凱撒沙律醬，簡簡單單已經好好食。慢煮八爪魚墨汁意大利飯除咗飯面有幾條八爪魚🐙，煩入面都隱藏咗好多八爪魚粒粒同菇粒，食落口感都幾豐富。幾鍾意佢嘅飯質感，唔硬小小彈牙。經典水牛芝士忌廉火腿大通粉大通粉索晒啲芝士汁超正，質感少少煙韌，望落去份量唔多，但係其實一個人食都好飽。

今日同屋企人行完街，嚟咗呢間Cafe食飯爸爸媽媽都好大食，所以嗌咗呢碟香煎珍寶帶子卡邦尼意粉啱啱好大大碟😍刺身帶子成為主角，大大粒又煎得好香意粉偏硬身，所以都有啲口感！香草龍蝦汁大蝦片意粉呢碟有唔少海鮮配料，蟹肉一堆，加埋啲紅椒青椒、菇同蟹籽，味道幾好😍意粉汁香滑濃郁不膩，WM 啖啖肉Pizza 係薄脆批💕pepperoni 新鮮焗起，配埋肉丸、芝士同蕃茄醬，真係啖啖肉柚子胡椒蜜糖雞翼雞翼熱辣辣🔥好新鮮，皮帶微脆，冇冰鮮味淡淡的蜜糖味好易入口😍

呢間餐廳幫襯過好多次，主要係因為呢間餐廳位置及環境都好，食物質素又唔錯。呢間餐廳位於海之戀商場，食飽飯可以係商場內行下街；環境方面，餐廳有室內及室外用餐點，室內用餐點面海，可以一邊用餐一邊欣賞海景，令整個用餐添加唔少分數。至於食物質素都唔錯，今次我地點左柚子胡椒蜜糖雞翼，巴馬臣芝士香煎珍寶帶子卡邦尼意粉和烤羊排配薯蓉普羅旺斯雜菜配洋蔥圈及炸薯條。每次黎都會點柚子胡椒蜜糖雞翼黎食，味道清新又香脆。意粉加上巴馬臣芝士，好香濃又唔會膩。烤羊排唔會有好大陣膻味，而且肉質嫩滑，加上油脂，有入口即溶既感覺。

食左佢個lunch set嘅burger, 中間偏下嘅水準，肉偏薄包太厚重點係個意粉，係另外嗌嘅，忌廉西蘭花雞肉意粉98蚊，加左個餐多35蚊，龍蝦湯冇龍蝦味，蕃茄湯原來係羅宋湯，但係就不過不失意粉個水準真係比30蚊都多左，個忌廉味係canteen果種，總之就係冇乜味好難食，意粉又冧最後就係有其中一個侍應個服務態度真係唔掂，咁啱我同隔離嗰枱一齊舉手叫侍應，個侍應已經嚟咗之後好唔耐煩地就問邊個嗌先，隔離嗰枱就你眼望我眼，最後要我哋自己講邊一個嗌先，落單語氣又唔好，好似想嘈交咁，成個體驗好差

今日去咗荃灣海之戀同朋友行街，經過見到呢間餐廳氣氛幾好，仲有戶外枱可以坐。餐牌都有好多唔同嘅選擇，有Pizza、意粉、意大利飯等。墨西哥手撕豬肉薄餅$98簡單嘅食材，有啲意想不到地好食，墨西哥薄餅，有好多青椒菠蘿仲有大量芝士做配料，手撕豬肉都相當入味， 薄批Pizza好香脆。黑松露大啡菇牛肝菌野菌意大利飯$108濃郁嘅黑松露香味，夾雜着大量牛肝菌野菌，意大利飯好圓熟又creamy，大啡菇之行再切薄片，更有口感，鍾意菇菌類嘅朋友真係唔可以錯過。另外仲叫咗兩杯好適合打卡嘅飲品。青檸幻影蝶豆花茶$34蘇打配上蝶豆花茶，飲落好清涼，單單蝶豆花茶嘅味道同青檸好夾。芝士奶蓋焦糖爆谷拿鐵 $38非常邪惡又滋味嘅芝士奶蓋拿鐵，咖啡味道依然香濃，將奶蓋攪拌更是十分香滑，面層嘅爆谷都好好食。

上網睇到好多人讚，好可惜，呢間餐廳食一次就夠，唔會返轉頭。一坐低店員話今日lunch set其中兩款冇，薯菜亦都冇。最後點咗龍蝦湯、牛扒配意粉、同埋一杯百香果凍飲。上菜嘅次序係：牛排意粉到先，之後凍飲，最後係湯同兩塊好硬嘅麵包。意粉到咗嘅時候，同店員講個湯未到，店員面有難色，沒有和廚房核對之下便求其講咗句：廚房整緊。杯凍飲到嘅時候，再次同店員講湯未到，佢叫我食住個意粉先。之後等咗一陣，店員再次埋嚟，今次問我頭先嗌咩湯。第三次跟進之後，個湯終於到。龍蝦湯好水好稀，根本就沒有龍蝦湯濃郁嘅味道。嗰兩塊又細又乾又硬嘅麵包，食咗一啖就棄食。牛扒味道差，意粉乾爭爭好似搵滾水整熟就上碟，放咗少少汁根本掩蓋唔到嗰種難食。只係得杯凍飲叫正常。最後俾錢嘅時候都要睇店員面色，佢將找續嘅銀紙劈落枱面。劈落去嘅動作非常純熟，找錢嘅過程一眼都冇望過位顧客亦冇講多謝。服務態度差，仲要收10%服務費。加上食物質素差，唔明白點解咁多人讚，希望呢個食評可以幫到大家避過一劫。

