Thre3 Concept

營業中

休息中

又靚又好食仲係屋企附近之前已經食lunch set第一次黎食dinner 先發現原來樣樣野都好好食老闆們 又nicE5個人細食既人嗌左2個小食拼盤由於肚餓關係 德國腸已經被切開 先醒起未影相所以佢原本係原條上既有芝士圈 洋蔥圈 薯角 雞翼 腸腸仲有大蝦卡邦尼再嗌左呢到招牌明太子意粉一個薄餅 佢呢到任部pizza 都係薄底架 好好食!!呢個一定要飲熱帶果茶全部野都好好食 味道又好夾一定會再食 而且又唔貴 係一間好吸引既街方西餐店

週日難得可以瞓晏d，不過一起身食飯又唔係好慣，但茶餐廳又到午市，點算呢～食個All day breakfast都唔錯老闆娘早餐美國早晨早餐雜菌炒得好香，廚師好有心機，在薯餅上劃咗個笑哈哈，唔知茄汁係咪廚師挑選過，比平時在其他地方食嘅較甜。週日顧客較多，所以上菜時間約等了20分鐘，但都係值得。再嘆杯榛子咖啡，為今日帶來一個美好又美味嘅開始。偶然放縱一下，食個重量All day breakfast ，食完……聽日要運動一下。

一個悠閒的星期天，到屯門探望完同僚初生的小寶寶，剛巧老友在同區完成跑步訓練，就隨意相約了午膳，來一個慢活的下午！沿藍地輕鐵站過來大街只需兩分鐘，甫經過店面就看到有點像異國 Cafe 小店的感覺，令人回味剛剛冰島的遊歷旅程，二話不說我們就選了這間店。店舖並沒有很大，但由間隔排位、食物擺碟、選用食材…完全感受到這小店的誠意，拿著餐牌就用靈感來點了菜。大蝦卡邦尼意粉 新鮮大蝦經過烤焗後多了一份烘香味道，肉質保持爽口彈牙！澆上豐富的芝士粉，使原來被芝士汁淹蓋的意粉增加另一種層次感，芝味濃郁。這樣合理的價錢卻弄出個大師級水準來！鮮蝦大大隻，賣相吸引，味道就更不用說！大叔炸雞漢堡點這個漢堡時完全是因為被"他"的名字吸引，品嚐過後卻是因"他"的味道着迷！大叔的雞扒是用雞腿部份製作，所以做到肉嫰多汁！炸洋蔥圈的脆身、厚蕃茄片的質感、加上芥末沙律醬的獨特味道，整個漢堡的搭配只能用「完美」來描述！把「大叔」輕輕一按，澎湃的肉汁就出來了，這個大叔是多麼的性感呢！喇唦海鮮比薩從來 Pizza 只會用什麼蕃茄醬、千島醬，比較特別的也只有用芝士入醬，再好吃都會有厭膩的一天。那麼，喇唦醬又可否給你一個口感新的衝擊？

一睇地點就知呢間係「真。隱世」藍地大街其實好細，所以佢汰弱留強既力量都好大，呢間野用市區中價位都留得住係到就知佢非等閒之輩！今次同男朋友黎一人一份lunch set我好悶咁叫左白汁闊條面超多芝士！但又唔會太「漏」！佢就以嘗試精神叫左喇沙天使面一上檯就聞到超香！食落都好有喇沙味，又唔會太辣，值得一試！ 眼闊肚窄既港女仲點左薯角脆卜卜 巧巧味最後仲嗌左兩杯野飲，色彩繽紛，見到都開心！小店係要多多支持既，希望佢地可以繼續💪🏼

第一次黎到食左個明太子天使麵已經覺得好好味味道啱啱好👍🏻👍🏻每次黎到都會想食😋😋😋仲有芝牛堡新鮮大蕃茄再加上牛肉仲有肉汁漏緊😍😍不得了！lunch & dinner 有時不自覺都會諗起🤤🤤🤤有時喜歡左一樣野真係會返唔到轉頭🤩🤩

