The Platter (悦品度假酒店‧屯門)

營業中

休息中

今日帶咗阿女同婆婆去呢間酒店餐廳食半自助餐 亦知道呢間餐廳做緊八折成間酒店以火車做主題勁多打卡位最特別係餐廳入面有一架火車車廂嘅座位佢地下午半自助套餐有牛扒牛肋骨爐魚同意粉最後我地揀左爐魚同牛肋骨配飯另外仲有自助沙律同甜品飲品供應而且仲有high chair坐 方便好多點都估唔到幾分鐘之後就送到睇落去個爐魚賣相唔錯 只係份量比較少味道如果再濃啲會更加好牛肋骨質地都算淋身同好入味我覺得配白飯都唔錯最後出去拎左啲沙律啲生菜都幾fresh比我發現有三款味既Haagen Dazs有朱古力雲呢拿同咖啡味三款我都食曬超級飽呢間餐廳算係親子好去處👍👍👍

平時日忙夜忙，好不容易放假休息，是時候放鬆下自己， Bodhi Herbal Spa於今個秋季9月至11月，推出升級版「BUFFET & SPA」，只需$599可於屯門悅品度假酒店Hotel COZi Resort享用自助餐兼嘆泰式Spa，喚醒感官的喜悅，獲得煩囂都市裡的片刻恬靜。酒店以火車作設計主題，就連升降機大堂入口也是火車站設計，充滿玩味童心。水療中心Bodhi Herbal Spa Centre位於酒店內4樓，帶來專業的香薰精油服務及高級而地道的泰式Spa護理體驗。房間充滿空間感，裝潢雅致，散發泰式的異國韻味。環境衛生潔淨，氣氛寧靜，燈光柔和，令人在舒暢放鬆的心情下享受SPA。SPA全都用上Bodhi自家品牌出品，絕對有質素保証，不怕會用到不明來歷的產品。60分鐘泰式舒壓香薰按摩由泰國技師主理，以泰國傳統正宗按摩手法，柔中帶剛，替繃緊的肌肉逐吋放鬆。配合Bodhi 獨特的 Siamese Therapy 泰國療法舒壓水療秘方，以檸檬草搭配溫和的薰衣草，一聞香氣疲倦全消。泰國按摩師手勢到位又夠力，非常舒服，按完之後就覺得一身鬆。護理完成後，可以到更衣室享用蒸氣浴及淋浴，或使用健身

Semi buffet lunch🍽屯門市中心附近沒有什麼餐廳可食自助餐🤔而呢間餐廳雖然鄰近vcity，但始終位於工廠區在工廠區沒什麼好餐廳來說餐廳裝潢、價錢又親民想與寶寶兩個人靜靜地👫遠離塵囂，這裡算是不錯的選擇☺️💏我們各自叫了一份lunch✨✨✨✨✨✨✨✨✨✨👇🏻美式香辣烤醬燒春雞配香辣薯條 $138👇🏻烤澳洲大磨菇，配野菌黑松露忌水廉飯 $108另外當然仲有沙律吧🥗、水果吧、同甜品吧啦‼️飲品方面有任斟果汁🍹😍😍服務態度仲有進步嘅空間，但不論食物款式、食物味道及質素等各方面評分，都可以再來😙😙😙

環境可以，但食物完全唔得，個半自助餐有等於冇。餐湯完全冇味，選擇又少。個南瓜意大利飯，難食！！失望。唯一可取嘅係牛扒，要做食得落口。 總括而言，這裏只是食環境，同小朋友影相留念算。

上次就去左呢間酒店既附屬餐廳度食左煎三文魚, 但因為太飽所以冇食甜品,於是今次再嚟過, 順便可以試埋其他餐.同樣都係半自助餐形式, 沙律吧同甜品吧嘅嘢食係任食嘅. 今次主餐我就要咗個“ 燒牛西冷配紅酒燒汁 配薯蓉及時蔬” 沙律吧d野食同上次一樣,就唔多講啦.隔咗陣啲嘢就嚟到, 一望就嚇咗跳, 心諗: 乜舊牛扒咁細嚿㗎 好在一切開就發覺原來真係幾厚 仲以為真係食幾啖就冇添, 塊牛扒真係幾正, 師傅煮得啱啱好, 表面係熟,內裏大約7成熟, 正 配埋啲薯蓉分量就啱啱好, 反而個時蔬就有啲搞笑, 就係兩舊西蘭花 不過算,陣間去甜品吧食返夠本先, 雖然睇落甜品好似好少嘢食咁, 但其實全部都幾好味, 我就每款是食一件, 有啲甚至食咗兩件添 細細粒,容易食呀嘛

