Viesta Express

營業中

休息中

由於假期無地方去，又見好耐無去過濕地公園，趁早上太陽無咁曬就遊左半日，離開嗰陣見附近新開左好多食店🧐就揀左呢間越式餐廳，裝修風格有啲似Cafe，而價格亦都比較親民，我地揀左食下午茶餐✨▪️招牌燒牛肉法包($62)🐂自家烘焙法式包外脆內軟，相比起一般法式包更加易入口，而採用嘅安格斯牛肉就有炭燒既味道，配料有番茄，青瓜及大量芫荽。而醬汁就有豬肝醬及辣汁，醬汁真係整得好有心機，少少辣之餘食起上黎仲好惹味😋▪️去骨手撕雞髀撈檬($68)🐥呢碗撈檬大碗得過份🤣好似唔洗錢咁落左好多雞同檬粉🥰手撕雞脾肉口感比較結實，再搭配大量嘅生菜、青瓜、蘿蔔絲。而撈檬汁比較特別，佢係用左青檸汁代替白醋，食起來酸酸地又特別入味。▪️越南椰香咖啡($14)☕️十分香濃帶點甘甘苦苦嘅味道，整體係酸酸地嘅咖啡~▪️百香果梳打($13)🍹味道酸酸甜甜，果味濃郁。▪️美祿奶醬窩夫配椰子雪糕($58)🧇個窩夫成塊面咁大🤣面頭有鬆軟嘅cream、好多美祿粉再加上椰子雪糕，一啖雪糕一啖窩夫好滿足😚▪️芒果河粉($38)🥭用左來自菲律賓嘅芒果🥰芒果熟透，十分淋身同香甜。佢係用左芒果汁做底，好香濃嘅芒果汁！而平時嘅餐廳只係用芒果沙冰，食食下會變淡呢

#搞串個pantry今次嚟到 #天水圍 #濕地公園 🦅附近，一間新開嘅 #越南菜 分店😛，新裝修✨加上坐得闊落，環境幾好🍽️。佢仲有唔少菜式係法🇫🇷越🇻🇳fusion菜㖭。舖頭改良過越南菜嘅味道，改為適合 #香港 人🇭🇰口味。舖頭嘅主打係 #越南撈檬 、 #咖喱 、同埋越式 #法包 🥖。加上佢係 #甜品 店起家，而家主打用菲律賓🇵🇭直送嘅呂宋芒果🥭為主題嘅 #糖水 。🐮招牌燒牛肉法包($48)舖頭嘅牛肉用咗安格斯牛🥩，燒得啱啱好，牛肉仲保留住淡淡嘅紅色🤤，食落仲有微微嘅孜然味🪴，而牛肉嘅質地好嫩滑，處理得好好😋。法包🥖係自家烘焙，做到外脆內軟，更加貼近香港人口味😍，唔似傳統法式麵包咁硬身。🦀原隻軟殼蟹撈檬($88)撈檬嘅醬汁用咗青檸汁🍋，味道比起坊間一啲用白醋嘅舖頭冇咁嗆，而且味道更加濃郁😋。配料都好豐富🥗，令到口感同味道好多元化，幾正🤤。軟殼蟹熱辣辣🔥，而且好香脆，入面仲要幾厚肉🦀，蟹肉味幾出，蟹蓋仲有蟹膏㖭🥳！🍨香芒雪露($38)芒果西米露有好濃郁嘅芒果味🥭，西米煮得夠腍😋，而且最加分係芒果肉好熟好甜🍭，仲軟滑到入口即溶㖭😆。雪糕可以揀雲呢拿味🍦、椰子味🌴、同埋Oreo味🍪。推介揀椰

Gathering Time!每人叫左一個主食加飲品～二人套餐比較平！$188 有成個sets 啦～叫左咖喱牛腩飯，同埋千層麵 都係熱辣辣架另外叫咗凍嘅去骨手撕雞飯同埋豬手飯啊甜品係芒果西米露好好食！唔會太甜飲品係青檸梳打同埋紅豆冰！都係好消署架 另外炸物有春卷雞翼同埋蝦餅得閒同朋友坐喺度傾吓偈都不錯嘅選擇Viesta Express (天水圍)天水圍濕地公園路1號Wetland Seasons Bay地下19號舖

