Thre3 Concept

營業中

休息中

真係少d眼力都見佢唔到😂差d就錯過左秘密花園水果茶$68田園沙律$42黑醋既沙津，酸酸地非常開胃，仲有少量脆口既麵包粒，前菜一流。雞翼三重奏$56最特別係個玫瑰雞翼，好香既玫瑰味配埋蜜糖好香口好好食，又唔會焗到好乾，雞翼迷一定要食。千島海鮮薄餅$98呢個一般般，上面d海鮮同pizza好似分開咁。燒烤醬焗豬肋骨（半份）$98好鬆軟好入味又夠淋，無牙都食到。大蝦卡邦尼意粉$88明太子忌廉天使麵$68裡面勁多明太子待應好好人好nice每樣野食上枱都係熱辣辣環境都ok唔會好逼，但張枱細左小小，黎到第三個餸張枱已經開始唔夠位擺，再上其他野食既時間就環趕住食埋之前既野先有位擺，搞到成件事有d急。

已經去過幾次, 雖然店舖細小, 但尚算舒適, 老闆年青有為, 出品的食物, 有賣相之餘,味道亦有驚喜!服務態度也一流, 老闆推介有明太子意粉(但我未食到^.^) 仲有價錢唔係貴既海膽黑松露長通粉,好味!!!!絕對值得光顧的食店!!!! 推介 仲有仲有, 價錢相宜呀!!!!!

去開藍地睇村屋，見有間無明顯招排好低調嘅餐廳，價錢唔太貴，試試佢！環境舒適relax,啱哂放假淨係想輕輕鬆鬆食訓痾嘅我們😂兩個人食左4樣野：大蝦卡邦尼、芝牛堡、炸魚手指、雞奕三重奏。大蝦卡邦尼好好食，三隻大蝦好彈牙，意粉足料，有很多我最愛的菇，又唔會太咸👍🏻👍🏻👍🏻芝牛堡足料，牛肉厚，番茄甜，個包仲脆脆地，廚師細心切開左兩邊先上菜，唔洗我地咁論盡切到兇案現場咁😂而薯角我只食左一小粒🙈因為其實爛緊聲，所以對面那位大條道理清哂😂炸魚手指超脆超熱！快餐店嘅炸魚柳拍馬都追唔上，而驚喜係隔雜堆菜！好味！食哂😂雞奕三重奏，好好食！店員提醒要先食檸檬同玫瑰雞奕，最後先食濃味水牛城！👍🏻👍🏻👍🏻三種都好好食，外面好脆但脆得黎唔會好似「call我」嗰種炸雞咁junk,雞肉亦十分嫩滑juicy ，very god!熱朱古力，因為我「痰越濃，越會化不開..」所以問下可否少甜，點知真係得👍🏻仲有隻小熊😍其實仲有杯mocha 沙冰，無影到🙈整體表現滿意，不過今日假期無set 叫，我諗平時啲set會抵啲😂下次會再去！

中秋節翌日諗緊去邊度食野之際，就醒起樓下新開左間裝修唔錯既西餐廳🍷，所以舉家就打算去做下白老鼠喇🐭可以用一個字形容：好正！食物非常不錯 下次一定會再來 大家都來試下啦 希望遲下唔洗等位 : )

喺藍地新開嘅餐廳度食到咁有質素嘅食物，希望可以一直保持尤其個炸芝士，回味無窮全日早餐個黑松露炒蛋好香，不過可以再滑啲另外仲有個大蝦卡邦尼，醬汁調得好味<無影>狂炸海鮮拼盤就正常一般

早幾日經過見到新開試業中~今日約埋幾個朋友黎試入到去個環境吾錯，感覺好舒服，友人話連個厠所都好正話好鍾意入面個香薰味…老闆娘就話因為佢自己都好怕係出面食野d洗手間好臭所以特別加左個香薰……好細心丫野食方面~我地四個胃~食左8樣野!樣樣都好竟然少少都冇食淨好厲害!

同老公兩個放假 見附近有餐廳新開張試業，即刻去試下！原來平日下晝有lunch set! 一個餐幾十蚊包沙律同野飲好抵！ 最surprise 係叫左杯熱情果紅茶 唔駛加錢之外 杯野飲入面仲有爆珠！我地兩個叫左個漢堡同長通粉 兩樣都好好味 個漢堡切開 啲蛋汁流晒出黎 睇番相又好想去食！見個menu 有 All day breakfast! 下次放假再同老公去試