Undici

營業中

休息中

這間樓上咖啡店位於銅鑼灣百樂中心，鄰近時代廣場，主打精緻的日式西餐，店內環境寬敞舒適，裝潢以灰色為主調，更設有沙發座位，適合多人聚會。餐廳最近迎來開立三週年，推出$1兩隻慢煮鮑魚及$28蛋糕放題。慢煮燒汁鮑魚+$1凡惠顧主食並升級套餐，完成指定任務即可享三週年優惠(只適用星期一至四全日)。厚肉爽身的磯煮鮑魚吸飽日式醬油，保持鮮嫩肉質之餘，醬汁又鮮甜香濃。蒜香辣椒蜆肉意大利粉配軟殼蟹 - $138大大隻金黃酥脆的軟殼蟹毫不油膩，有著厚厚的蟹肉甘甜多汁，蟹身咬開更有少許甘香的蟹膏，蟹味十足！煙韌彈牙的意大利粉掛滿香辣的蒜蓉汁，還有大量鮮甜無沙的蜆肉。升級套餐+$48櫻花濃蝦湯濃稠的櫻花蝦湯幼滑細膩，有著濃郁的鮮蝦味，還有香脆的櫻花蝦。精選甜品六款是日蛋糕任選一款，抹茶芝士蛋糕既綿密濕潤又香濃鬆軟，沉穩的茶香平衡膩感。焦糖脆脆鮮奶咖啡 +$15醇厚的咖啡，香氣持久且清新，伴隨著鮮奶的順滑感，面層適量的鮮忌廉淋上焦糖醬及焦脆爆谷，增添一絲香甜。

🐷招牌名古屋鰻魚大阪燒意大利飯 鰻魚大大條口感軟腍腍，蒲燒鰻魚汁有淡淡嘅甜味。下面配咗口感同埋味道都非常豐富嘅大阪燒意大利飯，又要大阪燒醬同埋鰹魚碎，真係好似平日食大阪燒嘅味道，有新意得來味道都好唔錯，超級推薦！💓🐷蒜香辣椒蜆肉意大利粉配軟殼蟹 呢個意粉蒜香味十足，調味亦都唔會好辣，大概係譚仔10小辣左右好容易接受😚。軟殼蟹係成隻炸完放喺上面，脆卜卜熱辣辣。🐷日式原味芝士蛋糕 芝士味非常濃郁，口感軟滑味道亦唔會太甜，用嚟做飯後甜品啱啱好。

🔹️Undici🔹️ 銅鑼灣真係多樓上舖而唔少樓上舖都幾出色架餐廳簡約得黎又帶點小裝飾 適合拍照😆 蒜蓉牛油酒煮蜆陣陣牛油蒜香味 蜆肉點醬汁食好正特別要讚既係 啲蜆肉無沙👍正呀！ 香草蜜糖無激素雞翼燒雞翼我鍾意食😊香甜既蜜糖漿掃滿在雞翼上咬落既脆身又甜蜜，雞翼仲好Juicy添 明太子意大利粉配珍珠帶子明太子既鹹香 帶子及蟹籽既爽口醬料及食材掛滿在意粉上 豐富又好味 +$48 可以變set餐，包濃湯、+$15特式飲品同甜品櫻花濃蝦湯濃郁Creamy湯底，飲到啖啖櫻花蝦粒 UDC果茶 (橙+柚子)少甜既茶味 橙及柚子粒既酸甜 味道好清爽 士多啤梨酸奶飲落係濃厚既酸奶及士多啤梨味🍓並帶有少量既士多啤梨果肉增加口感 抹茶芝士蛋糕香濃芝士配上清新既抹茶味 食落唔會偏甜

今日去咗銅鑼灣呢間樓上cafe食dinner環境幾chill，啱晒傾計🗣️💕關西牛肉燒配牛肝菌意大利飯套餐，牛肉嫩滑多汁，上面仲有新鮮嘅生菜絲，好開胃😋🍖🍚 橙色嘅湯就係櫻花濃蝦湯，香濃惹味，仲有啲微辣嘅驚喜，幾過癮👌🦐🌶️最吸睛嘅係香草蜜糖無激素雞翼，外脆內嫩，上面撒滿芝麻同新鮮嘅豆苗，賣相十足🍗😍 另外仲點咗蒜蓉牛油酒煮蜆，蒜香味撲鼻，蜆肉彈牙爽口，湯底香濃，忍唔住舐晒碗底😆🐚飲品方面揀咗特濃芒果乳酪，杯身有啲紅色花瓣裝飾，睇落好靚，飲落口應該好清爽，夏日消暑首選🥭🥤 最後嘅甜品係日式原味芝士蛋糕，軟綿綿又唔會太甜膩，完美為呢餐畫上句號🍰☕整體嚟講，食物質素高，賣相靚，價錢合理，環境舒適，絕對值得一試！下次一定會再嚟🥰👍