星期三即興約個Fd ，本身諗住飲茶，佢話不如試新野，屯門有間酒店食半自助午餐，好抵食，好啦，打電話去，已經話訂滿，可以試下walk in 如果有人取消冇出現，就俾位我地，結果，真係有兩個位，可以食啦。（各位如果想食，記得book位。）大堂lobby餐廳入口入閘機設計有架紅色火車卡位座（如想坐聽聞book時要指明）自助飲品有咖啡茶及果汁有熱有凍，後面有兩款熱湯沙律bar 主要係生菜同生菜（不過沙律汁就好多款）仍然是沙律bar（旁邊水果只有兩款，原個蘋果同粒粒哈蜜瓜）幾款甜點自助班戟四款口味哈根大師酒店餐廳唔大，12:10已坐滿人，成間酒店係火車做主題，餐廳係半自助lunch,係叫一個餐，之後餐湯沙律甜品雪糕咖啡茶任食。自助餐區比較小，選擇也不多，但作為前菜甜品又可以任食，而每人只要大約$150,（視乎叫乜，同當日有八折）可以由12:00食到2:30，慢慢坐傾餐飽。我覺得好ok!（不過枱與枱好近，似酒樓比較嘈）我地各自叫份牛扒，都大塊，唔會un 一份五成，一份七成（唔記得影相已切開）總結，這間The Platter 係酒店內，食物算不錯，主菜都好食，甜品同沙律吧款式較少，但這個價錢算扺食啦

夜晚收工經過, 原來屯門工廠區有部分已經改建做酒店,咁當然有酒店就一定有酒店既餐廳啦今次去左悅品度假酒店入面既餐廳 The Platter度食飯,真係大勢所趨,竟然係半自助形式,先揀一個主菜,其餘嘅餐前小食同甜品就係任食果日主菜我就叫左個 香煎挪威三文魚柳伴蘆筍黑松露忌廉汁,塊三文魚無想像中煎得咁燶,只可以話係煎得啱啱好,師傅好掌握到火候而且都算大塊,其實加埋d餐前小食都真係會飽. 同埋餐前既自助沙律吧都幾多選擇,除左一般沙律必要嘅醬汁及配料外,都仲有凍肉供應, 啱曬我呢啲食肉獸埋單先至208加一, 都算幾抵

酒店以鐵路及車站為設計主題一入酒店便迎來一列蒸氣火車對種意車車既男仔份外吸引🚂嚟到點少得去埋火車主題餐廳若果有幸被獲發車廂雅座感覺份外有Privacy㗎佢仲有款兒童餐好過癮的食完 套餐具可以砌返輛火車而佢個buffet又幾啱食肉獸仲有好多小朋友至愛嘅煎炸嘢添佢哋仲有部大受小朋友歡迎嘅自助班戟機 自己整嘅特別好食原先餐廳個開業8折優惠只係做到八月底㗎咋但因為反應熱烈 所以暫時延長想帶小朋友去體驗的就別錯過咯

環境好。但食物質素差差差。食半自助餐。4款主菜。3款無味。雞又鞋、魚又醒、牛又UN,配菜好食過佢。重差過出面茶餐廳，一間酒店出品黎講主菜真係差。但讚下佢冷盤都幾好。有螺頭、青口,整體黎講40分啦。環境方面：地方乾淨，服務員都很好。會主動協助，除冷盆外。有沙律及中西湯、雪糕。麵包任食、全部都比主菜好。建議真的要在主菜方面著手，主菜太差。令人唔想再試第二次。希望可以改進，否則真係唔會有下次。唔會再幫襯。糕場

唔需要試喇，味道完全冇味，沙律算正常，其餘免談⋯⋯食大x樂還好味😕我叫牛排五成，上枱係7成以上，本人食過荃灣個間，完全不同煮法，差好多⋯⋯如果連其本味道都冇，真係冇評語可言⋯⋯係雪糕可以加少許分，其餘🤭

發現西鐵站隔離開左新酒店，一於試下佢間餐廳，原來lunch係semi-buffet, 有自助沙律吧，自助甜品，雪糕🍦仲有中西式湯，咖啡☕️檸茶，果汁任飲, main course 就自己揀。我揀左魚，main course 份量頗細，不過就因為咁，可以食曬佢出面buffet啲野, 由沙律到甜品都無伏，酒店lunch buffet黎講實在太抵食🤤👍🏻 以火車做主題的裝修好靚，好多一家大細帶小朋友黎，午飯時間好嘈，坐到車廂入面卡位會比較舒服😌

