The Steakhaus

營業中

休息中

橙黃色懷舊西餐廳值得一試！店內風格好適合時下喜歡儀式感、講求氣氛的香港人ఌ 餐廳常滿座，記得要預約呀❣︎🎈安格斯prime有骨肉眼 $25815oz的有骨肉眼牛扒份量十足雖然無得揀幾成熟但熟度剛好肉質鮮嫩不見血♡︎且飄散著牛油蒜香味只是味道略偏鹹ʕ •́؈•̀ ₎🎈香草羊架 $98/3支羊架香而不羶，有驚喜肉質粉嫩略偏肥配搭脆炸薄荷葉還有酸甜的薄荷啫喱味道層次更豐富！🎈西瓜柑橘手工啤酒 $48水果味手工啤酒少見Alc. 有4.5%果香清甜幾好飲～

我晚市去，成個場得兩枱人，我同朋友兩個人，另一枱已經嚟咗野食，我地叫左一份扒一份意粉，全部嘢足足等左1個鐘!!!!店員一句sorry都無，仲話係要咁耐，在場有三個店員，可唔可以解釋點解煮兩碟餸要一個鐘？貼扒嚟到重要唔係完整一塊，係幾片肉片，我敢講一定唔足秤！仲要我地肉片食到一半，女店員先好尷尬咁送個配菜嚟話係同個「扒」一齊食，上餐次序同說明呢？道歉呢？依間餐廳真係真係好_離譜，如果我唔係電話無電，我一定影相拍片！因為依個經歷太難忘！

下班和King 姐放鬆聚一聚，飲杯酒精飲料，解放一身疲勞。太子The Steakhaus 地方舒服，乾淨衛生，價錢合理大眾化，人均消費$270左右。豬仔骨(4支骨) 配沙律菜 $100加焗蒜豬仔骨好食，炮製時間得宜，肉嫩多汁。烹調味道惹味可口。加配的焗蒜，軟香味濃，香氣撲鼻。沙律菜都新鮮翠綠，醬汁微酸，開胃醒神。香草羊架 (3支骨) 配脆薄荷葉 $110加焗蒜薄荷葉炸到如紫菜般香口，薄脆如紙。香草羊架有微粉色狀態，剛熟肉嫩。肥瘦得宜，不臊不腥，多食幾支都可以，哈哈。水牛芝士番茄羅勒闊條麵$108價錢合理，麵條彈性可口，咬感佳。醬汁偏多，每條麵都被醬汁包裹着，濃香茄味。士拉差雞翼$48脆感雞翼，頗辣，但肉嫩可口，外皮如硬脆薯片般香口，加沾調味醬，風味更佳。朱古力(凍)$38冰凍解渴，香濃稠滑。CockiailAmaro Santoni Roxxane $78偏甜的味道，陣陣草莓香，少女氣息的酒精飲品。配着豬仔骨、羊架、士拉差雞翼等肉類一起食，好味滿意。

復古風餐廳🤩性價比高，食物質素都好高😋只要仼何Main就可以加唔同配搭，e.g 檸檬鹹蛋黃、煎扇貝、奶油蒜蓉蝦等等，我就揀左配龍蝦🤤然後杯Baileys我好中意，因為好有黑糖奶茶味，我中意甜😂下次試埋其他野食😉黑毛豬鞍架 配火腿脆片+芝士龍蝦 $264，煎到岩岩好+龍蝦不得了無花果火腿披薩 $128，好多料好好味青瓜牛油果沙律 $88，有少少辣，食唔到辣可叫其他玉桂賣蘋果綠茶 $48Baileys Black Sugar Milk $78

一坐底就話用餐時間90分鐘我地即刻落野食7:36已經落單完成 叫左 黑松露薯條 黑毛豬鞍架有骨肉眼兩個甜品8:15 先到個薯條 仲要係零技巧 連個醬都懶得較 就咁蛋黃醬加啲黑松露油就上枱！其他就評論唔到啦！因為90分鐘都未見到其他野食上！仲要成90分鐘先通知我地其中一個餸冇要同我地改 我地真係黑人問號？？？即係坐左90分鐘先開始處理我地張單呀？？？最後嬲到叫佢幫我地取消哂佢！即刻比錢走！現場所見 每枱都係等左好長時間都冇野食！有啲連薯條都未上到！！要催要問先話跟下！！ 其實staff態度唔算差 不過真係唔好問整野飲個位同事野呀😊 除左野飲之外咩都唔做唔理 入門口見到佢同佢講訂左位 黑口黑面態度差西住講：你同帶位同事講！好心唔識開餐廳就唔好開！成間餐廳同廚房根本零配合！野食又唔特別好食冇誠意！仲好意思學人set用餐時間😂😂 你90分鐘出得齊野食先再學人講用餐時間啦😂