之前黎過晚餐加埋蛋糕放題真係食得好開心！ 今次二訪食lunch，點主食+$48就可以upgrade 轉套餐，有櫻花濃蝦湯＋甜品＋特色檸檬茶/美式咖啡。 櫻花濃蝦湯，鮮味得黎有粒粒櫻花蝦，好有質感！ 招牌名古屋鰻魚大阪燒意大利飯日式大阪燒 X 意式Risotto配搭有新意。大阪燒材料木魚花、蛋、醬汁之外，主角係原條燒鰻魚，傳統意大利飯底，層次感超豐富。鰻魚燒汁伴菇菌香Risotto，大大啖肥美鰻魚肉蛋蓋，好yummy！香草蜜糖無激素雞翼，外層焗得好酥脆，一咬開香甜又juicy。紅肉火龍果梳打紫紅色好吸引，bubble感好重，帶微甜果香配梳打base消暑解渴！ 爆谷朱古力班戟朱古力控見到心心眼，雙層Pancake之間有朱古力味雪糕、黑朱古力雪糕clone、Slice朱古力芝士蛋糕，碟邊仲有香濃朱古力醬，脆粒爆谷，成個Choco combination超完美!

俾佢哋嘅鰻魚飯吸引到🥹❤️就決定去探店🍴食物有質素👍🏻雖然選擇唔算多飲品方面都出色👍🏻平日仲有蛋糕放題添啊🍰值得一試嘅樓上好吃Cafe☕️-🤎招牌名古屋鰻魚大阪燒意大利飯 / $158“Omelette" Risotto W/ Japanese Style Grilled Eel（呢個真係佢哋嘅招牌鰻魚飯！鰻魚超級大一條！大阪燒醬汁嘅意大利飯底都好好食呀～）-🍝七味魷魚天婦羅香辣茄汁煙肉意大利粉 / $148Pasta Amatriciana W/ Shichimi Squid Tempura（濃濃紫菜香氣嘅天婦羅魷魚～炸的香脆可口！再配上微辣的茄汁意粉～）主食都可以升級$48套餐加配有餐湯，精選甜品及指定飲品s～-🥣櫻花龍蝦湯（濃濃的龍蝦湯正～ ）-☕️焦糖脆脆鮮奶咖啡 （+$15）（超級愛這杯焦糖咖啡！又美又好看～）-🍰伯爵茶芝士蛋糕（蛋糕不算甜～Texture有點像吃雪糕）

趁放假當然要去Chill一下啦😬今次我哋就黎到呢間位於銅鑼灣嘅人氣Cafe店「Undici」，黎到已經見到玩味十足😂而且店內真係相當之高人氣👍胡麻醬卡邦尼意大利粉 $128 + $48 櫻花濃蝦湯＋精選甜品＋特色檸檬茶呢個卡邦尼意粉真係非常之Creamy！小編就係鍾意食咁Creamy嘅卡邦尼意粉！真係岩哂小編口味😋而且材料十足！材料有溫泉蛋+煙肉+磨菇等等……再配上櫻花蝦湯十分之濃郁嘅味👍仲有特色檸檬茶 同埋 tiramisu做甜品好滿足呀🤭蒜香辣椒蜆肉意大利粉配軟殼蟹 $138辣辣地嘅蜆肉炒意粉又幾醒胃喎😍啲蜆肉真係唔吝嗇！差唔多每一羮都有，而且仲肥嘟嘟大大粒👍配上即炸軟殼蟹真係冇得輸啦😂抹茶豆腐拿鐵 $42太太係抹茶控+咖啡控，再配上豆腐，佢話感覺都幾新鮮，而且都夾喎😬 如果大家都係抹茶同咖啡控，都可以叫黎試一試😊睇下岩唔岩大家口味☺️

這間Undici cafe 地方細細，只得數十個座位。裝修簡單舒服。餐牌選擇以西日式為主。關西牛肉燒配牛肝菌意大利飯，牛肉份量都頗多而大塊，肉質軟嫩多汁，燒得香口配上日式照燒汁更加惹味，意大利飯的軟硬度剛好，飯粒有點咬口，配上牛肝菌嘅清香，味道不會太膩。加$48 就有香濃的櫻花濃蝦湯，精選甜品及特色檸檬茶/美式咖啡。甜品有六款選擇，我選了味道清新的柚子芝士蛋糕。蒜蓉牛油酒煮蜆，用石鍋盛上，熱度十足，上枱充滿蒜蓉牛油香味，硯肉份量頗多，沒有沙，硯肉鮮甜。飲品推介抹茶豆腐拿鐵，賣相很靚，很有層次，有淡淡抹茶味，軟滑豆腐花令口感增加。

