Via Tokyo

營業中

休息中

Via Tokyo 絕對係抹茶控嘅天堂！唔知係唔係因為太多人等位嘅緣故，佢地有一個外賣甜筒買一送一嘅優惠，啱晒拍拖嘅情侶買完雪糕慢慢行去維園坐低食！另外，買外賣嘅人士，係唔需要堂食排隊，直接行入鋪頭買外賣就可以！比完錢之後，拎住張單，就可以去番門口外面等雪糕。當雪糕準備好時，店員會拎出黎比你。今日買左兩個抹茶雪糕+紅豆茸+蕨餅 (其實仲有加白玉，不過我地兩個都唔食就無謂浪費食物，直接叫佢走白玉)。$58有兩杯，以日式抹茶雪糕黎講算係超值！

小妹獨愛抹茶🍵，一直都覺得Via Tokyo都保持到質素☺️，所以一直鍾愛Via Tokyo 嘅抹茶😌😛•黃豆粉白玉紅豆抹茶牛奶雪糕🍦小妹比較愛吃甜😻，所以就揀左有黃豆粉嘅呢款雪糕，紅豆配抹茶是慣常配搭，但加上黃豆粉，令甜度更加提昇🤤，愛吃甜的朋友可以試試💁🏻‍♀️蕨餅紅豆抹茶牛奶雪糕🍵🍦唔想太甜嘅朋友👄，可以選擇呢款，紅豆唔會太甜，可以吃到真正抹茶嘅味道🍵，牛奶雪糕幾滑🥛，加埋 Mochi一齊食🥠，非常有口感🥰

雖然我沒有很愛抹茶，但是他們家的抹茶一定要嘗嘗～甘甜香滑，搭配上培茶真的很舒服😌這裡的抹茶雪糕真的濃郁到一個點，濃濃的奶香味，入口即化，有點像吃奶油一般順滑抹茶卷也是非常好吃，推薦❤️

這間雪糕店很岀名，上次行經已經想試，今日終於吃到了。黃豆粉白玉紅豆雪糕 $50雪糕香滑，白玉煙煙韌韌有嚼勁，配上甜甜地的紅豆，跟黃豆粉，口感味道更具層次。三色雪糕窩夫 $69建議先吃北海道牛乳雪糕，因比起兩款茶味，味道較淡，食落牛乳味濃，正 。啡色的是Hojicha 即是焙茶。這個味道有濃濃的炒焙過的茶香味，質感幼滑， 很喜歡這個味道。綠色的是matcha ，即是抹茶味，比起焙茶味略帶點苦澀味，但茶味仍十分濃，亦不會太甜。有機會會再吃其他款式🤭

每次行過呢間甜品店都有勁多人, 所以最終都係食唔到,難得有一日行過冇人排隊, 當然就同左朋友入去試一試啦.其實佢D雪糕都好大份2個人食一個都可以, 最後叫左個脆米白玉抹茶雪糕, 雪糕有好濃抹茶味, 而且佢其他材料一樣都好好食,特別脆米好香口同埋煙韌嘅白玉, 唔怪得平時咁多人排隊.

同朋友出銅鑼灣行街影完相，都一致地好想食甜品，就搵到呢間Via Tokyo.佢有好多款口味同配搭揀，睇到我想選擇困難症發作，最後揀左抹茶紅豆白玉雪糕係好濃嘅抹茶味，澀澀地，配搭著微甜嘅紅豆，中和返個澀味，就好好食，中意食抹茶嘅人一定會好中意，不過我個人就中意甜啲嘅，如果可以再多啲紅豆加少少甜度就好了

其實唔係第一次嚟食喇😋個綠茶雪糕一直係我最愛😌男朋友未嚟過, 今晚又勁想食日本嘢😅😅 食飽飯嚟整個甜品先! 唔使講, 綠茶雪糕必點!! 餐牌仲有好多選擇, 卷蛋糕, 芝士蛋糕, 日本出名好滑好香牛奶味嘅creamia 🍦都有! 😲 卒之決定一人一杯綠茶雪糕, 我的跟紅豆白玉, 男朋友的跟糯米糍, 再加個抹茶卷share 😆個雪糕好好味 個人喜歡白玉多過糯米糍😌個抹茶卷都唔錯, 但還是覺得雪糕比較好食, 始終抹茶卷太多地方有得食😁

外賣買一送一指定雪糕筒，平時雪糕筒堂食要$54-60嫁，所以買一送一先至抵食！如果堂食價就唔係好捨得食嚕！我揀左抹茶焙茶雪糕筒$58同埋宇治抹茶雪糕筒$58，兩款原價都係$58，買一送一之後$29咋！平好多！我自己鍾意食焙茶少少嘅甘味，我又唔想食太苦，所以溝埋抹茶呢個組合就perfect match！而抹茶就比較甜少少！但都一樣好濃茶味！小丸子都係好Q彈，紅豆又甜！所以半價黎講真係要食下呀！唔好錯過！

