Top Blade Steak Lab (梭椏道)

營業中

休息中

呢間性價比極高嘅牛扒餐廳，平時行過見佢勁多人排隊，今日特登等佢開門😁 我點了佢一份牛扒，原來牛扒配埋黑松露薯條任食👍🏻👍🏻👍🏻,薯條不停新鮮炸起, 而且係我最愛嘅幼薯條🍟🍟🍟😋😋😋講返塊牛扒，牛肉味濃，配埋焗蒜頭，味道的確一流😋😋不過今次牛扒多咗條筋😭😭😭，希望下次會有改善💪🏻雖然係咁，你仍然係一間好味嘅牛扒餐廳🥩🥩🥩🥩🥩🥩🥩

我們今晚兩大兩細滿心歡喜到梭椏道Top Blade 食晚飯，可惜舊日的服務已經不再，非常失望。侍應表示每個人要叫一個餐，眼見我兩個小朋友都未夠12歲都這樣説，我們只好照做，食唔哂只好打包。其他餐廳通常以個人最底消費為標準（我們以前都會叫酒叫飲料）規定要一人一個餐真係好少見，勸帶小孩的朋友，若小孩食量細，真係要三思。事關食牛扒即時食先最好食。除此之外，侍應態度亦都一絶。食肆食飯，我都係第一次有侍應同我講「我們訂位的客人已經來了，出面等緊！」我知我們需要一小時交桌，但我未夠鐘呀！勸大家若未能於45分鐘吃完牛排，亦要三思。以前來食牛排，儘管人山人海都會等，但經過今次，我們不會再去。以前來食牛扒，侍應會教我享受食物和廚師的手勢，但今天，餐廳的重點錯放了，牛扒再美味也是徒然。

由細到大我都好鍾意食牛扒，細細個去食西餐廳食鐵板扒都食到津津有味～到大個左資訊發達，接觸多左食譜同睇西方飲食節目，先知道咩叫真正嘅牛扒～最近聽講何文田開左間隱世扒房，原本以為會好難搵而卻步，之後豬豬搵地圖，原黎係旺角東行過去唔使10分鐘，終於有動力的起心肝去試下～係舖頭關哂門嘅街道轉個彎，見到好多人排緊長龍就知冇搵錯了等左15分鐘倒，侍應帶我地坐低之後第一件事就係拎住個大盤幫我地fill—薯條—呢度其中一個賣點係薯條無限添食，而薯條質素相當高，炸得香脆又熱辣辣，配埋茄汁經典組合，好味到我地未入正題就食左一碟侍應之後詳細介紹每樣食材同牛扒，仲有熟度等等，夠哂細心，加分！我地每人叫左個set，有扒有湯有沙律有野飲，價錢都算合理。餐湯係忌廉磨菇白湯，口感非常creamy，質地唔算太濃但香味好出，高水準之作。餐飲我地分別叫左dirty lemonade 同very dirty lemonade，分別係最dirty個杯就落左少少whiskey嘅。整體都幾清新，冰冰地配檸檬味都幾chill，加左酒又唔同玩法，變左易入口少少嘅溝酒，好似酒吧會點到嘅酒一樣，伴牛扒都係唔錯嘅選擇。沙律用料除左常脆嘅蕃茄

好耐之前已經想嚟試下呢度既牛扒，今日時間夾到就尼一試！呢間小店位置較遠，但個門面幾有特色，裝修用左好多木。個menu寫住all you can eat fries，令人好期待🤤一坐低無耐，侍應就詳細介紹幾款牛扒，同埋suggest既生熟度，我地最後每人嗌咗一個set。.椰菜花忌廉湯湯嘅味道唔太突出，而且唔夠creamy，一般啦。.SaladSalad 入面有quinoa 、甜薯同埋吞拿魚。加埋一齊食，口感唔錯，而且清新得尼又唔會淡口👍🏻另外薯條任食，職員refill得好密，唔會俾你個碟空！.Prime flat iron牛扒肉質幾好，有咬口得尼唔會太硬，點埋汁就好好食！生熟度掌握得唔錯，跟住店員嘅suggestion 去order就ok。.Skirt wagyu steakSkirt steak 油脂豐富，肉質軟腍。加上濃濃嘅燒烤味，食落油香四溢，好好味。尼碟同樣係跟店員嘅suggestion 架。.Frontier beer手工啤味道清新，同食物好夾！唯一不足，係佢唔夠凍。.Mojito 好標準既mojito，very refreshing!.Dessert係passion frui