今日約咗朋友食lunch，我哋就去咗伯樂中心樓上Cafe，見到呢間幾多人推介就入咗去食。櫻花蝦濃湯櫻花蝦味都好濃郁，入口幼滑。UDC凱撒沙律沙律新鮮爽口，蟹棒鮮甜，煙三文魚口感細緻，加上濃郁芝士口感比較豐富。明太子意大利粉配珍珠帶子意大利粉煮到軟硬適中，明太子醬汁味道惹味，蟹籽粒粒分明，口感爽脆。特色檸檬茶味道清新，非常解膩。楊枝甘yo呢個甜品一定要叫，乳酪酸甜開胃，香甜芒果加上柚子配上芒果醬10分好味。朱古力芝士蛋糕有好多款口味芝士蛋糕，我哋就揀咗朱古力味道，朱古力味道濃郁，入口Creamy。

環境舒服，冷氣充足的樓上咖啡店。櫻花濃蝦湯上枱很快，賣上精緻，口感柔和，質地幼滑，充滿櫻花蝦蝦味。特色檸檬茶顏色漂亮，味道清爽，冰涼怡人，有淡檸香，還有柚子味道。胡麻醬卡邦尼意大利粉擺盤好看，蘑菇煙肉芝士煮得味美，醬汁濃厚，卻不會太膩。口感極佳，意粉即煮十分彈牙。刺破半熟蛋，更好看了，份量不多，質素不錯。七味魷魚天婦羅香辣茄汁煙肉意大利粉魷魚炸得香口，炸粉薄，少許辣的意粉，有鮮茄煙肉蘑菇跟茄汁🥫還有芝士等材料，汁辣又甜，蠻開胃，特別欣賞有芝士，辣咸口味亦好配。柚子芝士蛋糕有清爽的柚子香，蛋糕size稍細，口感卻綿密，有海綿蛋糕層，芝士味挺突出。跟餐精選甜品可自選餐牌要了伯爵茶芝士蛋糕從前吃過的味道，更多忌廉的滑溜質感，芝士味不突出，餅底不硬，挺新鮮的，只有少少伯爵香，能嚼到茶粒，冰凍似在吃雪糕。食後感：菜式出品比預期高，蛋糕質素亦靠譜。

🦐櫻花濃蝦湯一上枱已經聞到好濃郁嘅蝦味，飲落仲食到粒粒嘅櫻花蝦👍🏻🐬招牌名古屋鰻魚大阪燒意大利飯賣相已經好吸引😍鰻魚大條得嚟又厚身，食落去勁有口感，而且加咗紫菜木魚同燒汁，味道👅係有啲似大阪燒咁😆意大利飯個忌廉雜菌汁調得好好，加埋下面係蛋包飯，無論口感同味道都夠晒厚身☺️🦀蒜香辣椒蜆肉意大利粉配軟殼蟹用石鍋上賣相已經好特別，軟殼蟹有返咁上下大隻🦀，中間都仲有啲蟹膏咁，炸得香脆又唔會硬梆梆。蜆肉意粉🍝炒得夠乾身，蒜香味都好出，鍾意食軟殼蟹嘅朋友就啱晒☺️🍰柚子芝士蛋糕柚子芝士🧀嘅味道好濃郁，而且配搭左玫瑰花🌹嘅香味，口感軟滑，下次值得試吓佢嘅蛋糕放題👍🏻👍🏻

今天去了銅鑼灣朋友推薦一間頗受歡迎的樓上Café，雖然還未到七點，餐廳已經坐無虛席，幸好預先訂了位。主菜+$48可享有櫻花濃蝦湯+精選甜品+特色檸檬茶/美式咖啡 另加$15可轉其他特飲(熱花茶除外)平日一至四 +$28蛋糕放題📌櫻花濃蝦湯🫕口感香滑，湯底鮮甜濃郁，加入珍貴的櫻花蝦，入口香脆，湯面灑上了黑白芝麻，為這道湯品增添了一層醇香。📌 招牌名古屋鰻魚大阪燒意大利飯 🍛大大條的鰻魚原條躺平在飯面上，真夠「奪目」。鰻魚肉質嫩滑細膩，淋上惹味鰻魚醬汁，香口誘人，意大利飯Q彈有勁，加上嫩滑的炒蛋、本菇，和木魚碎等配料和特製醬汁，整體口感猶如食緊大阪燒。📌廚師發辦👨‍🍳好奇心作祟，想知道廚師今天會帶來什麼驚喜，所以選擇了廚師發辦。上桌後，菜色立即吸引了我 - 櫻花蝦海鮮意大利粉🍝。麵條Q彈有勁，海鮮包括了珍珠扇貝、蜆肉和粒粒新鮮八爪魚，再加上香氣四溢的櫻花蝦和特製醬汁，滋味層層遞進，令人難忘。📌伯爵茶芝士蛋糕🍮伯爵茶香氣濃郁，芝士蛋糕質地綿密，經過凍藏後入口更顯厚實，宛如品嚐雪糕般清涼可口。📌提拉米蘇海綿蛋糕🍰與傳統提拉米蘇不同，這款採用軟綿海綿蛋糕作為底托，蛋糕本身輕盈鬆軟，朱古力香氣濃郁

