Viesta Express

一入到黎個男店員塊面西到我火滾，完全冇招呼個客人，同佢講幾多位先好唔情願指左個位比我。唔想做可以唔做，食客入黎食嘢點解要受你氣？食物質素唔錯，手撕雞撈檬夠味 不過另外叫左香茅豬趴河粉，個雞湯懷疑係味精而且用餐時段係午餐，啲甜品已經冇曬貨？以一間黎講，呢方面好唔專業喎？係咪應該要改善吓？店員既態度真係搞到完全冇胃口！希望老闆再訓練下啲店員在比佢地出黎…查看更多

最近在一家越南餐廳嘗試了他們的豐盛一人餐，真是讓我驚喜不已！餐點包括牛油蒜蓉雞翼撈檬、網春卷、美碌恐龍和紫米露，價格只需$72。牛油蒜蓉雞翼外焦裡嫩，蒜香四溢，搭配爽滑的檬條，讓人一口接一口。網春卷更是清新可口，裡面的餡料新鮮，輕鬆解膩。美碌恐龍則是獨特的甜品，口感豐富，非常適合在炎熱的夏天享用。最後的紫米露甜而不膩，讓整個餐點畫上完美的句號。這一餐不僅令人滿足，更是消暑的絕佳選擇，真心推薦給喜歡越南料理的朋友們！…查看更多

呢間位於天水圍濕地公園嘅越式餐廳每次去到都會點佢嘅越式河粉佢嘅生牛肉係超級好味🥩再配埋牛丸 食得辣嘅記住要辣佢哋仲推出二人套餐有前菜有主食，仲有甜品添價錢都幾親民㗎…查看更多

呢間慢煮嘅燒腩肉撈檬粉，好好食呀，佢啲燒肉啲皮脆卜卜，次次都必嗌，佢個套餐，仲可以跟一個小食同嘢飲小食春卷都好食。另外風門牛嘅生牛肉河就不過不失啦份量都叫大同埋個湯底都冇咩味精食完都唔會好口渴可以當湯飲吓，另外阿仔食咖喱雞扒飯個咖喱都幾香椰奶味都唔錯，所以令我驚喜嘅係佢個甘露奶凍，真係好好食呀，佢應該有個鮮奶凍喺入邊再加好似楊枝甘露咁樣估唔到好夾喎，好想再食過😝所以每次外賣平台有優惠，我都會必叫呢間餐廳。…查看更多

好難得嚟到天水圍一帶，要去天恒個邊，搵下附近有咩食，平時成日喺商場入面搵野食已經唔知有咩好食，wetland seasons park呢邊就開咗好多新野食，好多地舖餐廳，離天恒都唔遠，就嚟呢邊試吓。呢日係星期日，下午3點嚟到，餐廳入面只有兩枱客，自己入到去自己搵位坐低就得，冇人招呼，枱面有qr code自己落單。星期日都照有午市套餐同下午茶套餐，午市套餐多啲選擇，有撈檬、湯檬、飯，檬粉可以轉河粉、米線，但下午茶套餐就得撈檬同飯。午市套餐可以免費揀凍飲，下午茶飲凍飲就要加錢。我哋就叫咗一個午市套餐一個下午茶餐。飲品叫咗熱朱古力同凍美祿恐龍，朱古力好濃唔錯，美祿恐龍就係美祿上面加朱古力粉。優惠追加$14兩隻牛油雞翼，好香牛油味，雖然個碟好多油但啲雞翼都好脆。香茅雞扒湯河粉 午市套餐有自家製辣汁，落單個陣可以揀唔要/小/中/大辣，我哋揀咗小，都幾多，明顯見到好多辣油，我哋舀咗啲出嚟先攪個河粉，但都幾辣。雞扒幾嫩，不過啲皮唔脆的，普通煎。香茅豬扒撈檬 下午茶餐冇得揀麵類，同埋一定要係撈檬，上菜會比埋桶汁你。汁唔太酸，少少辣，主要係入面嘅蒜蓉嘅辣味，唔係真係辣椒嗰種咁辣。豬扒幾好食，夠乾。…查看更多