位於太子道西一間高質酒吧西餐廳—The Steakhaus，餐廳裝修行懷舊型格扒房路線，整體氛圍充滿格調，同時令客人坐得舒服自在🥃 餐廳食物質素相當唔錯，而且CP好高，價錢合理，所以繁忙時段吸引到唔少客人到訪。推介食物黑毛豬鞍架加奶油蒜蓉蝦，肉質鮮嫩多汁，煎得岩岩好；滿滿蜆肉蝴蝶粉，蝴蝶粉咬落彈牙醬汁creamy，配上滿滿既蜆肉，令人食慾大增🍴 而餐廳除了一系列特色飲品，仲有手工啤酒，以唔同水果味為主題，容易入口又好味🍻 整體表現都好出色，係值得到訪既特色餐廳💫

約左幾個朋友喺太子食飯，想鋸下扒，就搵左間The Steakhaus試下，好似係得一間，無其他分店。入到去，舖面裝潢係以簡單舒服為主，我地4個人坐梳化位可以慢慢食慢慢傾😊Menu選擇種類都算唔少，有小食、扒類、意粉、Pizza、甜品。而且款式都幾特別，唔係一般餐廳嘅Menu👍🏻可惜有少量款式售罄，食唔到🙈小食叫左士拉差雞翼，微辣炸雞翼配味似沙律醬嘅sauce，好惹味😋黑松露芝士薯條，我地都鍾意食粗嘅薯條，配香口嘅黑松露，好快就比我地清晒🤣主菜叫左3支羊架配薄荷葉，肥美嘅膏位真係好香羊羶味，配埋脆到好似紙菜嘅薄荷葉，可以解下油膩😋仲有安格斯Prime有骨肉眼扒，啖啖肉之餘肉汁又多，滿足晒朋友想食扒嘅慾望☺️仲有重芝士嘅Pizza同埋好多蜆肉嘅蝴蝶粉，真係睇得出店主嘅認真同誠意☺️飲品我叫左杯Cocktail，Baileys Black Sugar Milk，首先個杯兩個波咁幾得意😂然後未攪勻黑糖之前嗰種花紋都幾靚，加上我鍾意嘅Bailey，整體可以打卡之餘又好飲😋

小店開揚簡約設計獨特呈現出率性隨意感讓食客邊歎邊回味，每款以手機下單剔選愛嗜位置就腳氣氛熱鬧配上美酒和小食慢煮熟成滋味美食添上豐厚人情味，保持食材魅力、口感作為家庭聚會及重要約會的餐廳「香草羊架」醃料鹹香入味羊肉脂肪比例平均，軟腍外層嫩滑吃起來唔擔心羊騷味「蜆肉蝴蝶粉」蜆肉天然鮮甜質感細膩用上忌廉汁Creamy入曬味有嚼頭集合於一身「黑松露和帕瑪森起司炸薯條」啖啖厚度增強口感，入口香脆可口拼上黑松露和沙律醬味道特別「士拉差雞翼」炸粉紮實炸至金黃，半焦香讓每舊剛好滋味感吃不停「提拉米蘇」傳統軟身像布甸意式甜點以冧酒高基酒帶咖啡口味，一層一層即溶幼滑不斷飲埋「Baileys black sugar milk」真係無得輸

牛扒好味嘅、煮得啱啱好！但地方…一坐低有一粒蝨跌咗落我手上，拍死佢再去廁所洗手，洗手冇鹼液！再坐低，個侍應係咁喺我後邊咳 打乞嗤…可能鼻敏感盡快食，半個鐘 即走人😅

見到openrice 有咁多好評，諗住今晚happy Friday同朋友食餐好嘅，點知食到嬲嬲地，真係要俾人生第一篇openrice差評。到底係我唔好彩，定間餐廳變左？唔滿意地方：1. 鐵板油泡安格斯牛柳13oz 配烤大蒜，由落單到上菜，中間搵店員跟跟張單3次，前後等左成個鐘有多先有（19:59-21:14），期間店員完全無同我地講發生咩事，我地唔再問佢都唔打算覆我。講返塊牛柳，好一般，有塊鐵板淋啲熱油係面，同自己係屋企煮都無乜分別。2. 無花果火腿披薩，都係要店員跟單先有。食落好一般，啲toppings同塊pizza 係無痴實，一拎起就跌，懷疑係咪之後加工（我唔清楚）。切又切到古古怪怪，一塊大一塊細咁。好彩上菜仲熱熱地。3. 員工服務態度真係有好大改善空間，今晚俾我嘅感覺係俾錢買難受。自問已經有禮貌地叫店員幫手跟單，唔明點解可以無回覆，正常睇完個廚房係咪應該同個客講返仲有幾耐到？有咩困難上唔到菜可以講，而唔係由得個客乾等成個鐘。店員最後有道歉，有解釋廚房問題搞到遲左，但佢嘅解釋對我來講都遲左。店員想送兩枝野飲俾我地做補償，我地拒絕左，原因係我地唔係想R著素，亦都唔想飲野。佢後尾又拎左