出銅鑼灣多嘢行、多嘢食，但唔少都要排隊今次同友人出嚟前預先book咗【Undici】 上到嚟直接有位直入👍🏻我哋分別嗌咗2個set：蒜香辣椒蜆肉意大利粉配軟殼蟹 & 明太子意大利粉配珍珠帶子 配 餐湯、飲品、甜品（切餅）餐湯係招牌櫻花龍蝦湯，都幾香濃+少少櫻花蝦嘅咬口。明太子意大利粉方面好足料🍝 加埋啲蟹籽、紫菜toppings 好好味軟殼蟹意大利粉就有少少辣，不過食落會更香口，軟殼蟹成隻上勁eye catching🤣🤣 吸引到隔籬枱都話下次嚟試呢個飲品嘅表現都ok，但如果再少甜啲就更prefect，今次趕時間，下次會想挑戰蛋糕放題🌸

銅鑼灣耀華街都有很多上樓餐廳，今次來到百樂中心11樓一間人氣Cafe「Undici」，平日一至四加$28有蛋糕放題✨招牌名古屋鰻魚大阪燒意大利飯原條鰻魚肥大肉厚，面層有紫菜和芝麻，底下就是香滑的蛋包飯、木魚碎再配埋大阪燒的醬汁，蛋包飯搭配的是忌廉雜菌意大利飯，有香濃的奶油香味和滑蛋蛋香味道，兩者配搭都很夾，好好味✨明太子意大利粉配珍珠帶子有珍珠帶子、彷蟹柳、黑白芝麻、紫菜和面層大量嘅飛魚籽，咬落增加卜卜脆的口感，食起來口感非常豐富，意粉軟硬度剛好，加上蛋黃醬和明太子醬，味道香滑Creamy✨升級套餐優惠自選Pasta | Risotto | Meat +$48 可享有櫻花濃蝦湯+精選甜品+飲品✨櫻花濃蝦湯 櫻花蝦湯比較濃稠，粒粒的櫻花蝦帶有濃郁的鮮甜鹹香味，口感順滑✨士多啤梨芝士蛋糕｜伯爵茶芝士蛋糕芝士蛋糕味道香濃，士多啤梨充滿果肉香味，相對伯爵茶味道沒有士多味濃，但都好好味✨焦糖脆脆鮮奶咖啡面層有鮮忌廉焦糖脆脆，中間是香濃咖啡，底層是香滑鮮奶，每層層次感分明，打卡都幾靚平日星期一至四+$28 有蛋糕放題綠茶芝士蛋糕奶茶海綿蛋糕柚子芝士蛋糕榛子摩卡海綿蛋糕朱古力芝士蛋糕日式原味芝士蛋糕

Book咗星期六晚8:00 兩位 位置略嫌有啲逼左邊係二人枱 右邊係六人枱夾係中間仲咁逼就有啲嘈叫咗一個蒜蓉牛油酒煮蜆 $98份量對得住個價錢 味道係好味嘅但就食唔岀蒜蓉牛油味 成鍋得一隻食到有沙唔睇標題就咁當佢煮蜆都叫滿意關西牛肉燒配牛乾菌意大利飯 $138因為我唔食牛 所以無試但望落牛嘅份量超級多 朋友亦都讚好味 可以一試明太子意大利粉配珍珠帶子 $128我係因為呢個意粉先打呢個食評非常十分之失望 ( 本身係因為想食呢個意粉先嚟 )完全食唔到任何明太子味我亦都唔理解點解明太子會配茄汁topping咁奇怪視覺上可能係好睇啲 撈完顏色更加”明太子”但其實完全係一啲都唔夾 直頭格格不入個隻撈完變咗茄汁意粉咁嘅味 成碟意粉珍珠帶子都係得四五粒雖然有啲蟹籽蟹柳裝飾吓但都補救唔到成碟野個個空虛感我食咗三份一已經投降其實價錢$128都唔平 明太子都唔係啲咩矜貴食材落料可以豪多小小 用茄汁充當明太子真係第一次見整體唔錯 可能叫其他主菜會比較岀色/驚艷希望餐廳可以積極改善一下個明太子意粉作為明太子迷 今晚食得個空虛