唔近地鐵站, 又唔近火車站! 好彩我之前住何文田所以識識哋路, 朋友們要睇住 google map 先識行去, 揸車可泊街 (唔怕抄牌的話, 附近都有咪錶位) !7點去到已經要排隊! 店內坐位舒適, 有氣氛! 餐牌食物選擇不多, 夠專! 有手工啤供應, 不過我哋無試! 我哋叫左 Herbly Flat Iron Steak 香草平鐵牛扒 $150 及 Guest Chef’s Flat Iron Steak 客席主廚鐵牛扒 $188! 有朋友唔食牛, 再叫一客 Spain Chestnut Fed Pork Rack 西班牙粟飼豬鞍架 $150! 牛扒肉質鮮嫩, 有牛肉味, 有咬口! 七成剛剛好, 完全唔沾醬都好夠味! 我偷左少少豬鞍架試試, 份量很大的, 味道極香, 脂肪比例均勻, 少少都唔覺肥膩! 連旁邊既焗蒜都好好味, 又軟又香! 加 $48 有自家制餐湯, 清新沙律! 仲有任食薯條, 店員間中會拎住一大兜薯條每枱派送, 薯條加左黑松露鹽, 又香又脆, 香氣撲鼻, 食唔停口呀! 註: 早少少去無咁多人

餐廳位置喺何文田 近旺角東雖然行去火車站要幾分鐘路程亦算住宅區 門口夜晚睇唔算搶眼但dinner時段居然相當旺餐牌有牛有豬 主攻嘅只係幾款扒睇唻係要以質取勝店員會好詳盡咁解釋每款扒係咩肉咩煮法亦介紹咗餐牌以外嘅special menu呢排係hanger steakSpecial menu都隔一排就會轉望一望 最貴嘅390日U.S. Prime穀飼flat iron牛扒亦唔貴就好快咁決定咗一份flat iron同一份hanger steak喺等緊嘅同時店員會幫我地fill薯條薯脆零舍脆 鹽味亦零舍香好在可以不斷refillDirty lemon teaFlat iron medium rareHanger steak都係medium rareFlat iron就嫩啲juicy啲但以咁嫩嘅肉質唻講肉味亦幾出兩者balance得好好Hanger steak texture就靭性高啲肉味比起flat iron更加出各擅勝場

自從Top Blade可以上網訂位之後，喺呢度食靚扒就更加簡單啦！呢度嘅餐牌好簡單，幾款牛肉加一款豬肉，再加一款daily special (今日係Skirt steak)。一坐低，就有人同你介紹各種扒的分別，同埋每種扒應該食幾多成熟。我哋就點左一份Daily Special，一份USDA prime。落單之後，新鮮炸起嘅薯條就會出現係你面前！薯條香噴噴、熱辣辣，食到停唔到口！而且仲要係任食，食完再加唔好浪費Skirt steak最先出現，牛扒比較薄身，但肉味好濃，而且油脂豐富，非常好味！USDA prime餐廳建議食medium rare，顏色比較粉紅，食落口感一流，肉質軟熟多汁墊底嘅薯蓉吸晒肉汁，好creamy好好味！呢度嘅飲品都有唔少選擇！我哋要左一枝冷壓蘋果茶。好抵讚嘅係呢度提供嘅係紙飲管，支持走塑！另外呢杯係餐廳侍應推介嘅Dirty Lemonade!同平時嘅檸檬茶好唔同！仲要係有氣的！好refreshing 本來仲想要甜品，不過食得太多薯條食唔落囉 留返下次再試！

今日黎到呢間隱世扒房食扒,由於佢都幾受歡迎,而今日仲要係週末,咁我地就18:15就黎到啦,好好彩地唔使等位,但18:30果時,門口已經開始有人排啦,所以想食就要早啲黎啦！我地叫左個西班牙豬鞍架同埋今日既special,牛既橫隔膜,點完餐之後,店員就會拎住個裝住薯條既大鐵兜黎加落你隻碟度,薯條係幼身既,炸得好脆,但啲薯仔肉都豐富,同埋佢係用黑松露做調味,每一條都有濃濃既黑松露味,不經不覺就食晒啦,但呢度最好既係薯條可以任食架,所以我又加多次薯條,因為真係好好食。係食薯條既期間, 西班牙豬鞍架就黎啦,份量都好大,一切落去已經好多肉汁,食落口係充滿豬味,仲有好香既豬油味,雖然係比較肥,但真係好香,跟住個牛就黎啦,份量係比豬鞍少既,但佢有比較多既配菜同埋薯蓉,薯蓉好好笑,好幼滑,而且充滿牛油味,如果可以再多啲就好啦,而個牛係好重牛味,而且比較有咬口。另外我地仲叫左個Dirty Lemonade,係用燒過既檸檬做,所以飲落會比平時既檸檬特飲更香,所以配埋薯條同豬鞍食,就做到解滯既效果。