#chuchu食在荃灣📍 WM Café & Bar喺海之戀Donki上一層，入面嘅裝修好靚紅磚牆好似間屋仔咁！嗰日朋友話好想食墨魚汁risotto就搵到呢間，🐷一年前食過lunch就覺得麻麻地，但今次食又唔差，有驚喜添！嗰日平日去到，得兩三檯，心諗冇人嘅，但其實佢已經好食翻！應該要多啲人去！！🫶🏻🫶🏻🫶🏻不過冇咁多人都好，可以傾偈！—————————————————————❣️WM selected Set Menu $538見佢set menu都幾啱食，又有risotto就嗌左，價錢都唔算貴！🥘Daily Soup- 龍蝦湯忌廉龍蝦湯質地較厚，好香，不過🐷覺得咸左少少，但朋友話好好飲🥗Chef Salad 有西柚、pamma ham、紅菜頭、沙律菜….巴馬火腿咸咸地，襯翻啲菜，西柚酸酸甜甜好開胃！🐙美國珍寶帶子墨魚汁意大利飯黑蚊蚊！係唔錯嘅煮得好食，夠味！雖然得一粒帶子，不過佢真係jumbo size，食落都好鮮甜🫶🏻 朋友得償所願，佢話好好食😂🥩美國頂級西冷拼西班牙依比利亞有骨黑毛豬扒西冷叫medium，不過好似有少少overcooked，但都唔會過熟嘅，濃肉味！黑毛豬好好食，好淋

甚少到海之戀覓食，原來那邊已開了不少新的食店，還有這間價位比較抵食的西餐廳午餐每位大約$60-$80左右，包一碗餐湯和熱飲，凍飲就需加$4餐廳， 一碗是忌廉龍蝦🦞湯很香， 味濃菜湯多料， 口味偏酸1)煙三文魚菠菜忌廉芝士意大利蛋麵$64好creamy也夠滑忌廉汁很多，令每一條麵可以掛滿醬汁煙三文魚口感正常只是意大利蛋麵偏淋不是我喜愛的口感美國西冷牛扒配紅酒燒汁(飯/意粉/薯菜)＄６４西冷牛扒有驚喜首先個ＳＩＺＥ不小，也有一定的厚度生熟程度剛剛好不會很嚡很韌，也有牛味薯條正常，不會吃到薯味不過不是新鮮即炸， 有點失色紅酒燒汁跟伴菜一樣😟味淡， 偏向無味，香味也欠奉跟餐配咖啡☕️很香西餐廳🍴必點咖啡， 不會太伏牛肝菌汁牛柳粒焗意粉＄６４等了大概10分鐘左右牛肝菌汁味不算很濃，但香味很重意粉軟硬程度適中牛柳粒不會切得太碎細，口感嫩滑，有肉汁跟餐加$8配了檸檬咸柑橘蜜咸味突出兒童餐B＄７８卡邦尼通粉有奶味，芝士味也欠奉但也不會太稀而完全無味適合🈴️小朋友吃漢堡包包外脆內鬆軟，有牛油香餡料有小 塊漢堡扒，芝士和蕃茄配餐的水果🍉新鮮，只是西柚有點酸小小甜品是-2 小件朱古力蛋糕朱古力醬朱古力味很濃，而

諗住係網上搵間係荃灣唔會太貴嘅西餐廳同屋企人一齊食，之後就搵到呢間係海之戀嘅餐廳，價錢相宜，而且佢可以選擇坐出面半露天嘅位置🙈🥢墨西哥手撕豬肉pizza🐖🍕 $98呢個配搭都幾少餐廳會有，豬肉有燒烤醬味😚，pizza係薄脆批🤤，但豬肉可以再多d🥢香草橄欖油蜆肉扁意粉🍝 $98一睇就見到好多蜆肉，意粉唔會太油膩😌跟餐+$35 有湯同沙律🥗或者炸蠔兩粒🦪同餐飲☕️個蠔外脆內軟，幾鮮甜🥹～二人餐👥 $490～🥢忌廉龍蝦湯🦞配是日餐包個湯好濃味都幾creamy，似係打左龍蝦殼黎整🤤🥢廚師沙律🥗（2人份）有帕瑪火腿，番茄🍅，紅菜頭，黃椒，沙律菜都幾新鮮😆🥢珍寶帶子墨汁義大利飯🦑呢個有少少似fusion菜，因為佢加左三文魚子落去，個味道好特別但都好夾😋🥢美國德州牛仔骨拼柚子海鹽燒雞（半隻）🥩🐓牛仔骨都幾多肉，上面灑左孜然粉，不過略嫌太多調味🫣，個燒雞都幾嫩同埋份量多👍🏻🥢是日甜品🍰兩件cake，朱古力味同埋士多啤梨芝士蛋糕，兩款都好味😋餐飲☕️揀左熱咖啡同埋熱檸茶🍋店員好好，本身我地諗住叫多個飯，但店員有提我地食物份量大，可以叫少個，最後真係好彩冇加到，因為真係好飽🫣🫶🏻