傳聞中話藍地既cafe味道都唔錯，就同屋企人黎試試，原來所言非虛😋炸魚手指外皮炸得香脆，沒有魚腥味韓式阿豬媽辣炒意粉即是泡菜炒意粉，對於少食辣野既我黎講，味道真的有點辣，但這個韓意配搭味道很香很惹味明太子忌廉天使麵我記得第一次食明太子意粉係Apple Green，雖然呢度用左麵身較幼既天使麵，口感略微不足，但明太子忌廉味道很不錯大叔炸雞漢堡看似平凡的漢堡包，有驚喜（被家人推舉爲味道最佳），炸雞內雞肉juicy，又不會太油，配上自家蜜糖芥末醬，正蜂蜜梳打特別一提，呢度既凍飲，飲到尾味道都無變淡的餐廳雖小，坐位可能未必舒適，但服務態度同食品亦見用心，整體食品味道亦幾好，值得再光顧

難得休閒的一個星期天去家附近覓食有間開左好耐 想食好耐既餐廳 親呢一日休閒d 就過去食下先佢係漢堡薯條或者意粉為主我地2個嗌左2個lunch set 都食唔晒 好浪費嗌埋個咖啡慢慢坐 食下野 傾下計 呢間小店又唔會趕人走 都幾舒服 當然我地都唔係真係坐左好耐 都唔會太影響人地做生意既個漢堡 如果要同出面貴既比較佢個肉料同味道仲差少少 不過薯條就好好食 不過整體黎講都唔差跟住果個海鮮pizza 超足料好食 不過食完感覺好熱氣如果再多少少汁係炸物上面會更好係屋企附近好食既餐廳

搵食搵到黎藍地大街，經朋友推介之下隔泄都要黎食好西呀外表似村屋咁，行過都好易miss左既餐廳一d都唔起眼。室內裝修行工業風，擺設係車仔或玩具，簡約為主。平時新加坡喇沙就食得多啫，喇沙海鮮天使麵就第一次聽，熱辣辣上檯，蝦、魷魚圈、豆腐卜、蟹柳配料充足，味道都幾濃，同天使麵同幾夾呀，驚喜之選牛肉芝士漢堡，牛肉厚，足料又juice ，有誠意！日式照燒雞pizza 有大量紫菜同沙律醬，食落似食緊大板燒咁，都幾好味但略嫌雞肉粒既份量不太多，分佈得唔夠均勻！草莓梳打甜甜酸酸咁，仲有鮮草莓粒粒，好開胃！

依間餐廳黎過幾次，印象都好好，小店得22個位 （如果我冇數錯），夜晚七點半左右就會full晒，間唔中都會有新菜推出，最愛食雞翼三重奏既玫瑰味雞翼。可惜今次再食，食物質素差左好多！先講我今次冇叫既三色雞翼，以前用木板上，六隻雞翼加啲沙律菜伴碟，未食都覺得吸引，今次黎到見到隔離枱食，轉左用個好似人地裝前菜既三格碟，唔再吸睛 ，仲有啲肉酸既感覺，哈哈！之前黎都係食pizza，pasta, snack, 今次諗住食下啲未食過既，點知個all day breakfast好伏，蛋無味，菇無味，腸仔煙肉蕃茄多士茄汁豆普通（依啲唔使調味既，好難難食），成碟最好食係兩粒薯塊，不過好細粒，一口一啖！依個係新出既burger材料有生菜，蕃茄，炸雞，蜜糖芥末醬，洋蔥圈，可惜都是伏，包皮好乾好硬， 蜜糖芥末醬冇蜜糖味好辣灰色嘅巨峰沙冰，點解會係灰色嘅呢甜度啱啱好，係個顏色奇怪啲