屋企附近嘅越南野開分店環境更加舒服二人晚市套餐 188爆脆燒腩肉撈檬皮好脆，似食緊炸豬皮小食既感覺 肉看似半肥瘦，一塵瘦肉一層肥肉食落好香口唔乾肉五香粉重，連埋撈檬一齊食幾唔錯招牌燒牛肉法包法包陪左薯條🍟令我諗起去越南日日食，佢嘅牛肉同平時出邊食嘅有啲唔同，味道好香，配搭埋蕃茄同生菜感覺好清新越南炸蝦餅（6件）無論泰國嘢定越南嘢小食蝦餅必食美祿恐龍（凍）好濃味嘅美祿🥰越南椰香咖啡（熱）越南咖啡從來都唔會令我失望，椰子味同埋咖啡味互相都好夾而且唔會蓋過其中一個味道香芒雪露呢個甜品配搭雪糕仲可以揀雪糕味道其實佢就係芒果西米露加雪糕我哋揀咗椰子雪糕，食落似平時波波嘅雪糕椰子味好香，而且唔會好快溶芒果配椰子真係好夾，做飯後甜品好滿足蒜蓉牛油雞翼越南必食一定係蒜蓉牛油雞翼，雞翼外皮超級香脆，而且超級香嘅牛油味，淡淡嘅蒜蓉味鍾意食雞翼嘅人應該會幾鍾意❤️

濕地公園開左好多新餐廳～二人晚市套餐$188套餐有兩款主食、一款甜品、一款小食同兩杯飲品！咖喱牛腩飯蕃茄肉醬千層麵 +$30越南炸蝦餅椰汁紅豆冰 +$5青檸梳打 +$5曲奇雪糕香芒雪露個人推薦甜品好食！千層麵也不錯～慢煮豬手飯 $75熱檸水 +$7去骨手撕雞髀飯 $69熱檸水 +$7原來兩款主食都係涷食黎～好多飯😳飽！小食拼盤 $75有蝦餅、春卷同埋兩款雞翼分別係牛油雞翼同埋辣醬雞翼越式法堡 $52呢個係牛肉餡、入面有芝士蕃茄，青瓜等等～偏重口味～呢間西餐不用加一服務費喔👍Viesta Express (天水圍)天水圍濕地公園路1號Wetland Seasons Bay地下19號舖

今晚去咗濕地公園食晚餐呢間越南餐廳好正🥳🥳叫咗個二人晚市套餐$188呢個晚市套餐包咗兩個MAIN一個甜品同一個小食Main有好多選擇，諗來諗去最後要咗爆脆燒腩肉撈檬同越式法堡😋真係完全冇揀錯!!!超正首先講下爆脆燒腩肉撈檬，個肉燒得啱啱好，個皮又香又脆，整法同坊間有少少唔同，食得出真係有真功夫，絕對係誠意之作!!!個燒腩肉好入味，有啲鹹香。同檬粉超級夾🥹🥹🥹食完燒腩肉再加啖檬粉綜和返啲鹹味真係好夾😋😋真係食完一口又一口超滿足另外一樣好食嘅就係佢哋嘅越式法堡啦！個麵包好香，個麵包脆得來唔會好硬！最驚啲法包太硬或者太淋，太硬唔夠牙咬🫣太淋又會食到冇癮🙈但佢呢個麵包整得勁好食，好鬆軟，入面仲有蕃茄、青瓜、牛肉同埋佢哋嘅特製醬汁。開頭仲驚青瓜會唔會係好生嗰種，點知完全擔心係多餘，青瓜同佢特製醬汁好夾，啲青瓜完全唔會乾，相反係好容易入口好好食😋包入面嘅牛肉超好食🤤好juicy!!!而且個法堡嚟到嘅時候已經切開咗兩半，好方便同朋友share食🤩💞仲有好多厚切薯條🤩超正!!小食揀咗酸辣無骨鳳爪，見到酸辣覺得好吸引，好想食。呢個鳳爪都整得好好食，酸酸咪咪咁好開胃😋飲品我揀咗冬瓜茶，朋友就揀咗青檸梳打，

外賣要一個爆脆豬腩肉法包同一杯冷泡茉莉花茶，法包係外脆內軟，再配上咸香燒肉，意想唔到嘅配合！呢個仲有脆薯條跟，脆薯條都好香脆新鮮！至於杯冷泡茉莉花茶就普普通通。第一次食呢間餐廳，有呢個水平唔錯！

天水圍濕地公園近年有多個屋苑入伙, 有很多特色食肆進駐, 這間裝修清雅嘅越式食肆, 地方又大又清潔, 飲食環境都相當唔錯。餐廳有提供二人晚市套餐, 食品選擇也不少。脆爆燒腩肉撈檬大大件燒腩肉, 外皮幾香脆, 肉質幼滑又唔會太肥, 口感和中國嘅燒肉差唔多。撈檬夠曬爽滑, 還有大量清香嘅生菜絲和甘筍絲, 吃起來很滋味。咖哩牛腩飯咖哩醬汁比較濃厚, 牛腩偏瘦肉質較厚實, 還有清甜薯仔和紅蘿蔔, 送飯都唔錯。越南炸蝦餅蝦餅薄切 , 炸得幾香脆。香芒雪露雲呢拿芒果很香甜, 西米露大粒又軟熟, 加上香滑嘅雲呢拿雪糕, 冰凍香滑又可口嘅甜品。冰凍美祿恐龍味道都幾香, 上面佈滿香脆美祿粉, 口感唔錯。