我同朋友都特別鐘意食牛，所以上網搵到呢間專食flat iron既餐廳。由於驚放工時間冇位，所以提前book左位。我地去到個陣係六點半，未叫多人，但走個陣就full哂，重排緊隊，真係好彩。餐廳侍應好好，會同我地介紹meun，講今日special同推介煮既熟度，好細心呀！落單後，侍應就會幫我地fill薯條，係仼食，超級好，見你食完就會幫你盛。薯條有濃濃既黑松露味，好香，好脆。餐湯係南瓜湯，好香濃，暖暖既。而沙律係藜麥沙律，有呑拿魚同炸甜蕃薯做topping，好fresh，好開胃。食完前菜，主菜終於黎。我叫左美國390日谷飼Prime級平鐵牛扒，餐廳提議medium rare，但我吾敢食咁生，所以叫左medium。煎出黎色澤都非常令，食落口感比夠冧，好重牛味，好juicy。配菜有牛油薯蓉，非常香牛油味，又creamy，好好食。而朋友叫左今日既special，hanger steak，肉質一樣咁好食，燒得岩岩好，配埋燒香蒜，一流。我地叫左dirty lemon，酸酸地，吾太甜，好解膩，又fresh。重有冷壓蘋果伯爵茶，香濃既蘋果味配淡淡既伯爵茶。今餐同朋友食得好滿足。

有個男嘅老侍應，我地叫最平$150嘅扒，佢就不停sell 其它貴d，跟住又要我地加湯加沙律，再sell 飲品，決定話冇需要就全程黑面，埋單比錢行出門口多謝都冇聲，勁 rude , 大佬，我吾係黎乞食囉。😡😡😡😡😡晚餐一個鐘，趕頭趕命，成日摧你夠鐘了，食都冇味。😖😖我冇叫湯，但眼見隔離枱，湯同沙律一齊上，未食完就上扒，成枱食物，務必趕你快d食完bye bye😠牛好乾身，冇肉味，雪藏貨，不值，碟又凍。薯條任添，但落好多鹽，喊到你都吾想再食。請都吾會再去！

一向喜歡小寵物的我，一有空會去逛逛勝利道。今次順道去隔離條街梭椏道Top Blade steak Lab据牛扒，因同事之前讚不絕口話牛扒好正，黑松露薯條即炸即加潻，最驚喜係免費任食。好彩一早巳book位，門外巳有食客等位。地方唔算大，總算坐位舒適，布置也是一般，反而tolet貼門外放置多隻可愛🐂公仔，十分有趣。一坐下來店員悉心介照menu 內的食物來源，叧有自家製靚湯加藜麥沙律菜兩樣只係48元，蘑菇湯濃郁味美，藜麥沙律菜清爽又健康。鎮店名扒美國谷飼prime 級牛扒當然要試試，出奇細嫩鮮味，配搭滑溜牛油薯茸，入口即融。唔食牛嘅朋友叫咗西班牙栗飼豬鞍架大大件，佢切咗畀3/1我試,入口輭腍，肉味甘香可口，媲美牛扒不相伯仲，連配搭焗蒜，也出奇美味。有這樣的質素食材，難怪客似雲來。

黎到旺角東一帶，有一間幾多好評既西餐廳，同朋友決定一試！由對面街影過去餐廳好靚😛有溫馨小店既感覺😉店內環境舒適而有格調🤗💙餐牌上食物選擇不多，但解釋詳細而感覺細心😉我地叫左guest chef flat iron steak 同ultimate burger😂餐湯係紅蘿蔔湯餐牌寫自家靚湯 個名咁中湯 笑死我🤣🤣啖啖都係蘿蔔😂 忌廉味不重，而又冇蘿蔔既草青味整體幾清新唔會heavy藜麥沙律非常好食！推介大家一定要試！吞拿魚碎令沙律草青味更少，加上香甜可口既焗薯，令唔好沙律既我都覺得依個沙律好好食😂可惜橄欖油多左少少，食到底較油膩Ultimate burger由牛腩肉整成既burger，非常鬆軟！醬汁同埋牛肉配合得非常好，加上芝士同番茄，味道更加有層次感！flat iron steak固定五成熟,, 對我黎講唔會太生, 但又鎖得住肉味, 夠晒juicy又唔會太, 啱啱好!😋😋店員介紹果時講佢係用紅酒bla bla bla煮, 老實講唔太食得出佢既醬汁, 反而係少少鹽吊出黎既鮮味更加突出~~甜品係熱情果cheesecake甜中帶酸，芝士唔會漏，味道適中😛而且第一次食熱情果味蛋糕，新鮮感十足！