最近屯門開咗一間火車酒店,前牌經過間酒店見到佢嘅餐廳開咗。因為都想帶啲小朋友去試吓新野我諗佢哋應該會幾鍾意咁就打去book.我諗都勁多人好似我咁諗所以打去嘅時候其實好多日子都已經full晒..好彩都俾我哋book到基本上間酒店都真係火車做主題。餐廳門口仲有個好似火車入閘嘅物體幾得意。唔知係咪好好彩我哋都被分配到火車卡嘅位置比較特別啲小朋友都勁興奮。我哋叫咗一個大磨菇黑松露risotto我自己又叫咗一個五成熟嘅西冷扒.其實我自己唔係好食黑松露不過我小朋友話想試食物嚟到賣相都幾靚。咩都想試吓所以我都試咗兩啖黑松露risotto點知講真我覺得都幾有驚喜。個risotto有黑松露味不過唔會話太重過左啲白汁未。有少少後悔點解唔帶呢個比自己食我個仔食晒。。不過我個西冷扒都唔差。我自己其實都好鍾意係屋企煎扒但係我覺得佢煎得都唔錯。呢個價錢來講我我覺得都算幾抵食。如果唔係咁難book我諗我應該都會間唔中嚟食下。至於出面有一啲可以自助嘅嘢唔算好多不過呢個價錢what theyou expect?總括嚟講我會返嚟食。😃

朋友話近排屯門有間新酒店﹐想夜晚一齊去試下佢地餐廳既自助餐。 一入到間酒店覺得個設計好特別﹐成個紅色大火車擺左係度可以影下相。之後就上去間餐廳食野喇。估唔到個餐廳都充滿火車既設計﹐入口有d閘機係度,之後仲有d卡位係成個火車廂咁。坐低擺野就齊齊出去拎野食﹐因為我鐘意食燒牛仔肉。所以第一時間見到就拎黎試, 口感十分好﹐食多左幾件﹐牛肉好受歡迎,要排隊等切。刺身都多款揀,不錯。另外都仲有煙三文魚,燒雞,天婦羅，伊面有超多芝士同蝦,好正！早d去仲可以影到完整西班牙飯,一盆超大碟,排得好靚仲有好多海鮮。朋友一見到好多甜品同雪糕好開心話要留肚試哂每一樣,淨係哈根大師雪糕都食左幾轉。另外飲品任飲都幾好,唔似有d酒店得一杯飲品,次次都唔夠飲,想留耐d都唔方便。今日大家都食得好開心﹐有講有笑。野食正﹐個setting又有特色﹐係一個開心既gathering。下次有機會一定再黎試!!

上網見屯門悦品酒店餐廳新開張, 個自助餐又有八折優惠﹐於是襯屋企D小魔怪開始放暑假﹐我地成家就決定星期六晚去幫襯下呢間係2樓既自助餐廳。成間餐廳用火車為主題﹐小魔怪見到好興奮好鍾意,不停叫媽咪幫佢地影相添。餐廳入口乾淨企理,但餐廳唔算好大地方, 之後就被職員安排座低。我就試左個蟲草花杞子燉螺頭雞湯﹐較老火﹐個低有好多雞,睇來都落足料, 唔錯。而主食就有西班牙海鮮炒飯﹐燒牛肉﹐同埋羊架﹐D肉睇落好新鮮﹐肉質都好Juicy。特別係燒羊架﹐一啲都唔騷﹐火喉剛剛好, 肉腍唔韌,值得去試吓。至於沙律同埋壽司就較為普普通通冇乜驚喜喇。另外都有其他野食, 例如豬髀仔﹐熱三文魚及青口等﹐都幾有水準。個超大碟海鮮飯都幾吸引,有D生果﹐仲有好多甜品﹐雪糕仲有haagen dazs, 因為太飽最後只係食左玄米茶雪榚, 有得自己整pancake, 雖然都係按一下就完成, 但可以自己加糖漿醬料, 仔仔貪得意都食左兩塊。價錢就每位三佰幾﹐唔錯吖可以去TRY TRY既~

酒店由3月開張就已經等緊餐廳開,終於6月有得食但大家一定要提早book位.因為真係勁full去到酒店一定要影相.因為都幾多打卡位,放上IG好多人問我邊度影12:15上左餐廳已經好多人,但今次坐唔到火車位,可能要訂時講埋先有..坐低先食海鮮,有蝦同青口,蝦唔算話好大隻,但都幾甜,食多兩隻補數青口不過不失有我鍾意食的ham,仲有幾款唔知叫咩的沙律,都幾好食,但薯仔食兩舊就算,唔係回唔到本食buffet我一定要食刺身,款式未算好多,但幾新鮮,仲有我鍾意的甜蝦,仲有幾款壽式選擇,唔錯燒牛扒幾好食,媽媽見到話唔想食咁生,服務員好好即刻話可以拎入廚房整熟比媽媽,值得一讚熱盤都ok.不過人太多無影到太多相,熱盤久唔久都會轉下款式,但就要多d出去睇下,唔係可能好快比人拎晒甜品唔算話好有特色仲可以自己整pancake細細件再加d糖醬都幾正,不過就好多小朋友排隊玩,要比d耐性….感覺無人地講到咁差.可能因為我唔係頭一批去食.希望過多一個月去食會再有改善同新野食.始終屯門區無咩自助餐,都希望佢地做得好d.以後想食好野都唔洗出去