天水圍隨著很多新屋苑落成, 不同國家美食進駐, 飲食也多姿多彩。這間越南餐廳位於濕地公園屋苑, 裝修簡潔舒適。香茅豬扒撈檬豬扒又厚又大塊, 肉質幾滑, 扒邊有啲香脆, 撈檬酸酸甜甜幾幼滑。越式法堡飽身幾軟熟, 牛肉餡料較濃味, 熱辣辣口感唔錯。還可加錢加配薯條外脆內軟, 分量都唔少。風味飲品揀了冰凍美祿。柚子大蝦沙律蝦仁爽脆味道較淡. 柚子清甜多汁, 加上新鮮蕃茄蔬菜, 清新有開胃。美祿奶醬窩夫曲奇呢個甜品賣相相當吸引, 外層是鬆脆窩夫曲奇, 下面是香甜美祿奶醬, 有著奶醬多嘅色彩, 吃落十分滋味。

佛誕假期嚟到天水圍探朋友，去到濕地公園附近，都算係偏遠地區，不過喺天水圍轉輕鐵過嚟都係15分鐘。呢度附近最近開咗有好多唔同嘅獨立餐廳，就等我帶你哋去試吓呢度嘅越南特色食物啦！呢度除咗室內位置，仲有戶外區域可以坐，不過相信咁炎熱嘅天氣，大家都會坐喺室內嘅！12點嘅時間入到去見到都滿咗八成人，就知佢咩料啦🤭午市套餐非常抵食，平均返都唔使$100，仲可以加錢要埋小食，送埋杯飲品俾你，環境同座椅都非常舒服，店面都算闊落。我同朋友分別點咗兩碗撈檬粉，因為實在太熱啦！佢就點咗爆脆燒腩肉撈檬，啲燒腩肉真係好大件同香脆，加埋冰凍嘅越南酸醬汁，呢個時間食真係好開胃！我就叫咗雞髀肉撈檬，雞髀肉好滑，撈檬好爽口🫶🏻另外再加咗兩款小食，越式炸春卷，同埋牛油雞翼，牛油味好重，略嫌兩隻雞翼大細唔平均，炸春卷都好香口！跟餐我地再叫咗兩款飲品，叫咗一杯凍朱古力同加錢叫咗一杯越南滴漏咖啡走煉奶 （我唔係太鍾意甜），呢杯熱咖啡真係冇得輸，個人覺得喺必點！佢哋仲新推出咗隱藏式甜品Menu🤭，我叫咗一碗芝士奶蓋紫米露，非常香濃奶味，紫米露唔會太杰，食落甜度剛剛好。

一直在開飯搵榆越都無濕地店原來叫viesta express唔知幾時開業呢附近幾間食店都多人食但呢間越南野就相對少人可能係個位最偏僻啦我地三個人黎叫左三份撈檬午餐天氣熱食撈檬特別正尤其係個醬汁做得好個啲呢度個汁唔錯鹹鮮味又唔過酸雞翼大大隻有四隻豬扒略微乾身但重香茅味都幾好雞扒煎得皮脆肉嫩可惜未影相就開始食午餐送餐廳茶要左一凍一熱咖啡同一杯美祿恐龍幾好飲又夠大杯美祿恐龍唔算特飲唔使額外加錢抵左杯熱啡又係未影得切相…男人食野總係特別心急唔比人影相哈哈…

濕地公園一帶自從新樓盤入伙後，陸續開咗好多食店。而近消防局呢邊亦新開咗幾間。呢日星期日下午茶時段，見到呢間越南餐廳有位，於是就試下。一入去，見到大大個用綠葉砌成的招牌，成間餐廳以綠、白及木為主色調，配合身處的濕地公園自然環境，而且空間感充足闊落，坐得舒服。我地兩個人分別叫咗一個午餐同一個下午茶餐午餐：爆脆燒腩肉飯燒腩肉外皮好香脆，肉質好入味，而且都有好多件。個白飯成欖球型，成個感覺好有誠意！下午茶餐：招牌燒牛肉法包+$5配薯條燒牛肉好厚身，夠淋亦好juicy同入味，另外配有青瓜片、蕃茄同芫荽，非常足料，加配的薯條亦夠脆，如果以下午茶來講唔加薯條其實都夠飽餐飲：一杯美式咖啡，另一杯加錢(跟餐半價)越南滴漏咖啡美式咖啡正正常常無乜特別，滴漏咖啡味道香濃相比附近餐廳，呢間價錢相宜，食物質素唔錯，服務亦有禮，環境舒服，性價比高，值得下次再幫襯！