呢日去到朋友屋企附近嘅大人氣扒房Top Blade Steak Lab。入到去一坐低店員就夾咗一大堆鮮炸薯條落我哋碟到，因為呢度嘅薯條係任添架！雖然係無限量供應，但薯條一樣係用心製作，每條都微暖又脆身，仲帶香草味，唔點茄汁已經好好食。扒房專賣flat iron—成隻牛第二嫰滑嘅部位，但每日都會有一款冇列喺menu上嘅today's special。今次去到嘅special 係嚟自紐西蘭嘅hanger steak（腹肉牛排)。食hanger steak追求嘅係濃濃嘅牛肉香，因為係橫隔膜下嘅肌肉，經常運動所以比較厚實。以炭燒方法烹調嘅hanger steak外層炭香濃陏，外層微焦，但中層富肉汁同油香。牛扒十分厚身，份量十足，令人流晒口水~最多人點嘅就係美國390日谷飼Prime 級Flat Iron，我哋亦揀咗店員推薦嘅medium rare。Flat iron比hanger steak軟嫰得多，比較啱大部份香港人口味。medium rare嘅flat iron肉汁豐富，以鮮磨嘅鹽花同胡椒已經能帶出鮮味。但因為呢個部位脂肪較少，唔似肉眼扒咁重牛味。薯蓉混入牛油，質感軟滑又唔油膩，配埋鮮甜多

我同男朋友都比較鐘意食牛，所以不時會發掘一啲專食牛既餐廳，朋友知道我地好鐘意，而且佢地食過翻尋味，就推介我地去試下。見佢個menu都有好多吾同部位既牛揀，而且佢仲有吾同煮法，啲staff會過嚟推介邊一個係多啲人食，同埋每個選擇都好快咁介紹一下啲煮法同部位，仲會推介翻最好要幾多成熟。個steak set會包咗all you can eat fries，雖然係任食，但佢吾係普通薯條嚟，我地食到有黑松露味，食到吾想停。我地叫咗湯同沙律set，今日個湯係忌廉蘑菇湯，個湯都幾濃味，而且好足料。佢個沙律好足料，有吞拿魚、蕃薯，個汁酸酸地，好開胃。我地叫咗佢個special steak，叫hanger steak，係紐西蘭既牛。塊扒都幾厚身，而且啲肉質都幾淋。仲叫咗Prime flat iron，依個係美國牛，所以就薄身啲，啲肉質會係無咁淋，但都好易入口。兩個扒個薯蓉set dish都好好食。我地加咗兩杯紅酒配翻個牛扒。

是日收工後約咗朋友食晚飯，朋友係牛肉愛好者，俾我搵到呢間位於何文田梭亞道的Top Blade Steak Lab。餐廳距離地鐵站有段距離，想食嘅朋友要預留返時間行去餐廳嚕！八點黎到已經坐滿客人，好受歡迎啊呢度主打Flat Iron Steak，同時都有西班牙豬鞍架，照顧到唔食牛嘅朋友藜麥沙律加自家靚湯同朋友叫咗兩款牛扒，加$48就可以有藜麥沙律同餐湯，沙律除左有沙律菜同藜麥，仲有吞拿魚同炸甜薯塊，足料又健康！是日餐湯係南瓜湯，充滿濃郁又香甜的南瓜味任食薯條店員會定期拎住個大鐵兜來派送新鮮熱辣辣嘅脆炸薯條，薯條係幼身的，加咗黑松露鹽所以帶有陣陣黑松露香氣，好好味呀！重點係任食的美國390日谷飼Prime級平鐵牛扒店員推薦五成熟，係成隻牛第二嫩滑嘅部位，入口特別香軟，脂肪含量低，肉味香濃，帶有肉汁！旁邊嘅烤焗蒜頭超級好食！Skirt Wagyu Beef唔喺menu有嘅Daily Special係Skirt Wagyu Beef，係側腹橫肌牛扒，即係牛嘅橫膈膜外圍，係平時比較少見嘅部位。呢塊較為厚身，牛肉味更濃郁更重！墊底的牛油薯蓉好香滑，充滿牛油同薯仔香，不得了冷壓蘋果伯爵茶飲品揀左呢支