三色雪糕窩夫有原味牛奶雪糕、抹茶雪糕同焙茶雪糕、重有紅豆、白玉丸子同蜜餞栗子。焙茶雪糕真係比較少有、三種雪糕味道都好濃郁，抹茶同焙茶真係食得出有果種茶味既，唔會過甜。食得出係高質既雪糕。不過可能牛奶成分比較重，所以都好快融！只係影一影相就融左好多。裏面有紅豆同白玉丸子，紅豆重食到有少少顆粒，唔太甜。白玉丸子QQ彈彈，改變口感、同雪糕好match。窩夫皮香脆，加埋雪糕食一流！蜜餞栗子雖然偏甜，但好好食！不過一個人食3個雪糕真係好飽，可以當一餐食都得。

上次同朋友點了一個綠茶雪糕和焙茶雪糕。綠茶雪糕的綠茶都幾濃郁，拉美不會太重。但雪糕的質地比較易溶，所以要快啲食。陪茶雪糕的味道會比較富，但我是一個很喜歡吃茶苦味的人，所以不錯吃。

🍦Cremia 牛奶軟雪糕 $38嚟自日本嘅 Cremia 雪糕原來連 Via Tokyo 都有得賣喇！覺得比得上日本嘅味道喎！🥛牛奶味好出，食得出好足料，原來係用左北海道嘅新鮮忌廉，牛奶脂肪有12.5%咁高(比一般雪糕多4-5pt)。更好味嘅係用曲奇皮做嘅雪糕筒，咬落好鬆化，有陣陣牛油味散發出嚟🥰如果有食過白之戀人，呢個雪糕筒類似果種曲奇餅~薄身又脆口，同奶味濃郁嘅雪糕好夾😋Cremia 喺香港仲有其他地方有賣，不過賣緊$48，而且日本大部分地方都賣450-500yen，所以相較之下Via Tokyo賣嘅價錢($38)係幾抵！掛住日本嘅朋友，去Via Tokyo止止喉先啦😌

Whenever my friends ask for recommendation for dessert, via tokyo must be on the top of my list! Nice location between causeway bay and tinhua, it only takes you five to ten minutes walk from the mtr to the restaurant. I usually order the whole matcha flavour of icecream as the matcha taste here is irreplaceable in any other matcha icecream shop in Hong Kong. A thick texture which definitely makes you full afterward, and a not-too-bitter or sweet taste that won't let you feel greasy or sick of e

忙完一輪之後，終於有時間約朋友出去食好嘢、傾吓計。我哋兩個都係抹茶控，又鍾意食甜品，於是就一齊去Via Tokyo食抹茶甜品我記得我第一次食Via Tokyo係喺五年前，當時第一次食已經覺得好好味，抹茶味雪糕香濃、焙茶味雪糕更驚喜（濃厚茶香同烘烤香氣)。今次我哋分別叫咗黃豆粉白玉紅豆抹茶牛奶雪糕同蕨餅抹茶雪糕。Via Tokyo抹茶雪糕味道就無得彈，今次第一次試黃豆粉夾抹茶雪糕，初時以為黃豆粉會冇乜味道，但估唔到為夾抹茶雪糕會有種淡淡的香氣，而且紅豆夠軟綿綿，白玉都夠煙韌，能夠同抹茶雪糕香濃嘅味道形成一個強烈嘅對比。另外朋友嘅蕨餅抹茶雪糕都好正，蕨餅上有濃郁香氣嘅抹茶粉，但係又唔會多到卡住喺喉嚨嘅感覺。同埋一直都好喜歡佢用木嘅枱、燈同餐盤，令整個環境望落去好溫馨、舒服。

Via tokyo 嘅前身係froyo，但熱潮已退，而佢地睇中香港人口味，轉型做抹茶甜品，殺出左一條血路。呢度夜晚晚餐後嘅甜品時間非常多人排隊，放學時間都好多人。喺繁忙時間黎其實唔係好好坐，多人得黎舖頭又細又迫迫地，然後好多人排隊又好有壓力。不過如果係非繁忙時間，例如早上或者中午lunch time嗰時，係同朋友聚腳吹水唔錯嘅選擇。野食方面，雪糕嘅味道較甜，抹茶同培茶味唔係好濃。牛奶味唔會太重，不過都會搶左茶味，可能因為蘑味真係比較淡。配料方面，白玉係唔錯，好煙韌，唔會太甜，送雪糕一流 糯米滋就失色左啲😂 唔夠煙韌，質感有啲怪，同埋份量較少。

Tried their Matcha ice cream back a few years ago and it was one of the best around.Recently revisited Via Tokyo and had their matcha and hojicha ice cream, and also their matcha roll.The ice cream was still as good as I remember it to be. It was very creamy but not overly sweet, and both flavours were exceptional. The matcha roll was delightful as well. The cake was light and moist and the cream was very smooth with a lovely matcha flavour.Definitely going to come back next time I am back in Ho