藍地大街……對不認識的人來說，一定回想起廟寺，又或是中菜酒樓，愛行山的必言想起藍地水塘，但未必有人知藍地大中，有間西式小店餐廳門外望進店內，簡約的裝潢，一一黃黃燈泡餐牌很簡潔，一頁紙寫上餐廳各度小食、意粉、比薩等食品。點選了香腸拿破崙意粉及喇沙海鮮比薩意粉煙韌，茄汁味濃，有不同的香菰粒作為配料，加上少少溫室豆苗，令吃意粉時帶點清新。香腸帶有香草味，口感偏腍。喇沙海鮮比薩，對我來說喇沙與湯米是好友，但換上搭配比薩感覺新奇豆卜燒得皮脆，海鮮主要是蝦及蟹柳，比薩薄餅、豆卜的脆，與蟹柳、芝士的滑做造成對比。喇沙醬帶微微幸辣，醬汁偏咸，如咸味淡一點會更好。餐牌原寫上比薩要等15-20分鐘，但等了30分鐘仍未到，後來店員替我們跟進才遞上。當日入坐約9成半坐滿，未知是否太忙令比薩遲了。整體服務不錯，食品價錢算中等，餐廳應未有收取加一服務費。藍地大街小村內的西式餐廳，帶給我慢活的感覺

很驚喜，這餐廳之食物製作快， 等一會已馬上奉上， 食得出的新鮮熱辣。最重要，是每一道菜也很美味，高質素， 跟那些連鎖式西餐廳真的冇得比。心想如這餐廳跟那些在大商場的Ruby, pizza hut 等等比， 佢地一定失晒色。香港總是這樣， 好味的餐廳永遠不會在人流多之處，人流多的商場永遠是連鎖之質素次一等的餐廳。而且店員服務十分有禮，笑容可掬。 廚師們看到都是年青人， 年紀輕輕廚藝已如斯了得，很值得鼓勵，支持。今晚和女友的這次晚飯十分滿足。

之前已經想同朋友試 不過朋友們想鋸扒就行左去前面食Lam Tei Grill今次終於去到呢個雞翼有3種味 每個味有2隻辣味 檸檬味 玫瑰味每個味都唔錯呢個芝心圈 必叫！一咬落去已經愛上海膽黑松露忌廉長通粉還好 不過份量比較少如果係多人用餐 或者較大食嘅人 叫1個未必夠食幸好今次2個人食 都ok維也納鮮奶咖啡 唔太甜 好有咖啡味另外因爲慶祝生日 買左個蛋糕店員幫你雪落雪櫃食嗰陣仲幫你點蠟燭 放落佢地嘅碟到拎出黎好細心 好好總括 呢間餐廳唔錯雖然餐牌款式唔多 但以小店黎講 我覺得已經好好而且環境好舒服 位置亦都唔算好偏僻有機會一定會再黎！

最近知道藍地新開一間cafe, 趁著和老公一齊放假，重回之前住既地方high tea。環境整潔，略嫌地方比較小，只有4-5張檯客人。建議平日去較好，假期太多人。我們order了一個漢堡包set和店主推介的明太子天使麵。*天使麵口感不錯，軟硬適中，忌廉汁很Creamy，但不會太咸，加上明太子是一個不錯的配搭。老公想轉意粉，餐廳女侍應窩心提示如果轉意粉就無咁好食，建議我們試下天使麵，效果比預期中好。*漢堡包很足料，有牛肉，芝士，洋蔥，蕃茄，生菜，另外加上蛋，賣相很好。價錢和味道都合理。另外叫了一杯玫瑰鮮奶Latte和薰衣草花茶。咖啡試的拉花好靚。餐廳4:30pm落場，老闆無趕我地走，可以繼續坐，享受下寧靜，好有人情味。如果放假的話，可以入來一試。

最愛芝牛堡，每兩星期就想食一次😋😋😋仲有黑松露意粉，卡幫尼意粉，pizza 等等都非常有水準！住屯門元朗嘅真係值得一試！唯一係帶小朋友就需要自備加高凳仔會好啲！

第二次來到這間餐廳，平日晩上都坐無虛席，但很快入座。雖然只有a la carte, 但價錢卻不算昂貴，試過兩款沙律，三式雞翼，炸薯，小食拼盤，卡邦尼意粉，黑松露海膽長通粉及至尊薄餅，全部都很好味，值得再來