呢間餐廳走80年代懷舊裝修風格，以橙黃色調燈光製造浪漫氣氛🌅主打性價比高嘅西餐🍴💗安格斯Prime 牛肩胛扒7oz 配烤大蒜（$98）牛肩胛扒大約煎至五成熟，肉質軟嫩Juicy🥩散發牛油蒜香味，配上原個焗蒜已經非常惹味🧄💗安格斯Prime有骨肉眼 15oz 配沙律（$258）帶骨肉眼非常大塊，固定咗七成熟左右，外表煎得較焦香，肉味較濃而且肉汁較多🥩搭配清新爽口嘅黑醋沙律🥗

This Western-style restaurant offers a diverse and delicious selection of dishes. 💕Highly recommended is their Angus ribeye steak with roasted garlic, the beef has an excellent texture and is complemented perfectly by the aromatic roasted garlic. 🥩🥩🐷Additionally, the black pork saddle with cheese lobster is exquisitely prepared, and the combination of pork and lobster is truly stunning. 🦞🦞Moreover, the refreshing cucumber avocado salad pairs well with the black truffle fries. To cool off, try th

呢晚同朋友嚟咗太子附近搵食😆發現咗呢間隱世平民扒房🥩裝修行懷舊Vintage路線，有80年代嘅感覺😗重點係性價比好高，最低$98就食到安格斯牛肉🤯‼️🌟安格斯Prime有骨肉眼 15oz $258肉眼好厚同好大塊！所有牛扒都有固定生熟度，上枱大概都有七八成熟😳肉味較濃郁，不過肉質就偏乾少少～🌟安格斯Prime西冷 8oz $118( +檸檬鹹蛋黃 $15)西冷肉味反而冇咁重，但就做得比較嫩，而且油脂比較豐富😗另外加咗檸檬鹹蛋黃，鹹蛋黃上加埋牛扒一齊食好邪惡😈🌟松露奶油 $20另外見到餐廳有原條雪茄形狀嘅松露奶油可以加🤣覺得好型！將松露牛油搽喺牛扒上面，另外一啖肉食起上嚟都有淡淡嘅松露味，可以值得一試🥰🌟奶油蒜蓉蝦🍤 $58其實個人反而最鍾意呢個奶油蒜蓉蝦🤣🩷蝦肉好彈牙爽口，而且係沾滿咗奶油蒜蓉醬汁！😋醬汁辣辣地又好creamy，食落超惹味～

放工一心諗住去太子食水餃，但係去到門店，見到長長的人龍，便立刻打退堂鼓！上OpenRice睇吓附近有什麼好食。搵到呢間新開無耐的西餐廳，因為名字頗得意，所以決定一試！餐牌選擇不算多，但頗有特色，跟著隔離枱，點了幾樣招牌。安格斯prime西冷西冷比較薄，但肉質算不錯，跟的烤大蒜好腍，額外配了奧斯卡（螃蟹和蘆筍），令單調的牛扒多了配菜！檸檬鹹蛋黃醬很有新意，擺脫了紅酒汁黑椒汁的影子，令普通一塊扒，平凡中又有點不平凡。滿滿蜆肉蝴蝶粉這個作為鎮店招牌一點也不為過！首先是正常份量下，蝴蝶粉和大蜆也很多。原本還想要雙倍蜆，其實不需要了。大蜆很鮮甜，蝴蝶粉配合買Creamy的醬汁，簡直太好味！蟹膏蟹餅好足料的一件蟹餅，入面是滿滿的蟹肉，點上伴碟的蟹膏，蟹鮮味更突出。最特別是伴有桂花，有陣陣桂花香。黑松露芝士薯條新鮮即炸的厚切薯條，上面堆滿芝士碎，配松露醬就是最佳配風味。Baileys black sugar milk 食薯條飲baileys可以解熱氣我是真的信了！奶香加上淡酒香，入口香濃。Tiramisu咖啡酒沾滿了餅乾，小小一件，咖啡味非常突出，加上半溶的cream，質感濕潤，是必食的item！

早兩天發現一間不太起眼優質西餐廳，環境有點像一些歐洲的簡單小店，很適合情侶或三五知己相聚。香草羊架配烤蒜，三大塊羊架，份量都幾足，肉質相當嫩滑，入口甘香，配合炸脆了的薄荷葉一齊食更正，烤蒜亦很惹味。安格斯牛肩胛扒，雖然是7安士，但都有好幾塊，切開呈現淡粉紅色，見到就想食，肉質軟滑得來有口感，比一些知名的扒房更美味。奶油蒜蓉蝦，沒想到份量是那麼多，只是58元，超抵食，感覺好creamy，味道不錯，蝦肉十分爽口，而且都幾大隻。薯條好好味，相當酥脆，入口甘甜，與馬鈴薯條完全不同，好味好多，38元超抵食，一定要試下。西班牙油炸鬼，個名幾有趣，有點像外國的肉桂脆條，非常脆口，還配上椰子雪糕，加點雪糕一齊食，相當不錯，是一個幾特別的甜品。草莓cocktail ，顏色夠吸引，淡淡粉紅，有一種浪漫的感覺，酒味不會太濃，淡淡的草莓味，幾有特色。滿滿蜆肉蝴蝶粉，很多蜆，一點沙都沒有，蜆肉鮮味，配合醬汁味道很好，蝴蝶粉亦彈牙，不會太軟身。